Yitenda ya Wapostoli 13
13
Matumeno ghaSaghulusi naBarnabasi
1Mumbunga dhawatawi homuAntiyokiya, mwa karire haporofeta nawahongi wano: Barnabasi, Simiyoni oyu ha toyire karo eshi Nigeri, Lusighusi ghoMusirene, Managheni oyu gha kurire pofotji namupanguri Herodesi, naSaghulusi. 2Apa ha kukongwedhire parumweya, mukukarera Fumu no mukudhirera. Gha ningire Mupepo ghoKupongoka eshi: “Mu wa tundithe ko haBarnabasi naSaghulusi, na ha tende thirughana thi na wethera.”
3Eyi dha manine mbunga kudhirera no kurapera, no pa ha manine kuwakambeka nyara, ko kuwathigha ha ka yende.
Barnabasi naSaghulusi hana kuyaghura paSipurusi
4Kemo ha pwire kutuma haBarnabasi naSaghulusi paMupepo. Ko kuyenda kwawo kuSeleghusiya. Kutunda po ko ka piterera kwawo Sipurusi, 5no ha ka kumine muSalamisi. Oku ya, ko ha ka yuvithire n̂ando dhaNyambi mumasinagoge kwaWajuda. Ha tumburire Johannesi kukwawo, gha wa ghamwene.
6Kutunda po, gho ha yendire yirudhi yoyiheya, kate kuPafosi. Ko ha ka wanine Mujuda ghomurodhi, ghodina dyoBarjesusi. Aye gha kutongononine kughutho eshi, muporofeta. 7Gha karire ghushere, nanduna Sergighusi Paghulusi. Murume ghomaghano. Nduna ghethire Barnabasi naSaghulusi. Yoyishi gha hakire kuyuva n̂ando dhaNyambi. 8Ene murodhi Elimasi, thika di ha mu toyire muThihirika, gha wa shwenekire, yoyi gha himine kushinga nduna mukutawa mwaJesusi. 9Keho ne Saghulusi ghoPaghulusi, gha yarire naMupepo ghoKupongoka. Gha mu tongorokerire, 10no kuninga eshi: “Ghoshatani! Shemwa mbo ghuna huru mu kuyereka kupiraghura ghushemwa waFumu! 11Fumu ne tamba gha kuhumbithe. Ghuma kukara ghomukunga, no mbadi mbo mona diyuwa nako dhodhire.”
Popo vene ko kukara yoyihe kukwendi mwirera no dikokore. Ko kupapatera kwendi kokuheya eshi, ngwa n̂anyi ghawane ghokumukoka panyara. 12Nduna gha dhegheterire no gha ndhundhire kuyihonga yaFumu. No apa gha monine eyi yamuhokokerire ko kutawa kwendi.
Paghulusi naBarnabasi muAntiyokiya muPisidiya
13Paghulusi nawakakumutata, ha thekurire thikepa kuPafosi no ha ka kumine kuPerge muPamfiliya. Mo gha ka wa thighire Johannesi, gha huke kuJerusalema. 14Ene ha rundururire ruyendo kutunda kuPerge, kate ka kuma kuAntiyokiya muPisidiya.
Mudiyuwa dyoSabata, ha yendire musinagoge ha ka hungumane. 15Munyima dhoyitoya yomumuragho no yawaporofeta, ko kuwadimukitha hakamuragho ghosinagoge eshi: “Mwayendhetu, ngeshi muna kara non̂ando dhokutjokedha diko, mu ghambe ngenyu.”
16Ko kwimana Paghulusi, gha wa rave nonyara thiwana ghuninga eshi: “Mwaisraghelite, namwe mwa yapa Nyambi, mu tegherere! 17Nyambi ghodiko dino dyaIsragheli, yo gha tororire hakerekandongo wetu, no gha wa tendire diko dyodikuru, apa ha karire yira hanumaghana muEgiptena. Gha wa tundithire mo nodyoko dyendi dyongcamu. 18No gha wa kudhidhimekerire mumamboreya, yira myaka makumi mane. 19Munyima gha tjidhire muKanaghani marudhi kwoko nomawadi, no gha tapire ditunga dyawo kwaWaisragheli. 20Yoyiheya, yi, ya karire ngwa myaka mathere mane nomakumi kwoko.
“Munyima gha pakire hapanguri, ha pangure muditunga kate munako dhamuporofeta Samweli. 21Apa ha himine Haisraghelite fumu, ko kuwapa Nyambi Saghulusi ghomwana Kisi. Ghomukadira dyaBenyamini. Aye gha pangurire myaka makumi mane. 22Eyi gha mu tundithire Nyambi muthirughana thendi, ko kupaka Davita gha kare fumu wawo. Kukwendi gha ningire Nyambi eshi: ‘Na wana Davita ghomwana Isayi. Murume yu gha nitwa kumutjima wange. Yo mbo gha rundurura yiraghura yange.’ 23Mwawanahoka wamurume yu, mo mbo gha tumba Nyambi Jesusi, gha kare mushuturi waWaisragheli, thika di gha yi wa turekerire. 24Kughutho ghomwiyero waJesusi, Johannesi yo ghethire diko dyodihe dyaIsragheli kumapirukero no kudiyoghero. 25Ene pa gha kokerire Johannesi paghuhura ghoyipara yendi, gha ningire eshi: ‘Yame dye muna kunighayara mwe? Ame ne, kadi yame Ye. Mu mone, munyima dhange ghana kwiya. Name temba mbadi na fumana kushutura makuha ghendi.’
26“Mwayendhange, mwanahoka waAbrahamu, namwe mwa yapa Nyambi. Kukwetu gha tuma Nyambi, mbudhi dhino dhomakomweneno. 27HakaJerusalema nawakamiti wawo, mbadi ha dimuka Jesusi. Pakumutetera ndhango, ha yarithire yighamba yawaporofeta, eyi ha toyire mu kehe Sabata. 28Ene, ngambi kenge ha dhirire kuwana thinu thokumupaghitha. Ha kepurire Pilatusi, ha kone kupagha Jesusi. 29Apa ha manine kutenda yoyihe kwaJesusi, thika di yemanine kukwendi mu Yitjanga, ko kumwanbura kwawo kuthikurushe. 30Ene Nyambi gha mu tumunine mwawafu. 31Mumayuwa ghomengi, gha kuhokorire kwawanu wa ha tundire nendi kuGalileya, no ha yendire kuJerusalema. Hanu wa ne wo hashupi wendi kudiko.
32“Atwe tuna kumuyuvitha mbudhi dhodhiwa, edhi gha turekerire Nyambi kwawakerekandongo wetu. 33Ghana dhi rikanyitha kukwetu twanahoka, pakutumuna Jesusi mwawafu. Kemo karo yapwa kutjanga mumupisalemi ghoghuwadi eshi:
‘Yowe Mwanange,
dyarero na kupa moyo.’
34Nyambi gha mu tumunine mwawafu. Yodigho mbadi mbo gha dhongonoka nokamanana temba. Eyi, gha yi ningire noman̂ando ghokuranda ko eshi:
‘Mbo na mu yarithera maturekero ghokupongoka
noghoghushemwa, agha na tongwerire Davita.’
35Yo gha ghamberire karo pamweya eshi:
‘Mbadi mbo thigha mukareri ghoye ghomatjimapero eshi, gha shinyihe.’
36“Ene shemwa Davita, gha fire naye apa gha manine kutenda mughuyumi wendi, eyi gha mu himenine Nyambi. 37Ene yirama yaJesusi mbadi ya shinyihire, Nyambi gha mu tumunine mwawafu.
38“Yodigho mwayendhange, mu dimuke thiwana eyi hana kumuyuvitha. Mathitherero ghomaharwero ne papendi mwa gha wana. 39No keheyu ghokutawa, papendi gha wana mashutukero ghokumaharwero ghomahe. Muragho waMosesi, mbadi mwa kona kughushutura. 40Mu koneke ne keho, eshi, eyi ha ningire haporofeta, mbadi ya kona kuhokoka kukwenu:
41‘Mu mone, muna nyatha Nyambi!
Mbo muna thiti matwi ghenu, no mbo muna fu!
Yoyishi mumayuwa ghenu, na kutenda me thinu,
ethi muna kudhira kutawa!’ ”
42Eyi hana kushwagha musinagoge, ko kukumbera hanu kwaPaghulusi no kwaBarnabasi eshi, mbo ha wa thimwetwedhere karo yinu yi, muSabata ghokughutho. 43Munyima dhokushwagherera musinagoge, Hajuda hohengi nawanu wa ha karire hahayidena pakutanga, kate ha kumine kuGhuyuda, ha yendire pofotji naPaghulusi naBarnabasi. Awo ne ha wa tjokedhire eshi, ha kare mun̂eke dhaNyambi ghutjimapa.
44MuSabata ghokuranda ko, ko kukukongwedha yira mbara dhodhihe, ha ka yuve n̂ando dhaFumu. 45Ene pa ha monine Hajuda makongoshero ghombunga, ha karire nodifurumeko dyodikuru. No ghambire roruhe noghukore kuman̂ando ghaPaghulusi, no kumumangopitha. 46Paghulusi naBarnabasi ha wa tuywererire po no kuwatongwera eshi: “Pakutanga ne, ha mu yuvithe tango n̂ando dhaNyambi. Ene, yoyi muna dhi mwagha, no kuninga muna kuninga eshi moyo ghororuheya ne kadi thinu, kuyenda tuna kuyenda keho, kwawanu wa ha dhira kukara Hajuda. 47Yoyishi, kemo ghana kughamba marawero ghaFumu mumwetu eshi:
‘Yame na kutapire ghu kare ghomunyenge ghomarudhi,
eshi ghu kone kureta makomweneno ghoye kukaye kokahe.’ ”
48Apa ha yi yuvire hahayidena, ha shambererire thikuma kun̂ando dhaFumu, no ha mu kughire. Waheya wa ha fumanenine kumoyo ghororuheya, ha tawire. 49N̂ando dhaFumu, ko kutapathana kwadho muthiko thothihe. 50Ene Hajuda ha yudhaghurire hambuyama hokumiti, nawarume homakuto, hotukoghatji tombara, heman̂anyene haPaghulusi naBarnabasi. 51Nawo ko kukunyanga‐nya mumbara, ha kukumune rukungu rokumapadhi ghawo, no ha yendire kuIkonighumu. 52Hatawi homuAntiyokiya, ha yarire noyishamberera naMupepo ghoKupongoka.
ទើបបានជ្រើសរើសហើយ៖
Yitenda ya Wapostoli 13: MHW1986
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986
Yitenda ya Wapostoli 13
13
Matumeno ghaSaghulusi naBarnabasi
1Mumbunga dhawatawi homuAntiyokiya, mwa karire haporofeta nawahongi wano: Barnabasi, Simiyoni oyu ha toyire karo eshi Nigeri, Lusighusi ghoMusirene, Managheni oyu gha kurire pofotji namupanguri Herodesi, naSaghulusi. 2Apa ha kukongwedhire parumweya, mukukarera Fumu no mukudhirera. Gha ningire Mupepo ghoKupongoka eshi: “Mu wa tundithe ko haBarnabasi naSaghulusi, na ha tende thirughana thi na wethera.”
3Eyi dha manine mbunga kudhirera no kurapera, no pa ha manine kuwakambeka nyara, ko kuwathigha ha ka yende.
Barnabasi naSaghulusi hana kuyaghura paSipurusi
4Kemo ha pwire kutuma haBarnabasi naSaghulusi paMupepo. Ko kuyenda kwawo kuSeleghusiya. Kutunda po ko ka piterera kwawo Sipurusi, 5no ha ka kumine muSalamisi. Oku ya, ko ha ka yuvithire n̂ando dhaNyambi mumasinagoge kwaWajuda. Ha tumburire Johannesi kukwawo, gha wa ghamwene.
6Kutunda po, gho ha yendire yirudhi yoyiheya, kate kuPafosi. Ko ha ka wanine Mujuda ghomurodhi, ghodina dyoBarjesusi. Aye gha kutongononine kughutho eshi, muporofeta. 7Gha karire ghushere, nanduna Sergighusi Paghulusi. Murume ghomaghano. Nduna ghethire Barnabasi naSaghulusi. Yoyishi gha hakire kuyuva n̂ando dhaNyambi. 8Ene murodhi Elimasi, thika di ha mu toyire muThihirika, gha wa shwenekire, yoyi gha himine kushinga nduna mukutawa mwaJesusi. 9Keho ne Saghulusi ghoPaghulusi, gha yarire naMupepo ghoKupongoka. Gha mu tongorokerire, 10no kuninga eshi: “Ghoshatani! Shemwa mbo ghuna huru mu kuyereka kupiraghura ghushemwa waFumu! 11Fumu ne tamba gha kuhumbithe. Ghuma kukara ghomukunga, no mbadi mbo mona diyuwa nako dhodhire.”
Popo vene ko kukara yoyihe kukwendi mwirera no dikokore. Ko kupapatera kwendi kokuheya eshi, ngwa n̂anyi ghawane ghokumukoka panyara. 12Nduna gha dhegheterire no gha ndhundhire kuyihonga yaFumu. No apa gha monine eyi yamuhokokerire ko kutawa kwendi.
Paghulusi naBarnabasi muAntiyokiya muPisidiya
13Paghulusi nawakakumutata, ha thekurire thikepa kuPafosi no ha ka kumine kuPerge muPamfiliya. Mo gha ka wa thighire Johannesi, gha huke kuJerusalema. 14Ene ha rundururire ruyendo kutunda kuPerge, kate ka kuma kuAntiyokiya muPisidiya.
Mudiyuwa dyoSabata, ha yendire musinagoge ha ka hungumane. 15Munyima dhoyitoya yomumuragho no yawaporofeta, ko kuwadimukitha hakamuragho ghosinagoge eshi: “Mwayendhetu, ngeshi muna kara non̂ando dhokutjokedha diko, mu ghambe ngenyu.”
16Ko kwimana Paghulusi, gha wa rave nonyara thiwana ghuninga eshi: “Mwaisraghelite, namwe mwa yapa Nyambi, mu tegherere! 17Nyambi ghodiko dino dyaIsragheli, yo gha tororire hakerekandongo wetu, no gha wa tendire diko dyodikuru, apa ha karire yira hanumaghana muEgiptena. Gha wa tundithire mo nodyoko dyendi dyongcamu. 18No gha wa kudhidhimekerire mumamboreya, yira myaka makumi mane. 19Munyima gha tjidhire muKanaghani marudhi kwoko nomawadi, no gha tapire ditunga dyawo kwaWaisragheli. 20Yoyiheya, yi, ya karire ngwa myaka mathere mane nomakumi kwoko.
“Munyima gha pakire hapanguri, ha pangure muditunga kate munako dhamuporofeta Samweli. 21Apa ha himine Haisraghelite fumu, ko kuwapa Nyambi Saghulusi ghomwana Kisi. Ghomukadira dyaBenyamini. Aye gha pangurire myaka makumi mane. 22Eyi gha mu tundithire Nyambi muthirughana thendi, ko kupaka Davita gha kare fumu wawo. Kukwendi gha ningire Nyambi eshi: ‘Na wana Davita ghomwana Isayi. Murume yu gha nitwa kumutjima wange. Yo mbo gha rundurura yiraghura yange.’ 23Mwawanahoka wamurume yu, mo mbo gha tumba Nyambi Jesusi, gha kare mushuturi waWaisragheli, thika di gha yi wa turekerire. 24Kughutho ghomwiyero waJesusi, Johannesi yo ghethire diko dyodihe dyaIsragheli kumapirukero no kudiyoghero. 25Ene pa gha kokerire Johannesi paghuhura ghoyipara yendi, gha ningire eshi: ‘Yame dye muna kunighayara mwe? Ame ne, kadi yame Ye. Mu mone, munyima dhange ghana kwiya. Name temba mbadi na fumana kushutura makuha ghendi.’
26“Mwayendhange, mwanahoka waAbrahamu, namwe mwa yapa Nyambi. Kukwetu gha tuma Nyambi, mbudhi dhino dhomakomweneno. 27HakaJerusalema nawakamiti wawo, mbadi ha dimuka Jesusi. Pakumutetera ndhango, ha yarithire yighamba yawaporofeta, eyi ha toyire mu kehe Sabata. 28Ene, ngambi kenge ha dhirire kuwana thinu thokumupaghitha. Ha kepurire Pilatusi, ha kone kupagha Jesusi. 29Apa ha manine kutenda yoyihe kwaJesusi, thika di yemanine kukwendi mu Yitjanga, ko kumwanbura kwawo kuthikurushe. 30Ene Nyambi gha mu tumunine mwawafu. 31Mumayuwa ghomengi, gha kuhokorire kwawanu wa ha tundire nendi kuGalileya, no ha yendire kuJerusalema. Hanu wa ne wo hashupi wendi kudiko.
32“Atwe tuna kumuyuvitha mbudhi dhodhiwa, edhi gha turekerire Nyambi kwawakerekandongo wetu. 33Ghana dhi rikanyitha kukwetu twanahoka, pakutumuna Jesusi mwawafu. Kemo karo yapwa kutjanga mumupisalemi ghoghuwadi eshi:
‘Yowe Mwanange,
dyarero na kupa moyo.’
34Nyambi gha mu tumunine mwawafu. Yodigho mbadi mbo gha dhongonoka nokamanana temba. Eyi, gha yi ningire noman̂ando ghokuranda ko eshi:
‘Mbo na mu yarithera maturekero ghokupongoka
noghoghushemwa, agha na tongwerire Davita.’
35Yo gha ghamberire karo pamweya eshi:
‘Mbadi mbo thigha mukareri ghoye ghomatjimapero eshi, gha shinyihe.’
36“Ene shemwa Davita, gha fire naye apa gha manine kutenda mughuyumi wendi, eyi gha mu himenine Nyambi. 37Ene yirama yaJesusi mbadi ya shinyihire, Nyambi gha mu tumunine mwawafu.
38“Yodigho mwayendhange, mu dimuke thiwana eyi hana kumuyuvitha. Mathitherero ghomaharwero ne papendi mwa gha wana. 39No keheyu ghokutawa, papendi gha wana mashutukero ghokumaharwero ghomahe. Muragho waMosesi, mbadi mwa kona kughushutura. 40Mu koneke ne keho, eshi, eyi ha ningire haporofeta, mbadi ya kona kuhokoka kukwenu:
41‘Mu mone, muna nyatha Nyambi!
Mbo muna thiti matwi ghenu, no mbo muna fu!
Yoyishi mumayuwa ghenu, na kutenda me thinu,
ethi muna kudhira kutawa!’ ”
42Eyi hana kushwagha musinagoge, ko kukumbera hanu kwaPaghulusi no kwaBarnabasi eshi, mbo ha wa thimwetwedhere karo yinu yi, muSabata ghokughutho. 43Munyima dhokushwagherera musinagoge, Hajuda hohengi nawanu wa ha karire hahayidena pakutanga, kate ha kumine kuGhuyuda, ha yendire pofotji naPaghulusi naBarnabasi. Awo ne ha wa tjokedhire eshi, ha kare mun̂eke dhaNyambi ghutjimapa.
44MuSabata ghokuranda ko, ko kukukongwedha yira mbara dhodhihe, ha ka yuve n̂ando dhaFumu. 45Ene pa ha monine Hajuda makongoshero ghombunga, ha karire nodifurumeko dyodikuru. No ghambire roruhe noghukore kuman̂ando ghaPaghulusi, no kumumangopitha. 46Paghulusi naBarnabasi ha wa tuywererire po no kuwatongwera eshi: “Pakutanga ne, ha mu yuvithe tango n̂ando dhaNyambi. Ene, yoyi muna dhi mwagha, no kuninga muna kuninga eshi moyo ghororuheya ne kadi thinu, kuyenda tuna kuyenda keho, kwawanu wa ha dhira kukara Hajuda. 47Yoyishi, kemo ghana kughamba marawero ghaFumu mumwetu eshi:
‘Yame na kutapire ghu kare ghomunyenge ghomarudhi,
eshi ghu kone kureta makomweneno ghoye kukaye kokahe.’ ”
48Apa ha yi yuvire hahayidena, ha shambererire thikuma kun̂ando dhaFumu, no ha mu kughire. Waheya wa ha fumanenine kumoyo ghororuheya, ha tawire. 49N̂ando dhaFumu, ko kutapathana kwadho muthiko thothihe. 50Ene Hajuda ha yudhaghurire hambuyama hokumiti, nawarume homakuto, hotukoghatji tombara, heman̂anyene haPaghulusi naBarnabasi. 51Nawo ko kukunyanga‐nya mumbara, ha kukumune rukungu rokumapadhi ghawo, no ha yendire kuIkonighumu. 52Hatawi homuAntiyokiya, ha yarire noyishamberera naMupepo ghoKupongoka.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mbunga dhoBayibili dhaNamibia (Bible Society of Namibia) 1986