Hakaroma 11
11
Haisraghelite wa ha thigharire ko
1Munu kukona kwipura eshi: “Nyambi ne mbadi gha mwaghire diko dyendi ndi?” Kadi kemo! Name pano nidi noMuisraghelite. Yame mwanahoka waAbrahamu ghokudira dyaBenyamini. 2Nyambi ne mbadi gha mwagha diko dyendi di gha tororire pakare‐kare. Endi mbadi mwa yidimuka yitjanga yaEliya eshi, ngepi di gha shivanine ye kwaNyambi yokwaWaisragheli: 3Gha ningire eshi: “Fumu awo ha paghire haporofeta ghoye, no ha dhingununine yinyaku yoye. Ho na thighara po pithange keho. Name hana nye shana kunipagha.” 4Enegha mu huthire Nyambi? “Ame na thigha po harume mayovi kwoko no mawadi, awa ha dhiranga kutongamena kughutho waBaal.” 5No dyarero karo kemo dyo yidi eshi: Padi wa hapwire kutorora wa ha thigharapo pathin̂eke thaNyambi. 6Ngeshi yathin̂eke ne, mbadi yopayirughana karo. Yoyishi n̂eke, ngo mbadi sho dhi kare shime n̂eke.
7Kupi yina kutamba yi? Pano eshi: eyi gha shana Isragheli, mbadi gha yi wanine. Shimengwa wa hapwire kutorora wo ha yi wanine. Hamweya gha wa kukutithire. 8Thika di ha yitjanga eshi:
“Nyambi gha wa pire mupepo
ghu wa wapa dikokore:
meho ghokudhira kumonitha
no matwi ghokudhira kuyuvitha,
kate kudyarero dino.”
9NaDavita ghaningire eshi:
“Ninge makuyakunukero ghawo, gha kare kayeye no
mukunyi no thiginditho no mahumbithero.
10Ninge gha ngambwathane meho ghawo, ha dhire kumona,
no kotjeke mighongo dhawo kuroruheya.”
Makomweneno ghawahayidena
11Mepwero ghamweya ne ghano: Mapemukero ghaIsragheli ne ghaninga eshi ha wererera ndi? Kadi kemo! Ene mawero ghawo mo gha tunda makomweneno ghokwawahayidena, mukupaka nya Hajuda. 12Keho ne ngeshi kuwa kwawo kwareta ghutungi pakaye, no mayongarithero ghawo ne ghutungi kwawahayidena. Hangatji wa mbo ha dhira kufiyaghuka, ngeshi wingi waWajuda ne mbadi ha tawa.
13Apa no kuna kughamba nenu me, mwatawi ghomumarudhi ghawahayidena. Thika di na kara nomupostoli wawahayidena, name dyo na kutamba kuthirughana thange. 14Mukuninga eshi ni tende nya kwawange, hamweya ne ni ghamwene ndani. 15Ngeshi ngo hapwa kumwagha mumakushemwethaneno ghokaye. Nye sho yipire po kumatambwero ghawo? Mbadiko thimweya shimengwa kupara.
16Ngeshi thimingwa thomuhaha thapwa kupongwera kwaNyambi. No thokuthigharapo thapwa kupongwera kukwendi. Karo ngeshi midhi dhothitondo kwaNyambi ha dhi pongwera. Nomite nadho karo kwaNyambi ha dhi pongwera. 17Mite dhimwe dhapwa kuyeya, ene we ghuywe wa patama pakatji koghuywe ghumweya. Kemo wa wanine moyo kumite dhokumidhi dhoghuywe ghumweya. 18Yodigho, mbadi wa kona kukununeka kumite dhimweya! No mbadi wa kona kukughayarera eshi, ghothinu we. Owe ne kadi yowe wa menitha midhi, midhi ne dhodhakumenitha.
19Kemo, owe mbo ghuna ningi eshi: “Mite ne dhapwa kuyeya eshi ni kone kupatama mo me.” 20Eyi ne yaghushemwa. Adho ne dhapwa kuyeya yoyishi mbadi dha tawa. Eyi hana kupatekera mo we, yoyishi wa tawa. Ene wa kara dihuna kuyinu yi. Yape Nyambi vene. 21Yoyishi, Nyambi ngeshi ha dhiri kukunga mite, nowe karo mbadi mbo gha kutokomena. 22Kenge keho kughuhunga waNyambi no kunyinya dhendi: Nyinya dhendi kwawapemuki, ghuhunga wendi ne kukoye. Yodigho, pare ne mughuhunga wendi. Maghana sha kuyeye nowe. 23No kukwawo wa ha dhira kutanara mumatawero, nawo mbana pu kurameka. Yoyishi Nyambi gha kara nongcamu dhokuwarameka. 24Ngeshi Nyambi ha kutunditha kughuywe oku wa tunga kare kukona kukuyeya ko, no kukuhokithera kughuywe ghoghuwa. Rungatji mbo gha hokithera Ye kumite dhodhiwa, kuthitondo thenu thothikurukuru.
Mathighukero ghaWaisragheli
25Mwayendhange, pano kughutho ghothithithatero tu di. Gho na haka eshi namwe mu yidimuke yi. Maghana sho mu ghayare eshi namwe mwa dimuka yi mwathinda. Maghukukutu gheyire kumutara ghumweya waIsragheli. No gha dhighamine kate tha rikanyine thitara thokutunda mwawahayidena thingene mughufumu. 26Kemo dyo mbo ghapwa kughamwena Isragheli yomuhe. Dyo yapwa kutjanga eshi:
“Musiyoni, mo mbo gha tunda Mughamweni,
no mbo ghana tunditha ghunyambi ghombango waJakopu.
27No ghundambo ghu mbo na ghunungu nawo Me,
apa mbo ni wa thigherera maharwero ghawo.”
28Yira yokumbudhi dhodhiwa, awo ne hakan̂ore dhaNyambi. Kukwenu ne yihunga yi. Ene pamatorwero ha kara wo hahakwa waNyambi pawakerekandongo. 29Ngeshi ha tapa Nyambi parofotji thin̂eke thendi no kuwetha, mbadi ya kukona kuyihutha karo Ye. 30Pakutanga ne mwahayidena mwa karire. Mwa karire ghuthururu kwaNyambi. Ene po hadi Hajuda mughuthururu, po gha mu fera n̂eke Nyambi. 31Kemo dyo yidi karo kwaWajuda. Yoyishi Nyambi ghana mu fera n̂eke, po hana kukarera ghuthururu wo. 32Ene kuninga yina kuninga eshi, nawo pamweya yina kuhokoka eshi nawo kuwana thin̂eke waheya.
Fuma kwaNyambi
33Owe ghudhungi ghoghutungi no ghunya‐nyami no
ghudimuka waNyambi!
Ngepi ne ghukukutu ghoyipangura yendi,
ngepi ghukukutu ghomayira ghendi ghashimono!
34“Yidye yu gha dimuka yihima yaFumu?
No yidye ngambera dhendi?
35Yidye ghana kumuneghedha thinu,
kate kumupambeka eshi mbo gha thitendurure?”
36Mumwendi no paPendi no kate kuKwendi, ko
yakara yinu yoyihe.
Kukwendi ghufumu kate kuroruheya! Amen.
ទើបបានជ្រើសរើសហើយ៖
Hakaroma 11: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Hakaroma 11
11
Haisraghelite wa ha thigharire ko
1Munu kukona kwipura eshi: “Nyambi ne mbadi gha mwaghire diko dyendi ndi?” Kadi kemo! Name pano nidi noMuisraghelite. Yame mwanahoka waAbrahamu ghokudira dyaBenyamini. 2Nyambi ne mbadi gha mwagha diko dyendi di gha tororire pakare‐kare. Endi mbadi mwa yidimuka yitjanga yaEliya eshi, ngepi di gha shivanine ye kwaNyambi yokwaWaisragheli: 3Gha ningire eshi: “Fumu awo ha paghire haporofeta ghoye, no ha dhingununine yinyaku yoye. Ho na thighara po pithange keho. Name hana nye shana kunipagha.” 4Enegha mu huthire Nyambi? “Ame na thigha po harume mayovi kwoko no mawadi, awa ha dhiranga kutongamena kughutho waBaal.” 5No dyarero karo kemo dyo yidi eshi: Padi wa hapwire kutorora wa ha thigharapo pathin̂eke thaNyambi. 6Ngeshi yathin̂eke ne, mbadi yopayirughana karo. Yoyishi n̂eke, ngo mbadi sho dhi kare shime n̂eke.
7Kupi yina kutamba yi? Pano eshi: eyi gha shana Isragheli, mbadi gha yi wanine. Shimengwa wa hapwire kutorora wo ha yi wanine. Hamweya gha wa kukutithire. 8Thika di ha yitjanga eshi:
“Nyambi gha wa pire mupepo
ghu wa wapa dikokore:
meho ghokudhira kumonitha
no matwi ghokudhira kuyuvitha,
kate kudyarero dino.”
9NaDavita ghaningire eshi:
“Ninge makuyakunukero ghawo, gha kare kayeye no
mukunyi no thiginditho no mahumbithero.
10Ninge gha ngambwathane meho ghawo, ha dhire kumona,
no kotjeke mighongo dhawo kuroruheya.”
Makomweneno ghawahayidena
11Mepwero ghamweya ne ghano: Mapemukero ghaIsragheli ne ghaninga eshi ha wererera ndi? Kadi kemo! Ene mawero ghawo mo gha tunda makomweneno ghokwawahayidena, mukupaka nya Hajuda. 12Keho ne ngeshi kuwa kwawo kwareta ghutungi pakaye, no mayongarithero ghawo ne ghutungi kwawahayidena. Hangatji wa mbo ha dhira kufiyaghuka, ngeshi wingi waWajuda ne mbadi ha tawa.
13Apa no kuna kughamba nenu me, mwatawi ghomumarudhi ghawahayidena. Thika di na kara nomupostoli wawahayidena, name dyo na kutamba kuthirughana thange. 14Mukuninga eshi ni tende nya kwawange, hamweya ne ni ghamwene ndani. 15Ngeshi ngo hapwa kumwagha mumakushemwethaneno ghokaye. Nye sho yipire po kumatambwero ghawo? Mbadiko thimweya shimengwa kupara.
16Ngeshi thimingwa thomuhaha thapwa kupongwera kwaNyambi. No thokuthigharapo thapwa kupongwera kukwendi. Karo ngeshi midhi dhothitondo kwaNyambi ha dhi pongwera. Nomite nadho karo kwaNyambi ha dhi pongwera. 17Mite dhimwe dhapwa kuyeya, ene we ghuywe wa patama pakatji koghuywe ghumweya. Kemo wa wanine moyo kumite dhokumidhi dhoghuywe ghumweya. 18Yodigho, mbadi wa kona kukununeka kumite dhimweya! No mbadi wa kona kukughayarera eshi, ghothinu we. Owe ne kadi yowe wa menitha midhi, midhi ne dhodhakumenitha.
19Kemo, owe mbo ghuna ningi eshi: “Mite ne dhapwa kuyeya eshi ni kone kupatama mo me.” 20Eyi ne yaghushemwa. Adho ne dhapwa kuyeya yoyishi mbadi dha tawa. Eyi hana kupatekera mo we, yoyishi wa tawa. Ene wa kara dihuna kuyinu yi. Yape Nyambi vene. 21Yoyishi, Nyambi ngeshi ha dhiri kukunga mite, nowe karo mbadi mbo gha kutokomena. 22Kenge keho kughuhunga waNyambi no kunyinya dhendi: Nyinya dhendi kwawapemuki, ghuhunga wendi ne kukoye. Yodigho, pare ne mughuhunga wendi. Maghana sha kuyeye nowe. 23No kukwawo wa ha dhira kutanara mumatawero, nawo mbana pu kurameka. Yoyishi Nyambi gha kara nongcamu dhokuwarameka. 24Ngeshi Nyambi ha kutunditha kughuywe oku wa tunga kare kukona kukuyeya ko, no kukuhokithera kughuywe ghoghuwa. Rungatji mbo gha hokithera Ye kumite dhodhiwa, kuthitondo thenu thothikurukuru.
Mathighukero ghaWaisragheli
25Mwayendhange, pano kughutho ghothithithatero tu di. Gho na haka eshi namwe mu yidimuke yi. Maghana sho mu ghayare eshi namwe mwa dimuka yi mwathinda. Maghukukutu gheyire kumutara ghumweya waIsragheli. No gha dhighamine kate tha rikanyine thitara thokutunda mwawahayidena thingene mughufumu. 26Kemo dyo mbo ghapwa kughamwena Isragheli yomuhe. Dyo yapwa kutjanga eshi:
“Musiyoni, mo mbo gha tunda Mughamweni,
no mbo ghana tunditha ghunyambi ghombango waJakopu.
27No ghundambo ghu mbo na ghunungu nawo Me,
apa mbo ni wa thigherera maharwero ghawo.”
28Yira yokumbudhi dhodhiwa, awo ne hakan̂ore dhaNyambi. Kukwenu ne yihunga yi. Ene pamatorwero ha kara wo hahakwa waNyambi pawakerekandongo. 29Ngeshi ha tapa Nyambi parofotji thin̂eke thendi no kuwetha, mbadi ya kukona kuyihutha karo Ye. 30Pakutanga ne mwahayidena mwa karire. Mwa karire ghuthururu kwaNyambi. Ene po hadi Hajuda mughuthururu, po gha mu fera n̂eke Nyambi. 31Kemo dyo yidi karo kwaWajuda. Yoyishi Nyambi ghana mu fera n̂eke, po hana kukarera ghuthururu wo. 32Ene kuninga yina kuninga eshi, nawo pamweya yina kuhokoka eshi nawo kuwana thin̂eke waheya.
Fuma kwaNyambi
33Owe ghudhungi ghoghutungi no ghunya‐nyami no
ghudimuka waNyambi!
Ngepi ne ghukukutu ghoyipangura yendi,
ngepi ghukukutu ghomayira ghendi ghashimono!
34“Yidye yu gha dimuka yihima yaFumu?
No yidye ngambera dhendi?
35Yidye ghana kumuneghedha thinu,
kate kumupambeka eshi mbo gha thitendurure?”
36Mumwendi no paPendi no kate kuKwendi, ko
yakara yinu yoyihe.
Kukwendi ghufumu kate kuroruheya! Amen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986