MATHE 19
19
Myi: Yo" Lang Gang: Go" Da" Moo"
(Mar 10:1-12)
1 Aseing Yesu gi hid: su ga: bain jhoug" byid: thang: ri Galile mung" mo thu' lo" wigi Yodan gyidlang thei: tab'- Yuda mung" khyoo ju" vang lo. 2Byu phung: moo" gi nya: da" thang: moo cang lo nyid boem. Hau: joyoo moo Aseing gi noophyoo" shau" mo ri ge loo" nhang.
3Pharishe dayham" gi Yesu jang" moo ju" re" lho: «Byu dayug yug gi ce: khyo" nghoid nghoid- nya: yhoem: seing: myhi' yo" ge gang: go" la"» ga: re" lheung myid: boem.
4Yesu gi «Phain" to" da" Aseing gi xang: shid" mo wigi Byu yuggi yo" myiyi: ri phain" too" bye. 5Houg: su" nghoid yoomo yuggi gi nya: myhi, nya: phoo ri too" kho' lho: nya: yhoem: seing: myhi' yo" dage" nyid loo" ca. Hau: eig yug gi dagung dashoo" za: bue" loo" wa. 6Houg: su" nghoid yoomo nya: eig yug gi eig yug anghoid- dayug za: date: nghoid. Houg: yoomo Mangsoo shoem: too" bye: da" vhu" shang rigi byu hang" we' age phoid: pyam loo.»
7Pharishe gi houg: su" nghoid rigi ci: wim wigi nya: myi: ri kang" pyam' mougsoug" lhid" byid: lho: yo" kang" pyam ga: Moshe gi cikoid: lhid" to" lha"» ga: doem myid: boem.
8Yesu gi «Nanu" gi nheigloem: thain: mo, nghoid yoomo Moshe gi nanu" ri myi: kang" pyam wa da" akhang" byid: da" zi nghoid. Xangshid" moo hid: su" kang" pyam wa da" amyeing" ajo, 9Nanu" ri ngoo tid zigi nanu" da" yhoem: seing: myhi' ri Yuggi goo" yug yo" shoid vhang: goo" yoomo za: anghoid ri ce: ja: yooboo mo nghoid nghoid- myi: kang" pyam lho: gootu: myiyi: dayug yug yo"- deung khu: doem qei" su: gi myi: lhoid da" yooboo yoo" su: nghoid» ga: doem tid.
10Nya: cangzoo: yi gi «myhi' zeing phoo zeing zoem" nyid da" khyoo: gi hid: su" danghoid rigi deung khu: aqei" loo: nyid ri je ge» ga: tid boem.
11Yesu gi «yug khang" moo" deung khu: aqei loo: yo" nyid wa zi anghoid. Nghoidloug we' Mangso da" akhang" yoo" mo, za: houg: su" dayo" nyid boem. 12Byu yi deung khu: ayo" qei" da" zigi khyoo: daja: ja: yoomo nghoid. Byu dayham" moo gi khu: lo bidnyid mo nyang:- deung khu: qei" wa da" yoem: abo boem. dayham" gi hau: deung khu: qei" wa da" yoem: ri shain: pyam boem yoomo deung khu: ayo" qei" boem. Dayham" gi Mangso da" Mungdain: shid re" ab noung" pyam yoomo deung khu: aqei" loo: nyid. He: da" jhoug" myeing" ri yo" lhoem: yu mo hang" we' lhoem: yu goo" baja".»
Zooshang: Yiri Mainkaid Byid: Da" Khyoo:
(Luk 18:15-17)
13Byu dayham" bang: gi zooshang: yi da" tho' moo lo, ke" lho: akyu" mho' byid: wa shid re" Yesu jhang khyoo shu" re" ago". Nghoidloug we' nya: cangzoo: yi gi houg bang: ri lhoem gyikoid boem. 14Aseing Yesu gi «zooshang: mi" ri nga" jhang khyoo nhang: kaid ge' nyangnu" ri atoem too" goo. Khasu" wim gari Mangso da" Mungdain: gi houg: yhangti" mo, mungdain: nghoid» ga: tid.
15Yesu gi zooshang: me" da" tho' moo lo, ki" byid: lho: mainkaid byid: thang: ri hau: joyoo mo thu' lo.
Sathi" Zoolu: Zoo: Da" Khyoo:
(Mar 10:17-31; Luk 18:18-31)
16Byu dayug gi Yesu jang" moo ju" re" lho: «Sara: we"- Apyaid ato: kangso' yoo" wa shid re" khate" moo" gi ri ngoo zei: ca" lha"» ga: re" myid:.
17Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.
18«Hau: yug gi kha: da" tarha" ri cang wa lha"» ga: myid:. Yesu gi «Byu asaid- Su: myi: alhoid- su" be" zi akhoug"- adeung amain" da" sagsi: akham: 19Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.
20Hau: da" zoolu: phoo we' «hau: da" tarha" dangain" ziri ngi, shi" pyaid mo, bain cang nyid bye:. Ngoo gootu: ce: noem cang ca" shi" lha"» ga: doem myid.
21 Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.
22Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".
23 Aseing Yesu gi «Ngoo nanu" ri gyeing" gyeing" tid ba:- yoo" zoo: yoo" shoug su: gi Mangso Mungdain: moo yo" vang loo" wa shid re" gye yau: nyid. 24Ngoo dalheing: doem tid ba:- Gola-ug gi nghab' nhoo: duang: khyo" vang lid loo" wa tho' moo yoo" zoo: yoo" shoug su: Mangso mungdain: moo yo" vang loo" zigi je yau: nyid» ga: wigi cangzoo: yi ri tid.
25Nya: cangzoo: yi gi Aseing da" mungdang: ri shau" gyoo: lang" gye" gyo: mau" boem wigi «houg: su" nghoid rigi khyoid yu zigi hang" te: shau" wa lha"» ga: zheung: myid: boem.
26Yesu phougtu" zigi «houg: bang: ri yu" zhug to" lho: Byu khyo" te: soin: yu rigi he: khyoo: ayo" bui. Nghoidloug we' Mangsoo gi ci" we' yo" bue"» ga: tid kyo.
27Hau: uri Petru gi «Yu" we' ngoonu" gi ziyoo jonu" dangain" she: pyam kho' lho: Aseing thang: cang boem bye:. Ngoonu" gi ce: noem akyu" ri shau" kham: zoo: wa lha"» ga: myid:.
28Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid. 29Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid. 30Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.
ទើបបានជ្រើសរើសហើយ៖
MATHE 19: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MATHE 19
19
Myi: Yo" Lang Gang: Go" Da" Moo"
(Mar 10:1-12)
1 Aseing Yesu gi hid: su ga: bain jhoug" byid: thang: ri Galile mung" mo thu' lo" wigi Yodan gyidlang thei: tab'- Yuda mung" khyoo ju" vang lo. 2Byu phung: moo" gi nya: da" thang: moo cang lo nyid boem. Hau: joyoo moo Aseing gi noophyoo" shau" mo ri ge loo" nhang.
3Pharishe dayham" gi Yesu jang" moo ju" re" lho: «Byu dayug yug gi ce: khyo" nghoid nghoid- nya: yhoem: seing: myhi' yo" ge gang: go" la"» ga: re" lheung myid: boem.
4Yesu gi «Phain" to" da" Aseing gi xang: shid" mo wigi Byu yuggi yo" myiyi: ri phain" too" bye. 5Houg: su" nghoid yoomo yuggi gi nya: myhi, nya: phoo ri too" kho' lho: nya: yhoem: seing: myhi' yo" dage" nyid loo" ca. Hau: eig yug gi dagung dashoo" za: bue" loo" wa. 6Houg: su" nghoid yoomo nya: eig yug gi eig yug anghoid- dayug za: date: nghoid. Houg: yoomo Mangsoo shoem: too" bye: da" vhu" shang rigi byu hang" we' age phoid: pyam loo.»
7Pharishe gi houg: su" nghoid rigi ci: wim wigi nya: myi: ri kang" pyam' mougsoug" lhid" byid: lho: yo" kang" pyam ga: Moshe gi cikoid: lhid" to" lha"» ga: doem myid: boem.
8Yesu gi «Nanu" gi nheigloem: thain: mo, nghoid yoomo Moshe gi nanu" ri myi: kang" pyam wa da" akhang" byid: da" zi nghoid. Xangshid" moo hid: su" kang" pyam wa da" amyeing" ajo, 9Nanu" ri ngoo tid zigi nanu" da" yhoem: seing: myhi' ri Yuggi goo" yug yo" shoid vhang: goo" yoomo za: anghoid ri ce: ja: yooboo mo nghoid nghoid- myi: kang" pyam lho: gootu: myiyi: dayug yug yo"- deung khu: doem qei" su: gi myi: lhoid da" yooboo yoo" su: nghoid» ga: doem tid.
10Nya: cangzoo: yi gi «myhi' zeing phoo zeing zoem" nyid da" khyoo: gi hid: su" danghoid rigi deung khu: aqei" loo: nyid ri je ge» ga: tid boem.
11Yesu gi «yug khang" moo" deung khu: aqei loo: yo" nyid wa zi anghoid. Nghoidloug we' Mangso da" akhang" yoo" mo, za: houg: su" dayo" nyid boem. 12Byu yi deung khu: ayo" qei" da" zigi khyoo: daja: ja: yoomo nghoid. Byu dayham" moo gi khu: lo bidnyid mo nyang:- deung khu: qei" wa da" yoem: abo boem. dayham" gi hau: deung khu: qei" wa da" yoem: ri shain: pyam boem yoomo deung khu: ayo" qei" boem. Dayham" gi Mangso da" Mungdain: shid re" ab noung" pyam yoomo deung khu: aqei" loo: nyid. He: da" jhoug" myeing" ri yo" lhoem: yu mo hang" we' lhoem: yu goo" baja".»
Zooshang: Yiri Mainkaid Byid: Da" Khyoo:
(Luk 18:15-17)
13Byu dayham" bang: gi zooshang: yi da" tho' moo lo, ke" lho: akyu" mho' byid: wa shid re" Yesu jhang khyoo shu" re" ago". Nghoidloug we' nya: cangzoo: yi gi houg bang: ri lhoem gyikoid boem. 14Aseing Yesu gi «zooshang: mi" ri nga" jhang khyoo nhang: kaid ge' nyangnu" ri atoem too" goo. Khasu" wim gari Mangso da" Mungdain: gi houg: yhangti" mo, mungdain: nghoid» ga: tid.
15Yesu gi zooshang: me" da" tho' moo lo, ki" byid: lho: mainkaid byid: thang: ri hau: joyoo mo thu' lo.
Sathi" Zoolu: Zoo: Da" Khyoo:
(Mar 10:17-31; Luk 18:18-31)
16Byu dayug gi Yesu jang" moo ju" re" lho: «Sara: we"- Apyaid ato: kangso' yoo" wa shid re" khate" moo" gi ri ngoo zei: ca" lha"» ga: re" myid:.
17Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.
18«Hau: yug gi kha: da" tarha" ri cang wa lha"» ga: myid:. Yesu gi «Byu asaid- Su: myi: alhoid- su" be" zi akhoug"- adeung amain" da" sagsi: akham: 19Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.
20Hau: da" zoolu: phoo we' «hau: da" tarha" dangain" ziri ngi, shi" pyaid mo, bain cang nyid bye:. Ngoo gootu: ce: noem cang ca" shi" lha"» ga: doem myid.
21 Aseing Yesu gi «Nang joeb byeung" su: bui" nau nghoid rigi loo" we' re" da" zi dangain" oung" pyam lho: hau: ngei sho" jhen mo, ri gam byid: pyam we' houg: su" koid: lang" Mougkhung: tho' moo nang yoo" zoo: yoo" shoug wa. Houg: bain gam pyam byid: lho: nga" thang: moo cang we'» ga: tid.
22Nghoidloug we' hau: zoolu: phoo gi zi gye" yo" sathi" nghoid yoomo Yesu da" dang: ri shau" gyoo: lang" nheigloem: apyo: zoore" thu' loo" khare".
23 Aseing Yesu gi «Ngoo nanu" ri gyeing" gyeing" tid ba:- yoo" zoo: yoo" shoug su: gi Mangso Mungdain: moo yo" vang loo" wa shid re" gye yau: nyid. 24Ngoo dalheing: doem tid ba:- Gola-ug gi nghab' nhoo: duang: khyo" vang lid loo" wa tho' moo yoo" zoo: yoo" shoug su: Mangso mungdain: moo yo" vang loo" zigi je yau: nyid» ga: wigi cangzoo: yi ri tid.
25Nya: cangzoo: yi gi Aseing da" mungdang: ri shau" gyoo: lang" gye" gyo: mau" boem wigi «houg: su" nghoid rigi khyoid yu zigi hang" te: shau" wa lha"» ga: zheung: myid: boem.
26Yesu phougtu" zigi «houg: bang: ri yu" zhug to" lho: Byu khyo" te: soin: yu rigi he: khyoo: ayo" bui. Nghoidloug we' Mangsoo gi ci" we' yo" bue"» ga: tid kyo.
27Hau: uri Petru gi «Yu" we' ngoonu" gi ziyoo jonu" dangain" she: pyam kho' lho: Aseing thang: cang boem bye:. Ngoonu" gi ce: noem akyu" ri shau" kham: zoo: wa lha"» ga: myid:.
28Yesu gi «ngoo gyeing" gyeing" tid ba: ju" loo wa da" mungdain: seig moo Byu da" nya: zoo: gi myonhoo: yoeb' bang joeb byeung" da" zhungtang tho' moo zhoung: jo, da" uri nga" cangzoo: yi nanu" we' zhungtang daxe: eig loem: tho' moo zhoung: jo, lho: Israela daxe: eig kung: mo mo, dangain" ri yo" vhoeb' khang" wa zi nghoid. 29Hau: tho' mo gootu: Ngoo yoomo, yhoem: yoo yaboin:- nya: mang: nya: nhung"- nya: myhi' nya: phoo nya: myid nya: zoo:- ri to" pyam khoo su: hang" nghoid loug we' nyang: to" pyam kho' tho' moo dashoo: ki- Akyu" ri je kham: zoo: wa. Hau: tho' moo apyaid ato: kangso' we yo" yu wa zi nghoid. 30Nghoidloug we' byu myoo" sho' mo, gi akhid" shid' khyoo: nyid nyid mo, myoo" sho' gi thang: mo mo' bui" wa. Akhid" thang: moo nyid mo, myoo" sho' gi shid moo nyid mo, bui" wa zi nghoid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.