MARKU 5
5
Yesu Yu Dabsu: Ri: Noo Ge Loo" Nhang
(Mat 8:28-34; Luk 8:26-39)
1Yesu yo' nya: cangzoo: gi Galile thoem" thei tab mo Gerase meing: moo ju" nyid boem ago". 2Yesu lhid' khoug: mo thu' loo lang" yu vang ci: da" byu dayug loeb boug mo thu' lo wigi nyang: ri re" shau. 3Hau: yug gi loeb joem agyoo: moo nyid da:- nyang: ri gi hang" we' ayo" tei" too" nghoid ago". Jang coo" tei ze lang" ri ayo" tei" too" nghoid ago". 4Nyang ri myoo" sho' lheung: khyid: yo' lo, moo jang coo" yo' tei" to" yu" bye- nghoid loug we' lheung" khang" moo" jang coo" tei" ri we' lang: phyed pyam wigi kyoem" thung" riwe, lang: kho' sain" pyam nyid. Nyang: yoem soung boo yoomo nyang: ri gi hang" we' ayo" zei: ci: nghoid ago". 5Nyang: gi nyid" ri myen" ri loeb joem da" agyoo: moo yo' boem cang mo: yoid so" yen" lho:-lug boem wigi nya: gung ri doin: thoung" coid ci: lho: nyid yen". 6Nyang gi Yesu ri vi: mo, lhoem: myang lang" tang" yhe: lho:-nya shid khoin" moo goeb pid da. 7Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid. 8Nyang: houg: su" yoid tid zigi akhyeung" da" yu we"- byu he: youg jang" mo thu' loo" we' ga: Yesu tid kaid yoomo nghoid. 9Yesu gi nyang ri re" myeung ce: noem nghoid ga: myid:- houg: lang" nyang gi ngoonu" phung: moo" zeing nghoid yoomo nga" myeung gi phung myoo" sho bang: ga: zi nghoid ga: tid. 10Nyang: gi Yesu ri hau: meing: mo yu joem ri akhaid thu' pyam wa shid re" gye" nyang: mho' nyid. 11Akhid" hau: boug gung khyid: cang vu, joem moo" dajoem boid zo: nyid ago". 12Yu joem gi Yesu ri ngoonu" vu, joem moo yhe: vang wa akhang" byid: kaid we' ga: mho' ago". Yu joem gi nyhang" vu, joem jhang yhe lo" boem shang ga: sham go" nyid 13Yesu gi nyangnu" ri loo" wa akhang" byid: kaid da:- akhyeng" da" yu joem gi hau: youg khyoug: mo thu' lo" wigi vu, joem moo yhe: bye. Houg: lang" eig khyeung" koo: bo da" vu, joem dangain" gi - dung" bung nhoid mo gyid thoem" khyoo: gei vang lo" boem wigi noeb se" shid: pyam. 14Vu, zung" mo, gi tang" phang: lo" lho: hau: khyoo: ri voomoo" khoug: moo" we' khyam: yoo joem khyoo we lo" tid fu" kaid ago". Houg: lang" mung" byu yi gi bue" lid loo bye: da" khyoo: ri yu" wa shid mo hau: joyoo kkyoo: thu' yhe: lo" boem ago". 15Nyang: nu" gi Yesu jang" moo ju" lang" yu phung myoo" sho' zhoug: da" byu gi byimi nyeung" za: void ci: lho: wigi nheg gyeing" gyeing: za: zhoung: jo, ziri yhe: myang boem yoomo nyangnu" gyoug nyid ago". 16Hau: khyo: ri shau" myang mo, gi zhoung su: yo' vu, joem moo khasu" bue" lid lo da" khyoo: ri meing byu yi ri tid kyo" ago". 17Houg: lang" nyangnu" gi Yesu nyangnu" da" moug: mo thu' loo" wa shid re" mho' ago". 18Yesu gi lhid khoug: khyo: vang lo" nyid uri shid phyang" yu joem zhung: su: ri Yesu jhang khyoo: nyang: we bo cang wa shid re: mho' nyid. 19Nghoid loug we' Yesu nyang ri akhang abyid. loo:- re" yhoem: khyoo: doem lo" lho: yhoem: byu yi yo' bidnoem yi ri Aseing: gi nang ri khayhi' nheug khyeug wigi pang" thoug bye: khyoo: ri lo" tid kyoo we' ga: tid. 20Houg: lang" nyang gi thu' lo" wigi Yesu nyang: ri khayhi' pang" thoug bye: da" khyoo: ri voo thoem daxi: voo jang sho' tid lo". hau: dang: ri shau" gyoo: mo, dangain we' gyo: mau" ago".
Ya-I-ru Myiyi: Zoo: Yo' Yesu Byi: Sheing: zang" Moo Tain" Da" Myiyi Dayug
(Mat 9:18-26; Luk 8:40-56)
21Thang: ri Yesu gi lhid mo wigi thoem" thei: tab khyoo: doem gu: dab lo". Houg: lang" byu phung: moo" zeing nya: jang" moo re" zeung phoung nyid ago". Yesu gi thoem" yam moo nyid nyid. 22Ya-I-ru ga: su:- tarha" jung mo agyi phoo ju" re" lho: Yesu ri myang lang" nya: khyid: yang: moo goeb pid wigi 23Nga" myiyi: nu: no shid: lo" - nyid nya: noo ge lo lho: dei nyid wa shid re" nya: tho' moo re" lo, re" ki" byid: we' ga: yoem: kaid re: mho' da. 24Yesu gi Ya-i-ru yo' dage" cang yhe: lo" da- Meing: byu myoo: sho' nya: thang: moo cang: yhe: boem yoomo-Yesu ri nyangnu" lehing khoem to". 25Houg: moo daxe: eig zain suid" shoin: no da" myiyi: dayug we' bo da: 26Moocid" Doctor myoo" sho' wigi pho: ya yu" bye- nyang: yo" gu: bain sho' cid" phoug" byid pyam nghoid loug we' noo gi ge lo lid ajo,- daje no lo nyid. 27Nyang gi Yesu da khyoo: ri shau" gyo: yu" bye: yoomo nya: nung thang byuphung: khyoo: re" lho: 28«Nya: byimi moo khyalhang"- nga" lo, wigi yo" shau" tain" kaid nghoid rigi nga" noo gi wa» ga: nyang: tid nyid. 29Yesu da" byisheing: moo nya: lo, wigi yhe: tain" kaid- houg: lang" nyang: suid" shoin: nyid zi doem byug ziyo' nya: kham' zo: nyid noo ge lo" byug bye. 30Houg lang: yesu gi nya: khoug: mo yoem: so' thu' loo" bye: ziri se' yoomo mung" byu yi shoid khyoo: leung: yu" lho: nga" byimi moo hang" re" tain" go" la"» ga: myid. 31Nya: cangzoo: yi gi meing byu yi myoo" sho nang ri zang" jhen" tain" nyid ziri nang myang nyid gu ngoo- ri hang" re" tain: go" ein: cikoid myid? ga: nyang: ri phoug tid ago". 32Nghoid loug we Yesu gi nyang ri zang" tain" su: hang" nghoid ziri myang wa shid re" goem: sho' lheung: yu" nyid da:. 33Hau: myiyi koem gi nyang moo bue" lo khyoo: ri se' boin; yoomo gyoug nain" ziyo' Yesu shid khoin" moo goeb lho" wigi nghoid deung da" khyoo: dangain: nyang ri tid kyo". 34Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid. 35Yesu hougsu" da tid nyid shi uri-Ya-i-ru yhoem: mo lagyoo: yi ju" re" wigi re" myiyi: zoo: shid: abye:- sara ri ce: ayoug akhi: koid nyid shi" lha"» ga: tid boem. 36Nghoid loug we' nyangnu" tid ziri yesu atam" gyoo: looza:- Ya-i-ru ri agung youg- loem" za: loem" jeing" we' ga: tid. 37Houg: lang" Petru Yaku yo' Yaku nya: no, Yohan mo jain" lho: gootu: hang" ri we' nyang yo' dage" acang nhang: nghoid da. 38Nyangnu" Ya-i-ru da: yhoem: moo ju" lang" byu myo" sho' zeung: lho: koug ngaug lu: fu: go' nyid lang" ziri Yesu myang. 39Houg: lang: nyang gi yhoem: khyoug: khyoo: vang yhe: wigi nanu" ciwim wigi mo, thei" mo, yug kyi: ngaug go nyid go" lha". zoo: shang gi shid: zi anghoid- yhoeb myhed jo, zi za: danghoid da:- ga: tid. 40Nyangnu" gi nyang ri juang" yi pyam byid: boem. Houg: lang" yesu gi nyangnu" ri tung: gung khyoo: nhang: thu' pyam lho: wigi zoo: myi zo: nya: myhi' yo' nya: phoo- nya: cangzoo: soem" yug ri shu" lho: hau: zoo: shang leung jo, da" yab khyoo: vang lo" ago". 41Nyang: gi hau: zoo shang lo, moo zei; lho: Talithakumi ga: tid- hau; zigi; zoomyi: zoo: we" ngoo nang ri tid ba- too' we' ga: tid zi da" dang: kang: nghoid. 42Houg: lang" zoomi: zoo: gi to' re: lho: so" loo"- (nya: apyaid gi daxe: eig zain nghoid da") Hid su" bue" ziri nyangnu" koem gi gye" mau" byug boem abye:- 43Nhgoid loug we' yesu gi-he: khyoo: yo' sen: lho: nanu" hang" ri we' atid' kyoo" goo"- ga: nyangnu" rizoug" nhang: lho: zoomyi: zoo: ri zoonoem daja: ja: byid: zhoo" goo" ge' ga: tid.
ទើបបានជ្រើសរើសហើយ៖
MARKU 5: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MARKU 5
5
Yesu Yu Dabsu: Ri: Noo Ge Loo" Nhang
(Mat 8:28-34; Luk 8:26-39)
1Yesu yo' nya: cangzoo: gi Galile thoem" thei tab mo Gerase meing: moo ju" nyid boem ago". 2Yesu lhid' khoug: mo thu' loo lang" yu vang ci: da" byu dayug loeb boug mo thu' lo wigi nyang: ri re" shau. 3Hau: yug gi loeb joem agyoo: moo nyid da:- nyang: ri gi hang" we' ayo" tei" too" nghoid ago". Jang coo" tei ze lang" ri ayo" tei" too" nghoid ago". 4Nyang ri myoo" sho' lheung: khyid: yo' lo, moo jang coo" yo' tei" to" yu" bye- nghoid loug we' lheung" khang" moo" jang coo" tei" ri we' lang: phyed pyam wigi kyoem" thung" riwe, lang: kho' sain" pyam nyid. Nyang: yoem soung boo yoomo nyang: ri gi hang" we' ayo" zei: ci: nghoid ago". 5Nyang: gi nyid" ri myen" ri loeb joem da" agyoo: moo yo' boem cang mo: yoid so" yen" lho:-lug boem wigi nya: gung ri doin: thoung" coid ci: lho: nyid yen". 6Nyang gi Yesu ri vi: mo, lhoem: myang lang" tang" yhe: lho:-nya shid khoin" moo goeb pid da. 7Houg: su" wigi nyang: thui: zeing yo' nyho: tid zigi myhang: thang da" Mangso: nya: zoo: Yesu we"- nang yo" ngoo cisen: go" lha". ngoori ashen" baja"- Mangsoo myeung lang: lho: ngoo mho' da:- ga: tid. 8Nyang: houg: su" yoid tid zigi akhyeung" da" yu we"- byu he: youg jang" mo thu' loo" we' ga: Yesu tid kaid yoomo nghoid. 9Yesu gi nyang ri re" myeung ce: noem nghoid ga: myid:- houg: lang" nyang gi ngoonu" phung: moo" zeing nghoid yoomo nga" myeung gi phung myoo" sho bang: ga: zi nghoid ga: tid. 10Nyang: gi Yesu ri hau: meing: mo yu joem ri akhaid thu' pyam wa shid re" gye" nyang: mho' nyid. 11Akhid" hau: boug gung khyid: cang vu, joem moo" dajoem boid zo: nyid ago". 12Yu joem gi Yesu ri ngoonu" vu, joem moo yhe: vang wa akhang" byid: kaid we' ga: mho' ago". Yu joem gi nyhang" vu, joem jhang yhe lo" boem shang ga: sham go" nyid 13Yesu gi nyangnu" ri loo" wa akhang" byid: kaid da:- akhyeng" da" yu joem gi hau: youg khyoug: mo thu' lo" wigi vu, joem moo yhe: bye. Houg: lang" eig khyeung" koo: bo da" vu, joem dangain" gi - dung" bung nhoid mo gyid thoem" khyoo: gei vang lo" boem wigi noeb se" shid: pyam. 14Vu, zung" mo, gi tang" phang: lo" lho: hau: khyoo: ri voomoo" khoug: moo" we' khyam: yoo joem khyoo we lo" tid fu" kaid ago". Houg: lang" mung" byu yi gi bue" lid loo bye: da" khyoo: ri yu" wa shid mo hau: joyoo kkyoo: thu' yhe: lo" boem ago". 15Nyang: nu" gi Yesu jang" moo ju" lang" yu phung myoo" sho' zhoug: da" byu gi byimi nyeung" za: void ci: lho: wigi nheg gyeing" gyeing: za: zhoung: jo, ziri yhe: myang boem yoomo nyangnu" gyoug nyid ago". 16Hau: khyo: ri shau" myang mo, gi zhoung su: yo' vu, joem moo khasu" bue" lid lo da" khyoo: ri meing byu yi ri tid kyo" ago". 17Houg: lang" nyangnu" gi Yesu nyangnu" da" moug: mo thu' loo" wa shid re" mho' ago". 18Yesu gi lhid khoug: khyo: vang lo" nyid uri shid phyang" yu joem zhung: su: ri Yesu jhang khyoo: nyang: we bo cang wa shid re: mho' nyid. 19Nghoid loug we' Yesu nyang ri akhang abyid. loo:- re" yhoem: khyoo: doem lo" lho: yhoem: byu yi yo' bidnoem yi ri Aseing: gi nang ri khayhi' nheug khyeug wigi pang" thoug bye: khyoo: ri lo" tid kyoo we' ga: tid. 20Houg: lang" nyang gi thu' lo" wigi Yesu nyang: ri khayhi' pang" thoug bye: da" khyoo: ri voo thoem daxi: voo jang sho' tid lo". hau: dang: ri shau" gyoo: mo, dangain we' gyo: mau" ago".
Ya-I-ru Myiyi: Zoo: Yo' Yesu Byi: Sheing: zang" Moo Tain" Da" Myiyi Dayug
(Mat 9:18-26; Luk 8:40-56)
21Thang: ri Yesu gi lhid mo wigi thoem" thei: tab khyoo: doem gu: dab lo". Houg: lang" byu phung: moo" zeing nya: jang" moo re" zeung phoung nyid ago". Yesu gi thoem" yam moo nyid nyid. 22Ya-I-ru ga: su:- tarha" jung mo agyi phoo ju" re" lho: Yesu ri myang lang" nya: khyid: yang: moo goeb pid wigi 23Nga" myiyi: nu: no shid: lo" - nyid nya: noo ge lo lho: dei nyid wa shid re" nya: tho' moo re" lo, re" ki" byid: we' ga: yoem: kaid re: mho' da. 24Yesu gi Ya-i-ru yo' dage" cang yhe: lo" da- Meing: byu myoo: sho' nya: thang: moo cang: yhe: boem yoomo-Yesu ri nyangnu" lehing khoem to". 25Houg: moo daxe: eig zain suid" shoin: no da" myiyi: dayug we' bo da: 26Moocid" Doctor myoo" sho' wigi pho: ya yu" bye- nyang: yo" gu: bain sho' cid" phoug" byid pyam nghoid loug we' noo gi ge lo lid ajo,- daje no lo nyid. 27Nyang gi Yesu da khyoo: ri shau" gyo: yu" bye: yoomo nya: nung thang byuphung: khyoo: re" lho: 28«Nya: byimi moo khyalhang"- nga" lo, wigi yo" shau" tain" kaid nghoid rigi nga" noo gi wa» ga: nyang: tid nyid. 29Yesu da" byisheing: moo nya: lo, wigi yhe: tain" kaid- houg: lang" nyang: suid" shoin: nyid zi doem byug ziyo' nya: kham' zo: nyid noo ge lo" byug bye. 30Houg lang: yesu gi nya: khoug: mo yoem: so' thu' loo" bye: ziri se' yoomo mung" byu yi shoid khyoo: leung: yu" lho: nga" byimi moo hang" re" tain" go" la"» ga: myid. 31Nya: cangzoo: yi gi meing byu yi myoo" sho nang ri zang" jhen" tain" nyid ziri nang myang nyid gu ngoo- ri hang" re" tain: go" ein: cikoid myid? ga: nyang: ri phoug tid ago". 32Nghoid loug we Yesu gi nyang ri zang" tain" su: hang" nghoid ziri myang wa shid re" goem: sho' lheung: yu" nyid da:. 33Hau: myiyi koem gi nyang moo bue" lo khyoo: ri se' boin; yoomo gyoug nain" ziyo' Yesu shid khoin" moo goeb lho" wigi nghoid deung da" khyoo: dangain: nyang ri tid kyo". 34Yesu gi nyang: ri nga" zoo: we" re" loem" jeung" zigi nang ri gi byid: bye- yug yoo tung" loo" re'- nang kham, zo: nyid noo ge shang loo" baja"- ga: tid kaid. 35Yesu hougsu" da tid nyid shi uri-Ya-i-ru yhoem: mo lagyoo: yi ju" re" wigi re" myiyi: zoo: shid: abye:- sara ri ce: ayoug akhi: koid nyid shi" lha"» ga: tid boem. 36Nghoid loug we' nyangnu" tid ziri yesu atam" gyoo: looza:- Ya-i-ru ri agung youg- loem" za: loem" jeing" we' ga: tid. 37Houg: lang" Petru Yaku yo' Yaku nya: no, Yohan mo jain" lho: gootu: hang" ri we' nyang yo' dage" acang nhang: nghoid da. 38Nyangnu" Ya-i-ru da: yhoem: moo ju" lang" byu myo" sho' zeung: lho: koug ngaug lu: fu: go' nyid lang" ziri Yesu myang. 39Houg: lang: nyang gi yhoem: khyoug: khyoo: vang yhe: wigi nanu" ciwim wigi mo, thei" mo, yug kyi: ngaug go nyid go" lha". zoo: shang gi shid: zi anghoid- yhoeb myhed jo, zi za: danghoid da:- ga: tid. 40Nyangnu" gi nyang ri juang" yi pyam byid: boem. Houg: lang" yesu gi nyangnu" ri tung: gung khyoo: nhang: thu' pyam lho: wigi zoo: myi zo: nya: myhi' yo' nya: phoo- nya: cangzoo: soem" yug ri shu" lho: hau: zoo: shang leung jo, da" yab khyoo: vang lo" ago". 41Nyang: gi hau: zoo shang lo, moo zei; lho: Talithakumi ga: tid- hau; zigi; zoomyi: zoo: we" ngoo nang ri tid ba- too' we' ga: tid zi da" dang: kang: nghoid. 42Houg: lang" zoomi: zoo: gi to' re: lho: so" loo"- (nya: apyaid gi daxe: eig zain nghoid da") Hid su" bue" ziri nyangnu" koem gi gye" mau" byug boem abye:- 43Nhgoid loug we' yesu gi-he: khyoo: yo' sen: lho: nanu" hang" ri we' atid' kyoo" goo"- ga: nyangnu" rizoug" nhang: lho: zoomyi: zoo: ri zoonoem daja: ja: byid: zhoo" goo" ge' ga: tid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.