MATHE 25
25
Zoomyi: Daxi: Youg Da" Dangtu'
1«Hau: ayo, moo mougkhoung: Mungdain: gi xu: myibung: ri ci: lho: phoo seig ri tau yu wa ga: thu' lo" da" zoomyi: daxi: yug yo" du nyid. 2Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid. 3Nheig agyeung: bang: gi myibung: ci: ri" loug we' myi: xu: ajain" ri abo ci: ri" nghoid ago". 4Phajhi" boung gyeing: koem gi nyang: nya: myi: bung: shid' re". Myi: xu: byeung" zici: re" 5Phooseig gi myab aju" ri" myang" nyid yoomo nyangnu" dangain" mo, yhoeb' nghui" nghoi" lho: yhoeb' myhid jo, boem bye
6«Gamgung myen: rigi ‹phoo seig ju" ri" bye: yhe: tau yu loo: ge'› ga: yoid phau: da" thui: ri zheung: shau" gyo: boem bye. 7Houg: lang" gi zoomyi: yi dangain" dain' to' lo boem lho: nyang: nya: da" myibung: ri zheung: tab boem. 8Nheig agyeung: da" myiyi: yi gi ‹ngoonu" da" myibung: shid: lo" nyid bye. Nanu" da" myi: xu: dajhi' jhi, gam byid: ge'› ga: nheig boo mo, ri zheung: mho' boem. 9Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago". 10Nheig aboo mo, nheig agyeung: da" zoomi: yi gi myi: xu: qei wa ga thu' yhe: lo" boem da" uri phoo seig gi kho ga: ju" ri" bye. Jen" jen" soin' nyheing to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye.
11«Hau: thang: ri gootu: wim: yug doem ju" lo lho: ‹Aseing we"- Aseing we" ngoonu" ri akhoug: khyoo: vang nhang: we' oh"› ga: lo ngau ago". 12Nghoidloug we phoo seig gi «ngoo nanu" ri asi» ga: phoug tid.
13Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.
Deizoo: Soem" Youg Da" Dangtu'
(Luk 19:11-27)
14«Mougkhung: mungdain: ein: da" zigi gyung: so" loo" su: dayug yo" du nyid. Nya: deizoo: yi ri we khe: yu lho: ziyoo jonu" zheung: ab byid: too" khare". 15Dayug ri sheing: kyab wim: khyeing"- gootu: dayug ri sheing: kyab eig khyeing"- dayug ri sheing: kyab dakhyeing" koid: wigi nyang: nya: da" yoem: ri yu" lho: zheung: ab byid: to. Hau: thang: ri nyang: gi gyung: so" loo" bye. 16Sheing: kyab wim: khyeing" yoo" su: we' dalheing: dam- phaga: yhe: cang koid: lho: amyaid sheing: kyab wim: khyeing" yo" yu too" bye. 17Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye. 18Nghoidloug we' sheing: kyab dakhyeing" yoo" su: gi nya: yhoem: seing: da" sheing: ri myidjang: moo duang: du: lho: yhe: myhoeb to.
19«Akhyeing: ayo, shang" yhen" zoo: myang" lo" thang: ri hau: deizoo: yi da" yhoem: seing: gi doem ju" lo wigi nyangnu" yo" zhayen" sho' go" boem. 20Sheing: kyab wim: khyeing" yoo" su: gi amyaid wim: khyeing" kyab ci: ju" re" lho: «Aseing we"- ngoori Aseing sheing: wim: khyeing" kyab byid:- yu" we' hid: moo ngoo amyaid wim: khyeing" kyab yoo" bye:» ga: re" tid. 21Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid. 22Sheing: kyab eig khyeing" yoo" su: we ju" re" lho: «Aseing we"- Aseing ngoori sheing: kyab eig khyeing" ab byid: to"- Yu" we' ngoo sheing: kyab eig khyeing" amyaid yo" yu bye:» ga: re" tid. 23Nya: yhoem: seing: gi «gi bye:. Loemloug da" nga" deizoo: gi, we" nang gi nge da" moo" moo loemloug su: nghoid yoomo gyi: da" moo" zing ri ngoo ab byid: wa. Ri" we' ngoo yo" dage" gau yi ngei pyo: nyid loo: shang» ga: tid. 24Hau thang sheing: kyab da" khyeing" yoo" su: ju" re" lho: «aseing: we"- ngoo gi Aseing da" khyoo: ri se'- Aseing gi cen" su: nghoid yoomo atei: asho" to" jang" mo doem shab yu su:- asain" akaid to" jang" mo- doem shoem" yu su: nang nghoid nhung: lha".
25Ngoo gi gyoug wigi re" sheing: ri myidjang: moo du: myhoeb to"- nyho' re" zi hid: nghoid» ga: re" tid. 26Yhoem: seing: tid zigi «nang gi akhyeing" da" nei" da" deizoo: gang: nghoid da:- ngoo atei: asho" jang" mo doem shab yu zi asain" akaid jang" mo doem shoem" yu zi nang se' rigi 27Nga" da" sheing: ri ngei jhi: moo ab too" eung:- houg: su" nghoid rigi ngoo doem lo ri amyaid yo" dage" yo" yu wa nghoid. 28Houg: lang" hau: yug jang" mo ngei: ri doem yu lho: damoin" yoo" su: ri byid: pyam. 29Yoo" mo, jo, mo, rigi poug lung: byid: lho: nyang: gi athang agoin yo" loo jo, loo wa zi nghoid. Nghoidloug we' ci" ayoo" su: jang" mo gi nyang: yo" da" dajhi kyeing" ziri lang" lhoid pyam byid: wa zi nghoid. 30Hau: thang: ri akyu" abo he: da" deizoo: ri nghe: shoid mo moug coid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid» ga: tid.
Lo" Thang Tarha" Dang: kho" Khyoo:
31«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid. 32Houg: lang" mungdain: khang" moo" mo byumyu" bain sho mo gi-nya: shid khoin" moo zheung too" wa. yang phung: yo" coid phung: ri gootu: tu: kho' to" yhangti"- nyangnu" ri eig phung: kho' pyam wa zi nghoid. 33Nyang: gi deung byeung" da" byu yi rigi lo, yo shoid khyoo: gootu: byu yi rigi lo, koung" shoid' khyoo kho' too" wa zi nghoid. 34Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa. 35Khasu" wim gari Nanu" gi ngoo zooyoid da" uri zoo: noem byid: zho. Gyid shid da" uri shug gyid byid: jhoug ago". Ngoo being" voo bue" yen" uri nanu" yhoem: moo being" ded" boem ago". 36Ngoo gung cen: doem bue" nyid da" uri byimi gam foid. Ngoo no nyid da" uri yu" coung: ago". Ngoo thung: moo loung" jo, da" uri ngoori re" koem" yu" ago" ga: tid. 37Houg: lang" deung byeung" mo gi ‹Aseing we" nang zooyoid yen" zi:- ngoonu" kha: nham, myang wigi nang ri voem: byid: zho" yu" lha". Gyid shid yen" zigi khanham myang wigi` gyid byid: jhoug yu" la". 38Being" voo bue" yen" zi khanham myang wigi ngoonu" being" ded" yu" la". Gung cen: nyid yen" yoo, khanham nyang wigi nang ri byimi foid yu boem la". 39No nyid ziri we' thung: loung" nyid ziri we' ngoonu" khanham myang wigi re" koem" yu" lha". Ga: tid boem. 40Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.
41«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid. 42‹Khasu" wim gari ngoo zooyoid nyid uri nanu" ngoori voem: azhoo. Ngoo gyid shid uri gyid abyid: boem. 43Ngoo being" voo bue" yen" uri nanu" ngoori being" adi" boem. Gung cen: nyid da" uri nanu" ngoori byimi afoid boem. Ngoo no, nyid ziyo'- thung: loung" jo da" uri nanu" nga" jhang are" koem boem› ga: tid. 44Houg: lang" houg: bang: gi ‹Aseing we"- Aseing zooyoid nyid zi gyid shid yen" ziri being" voo bue" yen" ziyo'- byimi avoid loo: nyid yen" ziri no, nyid da" ziyo'- thung: loung" jo, da" khyoo: ri ngoonu" khanham myang lho: wigi Aseing ri acoung: agoin loo: nyid boem lha"› ga: wigi phougtu" boem. 45Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa. 46Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»
ទើបបានជ្រើសរើសហើយ៖
MATHE 25: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MATHE 25
25
Zoomyi: Daxi: Youg Da" Dangtu'
1«Hau: ayo, moo mougkhoung: Mungdain: gi xu: myibung: ri ci: lho: phoo seig ri tau yu wa ga: thu' lo" da" zoomyi: daxi: yug yo" du nyid. 2Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid. 3Nheig agyeung: bang: gi myibung: ci: ri" loug we' myi: xu: ajain" ri abo ci: ri" nghoid ago". 4Phajhi" boung gyeing: koem gi nyang: nya: myi: bung: shid' re". Myi: xu: byeung" zici: re" 5Phooseig gi myab aju" ri" myang" nyid yoomo nyangnu" dangain" mo, yhoeb' nghui" nghoi" lho: yhoeb' myhid jo, boem bye
6«Gamgung myen: rigi ‹phoo seig ju" ri" bye: yhe: tau yu loo: ge'› ga: yoid phau: da" thui: ri zheung: shau" gyo: boem bye. 7Houg: lang" gi zoomyi: yi dangain" dain' to' lo boem lho: nyang: nya: da" myibung: ri zheung: tab boem. 8Nheig agyeung: da" myiyi: yi gi ‹ngoonu" da" myibung: shid: lo" nyid bye. Nanu" da" myi: xu: dajhi' jhi, gam byid: ge'› ga: nheig boo mo, ri zheung: mho' boem. 9Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago". 10Nheig aboo mo, nheig agyeung: da" zoomi: yi gi myi: xu: qei wa ga thu' yhe: lo" boem da" uri phoo seig gi kho ga: ju" ri" bye. Jen" jen" soin' nyheing to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye.
11«Hau: thang: ri gootu: wim: yug doem ju" lo lho: ‹Aseing we"- Aseing we" ngoonu" ri akhoug: khyoo: vang nhang: we' oh"› ga: lo ngau ago". 12Nghoidloug we phoo seig gi «ngoo nanu" ri asi» ga: phoug tid.
13Houg: su" nghoid yoomo nanu" we' hau: bidnyid hau: ayo, ri asi yoomo zed" lhed lho: lang" nyid, ge'.
Deizoo: Soem" Youg Da" Dangtu'
(Luk 19:11-27)
14«Mougkhung: mungdain: ein: da" zigi gyung: so" loo" su: dayug yo" du nyid. Nya: deizoo: yi ri we khe: yu lho: ziyoo jonu" zheung: ab byid: too" khare". 15Dayug ri sheing: kyab wim: khyeing"- gootu: dayug ri sheing: kyab eig khyeing"- dayug ri sheing: kyab dakhyeing" koid: wigi nyang: nya: da" yoem: ri yu" lho: zheung: ab byid: to. Hau: thang: ri nyang: gi gyung: so" loo" bye. 16Sheing: kyab wim: khyeing" yoo" su: we' dalheing: dam- phaga: yhe: cang koid: lho: amyaid sheing: kyab wim: khyeing" yo" yu too" bye. 17Houg: yo' dakhyoo" ti"- sheing: kyab eig khyeing" yoo" su: we' amyaid sheing: kyab eig khyeing" shou" sho: too" bye. 18Nghoidloug we' sheing: kyab dakhyeing" yoo" su: gi nya: yhoem: seing: da" sheing: ri myidjang: moo duang: du: lho: yhe: myhoeb to.
19«Akhyeing: ayo, shang" yhen" zoo: myang" lo" thang: ri hau: deizoo: yi da" yhoem: seing: gi doem ju" lo wigi nyangnu" yo" zhayen" sho' go" boem. 20Sheing: kyab wim: khyeing" yoo" su: gi amyaid wim: khyeing" kyab ci: ju" re" lho: «Aseing we"- ngoori Aseing sheing: wim: khyeing" kyab byid:- yu" we' hid: moo ngoo amyaid wim: khyeing" kyab yoo" bye:» ga: re" tid. 21Nya: yhoem: seing: gi gi bye: loemloug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we'- ngoo yo' dage" gau yi ngei pyo: nyid loo: shang» ga: tid. 22Sheing: kyab eig khyeing" yoo" su: we ju" re" lho: «Aseing we"- Aseing ngoori sheing: kyab eig khyeing" ab byid: to"- Yu" we' ngoo sheing: kyab eig khyeing" amyaid yo" yu bye:» ga: re" tid. 23Nya: yhoem: seing: gi «gi bye:. Loemloug da" nga" deizoo: gi, we" nang gi nge da" moo" moo loemloug su: nghoid yoomo gyi: da" moo" zing ri ngoo ab byid: wa. Ri" we' ngoo yo" dage" gau yi ngei pyo: nyid loo: shang» ga: tid. 24Hau thang sheing: kyab da" khyeing" yoo" su: ju" re" lho: «aseing: we"- ngoo gi Aseing da" khyoo: ri se'- Aseing gi cen" su: nghoid yoomo atei: asho" to" jang" mo doem shab yu su:- asain" akaid to" jang" mo- doem shoem" yu su: nang nghoid nhung: lha".
25Ngoo gi gyoug wigi re" sheing: ri myidjang: moo du: myhoeb to"- nyho' re" zi hid: nghoid» ga: re" tid. 26Yhoem: seing: tid zigi «nang gi akhyeing" da" nei" da" deizoo: gang: nghoid da:- ngoo atei: asho" jang" mo doem shab yu zi asain" akaid jang" mo doem shoem" yu zi nang se' rigi 27Nga" da" sheing: ri ngei jhi: moo ab too" eung:- houg: su" nghoid rigi ngoo doem lo ri amyaid yo" dage" yo" yu wa nghoid. 28Houg: lang" hau: yug jang" mo ngei: ri doem yu lho: damoin" yoo" su: ri byid: pyam. 29Yoo" mo, jo, mo, rigi poug lung: byid: lho: nyang: gi athang agoin yo" loo jo, loo wa zi nghoid. Nghoidloug we' ci" ayoo" su: jang" mo gi nyang: yo" da" dajhi kyeing" ziri lang" lhoid pyam byid: wa zi nghoid. 30Hau: thang: ri akyu" abo he: da" deizoo: ri nghe: shoid mo moug coid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid» ga: tid.
Lo" Thang Tarha" Dang: kho" Khyoo:
31«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid. 32Houg: lang" mungdain: khang" moo" mo byumyu" bain sho mo gi-nya: shid khoin" moo zheung too" wa. yang phung: yo" coid phung: ri gootu: tu: kho' to" yhangti"- nyangnu" ri eig phung: kho' pyam wa zi nghoid. 33Nyang: gi deung byeung" da" byu yi rigi lo, yo shoid khyoo: gootu: byu yi rigi lo, koung" shoid' khyoo kho' too" wa zi nghoid. 34Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa. 35Khasu" wim gari Nanu" gi ngoo zooyoid da" uri zoo: noem byid: zho. Gyid shid da" uri shug gyid byid: jhoug ago". Ngoo being" voo bue" yen" uri nanu" yhoem: moo being" ded" boem ago". 36Ngoo gung cen: doem bue" nyid da" uri byimi gam foid. Ngoo no nyid da" uri yu" coung: ago". Ngoo thung: moo loung" jo, da" uri ngoori re" koem" yu" ago" ga: tid. 37Houg: lang" deung byeung" mo gi ‹Aseing we" nang zooyoid yen" zi:- ngoonu" kha: nham, myang wigi nang ri voem: byid: zho" yu" lha". Gyid shid yen" zigi khanham myang wigi` gyid byid: jhoug yu" la". 38Being" voo bue" yen" zi khanham myang wigi ngoonu" being" ded" yu" la". Gung cen: nyid yen" yoo, khanham nyang wigi nang ri byimi foid yu boem la". 39No nyid ziri we' thung: loung" nyid ziri we' ngoonu" khanham myang wigi re" koem" yu" lha". Ga: tid boem. 40Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.
41«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid. 42‹Khasu" wim gari ngoo zooyoid nyid uri nanu" ngoori voem: azhoo. Ngoo gyid shid uri gyid abyid: boem. 43Ngoo being" voo bue" yen" uri nanu" ngoori being" adi" boem. Gung cen: nyid da" uri nanu" ngoori byimi afoid boem. Ngoo no, nyid ziyo'- thung: loung" jo da" uri nanu" nga" jhang are" koem boem› ga: tid. 44Houg: lang" houg: bang: gi ‹Aseing we"- Aseing zooyoid nyid zi gyid shid yen" ziri being" voo bue" yen" ziyo'- byimi avoid loo: nyid yen" ziri no, nyid da" ziyo'- thung: loung" jo, da" khyoo: ri ngoonu" khanham myang lho: wigi Aseing ri acoung: agoin loo: nyid boem lha"› ga: wigi phougtu" boem. 45Khokham" gi ngoo nanu" ri deung" deing tid ba"- nge thang da" hid bang: mo dayug yug ri ‹nanu" agoin acoung: da" zigi ngoori agoin acoung: zi nghoid› ga: tid wa. 46Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deung byeung" mo, koem gi apyaid ato: da" kangso' khyoo shau" vang lo" boem wa".»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.