Maatiyos 27
27
Yeesus Bilaatosulle baahen
(Markos 15:1; Luukas 23:1-2; Yohannis 18:28-32)
1Baarho maxte gedda, umbuka sheekhat manabottit kee dikti naba mara Yeesus yagdafoona zatteyen. 2Yurhuynih kaa beyenyaako lel, amaa masxadaadara kin Bilaatosulle kaa baahen.
Yahuudaati raba
3Sarrah, amaa kaa yosxoye Yahuuda, Yeesus rabih yimfirridem yuble gedda, yeththeeceseyaako, amaa fiddat solaadiiko soddom sheekhat manabottit kee dikti naba marah yedebbeh: 4“Cagab hin biilo osxoyemih zambe abeh aniyo” yerhxe. Usun: “Nanu amaymidde macalah ayim lino? Isheh taarhige” akko yerhxin. 5Amaa fiddat solaadih soddom macbadadde cideyaako, yewceyaako, yedeyeh ishe yisniqhe. 6Sheekhat manabottit amaa fiddat solaadi beyeenih: “Mangar kinamhi sabbatah, maqhdas carih cukradde hayno arax maki” yerhxin. 7Amaymih zatteyeenih amaa solaadiiko citror abatiyahi dhage, wuli gerhah qabaara takkeya dhaamen. 8Amaydo, amaa dhage kaafa fanah “Biili Dhageh” decsiimak tane. 9Amaa nabii Ermiyaas: “Israa-eel cindhamko gari akah kaa limmoyshen limo, fiddat solaadih soddom, beyeenih, 10Maddari akah yi yeemereekah lel citror abatiyahi dhage akko dhaamen”#Zakariyya 11:12-13; Ermiyaas 18:2-6; 19:1-13; 32:6-15 ubul. arhxuk waanisheh yinem tikmile.
Yeesus Bilaatos nifille
(Markos 15:2-5; Luukas 23:3-5; Yohannis 18:33-38)
11Kado, Yeesus masxadaadari nifille daw-yerhxe, amaa masxadaadari lel: “Atu Yahuud nugus kitoho?” yerhxeh kaa essere. Yeesus: “Atu gantah arhxituk tane” akko yerhxe. 12Amaa sheekhat manabottit kee dikti naba marah yinkissise gedda, inki radde maaxayinna. 13Sarrah Bilaatos: “Ayidhdhale xaajah sabbatah kolle ashhiduk yaniinim aabbuk mitanito?” akko yerhxe. 14Usuk laakin radde akah maaxayinna, walaa inki kissihim, amaymih amaa masxadaadari mangum yussuxuttute.
Amaa mango xiyaw Barabbaas dooran
(Markos 15:6-15; Luukas 23:13-25; Yohannis 18:39-40; 19:1-16)
15Amaa masxadaadari lel wuli Faasigi cidille amaa xiyawah usun farhinnan inki maxbuushsha akah yayyaacem labcadah luuk yine. 16Usun lel Barabbaas akko yarhxin mudhdhugto kin maxbuushsha luuk yinin. 17Amaymih, usun yekettin gedda Bilaatos: “Miyatto sinah dhirhiyam yok fadhdhaana; Barabbaas, woole Masiix akko yarhxin Yeesusu?” akko yerhxe. 18Amayim lel ashshiinoh kayyalle kaa yosxoynih yiniinim yeerhegemhi sabbatah kinni. 19Amayimhi osah lel usuk daaniyat kurselle anuk, kaa numa: “Ta xiyawtih sabbatah bire soonoh umaatih dhiinemhi sabbatah, ta xaqqi-wanna kin xiyawtodde adde mirhagin” arhxuk farto alle dhirhiite. 20Sheekhat manabottit kee dikti naba mara, Barabbaas akah yawceekah, Yeesus lel akah rabaakah esserimoona amaa mango xiyaw yishshiminin. 21Amaa masxadaadari malammih: “Ta lammaako awlih tiya sinah dhirhiyam yok fadhdhaana?” yerhxeh ten essere. Usun lel: “Barabbaas” yerhxin. 22Bilaatos: “Ta Masiix akko yarhxin Yeesus ayim isho kinni?” akko yerhxe. Usun inkoh: “Masqalakke takarimoo!” yerhxin. 23Usuk lel: “Aymih? Ayimti umaani abeh yane?” yerhxe. Usun laakin inkoh ziyaada andhadhdhaxeenih: “Masqalakke takarimeh raboo!” yerhxin.
Bilaatos Yeesus masqalak takarimo yaxaye
24Amaymih, Bilaatos andhax kee dhawko ferteh inkim aksibuk miyanem yuble gedda, amaa xiyawhi nifille layeh gaba yodhdhooleh: “Anu ta xiyawtih biilooko barii kiyo, atin sinneh taarhigin” yerhxe. 25Amaa xiyaw lel inkoh: “Kaa biili notta kee ni cindhamhi bukalle yakkoo” yerhxiinih alle yedebbin. 26Sarrah Barabbaas akah dhirhiyeyaako, Yeesus yumuttukeh, masqalakke takarimeh rabo kaa yosxoye.
Yeesusulle alle yaasulin
(Markos 15:16-20; Yohannis 19:2-3)
27Sarrah amaa Bilaatosti caskar Yeesus amaa masxadaadari naba care fanah beyeenih, umbuka caskar filco kayyalle yeskettin. 28Sartim akko yislibiinih casa sareena alle hayenyaako, 29wuli inkidde sawalime keenanti bor amokke, shambuqqotta lel mizgi gabadde akko hayen. Kaa nifille gululluubuweenih lel: “Maaxiyo gee, ko Yahuud nuguso!” arhxuk alle tsaggarowak yinin. 30Thuf alle yerhxiinih, amaa shambuqqottah amo akko yootokin. 31Alle tsaggarowak yiniinimko, amaa sareena akko yislibinyaako, kaa sara alle hayeenih, masqalakke takareenih kaa yagdafoona kaa beyen.
Masqalakkehi takarimnan
(Markos 15:21-32; Luukas 23:26-43; Yohannis 19:17-27)
32Usun awcuk lel wuli migacah Simcoon akko yarhxin Kureeneeti xiyawto geyen. Yeesus masqal yaaqhaco lel kaa xaylishen. 33Wuli Golgota akko yarhxin makaano (“Amot xanxantahi makaano” macnah leyalle) yemeetin gedda, 34cur-tarhxem adde tengele wayni yaacabo akah yoxoyin, usuk laakin akko dhacameh yaacabo xine. 35Masqalakke kaa takaren gedda, cija alle cidenyaako kaa sara sinne-sinneh xazziiliten. 36Sarrah amalle defeyeenih kaa dhawrhak yinin. 37Kaa amohi bukalle lel: “Tati Yeesus, Yahuud Nugus kinni” yarhxe kissi kutuub alle hayeenih yinin. 38Sarrah wuli lamma umam-abeena masqalakke kaalih takareenih yinin, tiya mizgaako, wuli tiya lel guraako. 39Agaagaako tillaabak yine mari akah waatimak kee amom qinqin-ishak, 40“Macbad dumusah adooxa lellecille malammih gina tiyak, ishi garger! Yallih Barha tekkemko, tamaa masqalko ob” arhxuk yinin. 41Amayim balih sheekhat manabottit, sercat dhiiceenit kee dikti naba maraalih yekkiinih alle tsaggarowak: 42“Aki xiyaw gargeere; ishe gargeero mirhiica. Israa-eel nugus kinnik lel, masqalko ooboo, nanu lel akah naamano kino. 43Usuk Yallih amaana kinni: ‘Anu Yallih Barha kiyo’ yerhxemhi sabbatah lel, kaa farhemko, kado Yalli kaa yayyaacooki xaba” arhxuk yinin. 44Kaalih masqalakke takarimeh yine umam-abeenit gantah amayim balih akah waatimak yinin.
Yeesus raba
(Markos 15:33-41; Luukas 23:44-49; Yohannis 19:28-30)
45Taykinna lel lellecti abrhaako kasit saaca adox fanah baarho dite tekke. 46Sagal-tarhxe saacah lel Yeesus: “Eli Eli, lema shevaqtani” macnah: “Yi Rabbiyo, yi Rabbiyo, aymih yi xabte?”#Zaabur 22:1 arhxuk wac-yerhxeh zeere. 47Amalle daw-yerhxeh yine mari lel yoobbiinih: “Ta xiyawti Eliyaasah deecimak yane” yerhxin. 48Tenko wuliti akkanih yerdeyaako wuli thuththa baaheh, cur-tarhxe wayniiko yemegeh, shambuqqottakke hayeh yaacabo akah yoxoye. 49Aki mari laakin: “Xab, Eliyaas yemeeteyaako kaa gargeero kinam kee nabloo” yerhxin. 50Yeesus lel malammih wac-yerhxeyaako zeereh, kaa wafa akko tewce.
51Taykinna lel macbadti goleeni aganaako guba fanah lammalle candhiirhe. Baarho xumuu-terhxe, qooqhaaxi lel liffacte. 52Qabaara gantah lel fakkitte. Rabteh tine mango yinqiddise marih rashshit lel rabaako uguteenih, 53rabaakohi kaa ugutko sarrah qabaaraako yewciinih, amaa qiddisti kin daafo fanah yedeynih mango marah yumbulluwin. 54Amaa bool caskartiyah manabotta kee kaalih tekkeh Yeesus dhawrhak tineya, amaa baarhot kirdidimo kee tekkem yublinyaako, mangum mashshiiteenih: “Rummah tati Yallih Barha kuuk yine” yerhxin.
55Amalle lel Yeesus akhdumuk, Galiilaako erherhisheenih kaa katattayte mango sayyo, waacinaako abluk yinin. 56Tenlih lel Magdalat Maryam, Yacqoob kee Yoosuf ina kin Maryam kee Zibdit cindhamhi ina yinin.
Yeesus Macaga
(Markos 15:42-47; Luukas 23:50-56; Yohannis 19:38-42)
57Baarho dhumte gedda, wuli Yoosuf akko yarhxin gaddaale kin xiyawti, Yeesus katattayna gantah kuuk yineya, Arimatayaako yemeete. 58Usuk Bilaatosulle yemeeteh Yeesus rashsha kaa essere. Sarrah Bilaatos akah yamxawo ten yeemere. 59Yoosuf amaa rashsha beyeh qarce-le dabalaan maknazadde yiknizeh, 60qooqhaxadde faraaceh yine cusub ishi qabredde yoocoge. Naba duma amaa qabrih carafadde akko alifeh lel yedee. 61Magdalat Maryam kee aki Maryam lel amalle, qabri waacinakke defeyak yinin.
Dhawrhelle qabrelle
62Malammit max, Anqaraarabti lellecko sarrah, sheekhat manabottit kee Faarisiin yekettiinih Bilaatosulle yemeetinyaako: 63“Maddara, tamaa doolabeeni rabekkah anuk: ‘Adooxa lellecik sarrah rabaako uguto kiyo’ arhxuk yineya nizzikkire. 64Amaymih, kaa katattaynit yedeynih garciitenyaako, xiyawak: ‘Rabaako ugute’ yarhxiinih tamaa afti doolabko sarrah doolab yaczubemko, maddaxit lellec fanah amaa qabre qath-isheenih dhawrhoona ten eemer” akko yerhxin. 65Bilaatos: “Dawrheena beyanta. Sinneh akah dhiicinnan ginah lel qath-ishanta” akko yerhxe. 66Usun lel yedeynih, amaa qabrih duma maxtamah yuxtumiinih, amaa qabrelle dhawrheena alle hayeenih qath-ishen.
ទើបបានជ្រើសរើសហើយ៖
Maatiyos 27: SCC
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia
Maatiyos 27
27
Yeesus Bilaatosulle baahen
(Markos 15:1; Luukas 23:1-2; Yohannis 18:28-32)
1Baarho maxte gedda, umbuka sheekhat manabottit kee dikti naba mara Yeesus yagdafoona zatteyen. 2Yurhuynih kaa beyenyaako lel, amaa masxadaadara kin Bilaatosulle kaa baahen.
Yahuudaati raba
3Sarrah, amaa kaa yosxoye Yahuuda, Yeesus rabih yimfirridem yuble gedda, yeththeeceseyaako, amaa fiddat solaadiiko soddom sheekhat manabottit kee dikti naba marah yedebbeh: 4“Cagab hin biilo osxoyemih zambe abeh aniyo” yerhxe. Usun: “Nanu amaymidde macalah ayim lino? Isheh taarhige” akko yerhxin. 5Amaa fiddat solaadih soddom macbadadde cideyaako, yewceyaako, yedeyeh ishe yisniqhe. 6Sheekhat manabottit amaa fiddat solaadi beyeenih: “Mangar kinamhi sabbatah, maqhdas carih cukradde hayno arax maki” yerhxin. 7Amaymih zatteyeenih amaa solaadiiko citror abatiyahi dhage, wuli gerhah qabaara takkeya dhaamen. 8Amaydo, amaa dhage kaafa fanah “Biili Dhageh” decsiimak tane. 9Amaa nabii Ermiyaas: “Israa-eel cindhamko gari akah kaa limmoyshen limo, fiddat solaadih soddom, beyeenih, 10Maddari akah yi yeemereekah lel citror abatiyahi dhage akko dhaamen”#Zakariyya 11:12-13; Ermiyaas 18:2-6; 19:1-13; 32:6-15 ubul. arhxuk waanisheh yinem tikmile.
Yeesus Bilaatos nifille
(Markos 15:2-5; Luukas 23:3-5; Yohannis 18:33-38)
11Kado, Yeesus masxadaadari nifille daw-yerhxe, amaa masxadaadari lel: “Atu Yahuud nugus kitoho?” yerhxeh kaa essere. Yeesus: “Atu gantah arhxituk tane” akko yerhxe. 12Amaa sheekhat manabottit kee dikti naba marah yinkissise gedda, inki radde maaxayinna. 13Sarrah Bilaatos: “Ayidhdhale xaajah sabbatah kolle ashhiduk yaniinim aabbuk mitanito?” akko yerhxe. 14Usuk laakin radde akah maaxayinna, walaa inki kissihim, amaymih amaa masxadaadari mangum yussuxuttute.
Amaa mango xiyaw Barabbaas dooran
(Markos 15:6-15; Luukas 23:13-25; Yohannis 18:39-40; 19:1-16)
15Amaa masxadaadari lel wuli Faasigi cidille amaa xiyawah usun farhinnan inki maxbuushsha akah yayyaacem labcadah luuk yine. 16Usun lel Barabbaas akko yarhxin mudhdhugto kin maxbuushsha luuk yinin. 17Amaymih, usun yekettin gedda Bilaatos: “Miyatto sinah dhirhiyam yok fadhdhaana; Barabbaas, woole Masiix akko yarhxin Yeesusu?” akko yerhxe. 18Amayim lel ashshiinoh kayyalle kaa yosxoynih yiniinim yeerhegemhi sabbatah kinni. 19Amayimhi osah lel usuk daaniyat kurselle anuk, kaa numa: “Ta xiyawtih sabbatah bire soonoh umaatih dhiinemhi sabbatah, ta xaqqi-wanna kin xiyawtodde adde mirhagin” arhxuk farto alle dhirhiite. 20Sheekhat manabottit kee dikti naba mara, Barabbaas akah yawceekah, Yeesus lel akah rabaakah esserimoona amaa mango xiyaw yishshiminin. 21Amaa masxadaadari malammih: “Ta lammaako awlih tiya sinah dhirhiyam yok fadhdhaana?” yerhxeh ten essere. Usun lel: “Barabbaas” yerhxin. 22Bilaatos: “Ta Masiix akko yarhxin Yeesus ayim isho kinni?” akko yerhxe. Usun inkoh: “Masqalakke takarimoo!” yerhxin. 23Usuk lel: “Aymih? Ayimti umaani abeh yane?” yerhxe. Usun laakin inkoh ziyaada andhadhdhaxeenih: “Masqalakke takarimeh raboo!” yerhxin.
Bilaatos Yeesus masqalak takarimo yaxaye
24Amaymih, Bilaatos andhax kee dhawko ferteh inkim aksibuk miyanem yuble gedda, amaa xiyawhi nifille layeh gaba yodhdhooleh: “Anu ta xiyawtih biilooko barii kiyo, atin sinneh taarhigin” yerhxe. 25Amaa xiyaw lel inkoh: “Kaa biili notta kee ni cindhamhi bukalle yakkoo” yerhxiinih alle yedebbin. 26Sarrah Barabbaas akah dhirhiyeyaako, Yeesus yumuttukeh, masqalakke takarimeh rabo kaa yosxoye.
Yeesusulle alle yaasulin
(Markos 15:16-20; Yohannis 19:2-3)
27Sarrah amaa Bilaatosti caskar Yeesus amaa masxadaadari naba care fanah beyeenih, umbuka caskar filco kayyalle yeskettin. 28Sartim akko yislibiinih casa sareena alle hayenyaako, 29wuli inkidde sawalime keenanti bor amokke, shambuqqotta lel mizgi gabadde akko hayen. Kaa nifille gululluubuweenih lel: “Maaxiyo gee, ko Yahuud nuguso!” arhxuk alle tsaggarowak yinin. 30Thuf alle yerhxiinih, amaa shambuqqottah amo akko yootokin. 31Alle tsaggarowak yiniinimko, amaa sareena akko yislibinyaako, kaa sara alle hayeenih, masqalakke takareenih kaa yagdafoona kaa beyen.
Masqalakkehi takarimnan
(Markos 15:21-32; Luukas 23:26-43; Yohannis 19:17-27)
32Usun awcuk lel wuli migacah Simcoon akko yarhxin Kureeneeti xiyawto geyen. Yeesus masqal yaaqhaco lel kaa xaylishen. 33Wuli Golgota akko yarhxin makaano (“Amot xanxantahi makaano” macnah leyalle) yemeetin gedda, 34cur-tarhxem adde tengele wayni yaacabo akah yoxoyin, usuk laakin akko dhacameh yaacabo xine. 35Masqalakke kaa takaren gedda, cija alle cidenyaako kaa sara sinne-sinneh xazziiliten. 36Sarrah amalle defeyeenih kaa dhawrhak yinin. 37Kaa amohi bukalle lel: “Tati Yeesus, Yahuud Nugus kinni” yarhxe kissi kutuub alle hayeenih yinin. 38Sarrah wuli lamma umam-abeena masqalakke kaalih takareenih yinin, tiya mizgaako, wuli tiya lel guraako. 39Agaagaako tillaabak yine mari akah waatimak kee amom qinqin-ishak, 40“Macbad dumusah adooxa lellecille malammih gina tiyak, ishi garger! Yallih Barha tekkemko, tamaa masqalko ob” arhxuk yinin. 41Amayim balih sheekhat manabottit, sercat dhiiceenit kee dikti naba maraalih yekkiinih alle tsaggarowak: 42“Aki xiyaw gargeere; ishe gargeero mirhiica. Israa-eel nugus kinnik lel, masqalko ooboo, nanu lel akah naamano kino. 43Usuk Yallih amaana kinni: ‘Anu Yallih Barha kiyo’ yerhxemhi sabbatah lel, kaa farhemko, kado Yalli kaa yayyaacooki xaba” arhxuk yinin. 44Kaalih masqalakke takarimeh yine umam-abeenit gantah amayim balih akah waatimak yinin.
Yeesus raba
(Markos 15:33-41; Luukas 23:44-49; Yohannis 19:28-30)
45Taykinna lel lellecti abrhaako kasit saaca adox fanah baarho dite tekke. 46Sagal-tarhxe saacah lel Yeesus: “Eli Eli, lema shevaqtani” macnah: “Yi Rabbiyo, yi Rabbiyo, aymih yi xabte?”#Zaabur 22:1 arhxuk wac-yerhxeh zeere. 47Amalle daw-yerhxeh yine mari lel yoobbiinih: “Ta xiyawti Eliyaasah deecimak yane” yerhxin. 48Tenko wuliti akkanih yerdeyaako wuli thuththa baaheh, cur-tarhxe wayniiko yemegeh, shambuqqottakke hayeh yaacabo akah yoxoye. 49Aki mari laakin: “Xab, Eliyaas yemeeteyaako kaa gargeero kinam kee nabloo” yerhxin. 50Yeesus lel malammih wac-yerhxeyaako zeereh, kaa wafa akko tewce.
51Taykinna lel macbadti goleeni aganaako guba fanah lammalle candhiirhe. Baarho xumuu-terhxe, qooqhaaxi lel liffacte. 52Qabaara gantah lel fakkitte. Rabteh tine mango yinqiddise marih rashshit lel rabaako uguteenih, 53rabaakohi kaa ugutko sarrah qabaaraako yewciinih, amaa qiddisti kin daafo fanah yedeynih mango marah yumbulluwin. 54Amaa bool caskartiyah manabotta kee kaalih tekkeh Yeesus dhawrhak tineya, amaa baarhot kirdidimo kee tekkem yublinyaako, mangum mashshiiteenih: “Rummah tati Yallih Barha kuuk yine” yerhxin.
55Amalle lel Yeesus akhdumuk, Galiilaako erherhisheenih kaa katattayte mango sayyo, waacinaako abluk yinin. 56Tenlih lel Magdalat Maryam, Yacqoob kee Yoosuf ina kin Maryam kee Zibdit cindhamhi ina yinin.
Yeesus Macaga
(Markos 15:42-47; Luukas 23:50-56; Yohannis 19:38-42)
57Baarho dhumte gedda, wuli Yoosuf akko yarhxin gaddaale kin xiyawti, Yeesus katattayna gantah kuuk yineya, Arimatayaako yemeete. 58Usuk Bilaatosulle yemeeteh Yeesus rashsha kaa essere. Sarrah Bilaatos akah yamxawo ten yeemere. 59Yoosuf amaa rashsha beyeh qarce-le dabalaan maknazadde yiknizeh, 60qooqhaxadde faraaceh yine cusub ishi qabredde yoocoge. Naba duma amaa qabrih carafadde akko alifeh lel yedee. 61Magdalat Maryam kee aki Maryam lel amalle, qabri waacinakke defeyak yinin.
Dhawrhelle qabrelle
62Malammit max, Anqaraarabti lellecko sarrah, sheekhat manabottit kee Faarisiin yekettiinih Bilaatosulle yemeetinyaako: 63“Maddara, tamaa doolabeeni rabekkah anuk: ‘Adooxa lellecik sarrah rabaako uguto kiyo’ arhxuk yineya nizzikkire. 64Amaymih, kaa katattaynit yedeynih garciitenyaako, xiyawak: ‘Rabaako ugute’ yarhxiinih tamaa afti doolabko sarrah doolab yaczubemko, maddaxit lellec fanah amaa qabre qath-isheenih dhawrhoona ten eemer” akko yerhxin. 65Bilaatos: “Dawrheena beyanta. Sinneh akah dhiicinnan ginah lel qath-ishanta” akko yerhxe. 66Usun lel yedeynih, amaa qabrih duma maxtamah yuxtumiinih, amaa qabrelle dhawrheena alle hayeenih qath-ishen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2024 Wycliffe Ethiopia