MATHE 27
27
Pilaid khokam" Jhang Yesu Ri: Shui" Yhe:
(Mar 15:1; Luk 23:1-2; Yoh 18:28-32)
1Nabsoin: no' re- khainjung agyi yi yo"- Yuda mung zoug: yi Yesu ri said pyam wa shid re" sham go" nyid. 2Yesu ri tei" lho: Roma mung" zoug:- Pilaid jhang khyoo yhe: shu" ab pyam bye.
Yuda Shed: Lo" Khyoo:
(Lgy 1:18-19)
3Hau: uri gi Yesu ri sube" lo, moo ab pyam da" Yuda gi Yesu ri said pyam wa da" dang: kho' zi si lang" shoid boin: lho: wigi ngei soem" xi: kyab ri khainjung agyi yi yo"- phung: nheigboo yi jhang khyoo doem ci: yhe: lo". 4«Ngoo gi yooboo aboo su: ri ab byid: shoid bye:» ga: tid.
Nghoidloug we' houg: bang: gi «ngoonu" yo" ci: asen: loo. Houg: re" yoovoin za: danghoid lo:» ga: tid boem.
5Houg: lang" Yuda gi ngei Soem" xi: kyab ri noku yhoem: moo" khoug: moo she: lhei" too" khare" lho: goo" khyi moo yhe: cu: shid pyam bye.
6Khainjung agyi yi gi «hau: da" ngei ri koid: yu boem lho: he: da" ngei gi suid" phoug" ngei nghoid. Houg: yoomo ngei deig moo adoem ge kaid loo:» ga: tid ago". 7Nyangnu" sham: go" lho: hau: ngei yo' oug" koid su: da" khyam: dalheing ri qei yu lho: tung: boug yi da" loeb boug koid. 8Houg: su" wigi hau: da" myidjang: ri «akhid" nyid" ju" sho' suid" lhu" da" myidjang:» ga: myheing to" boem.
9Lapi: Yerimi gi «joeb byeung" loo bye. Nyangnu" gi hau: youg da" aphoug" khyo" ngei soem" xi: kyab, byid: wa zi Israela yi myid veung" too" bye. 10Aseing ngoori amyeing" byid: to" ziyo' dakhyoo" ti"- oug" koid: su: da" khyam: yoo ri qei yu bye:» ga" tid.
Yesu Ri: Pilaid Dang: Myed: Da" Khyoo:
(Mar 15:2-5; Luk 23:3-5; Yoh 18:33-38)
11Roma mung" zoug: Pilaid da" shid khoin" moo Yesu yhe: yab jo, da" uri Pilaid zoug: moo" gi «nang gi Yuda yikhokham" nghoid la"» ga: lhoem: myid.
Yesu gi «nang nyang: tid nyid da:» ga: phoug tu. 12Nghoidloug we' khainjung agyi yi yo' Yuda zoug: yi yooboo foin: da" khyoo: ri Yesu gi dakhoin" we' aphoug tu.
13Hau: da" uri Pilaid gi «nang ri yooboo khayhi' foin: da" khyoo: ri nang gi ashau" gyoo: rhe"» ga: myid.
14Nghoid loug we' Yesu gi dang: dakhoin" we' aphoug tu. Houg: yoomo mung" phoo gi gye mau" nyid.
Yesu Ri: Shid Wa Dang: Phyed Zi Shau"
(Mar 15:6-15; Luk 23:13-25; Yoh 18:39—19:1-16)
15Roma mung" zoug: phoo gi lhed: kaid da" pui: yo, khang" moo"- mung" byu yi zheung: mho' ziyo' dakhyoo" ti"- thung: byu dayug yug ri lhung nhang: kaid yu. 16Hau: da" uri Yesu Baraba ga: da" gye" akhyeing" myeing thu' nyid da" byu dayug thung: moo bo loung" jo. 17Houg: su" mung" byu yi coem zheung: loo lang" Pilaid gi «Nanu" shid re" hang ri pyoin nhang: kaid wa la". Yesu Barba la". Khristu ga: da" Yesu yug nghoid wa la"» ga: myid: nyid. 18Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.
19Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.
20Khainjung agyi yi yo"- phung nheig boo yigi byu phung yi re: mhed" lhoo wigi Baraba ri pyoin kaid lho: Yesu ri said pyam ge' ga: wigi nyhoo: nhaung". 21Pilaid nghoid loug we' gi «he: eig yug mo, kha: yug ri pyoin kaid wa lha". Nanu" kha: yug ri vhoo: go"» ga: myid: nyid. phung: byu yi gi «Baraba ri pyoin kaid we'» ga: nyho: yoid nyid ago".
22Pilaid gi «houg: su" nghoid lang" gi Khristu ga: da" Yesu ri ngoo ci: su" koid: wa lha"» ga: doem myid: houg: bang: dangain" mo, gi
«nyang: ri jen" said pyam we"» ga: nyho: yoid tid nyid ago".
23Pilaid gi «nyang: gi ce: yooboo ri shoid lha"» ga: doem myid: nghoid loug we'
houg: bang: gi «nyang: ri baid jen" said pyam we"» ga: kang: gyo" loo" sho' sho' yoid nho: nyid ago".
24Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.
25Meing: byu dangain" mo, gi «He: yug shid: lo' da" yooboo gi ngoonu" yo" ngoonu" da" myed: yam: zoo: xeig ju" sho' ngoonu" nyang: voin wa" ga: yhen yu ago".
26Houg: thang: Pilaid gi Baraba ri nyangnu" shid re" pyoin kaid lho: Yesu ri gyoem thung" dam kaid wigi pyang" zeing moo baid jen" said pyam wa shid re" ab byid: kaid bye.
Yesu Ri:- Gyizoo: Yi Juang" Yi Da" Khyoo:
(Mar 14:16-20; Yoh 19:2-3)
27Pilaid da" gyizoo yi gi Yesu ri mug" zau: dajo, yoo khyoo khe: shu" vang loo" houg: lang" hau: gyidab goin nya: nam, moo lheing khoem" to". 28Gyizoo: yi gi yesu da" byimi ri khyoid pyam byid: lho: Byini sheing: ri doem foid ago". 29Hau: lho: ri zu: yo' koid: to" da" zu: bidmug ri we vhuloem tho' moo zhung" byid: to" ago". Nya: lo, yo lo, moo jam pheing" da: khaid ri zei: ci: nhang: lho: nya: shid khoin" moo poin" thug thoug wigi nyang: ri juang" yi zoore" «Yuda khokham" phoo we"- nang kang: sheing: nyid baja" o"» ga: juang" yi nyid ago". 30Nyangnu" gi Yesu ri shi" kain" byi" gyoin: boem ago". Jam pheing" yang: yu lho: vhuloem moo we' baid byid: ago". 31Houg: su" bain juang" yi boem lang" gi byisheing: ri khyoid yu lho: nya: byimi doem foid wigi baid jen" said' wa shid re" shu" thu' lo" boem.
Yesu Ri: Baid Jen" Said Da: Khyoo:
(Mar 15:21-32; Luk 23:26-43; Yoh 19:17-27)
32Nyangnu' thu' lo" da" uri Kureini mung" mo, Simon ga: da" su: yo" shau" go" wigi gyizoo: yi gi hau: yug ri ayoid ayu" khe: yu lho: wigi Yesu da" pyang" zeing ri bo vu nhang: ago". 33«Vhu" gyab boug» ga: da" Golagotha boug moo ju" yhi: lang" gi 34Nyangnu" gi cid" khoo" yo" phoung" to" da" zabyidd" yhid: ri Yesu ri byid: jhoug ago". Hau: ziri dajhi' ca: yu" lho: nyang: anau shug.
35Hau: thang: ri nyangnu" gi Aseing yesu ri pyang" zeing tho' moo baid jen" too" bye. Hau: thang: ri nya: byimi rigi me" lab' lho: gam go" boem. 36Houg: moo zhoung: jo zoore" yesu ri zung" nyid go". 37Yesu ri tarha" soi da" dang: khoin" Yesu da" vhuloem dang moo (He: yug gi Yuda khokham" nghoid.) Ga: da" lhid" cab ri baid tab to' boem. 38Hau: da" ayo' moo khyangtoug: eig yug ri we' Yesu yo' dage nya: da" lo, yo shoid dayug lo, koung" shoig dayug- pyang" zeing moo bo baid jen" lhang" to" boem.
39loo" loo" koid nyid da" mung" byu yi gi vhu" pi: pi: zoore" yhoem: moo" ri phyo' pyam lho: Yesu nam moo nyho: juang" 40«Noku yhoem moo" ri nang phyo' pyam lho: soem" nyid" agyoo: moo doem yo" tu shab too" su:. Nang Mangso da" nya: zoo: deung nghoid rigi nanya: gung na nyang: khyoid yu we' pyang" zeing tho' mo gyoo" lo yu" we'.»
41Houg: yo' dakhyoo" ti" Khainjung agyi yi yo" Tarha" sara: yi Yuda vhu" jhung: yi we' nyang: ri. 42«He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"» ga: juang" yi nyid boem nyang: gi Israela byumyu" da" khokham" anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa. 43Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»
44Nyang: yo" dage" pyang" zeing moo jen" lhang" to" da" khyangtoug: yi we' houg: yo' dakhyoo" ti" nyang: ri bo juang" yi nyid boem.
Yesu Kang: Gyo" Lo" Da'" Khyoo:
(Mar 15:33-41; Luk 23:44-49; Yoh 19:28-30)
45Nyid gung tu: jang" mo- soem" nayi: ju" sho' damung" goin" moug coid teing: no, jo. 46Soem" nayi koo: moo gi Yesu gi thui: zeing yo" (Elo: i Elo: i Lemasabag Thani) ga: nyhongau, yoid. Hau: da" dangkang: gi nga" phoo Mangsoo we"- nga" phoo Mangsoo we"- ci: wim ngoori- she: pyam to" lha"» ga: tid zi nghoid.
47Hau: da" anam moo yab jo, mung" byu da yham" bang: shau" gyoo: lang" houg" nyang: gi «Elia ri yoid nyid bye:» ga: tid boem. 48Houg lang" nyangnu" jaung" mo dayug gi myab myab gei yhe" lho: bung: gyed soid yu ci: wigi:- gu nham da" zabyidd' yhid moo joem lho: jam pheing" yang: vhu: moo tab lho: nyang: ri jhug wa shid re" lu: nyid.
49Nghoid loug dayham bang: gi «lang" yu" nyid shang Elia gi nyang: ri re" yo" khyoid yu la"» ga: tid boem ago".
50Yesu gi thui: zeing yo" doem nyho: ngau lho: nya: kang:- gyo" loo" khari" bye.
51Hau: da" uri kyu" mho' yhoem: moo" khoug: mo pain" xiyam gi aphyoo" mo apoem: ju" sho' eig gang gyam: dang: gyo" loo" khare". Myid leig we' leig lho: lung: moo" boem joem we' gyam: lo". 52Loeb duang: we' bang" lo" boem wigi bain shid bye da:- Mangso byu yi myoo" sho' we' doem dei to' lo boem. 53Yesu shad: jang" mo doem dei to' lo thang: ri houg: bang: we' loeb khoug: mo zheung: thu' lo boem lho: gyeungshang: da" voogung khyoo vang lo" boem wigi nyangnu" byu myoo" sho' mo nyangnu" ri lhoem: myang boem.
54Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem
55Hau: joyoo mo vi" vi: moo yab jo, lho: yu" nyid da" myiyi: yi myoo" sho' mo, gi Galile mung" moo Yesu thang: cang lho: pang" thoug yu" da" myiyi: yi nghoid boem. 56Nyangnu" moo Magadala Mari Yaku yo' Yoseb da" nya: myhi Mari yo' Zebedi da" yhoem seing: myhi, bang nghoid.
Yesu Ri: Nyhoeb Shoung: Da" Khyoo:
(Mar 15:42-47; Luk 23:50-56; Yoh 19:38-42)
57Akhid" myenthang: ju" loo lang" Armathi voo mo yoo" zoo: su: Yoseb ga: su: ju" re. Nyang: we' Yesu da" cangzoo: dayug nghoid. 58Nyang: gi Pilaida zoug: pho jang" moo vang yhe: lho: Yesu da" nghain" doem: rimho' yu. Pilaid khokham" gi Yesu dangain" doem: Yoseb ri byid: wa shid re" amyeing" khyo" kaid bye. 59Houg: su" wigi Yoseb gi Yesu dangain" doem ri khyo yu lho: young" da": jid: moo" pain" seig yo" wi gi thoeb too" bye. 60Hau: thang: ri lug pyo, moo aseig kyoung" to" da" nya: loeb moo yhe: kaid lho: loeb khoem" moo lug zeing daloem: tu: xau myhid" too" kho' kho' lho: lo" byug bye. 61Loeb tu tab moo Magadala Mari yo"- gootu: da" mari zheung: zhoung: jo, nyid kho.
Loeb Ri: Zung" Nyid Da" Khyoo:
62Hau: thang: Dougno: Bidnyid doem ju" lo ri khainjung agyi yi yo" Pharishe" gi Pilaid zoug: pho jang" moo zheung: shau" go" boem. 63«Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi. 64Houg: su" nghoid yoomo nya: loeb moo soem" nyid ju" sho' goo" lho: myhed" pyam lho: zung" nyid ca" shi" wa amyeing" byid: kaid we" ga: yhe: tid boem. Houg: su" akoid to: rigi nya: cangzoo: yi gi nya: mang ri re" khau" lho: vi: khyoo:- ayo" ci: loo" wa zigyo' nyang gi shid: jang" mo doem dei loo bye ga: subi" ri ayo" tid fu" wa. Houg: lang": gi xang: shid" mhau to" da" tho' moo thang: ri mhau da' khyoo: gi je shoid vhang: loo" wa yhe: tid boem.»
65Houg: lang" Pilaid zoug: phoo gi «zung" lhug da" gyidab ri khe: shu" yhi: ge'. Hau: loeb moo goo" lhoo:- bui" sho' zung" lhug: nyid nhang: ge» ga: amyeing" byid: kaid.
66Houg: su" nghoid yoomo nyangnu" gi loeb khyoo yhe: wigi lungloem: tho moo dazid' baid tab lho: loeb ri goug" goug: myhid" to" wigi gyizoo: yi ri zung" nhang: to" boem.
ទើបបានជ្រើសរើសហើយ៖
MATHE 27: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MATHE 27
27
Pilaid khokam" Jhang Yesu Ri: Shui" Yhe:
(Mar 15:1; Luk 23:1-2; Yoh 18:28-32)
1Nabsoin: no' re- khainjung agyi yi yo"- Yuda mung zoug: yi Yesu ri said pyam wa shid re" sham go" nyid. 2Yesu ri tei" lho: Roma mung" zoug:- Pilaid jhang khyoo yhe: shu" ab pyam bye.
Yuda Shed: Lo" Khyoo:
(Lgy 1:18-19)
3Hau: uri gi Yesu ri sube" lo, moo ab pyam da" Yuda gi Yesu ri said pyam wa da" dang: kho' zi si lang" shoid boin: lho: wigi ngei soem" xi: kyab ri khainjung agyi yi yo"- phung: nheigboo yi jhang khyoo doem ci: yhe: lo". 4«Ngoo gi yooboo aboo su: ri ab byid: shoid bye:» ga: tid.
Nghoidloug we' houg: bang: gi «ngoonu" yo" ci: asen: loo. Houg: re" yoovoin za: danghoid lo:» ga: tid boem.
5Houg: lang" Yuda gi ngei Soem" xi: kyab ri noku yhoem: moo" khoug: moo she: lhei" too" khare" lho: goo" khyi moo yhe: cu: shid pyam bye.
6Khainjung agyi yi gi «hau: da" ngei ri koid: yu boem lho: he: da" ngei gi suid" phoug" ngei nghoid. Houg: yoomo ngei deig moo adoem ge kaid loo:» ga: tid ago". 7Nyangnu" sham: go" lho: hau: ngei yo' oug" koid su: da" khyam: dalheing ri qei yu lho: tung: boug yi da" loeb boug koid. 8Houg: su" wigi hau: da" myidjang: ri «akhid" nyid" ju" sho' suid" lhu" da" myidjang:» ga: myheing to" boem.
9Lapi: Yerimi gi «joeb byeung" loo bye. Nyangnu" gi hau: youg da" aphoug" khyo" ngei soem" xi: kyab, byid: wa zi Israela yi myid veung" too" bye. 10Aseing ngoori amyeing" byid: to" ziyo' dakhyoo" ti"- oug" koid: su: da" khyam: yoo ri qei yu bye:» ga" tid.
Yesu Ri: Pilaid Dang: Myed: Da" Khyoo:
(Mar 15:2-5; Luk 23:3-5; Yoh 18:33-38)
11Roma mung" zoug: Pilaid da" shid khoin" moo Yesu yhe: yab jo, da" uri Pilaid zoug: moo" gi «nang gi Yuda yikhokham" nghoid la"» ga: lhoem: myid.
Yesu gi «nang nyang: tid nyid da:» ga: phoug tu. 12Nghoidloug we' khainjung agyi yi yo' Yuda zoug: yi yooboo foin: da" khyoo: ri Yesu gi dakhoin" we' aphoug tu.
13Hau: da" uri Pilaid gi «nang ri yooboo khayhi' foin: da" khyoo: ri nang gi ashau" gyoo: rhe"» ga: myid.
14Nghoid loug we' Yesu gi dang: dakhoin" we' aphoug tu. Houg: yoomo mung" phoo gi gye mau" nyid.
Yesu Ri: Shid Wa Dang: Phyed Zi Shau"
(Mar 15:6-15; Luk 23:13-25; Yoh 18:39—19:1-16)
15Roma mung" zoug: phoo gi lhed: kaid da" pui: yo, khang" moo"- mung" byu yi zheung: mho' ziyo' dakhyoo" ti"- thung: byu dayug yug ri lhung nhang: kaid yu. 16Hau: da" uri Yesu Baraba ga: da" gye" akhyeing" myeing thu' nyid da" byu dayug thung: moo bo loung" jo. 17Houg: su" mung" byu yi coem zheung: loo lang" Pilaid gi «Nanu" shid re" hang ri pyoin nhang: kaid wa la". Yesu Barba la". Khristu ga: da" Yesu yug nghoid wa la"» ga: myid: nyid. 18Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.
19Pilaid mung" zoug: gi «Tarha" zhung: tang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoori amain damyen goin' yhoeb' mo, moo nyang: yoomo nga" shid re" gye" jam joug bye:» ga: pyeung: kaid.
20Khainjung agyi yi yo"- phung nheig boo yigi byu phung yi re: mhed" lhoo wigi Baraba ri pyoin kaid lho: Yesu ri said pyam ge' ga: wigi nyhoo: nhaung". 21Pilaid nghoid loug we' gi «he: eig yug mo, kha: yug ri pyoin kaid wa lha". Nanu" kha: yug ri vhoo: go"» ga: myid: nyid. phung: byu yi gi «Baraba ri pyoin kaid we'» ga: nyho: yoid nyid ago".
22Pilaid gi «houg: su" nghoid lang" gi Khristu ga: da" Yesu ri ngoo ci: su" koid: wa lha"» ga: doem myid: houg: bang: dangain" mo, gi
«nyang: ri jen" said pyam we"» ga: nyho: yoid tid nyid ago".
23Pilaid gi «nyang: gi ce: yooboo ri shoid lha"» ga: doem myid: nghoid loug we'
houg: bang: gi «nyang: ri baid jen" said pyam we"» ga: kang: gyo" loo" sho' sho' yoid nho: nyid ago".
24Hau uri Pilai gi khasu' ase' xo' tid loo khasu" we' ase koid: lol. Meing: byu yi lu: fu: loo wa ziri za: myang yoomo gyid khu, yu lho: «he: yug shid: lo" da" khyoo: gi nga" yooboo anghoid. Nanu" da" moo' za: danghoid wa» ga: byu yi da" shid khoin" moo nya: lo, ced.
25Meing: byu dangain" mo, gi «He: yug shid: lo' da" yooboo gi ngoonu" yo" ngoonu" da" myed: yam: zoo: xeig ju" sho' ngoonu" nyang: voin wa" ga: yhen yu ago".
26Houg: thang: Pilaid gi Baraba ri nyangnu" shid re" pyoin kaid lho: Yesu ri gyoem thung" dam kaid wigi pyang" zeing moo baid jen" said pyam wa shid re" ab byid: kaid bye.
Yesu Ri:- Gyizoo: Yi Juang" Yi Da" Khyoo:
(Mar 14:16-20; Yoh 19:2-3)
27Pilaid da" gyizoo yi gi Yesu ri mug" zau: dajo, yoo khyoo khe: shu" vang loo" houg: lang" hau: gyidab goin nya: nam, moo lheing khoem" to". 28Gyizoo: yi gi yesu da" byimi ri khyoid pyam byid: lho: Byini sheing: ri doem foid ago". 29Hau: lho: ri zu: yo' koid: to" da" zu: bidmug ri we vhuloem tho' moo zhung" byid: to" ago". Nya: lo, yo lo, moo jam pheing" da: khaid ri zei: ci: nhang: lho: nya: shid khoin" moo poin" thug thoug wigi nyang: ri juang" yi zoore" «Yuda khokham" phoo we"- nang kang: sheing: nyid baja" o"» ga: juang" yi nyid ago". 30Nyangnu" gi Yesu ri shi" kain" byi" gyoin: boem ago". Jam pheing" yang: yu lho: vhuloem moo we' baid byid: ago". 31Houg: su" bain juang" yi boem lang" gi byisheing: ri khyoid yu lho: nya: byimi doem foid wigi baid jen" said' wa shid re" shu" thu' lo" boem.
Yesu Ri: Baid Jen" Said Da: Khyoo:
(Mar 15:21-32; Luk 23:26-43; Yoh 19:17-27)
32Nyangnu' thu' lo" da" uri Kureini mung" mo, Simon ga: da" su: yo" shau" go" wigi gyizoo: yi gi hau: yug ri ayoid ayu" khe: yu lho: wigi Yesu da" pyang" zeing ri bo vu nhang: ago". 33«Vhu" gyab boug» ga: da" Golagotha boug moo ju" yhi: lang" gi 34Nyangnu" gi cid" khoo" yo" phoung" to" da" zabyidd" yhid: ri Yesu ri byid: jhoug ago". Hau: ziri dajhi' ca: yu" lho: nyang: anau shug.
35Hau: thang: ri nyangnu" gi Aseing yesu ri pyang" zeing tho' moo baid jen" too" bye. Hau: thang: ri nya: byimi rigi me" lab' lho: gam go" boem. 36Houg: moo zhoung: jo zoore" yesu ri zung" nyid go". 37Yesu ri tarha" soi da" dang: khoin" Yesu da" vhuloem dang moo (He: yug gi Yuda khokham" nghoid.) Ga: da" lhid" cab ri baid tab to' boem. 38Hau: da" ayo' moo khyangtoug: eig yug ri we' Yesu yo' dage nya: da" lo, yo shoid dayug lo, koung" shoig dayug- pyang" zeing moo bo baid jen" lhang" to" boem.
39loo" loo" koid nyid da" mung" byu yi gi vhu" pi: pi: zoore" yhoem: moo" ri phyo' pyam lho: Yesu nam moo nyho: juang" 40«Noku yhoem moo" ri nang phyo' pyam lho: soem" nyid" agyoo: moo doem yo" tu shab too" su:. Nang Mangso da" nya: zoo: deung nghoid rigi nanya: gung na nyang: khyoid yu we' pyang" zeing tho' mo gyoo" lo yu" we'.»
41Houg: yo' dakhyoo" ti" Khainjung agyi yi yo" Tarha" sara: yi Yuda vhu" jhung: yi we' nyang: ri. 42«He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"» ga: juang" yi nyid boem nyang: gi Israela byumyu" da" khokham" anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa. 43Nyang: gi mangsoo ri loem jeung" lho: ngoo gi Mangso nya: zoo: nghoid ga: we' tid. houg: yoomo Mangsoo gi nyang: rijheddab nheig khyeig nghoid rigi akhid" nyang: ri khyoid yu baja".»
44Nyang: yo" dage" pyang" zeing moo jen" lhang" to" da" khyangtoug: yi we' houg: yo' dakhyoo" ti" nyang: ri bo juang" yi nyid boem.
Yesu Kang: Gyo" Lo" Da'" Khyoo:
(Mar 15:33-41; Luk 23:44-49; Yoh 19:28-30)
45Nyid gung tu: jang" mo- soem" nayi: ju" sho' damung" goin" moug coid teing: no, jo. 46Soem" nayi koo: moo gi Yesu gi thui: zeing yo" (Elo: i Elo: i Lemasabag Thani) ga: nyhongau, yoid. Hau: da" dangkang: gi nga" phoo Mangsoo we"- nga" phoo Mangsoo we"- ci: wim ngoori- she: pyam to" lha"» ga: tid zi nghoid.
47Hau: da" anam moo yab jo, mung" byu da yham" bang: shau" gyoo: lang" houg" nyang: gi «Elia ri yoid nyid bye:» ga: tid boem. 48Houg lang" nyangnu" jaung" mo dayug gi myab myab gei yhe" lho: bung: gyed soid yu ci: wigi:- gu nham da" zabyidd' yhid moo joem lho: jam pheing" yang: vhu: moo tab lho: nyang: ri jhug wa shid re" lu: nyid.
49Nghoid loug dayham bang: gi «lang" yu" nyid shang Elia gi nyang: ri re" yo" khyoid yu la"» ga: tid boem ago".
50Yesu gi thui: zeing yo" doem nyho: ngau lho: nya: kang:- gyo" loo" khari" bye.
51Hau: da" uri kyu" mho' yhoem: moo" khoug: mo pain" xiyam gi aphyoo" mo apoem: ju" sho' eig gang gyam: dang: gyo" loo" khare". Myid leig we' leig lho: lung: moo" boem joem we' gyam: lo". 52Loeb duang: we' bang" lo" boem wigi bain shid bye da:- Mangso byu yi myoo" sho' we' doem dei to' lo boem. 53Yesu shad: jang" mo doem dei to' lo thang: ri houg: bang: we' loeb khoug: mo zheung: thu' lo boem lho: gyeungshang: da" voogung khyoo vang lo" boem wigi nyangnu" byu myoo" sho' mo nyangnu" ri lhoem: myang boem.
54Dab vhoib zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyoug dain boem ziyo' «he: yug gi gyeing" gyeing" nyang: Mangso da" nya: zoo: nghoid» ga: tid boem
55Hau: joyoo mo vi" vi: moo yab jo, lho: yu" nyid da" myiyi: yi myoo" sho' mo, gi Galile mung" moo Yesu thang: cang lho: pang" thoug yu" da" myiyi: yi nghoid boem. 56Nyangnu" moo Magadala Mari Yaku yo' Yoseb da" nya: myhi Mari yo' Zebedi da" yhoem seing: myhi, bang nghoid.
Yesu Ri: Nyhoeb Shoung: Da" Khyoo:
(Mar 15:42-47; Luk 23:50-56; Yoh 19:38-42)
57Akhid" myenthang: ju" loo lang" Armathi voo mo yoo" zoo: su: Yoseb ga: su: ju" re. Nyang: we' Yesu da" cangzoo: dayug nghoid. 58Nyang: gi Pilaida zoug: pho jang" moo vang yhe: lho: Yesu da" nghain" doem: rimho' yu. Pilaid khokham" gi Yesu dangain" doem: Yoseb ri byid: wa shid re" amyeing" khyo" kaid bye. 59Houg: su" wigi Yoseb gi Yesu dangain" doem ri khyo yu lho: young" da": jid: moo" pain" seig yo" wi gi thoeb too" bye. 60Hau: thang: ri lug pyo, moo aseig kyoung" to" da" nya: loeb moo yhe: kaid lho: loeb khoem" moo lug zeing daloem: tu: xau myhid" too" kho' kho' lho: lo" byug bye. 61Loeb tu tab moo Magadala Mari yo"- gootu: da" mari zheung: zhoung: jo, nyid kho.
Loeb Ri: Zung" Nyid Da" Khyoo:
62Hau: thang: Dougno: Bidnyid doem ju" lo ri khainjung agyi yi yo" Pharishe" gi Pilaid zoug: pho jang" moo zheung: shau" go" boem. 63«Zoug: Phoo we"- hau: da" byu mhoug phoo gi dei nyid shi" uri ‹ngoo gi shid thang" mooseom" nyid ri doem dei loo wa› ga: nyang: tid tid zi ngoonu" xoem" too" shi. 64Houg: su" nghoid yoomo nya: loeb moo soem" nyid ju" sho' goo" lho: myhed" pyam lho: zung" nyid ca" shi" wa amyeing" byid: kaid we" ga: yhe: tid boem. Houg: su" akoid to: rigi nya: cangzoo: yi gi nya: mang ri re" khau" lho: vi: khyoo:- ayo" ci: loo" wa zigyo' nyang gi shid: jang" mo doem dei loo bye ga: subi" ri ayo" tid fu" wa. Houg: lang": gi xang: shid" mhau to" da" tho' moo thang: ri mhau da' khyoo: gi je shoid vhang: loo" wa yhe: tid boem.»
65Houg: lang" Pilaid zoug: phoo gi «zung" lhug da" gyidab ri khe: shu" yhi: ge'. Hau: loeb moo goo" lhoo:- bui" sho' zung" lhug: nyid nhang: ge» ga: amyeing" byid: kaid.
66Houg: su" nghoid yoomo nyangnu" gi loeb khyoo yhe: wigi lungloem: tho moo dazid' baid tab lho: loeb ri goug" goug: myhid" to" wigi gyizoo: yi ri zung" nhang: to" boem.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.