MATHE 9
9
Gung Joem: shid: Su: Ri: Ge Loo" Nhang: Khyoo:
(Mar 2:1-12; Luk 5:17-26)
1Lhid' moo vang lo" ri nyang: nya: voogung moo ju" lo" boem. 2Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.
3Houg: yoomo Tarha" sara: yi dayham" mo, gi «he: yug Mangsoo ri shoid' da" dang: da tid nyid» ga: nyangnu" nyang cang" tid go" nyid.
4Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go". 5Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la". 6Nghoidloug hau: byu da" nya: zoo: gi mougmyid tho' mo da" yooboo ri khyoid' pyam' byid: wa amyeing" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,» ga: tid.
7Houg: lang" gi nyang: to lho: nya: yhoem: khyoo loo" khari" bye. 8Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.
Mathe Ri: Khe: Yu Da" Khyoo:
(Mar 2:13-17; Luk 5:27-32)
9Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang"
«nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.
10Hau: thang: ri Mathe da" yhoem: moo voem: zo: wa ga: zhoung: jo, da" uri kheing" khyu: zoo: mo, yo"- yooboo dab mo, myoo" sho' Yesu we' nya: cangzoo: yi we' zheung: zhoung: jo. 11Pharishe yi gi hau: ziri myang lang" «nyangnu" gi kheing" khyu: zoo: mo, yooboo yoo" mo, yo" dage" ciwim wigi nanu" da" sara: gi voem: shoin" zo: lha"» ga: wigi nya: cangzoo: yi ri myed: boem.
12Nyang: gi hau: da" dang: ri shoug" gyoo: «lang" yoem: boo mo gi moocid" sara: avho: boem. Noo mo, za: date: vho:» ga: tid. 13«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.
Zoo: Noem Zeung: Khyoo: Ri: Re" Myed
(Mar 2:18-22; Luk 5:33-39)
14Houg: lang" Baptisma sara: Yohan da" cangzoo: yi gi Aseing jang" moo ju" re" boem lho: «ngoonu" yo' Pharishe yi zoo: noem doem zeung: zeung: dakoid nyid ziri re" cangzoo: yi gi ciwim zoo: noem azeung: go" la"» ga: re" myed.
15Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.
16«Byi joid ri byi: seig cu' yo" hang" aphoo:- houg: su" koid: lang" byi: seig cu' gi byi: xoug" ri lang: ceug lho: je bang" loo" wa zi nghoid. 17zabyidd" yeing aseig ri we' zabyidd" thug xoug" moo hang" akaid, yu"- houg: su" koid: nghoid ri thug boug lo" lho: zabyidd" yeing yau shoin: pyam' wigi thug we' yoin" byug wa. zabyidd" aseig ri thug seig moo kaid boem nghoid rigi houg: eig ja: goin" ge jo, wa zi nghoid».
Zoug: Dayug Myiyi: Zoo: Yo' Yesu Da" Byi: Moo Re" Tain" Myiyi:
(Mar 5:21-43; Luk 8:40-56)
18 Aseing Yesu houg: su" ga: da tid nyid shi" uri yu" ge'. Zoug: dayug nya: jang" moo ju" re" wigi «Aseing ri re" pid' lho: nga" myiyi: zoo: so' she: thang lo" nyid bye. Nghoidloug we' nang re" wigi nya: tho' moo lo, ki" byid: nghoid rigi nyang doem dei loo shi" wa» ga: re" tid.
19Houg: lang" Yesu to wigi nya: cangzoo: yi yo" dage" hau: youg jang" moo cang yhe: lo.
20Houg: lang" yu" ge'. daxe: eig zain suid" shoin: no da" myi yi: dayug Aseing jang" moo jhen" re" lho: nya: byi: mo bain: byug thang: moo re" shau" tain". 21«Khasu" wim gari nya: byi: moo khyalhang"- shau" tain" lang" gi ngoo ge loo wa» ga: nya: nheigloem: moo myed loem" to.
22Yesu lheing: yu" lho: nyang ri myang lang" «nga" zoomyi: zoo: we"- nheig ange nyid re" da" loem" jhing" zigi nang ri ze: ge abye:» ga: tid. Hau: ayo, mo wigi hau: myiyi: zoo: ge loo" bye.
23Akhid" Yesu hau: zoug: pho yhoem: moo ju" yhe: wigi khalhang moid' mo, yo"- koug shu: nyid mo, myoo" sho' ri yhe: myang lang. 24«Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid» ga: tid. Nyangnu" gi Yesu ri gye" juang" yi nyid boem ago". 25Houg: zheung: foem: too" mo, ri khaid thu' pyam' lho: nyang vang lo" wigi zoomyi: zoo: da" lo, moo zei:- houg: lang" hau: zoomyi: zoo: gi doem dei to' lo. 26Houg: su" wigi hau: Aseing koid: da" lu dang: gi hau: mung" moo fu" nheing loo" bye.
Myo, Amyang Su: Eig Yug Ri: Myo, Myang Loo Nhang
27Yesu gi hau: joyoo mo doem so" lo" ri myo, amyang da" byu eig yug nya: jang" moo cang lo lho: «David da" nya: zoo: we"- nga" eig yug ri nheig khyeig yu shi" we' o"» ga: yoid tid ago".
28Hau: yhoem: moo vang lo" ri hau: myo, amyang su: eig yug we' cang vang lo wigi Yesu gi «ngoo he: moo" yo" zei: ziri re" eig yug loem" go" la"» ga: nya: eig yug ri myid: yu"- nya: eig yug gi «loem" bye:-
Aseing we"» ga: phougtu"
29Houg: su" wigi nya: eig youg da" myojid" moo tain" byid: lho: «re" eig yug loem" jeung" nyid ziyo' dakhyoo" ti"- bue" loo" baja"» ga: tid. 30Houg: lang" nya: eig yug myo, myang lo. Yesu koem gi «he: khyoo: hang" we' asi baja" zid" ge'» ga: zau" too" nhang: da:.
31Nghoidloug we' nya: eig yug gi thu' lo" wigi nya: khyoo: ri mung" goin" jang" moo fu" nheing kaid bye.
Yu Dab Da" Nhoid' Jed Su: Ri: Dang: Doem Yo" Meing Nhang:
32Hau: eig yug thu' lo" lho: ri byu dayham" gi yu dab lho: ko" ase' meing su: dayug ri Aseing jang" moo shu" re" boem. 33Hau: yu ri khaid thu' pyam' byid: lang" nhoid jed su: gi dang: se' tid lo. Houg: su" yoomo mung" byu yi gi dajha" mau" lo wigi «Israela byumyu" moo he: yug te" zi gi khanham we' myang yu».
34Pharishe bang: gi «yu joem da" zoug: ri loem lho: za: nyang: yu joem ri dayo" khaid pyam' da:» ga: tid boem.
Yesu Byu Yiri Nheig Khyeig Shoo" Myen: Da" Khyoo:
35Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid. 36Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang. 37Houg: su" nghoid yoomo nya: cangzoo: yiri nyang tid da" zigi «Gug shab wa da" joyoo myoo" sho' jo, da" moo" zei: mo, atham: nghoid da" ga: tid. 38Houg: yoomo hau: gug yhoem: seing: gi nya: gug shab moo" zei: byu nhang: kaid byid: baja"- Akyu" mho' nyid ge» ga: tid.
ទើបបានជ្រើសរើសហើយ៖
MATHE 9: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MATHE 9
9
Gung Joem: shid: Su: Ri: Ge Loo" Nhang: Khyoo:
(Mar 2:1-12; Luk 5:17-26)
1Lhid' moo vang lo" ri nyang: nya: voogung moo ju" lo" boem. 2Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.
3Houg: yoomo Tarha" sara: yi dayham" mo, gi «he: yug Mangsoo ri shoid' da" dang: da tid nyid» ga: nyangnu" nyang cang" tid go" nyid.
4Yesu gi nyangnu" da" nheigloem: ri si byid: lang" «nanu" da" nheigloem: moo ciwim wigi age da" khyoo: ri myed nyid go". 5Re" yooboo khyoid pyam' byid: bye- houg: su" anghoid lang" gi to so" loo" we' ein: tid wa da" dang: eig khoin" mo kha: khoin" je tid lei la". 6Nghoidloug hau: byu da" nya: zoo: gi mougmyid tho' mo da" yooboo ri khyoid' pyam' byid: wa amyeing" akhang" yo" zigi nanu" si goo" baja"- houg: lang" hau: ajoem: shid: su: ri too' we' re" da" yhoeb' yoo deing: vu, lho: nanya: yhoem: khyoo loo" re,» ga: tid.
7Houg: lang" gi nyang: to lho: nya: yhoem: khyoo loo" khari" bye. 8Hau: khyoo: ri myang da" mung" byu yi gi gyoug phau" nyid boem wigi xangsu: byu yi ri hid yhangte" da" akhang" byid: da" Mangsoo ri vho: ngei nyid boem.
Mathe Ri: Khe: Yu Da" Khyoo:
(Mar 2:13-17; Luk 5:27-32)
9Yesu gi hau: joyoo mo doem so" lo" ri kheing" khyu: yhoem: moo zhoung: jo, da" Mathe ga: su: ri nyang: shau" myang lang"
«nga" thang: cang loo we'» ga: nyang: ri tid. Houg: lang" nyang: to' wigi nya: thang: moo cang lo.
10Hau: thang: ri Mathe da" yhoem: moo voem: zo: wa ga: zhoung: jo, da" uri kheing" khyu: zoo: mo, yo"- yooboo dab mo, myoo" sho' Yesu we' nya: cangzoo: yi we' zheung: zhoung: jo. 11Pharishe yi gi hau: ziri myang lang" «nyangnu" gi kheing" khyu: zoo: mo, yooboo yoo" mo, yo" dage" ciwim wigi nanu" da" sara: gi voem: shoin" zo: lha"» ga: wigi nya: cangzoo: yi ri myed: boem.
12Nyang: gi hau: da" dang: ri shoug" gyoo: «lang" yoem: boo mo gi moocid" sara: avho: boem. Noo mo, za: date: vho:» ga: tid. 13«Houg: su" wigi xoin" ngei" byid: da" khyoo: anghoid- nheig khyeig khyoo: ri ngoo vho: nyid ga: da" dang: ri se' loo" goo" baja"- re" jhau" yu ge'. Khasu" wim gari deung byeung" mo, ri khi: wa zi anghoid. Yooboo yoo" mo, ri khi: wa ein: ngoo dare"» ga: tid.
Zoo: Noem Zeung: Khyoo: Ri: Re" Myed
(Mar 2:18-22; Luk 5:33-39)
14Houg: lang" Baptisma sara: Yohan da" cangzoo: yi gi Aseing jang" moo ju" re" boem lho: «ngoonu" yo' Pharishe yi zoo: noem doem zeung: zeung: dakoid nyid ziri re" cangzoo: yi gi ciwim zoo: noem azeung: go" la"» ga: re" myed.
15Yesu gi «phoo seig gi loxo' yab, yo' sen: da" pui" re" byu yi yo" dage" danyid shi" uri nyanu" nyang: koug" shu: zi shau" goo" wa la". nghoid loug we' phoo seig ri kang" kaid wa da" bidnyid ju" loo wa. Houg: lang" nyangnu" gi zoo: noem zeung: zi nghoid.
16«Byi joid ri byi: seig cu' yo" hang" aphoo:- houg: su" koid: lang" byi: seig cu' gi byi: xoug" ri lang: ceug lho: je bang" loo" wa zi nghoid. 17zabyidd" yeing aseig ri we' zabyidd" thug xoug" moo hang" akaid, yu"- houg: su" koid: nghoid ri thug boug lo" lho: zabyidd" yeing yau shoin: pyam' wigi thug we' yoin" byug wa. zabyidd" aseig ri thug seig moo kaid boem nghoid rigi houg: eig ja: goin" ge jo, wa zi nghoid».
Zoug: Dayug Myiyi: Zoo: Yo' Yesu Da" Byi: Moo Re" Tain" Myiyi:
(Mar 5:21-43; Luk 8:40-56)
18 Aseing Yesu houg: su" ga: da tid nyid shi" uri yu" ge'. Zoug: dayug nya: jang" moo ju" re" wigi «Aseing ri re" pid' lho: nga" myiyi: zoo: so' she: thang lo" nyid bye. Nghoidloug we' nang re" wigi nya: tho' moo lo, ki" byid: nghoid rigi nyang doem dei loo shi" wa» ga: re" tid.
19Houg: lang" Yesu to wigi nya: cangzoo: yi yo" dage" hau: youg jang" moo cang yhe: lo.
20Houg: lang" yu" ge'. daxe: eig zain suid" shoin: no da" myi yi: dayug Aseing jang" moo jhen" re" lho: nya: byi: mo bain: byug thang: moo re" shau" tain". 21«Khasu" wim gari nya: byi: moo khyalhang"- shau" tain" lang" gi ngoo ge loo wa» ga: nya: nheigloem: moo myed loem" to.
22Yesu lheing: yu" lho: nyang ri myang lang" «nga" zoomyi: zoo: we"- nheig ange nyid re" da" loem" jhing" zigi nang ri ze: ge abye:» ga: tid. Hau: ayo, mo wigi hau: myiyi: zoo: ge loo" bye.
23Akhid" Yesu hau: zoug: pho yhoem: moo ju" yhe: wigi khalhang moid' mo, yo"- koug shu: nyid mo, myoo" sho' ri yhe: myang lang. 24«Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid» ga: tid. Nyangnu" gi Yesu ri gye" juang" yi nyid boem ago". 25Houg: zheung: foem: too" mo, ri khaid thu' pyam' lho: nyang vang lo" wigi zoomyi: zoo: da" lo, moo zei:- houg: lang" hau: zoomyi: zoo: gi doem dei to' lo. 26Houg: su" wigi hau: Aseing koid: da" lu dang: gi hau: mung" moo fu" nheing loo" bye.
Myo, Amyang Su: Eig Yug Ri: Myo, Myang Loo Nhang
27Yesu gi hau: joyoo mo doem so" lo" ri myo, amyang da" byu eig yug nya: jang" moo cang lo lho: «David da" nya: zoo: we"- nga" eig yug ri nheig khyeig yu shi" we' o"» ga: yoid tid ago".
28Hau: yhoem: moo vang lo" ri hau: myo, amyang su: eig yug we' cang vang lo wigi Yesu gi «ngoo he: moo" yo" zei: ziri re" eig yug loem" go" la"» ga: nya: eig yug ri myid: yu"- nya: eig yug gi «loem" bye:-
Aseing we"» ga: phougtu"
29Houg: su" wigi nya: eig youg da" myojid" moo tain" byid: lho: «re" eig yug loem" jeung" nyid ziyo' dakhyoo" ti"- bue" loo" baja"» ga: tid. 30Houg: lang" nya: eig yug myo, myang lo. Yesu koem gi «he: khyoo: hang" we' asi baja" zid" ge'» ga: zau" too" nhang: da:.
31Nghoidloug we' nya: eig yug gi thu' lo" wigi nya: khyoo: ri mung" goin" jang" moo fu" nheing kaid bye.
Yu Dab Da" Nhoid' Jed Su: Ri: Dang: Doem Yo" Meing Nhang:
32Hau: eig yug thu' lo" lho: ri byu dayham" gi yu dab lho: ko" ase' meing su: dayug ri Aseing jang" moo shu" re" boem. 33Hau: yu ri khaid thu' pyam' byid: lang" nhoid jed su: gi dang: se' tid lo. Houg: su" yoomo mung" byu yi gi dajha" mau" lo wigi «Israela byumyu" moo he: yug te" zi gi khanham we' myang yu».
34Pharishe bang: gi «yu joem da" zoug: ri loem lho: za: nyang: yu joem ri dayo" khaid pyam' da:» ga: tid boem.
Yesu Byu Yiri Nheig Khyeig Shoo" Myen: Da" Khyoo:
35Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid. 36Hau: da" mung" byu phung: moo" ri nyang: myang lang" nyang: houg: bang: ri nheig yu" myen:- Khasu" wim gari nyangnu" gi yang zung" su: aboo wigi byug yoin" byo, lan lo" da" yang phung: yhangti"- myid myoo: ung: loug nyid boem ziri nyang: myang. 37Houg: su" nghoid yoomo nya: cangzoo: yiri nyang tid da" zigi «Gug shab wa da" joyoo myoo" sho' jo, da" moo" zei: mo, atham: nghoid da" ga: tid. 38Houg: yoomo hau: gug yhoem: seing: gi nya: gug shab moo" zei: byu nhang: kaid byid: baja"- Akyu" mho' nyid ge» ga: tid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.