Markos 10
10
Aydaras fittix sabbatah
(Maatiyos 19:1-12; Luukas 16:18)
1Kafarnaxuumko uguteh lel Yordaanos tabso kin Yahuudiyaati zoobälle yedeeyaako, mango xiyaw malammih alle yekettin. Malammih lel ishi baso balih lel ten yuyduruse. 2Faarisiin lel alle yemeetinyaako kaa yacakkanoona ciloh: “Labhatti ishi numa yaftixem arax kinni?” yerhxiinih kaa esseren. 3Usuk lel: “Moosa ayim sin yeemere?” akko yerhxe. 4“Moosa, labhatti fittix warqat akah yuktubeh tee dhirhiyo yismixe”#Gabbaacime Sercat 24:1 ubul. akko yerhxin. 5Yeesus lel: “Usuk ta amre sinah yuktubem sin afcaadot tiraarehi sabbatah kinni. 6Laakin erherh makhaaliqhooko: ‘Yalli labtiya kee saytiya akko abeh kinni ten yukhluqhem.’#Erhedhdhö 1:27; 5:2 7‘Amaydo, xiyawti ishi abba kee ishi ina xabah ishi numaalih inketta yakke, 8lammik lel inki xazotta yakkin’#Erhedhdhö 2:24. Amaydo, usun kamboh lamma makinooniiki, inki xazotta kinon. 9Yalli inkidde yezgelleh yane mara, xiyawti barhishe wayo” yerhxeh alle yedebbe.
10 Katattaynit lel malammih caredde ta gondoh sabbatah kaa esseren. 11Usuk lel: “Ishi numa yaftixeh akettö marcishitinnanti zina aba, 12ishi lel ishi baclaako timfittixeh akettodde marcishimtemko, zina abta” akko yerhxe.
Cindham yolle yamaatoona
(Maatiyos 19:13-15; Luukas 18:15-17)
13Usuk ten dhago ciloh irro alle baahak yinin, katattaynit lel ten yoskoolofin. 14Yeesus laakin tayim yuble gedda, yixriqheyaako: “Yallih nigsinna ta gina-le marah kinnik, cindham yolle yamaatoonaaki ten mideesina. 15Cindham balih Yallih nigsinna kabbaatinnixeti, teyadde orobo makinam rummah sinak arhxiyuk ane” akko yerhxe. 16Ishi xaruudde ten hayeh dhaaco akah abeyaako, ishi gabub alle haye.
Gaddaale kin gufaa
(Maatiyos 19:16-30; Luukas 18:18-30)
17Yeesus ishi kallaaxeh aduuk, wuli xiyawti arduk yemeeteh kaa nifille gululluubuweyaako: “Mece Mudarriso, umman geedit aniina awarasho ayim abo yolle tane?” yerhxeh kaa essere. 18Yeesus lel: “Aymihi mece tiya yok tarhxem? Yallaako bextih meceti miyane. 19Atu amre taarhige: ‘Magdafin, maznayin, migaracin, zirabah mashhadin, mangar mibeetin, ishi abba kee ishi ina xishmat’”#Muuca 20:12-16; Gabbaacime Sercat 5:16-20 akko yerhxe. 20Usuk lel: “Mudarris, tayim inkoh cindhiiko ibbirheh aniyo” akko yerhxe. 21Yeesus lel, kulux adde yerhxeyaako, kaa yikxineh: “Inki xaaja kok tunquseh tane: tedeeh, litom inkoh teebexeh baaxentah uxuu, carshelle lel cukra taallo kito, amowaaki lel yi kataa” akko yerhxe. 22Usuk naba gadda luuk yinemhi sabbatah, ta waani yoobbeh mangum axzinuk yedee.
23Yeesus, gura-mizgalle kulux-yerhxeyaako ishi katattaynitik: “Ta gadda-le mari Yallih nigsinnadde orobaanam ayidhdha akko tasrawo kinni!” akko yerhxe. 24Katattaynit lel kaa waanille cibrah raben. Yeesus laakin malammih: “Cindhaamo, Yallih nigsinnadde orobaanam ayidhdha siriya! 25Gaddaale kin xiyawti Yallih nigsinnadde orobamko gaalatti ibrat intiiko tillaabam akko ruhuwa” akko yerhxe. 26Usun ziyaada cibrah rabeenih: “Miyatto kinni haye gargeerimo leti?” akko yerhxin. 27Yeesus lel tenadde kulux-yerhxeyaako: “Tayim xiyawti dhiicam maki, Yalli laakin ummannim dhiica. Amayim lel Yallah ummannim akah takkemhi sabbatah kinni” akko yerhxe. 28Bithroos lel: “Ubul, ummannim xabneh ku katayneh nane” akko yarhxo erherhishe. 29Yeesus: “Yotta kee Mece Wareh arhxuk care, hido sacul, hido saculte, hido ina, hido abba, hido irro, hido dhage xabeyaako, 30ta waqhtedde bool waqhtiya carwa, sacul, saculte, inon, cindham kee dhageg hadaanoolih kabbaate wayo leti, yamiite waqhtedde lel umman geedit aniina wayo leti inkinnah miyane. 31Laakin, afti gabo yane mango mari sarradde, sarradde yane mari lel afadde gaxoona kinoonim rummah sinak arhxiyuk ane” akko yerhxe.
Yeesus maddaxih ishi rabi yaakumeh warisha
(Maatiyos 20:17-19; Luukas 18:31-34)
32Katattaynit Yerusaalemille yayyaace araxalle aduuk, Yeesus ten afadde gerhak yine. Usun cibrah raben. Aki xiyaw kaa kataa tineya lel mashshiiten. Amaa lamman kee taman malammih isheelih beyeyaako ayim alle takko kinam akah warisho erherhishe: 33“Ubula, Yerusaalem fanah awcuk nane. Xiyawti Barha lel sheekhat manabottit kee sercat dhiiceenitille kaa yasxawna kinon, usun lel rabih kaa yiqhtsiciinih Aki-maralle kaa yasxawna kinon. 34Usun lel alle tsaggarowoona kee thuf alle yerhxiinih khormaaajah kaa sabacenyaako kaa yagdafoona kinon. Usuk lel maddaxit lellec rabaako uguto kinni” akko yerhxe.
Yacqoob kee Yohannis essero
(Maatiyos 20:20-28)
35Zibdit cindham kin Yacqoob kee Yohannis alle yemeetinyaako: “Mudarris, ku esserinnannim noh abto kok farhak nane” akko yerhxin. 36Usuk lel: “Ayim sinah abo yok fadhdhaana?” akko yerhxe. 37Usun lel: “Ku nabnelle, tiyak mizgaako, tiyak lel guraako defeyno noh ismix” akko yerhxin. 38Yeesus: “Ayim esserak taniinim aarhiguk mitaniini. Anu aacube kobbaaya taacaboona dhictaana, hido lel anu akah anthimmiqhe anthammaqhah tanthammaqhoona dhictaana?” akko yerhxe. 39Usun lel: “Dhicna” akko yerhxin. Yeesus lel: “Anu aacube kobbaaya taacaboona kitin, anu akah anthimmiqhe anthammaqhah lel tanthammaqhoona kitin, 40yi mizga kee yi guraakohi defeena laakin, yotta maki yasmixetiiki, tamaa akah tinqirribe marah kinni” akko yerhxe. 41Amaa taman tayim yoobbin gedda, Yacqoob kee Yohannisille alle kurrayen. 42Yeesus akah deecimeh lel: “Aki-mara ten reezonuh yamidhdhige mari ten bukalle maddaritih yamidhdhigiinim kee ten makaabun ten bukalle reeza abaanam taarhigin. 43Sin fanadde laakin tayim takko alle mitane. Sinadde naba tiya akkinnanti lel sin khaddaam yakko alle tane. 44Sinadde erhedhdho akkinnanti umman tiyahi garuzzo yakko alle tane. 45Amayim lel Xiyawti Barhi gantah akah yakhdamoona makiiki, yakhdamo kee mango marih muucah ishi aniina tillaabisho yemeetemhi sabbatah kinni” akko yerhxe.
Yeesus inti-male kin Bartimaayos urusa
(Maatiyos 20:29-34; Luukas 18:35-43)
46Usun Yerikholle yemeetin. Yerikhooko aduuk ishi katattaynit kee mango xiyawlih aduuk, Timaayos barha kin Bartimaayos, inti-male kin caageena kinya, arax afakke defeyak yine. 47Usuk Naazret Yeesus kinam yoobbe gedda: “Yeesus, Dawud Barha, yolle raxmat!” arhxuk zeere. 48Mango mari lel sik-erhex yerhxiinih kaa yoskoolofin. Usuk laakin amayimko ziyaada: “Dawud Barha, yolle raxmat!” yerhxeh zeere. 49Yeesus lel daw-yerhxeyaako: “Akah deecima” yerhxe. Usun lel amaa inti-maleh akah deecimeenih: “Aydukum-erhex, koh deecimak yanek ugut” akko yerhxin. 50Usuk lel ishi natsala cideh, ugut-yerhxeyaako Yeesus fanah yemeete. 51Yeesus lel: “Ayim koh abo yok fadhdha?” akko yerhxe. Amaa inti-mali lel: “Mudarris, malammih ablo farha” akko yerhxe. 52Yeesus lel: “Ku imaan ku gargeereh yanek, isheh aduu” akko yerhxe. Usuk lel akkanih ishi mablo geyeyaako, araxadde kaa kataye.
ទើបបានជ្រើសរើសហើយ៖
Markos 10: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Markos 10
10
Aydaras fittix sabbatah
(Maatiyos 19:1-12; Luukas 16:18)
1Kafarnaxuumko uguteh lel Yordaanos tabso kin Yahuudiyaati zoobälle yedeeyaako, mango xiyaw malammih alle yekettin. Malammih lel ishi baso balih lel ten yuyduruse. 2Faarisiin lel alle yemeetinyaako kaa yacakkanoona ciloh: “Labhatti ishi numa yaftixem arax kinni?” yerhxiinih kaa esseren. 3Usuk lel: “Moosa ayim sin yeemere?” akko yerhxe. 4“Moosa, labhatti fittix warqat akah yuktubeh tee dhirhiyo yismixe”#Gabbaacime Sercat 24:1 ubul. akko yerhxin. 5Yeesus lel: “Usuk ta amre sinah yuktubem sin afcaadot tiraarehi sabbatah kinni. 6Laakin erherh makhaaliqhooko: ‘Yalli labtiya kee saytiya akko abeh kinni ten yukhluqhem.’#Erhedhdhö 1:27; 5:2 7‘Amaydo, xiyawti ishi abba kee ishi ina xabah ishi numaalih inketta yakke, 8lammik lel inki xazotta yakkin’#Erhedhdhö 2:24. Amaydo, usun kamboh lamma makinooniiki, inki xazotta kinon. 9Yalli inkidde yezgelleh yane mara, xiyawti barhishe wayo” yerhxeh alle yedebbe.
10 Katattaynit lel malammih caredde ta gondoh sabbatah kaa esseren. 11Usuk lel: “Ishi numa yaftixeh akettö marcishitinnanti zina aba, 12ishi lel ishi baclaako timfittixeh akettodde marcishimtemko, zina abta” akko yerhxe.
Cindham yolle yamaatoona
(Maatiyos 19:13-15; Luukas 18:15-17)
13Usuk ten dhago ciloh irro alle baahak yinin, katattaynit lel ten yoskoolofin. 14Yeesus laakin tayim yuble gedda, yixriqheyaako: “Yallih nigsinna ta gina-le marah kinnik, cindham yolle yamaatoonaaki ten mideesina. 15Cindham balih Yallih nigsinna kabbaatinnixeti, teyadde orobo makinam rummah sinak arhxiyuk ane” akko yerhxe. 16Ishi xaruudde ten hayeh dhaaco akah abeyaako, ishi gabub alle haye.
Gaddaale kin gufaa
(Maatiyos 19:16-30; Luukas 18:18-30)
17Yeesus ishi kallaaxeh aduuk, wuli xiyawti arduk yemeeteh kaa nifille gululluubuweyaako: “Mece Mudarriso, umman geedit aniina awarasho ayim abo yolle tane?” yerhxeh kaa essere. 18Yeesus lel: “Aymihi mece tiya yok tarhxem? Yallaako bextih meceti miyane. 19Atu amre taarhige: ‘Magdafin, maznayin, migaracin, zirabah mashhadin, mangar mibeetin, ishi abba kee ishi ina xishmat’”#Muuca 20:12-16; Gabbaacime Sercat 5:16-20 akko yerhxe. 20Usuk lel: “Mudarris, tayim inkoh cindhiiko ibbirheh aniyo” akko yerhxe. 21Yeesus lel, kulux adde yerhxeyaako, kaa yikxineh: “Inki xaaja kok tunquseh tane: tedeeh, litom inkoh teebexeh baaxentah uxuu, carshelle lel cukra taallo kito, amowaaki lel yi kataa” akko yerhxe. 22Usuk naba gadda luuk yinemhi sabbatah, ta waani yoobbeh mangum axzinuk yedee.
23Yeesus, gura-mizgalle kulux-yerhxeyaako ishi katattaynitik: “Ta gadda-le mari Yallih nigsinnadde orobaanam ayidhdha akko tasrawo kinni!” akko yerhxe. 24Katattaynit lel kaa waanille cibrah raben. Yeesus laakin malammih: “Cindhaamo, Yallih nigsinnadde orobaanam ayidhdha siriya! 25Gaddaale kin xiyawti Yallih nigsinnadde orobamko gaalatti ibrat intiiko tillaabam akko ruhuwa” akko yerhxe. 26Usun ziyaada cibrah rabeenih: “Miyatto kinni haye gargeerimo leti?” akko yerhxin. 27Yeesus lel tenadde kulux-yerhxeyaako: “Tayim xiyawti dhiicam maki, Yalli laakin ummannim dhiica. Amayim lel Yallah ummannim akah takkemhi sabbatah kinni” akko yerhxe. 28Bithroos lel: “Ubul, ummannim xabneh ku katayneh nane” akko yarhxo erherhishe. 29Yeesus: “Yotta kee Mece Wareh arhxuk care, hido sacul, hido saculte, hido ina, hido abba, hido irro, hido dhage xabeyaako, 30ta waqhtedde bool waqhtiya carwa, sacul, saculte, inon, cindham kee dhageg hadaanoolih kabbaate wayo leti, yamiite waqhtedde lel umman geedit aniina wayo leti inkinnah miyane. 31Laakin, afti gabo yane mango mari sarradde, sarradde yane mari lel afadde gaxoona kinoonim rummah sinak arhxiyuk ane” akko yerhxe.
Yeesus maddaxih ishi rabi yaakumeh warisha
(Maatiyos 20:17-19; Luukas 18:31-34)
32Katattaynit Yerusaalemille yayyaace araxalle aduuk, Yeesus ten afadde gerhak yine. Usun cibrah raben. Aki xiyaw kaa kataa tineya lel mashshiiten. Amaa lamman kee taman malammih isheelih beyeyaako ayim alle takko kinam akah warisho erherhishe: 33“Ubula, Yerusaalem fanah awcuk nane. Xiyawti Barha lel sheekhat manabottit kee sercat dhiiceenitille kaa yasxawna kinon, usun lel rabih kaa yiqhtsiciinih Aki-maralle kaa yasxawna kinon. 34Usun lel alle tsaggarowoona kee thuf alle yerhxiinih khormaaajah kaa sabacenyaako kaa yagdafoona kinon. Usuk lel maddaxit lellec rabaako uguto kinni” akko yerhxe.
Yacqoob kee Yohannis essero
(Maatiyos 20:20-28)
35Zibdit cindham kin Yacqoob kee Yohannis alle yemeetinyaako: “Mudarris, ku esserinnannim noh abto kok farhak nane” akko yerhxin. 36Usuk lel: “Ayim sinah abo yok fadhdhaana?” akko yerhxe. 37Usun lel: “Ku nabnelle, tiyak mizgaako, tiyak lel guraako defeyno noh ismix” akko yerhxin. 38Yeesus: “Ayim esserak taniinim aarhiguk mitaniini. Anu aacube kobbaaya taacaboona dhictaana, hido lel anu akah anthimmiqhe anthammaqhah tanthammaqhoona dhictaana?” akko yerhxe. 39Usun lel: “Dhicna” akko yerhxin. Yeesus lel: “Anu aacube kobbaaya taacaboona kitin, anu akah anthimmiqhe anthammaqhah lel tanthammaqhoona kitin, 40yi mizga kee yi guraakohi defeena laakin, yotta maki yasmixetiiki, tamaa akah tinqirribe marah kinni” akko yerhxe. 41Amaa taman tayim yoobbin gedda, Yacqoob kee Yohannisille alle kurrayen. 42Yeesus akah deecimeh lel: “Aki-mara ten reezonuh yamidhdhige mari ten bukalle maddaritih yamidhdhigiinim kee ten makaabun ten bukalle reeza abaanam taarhigin. 43Sin fanadde laakin tayim takko alle mitane. Sinadde naba tiya akkinnanti lel sin khaddaam yakko alle tane. 44Sinadde erhedhdho akkinnanti umman tiyahi garuzzo yakko alle tane. 45Amayim lel Xiyawti Barhi gantah akah yakhdamoona makiiki, yakhdamo kee mango marih muucah ishi aniina tillaabisho yemeetemhi sabbatah kinni” akko yerhxe.
Yeesus inti-male kin Bartimaayos urusa
(Maatiyos 20:29-34; Luukas 18:35-43)
46Usun Yerikholle yemeetin. Yerikhooko aduuk ishi katattaynit kee mango xiyawlih aduuk, Timaayos barha kin Bartimaayos, inti-male kin caageena kinya, arax afakke defeyak yine. 47Usuk Naazret Yeesus kinam yoobbe gedda: “Yeesus, Dawud Barha, yolle raxmat!” arhxuk zeere. 48Mango mari lel sik-erhex yerhxiinih kaa yoskoolofin. Usuk laakin amayimko ziyaada: “Dawud Barha, yolle raxmat!” yerhxeh zeere. 49Yeesus lel daw-yerhxeyaako: “Akah deecima” yerhxe. Usun lel amaa inti-maleh akah deecimeenih: “Aydukum-erhex, koh deecimak yanek ugut” akko yerhxin. 50Usuk lel ishi natsala cideh, ugut-yerhxeyaako Yeesus fanah yemeete. 51Yeesus lel: “Ayim koh abo yok fadhdha?” akko yerhxe. Amaa inti-mali lel: “Mudarris, malammih ablo farha” akko yerhxe. 52Yeesus lel: “Ku imaan ku gargeereh yanek, isheh aduu” akko yerhxe. Usuk lel akkanih ishi mablo geyeyaako, araxadde kaa kataye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia