MATHE 16
16
Alhoo: Again zheung: Mho Da" Khyoo:
(Mar 8:11-13; Luk 12:54-56)
1Pharishe yo" Saduke gi Yesu jang" moo re" ca, yu" zoore"- Apyaid atoo: mo da" Mangsoo gi Aseing ri nhang: kaid da" khyoo: deung zi si' wa shid re" alhoo: again ri pya shug we" ga: mho' boem. 2Yesu gi «bidvang zoo" ri mougkhung: ne nghoid rigi moug: phang" wa ga: wigi we'. 3Nab' kyoo zoo" ri mougkhung: ne lho: moug: doeb' nghoid rigi moug: voo wa ga: wigi we' nanu" se tid ago". Nanu" gi mougkhung: ri yu" lho: mau: da" akhyoo" zain, gain, xung" gain, rigi se boem. Nghoidloug we' he: pyaid da" aved asam" rigi ase' phyoid: yu" goo" nhung: lha". 4He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid.
Houg: lang" Yesu gi houg: bang: jang" mo thu' loo" bye.
Pharishe Yi Yo" Saduke Be" Da" Doo Cid"
(Mar 8:14-21)
5Nya: cangzoo: yi gi thoem" thei: tab moo ju" lo" boem bye. nyangnu" gi zooyho' ashau" voin boem. 6Aseing Yesu gi Nanu" we' Pharishe yo" Saduke da" doocid" ri zid" ge" ga: tid.
7Nya: cangzoo: yi gi ngoonu" zoo: noem avoin boem yoomo Aseing Yesu hid: su" tid zi nghoid wa" ga: nyang: cang" nyang: tid go" nyid.
8Houg: su" tid go" nyid zi Aseing Yesu si yoomo «nanu" zoo: noem avoin zi ci: wim wigi ngeig go" nyid lha". 9Loem" jeung" nheigloem: dajhi' te: boo mo we"- akhid" ju" sho' we ase' gyoo: shi" goo" la". 10Zooyho' wim: cu' gi Byu wim: khyeing" zo: gyi: lho: kha: myhoo, lain" doem shau" koid: zheung" zi asi loo: goo" la". Hau: thang: ri zooyho' nyhed yho' ri Byu myid: khyeing" zo: gyi: lho: kha: myhoo, lain" doem yo" koid: zheung" zi axoem" loo: goo" la". 11Ngoo zooyho' yo" sen: zi atid ziri Nanu" ci: wim wigi ase' gyoo: go.»
12Houg: lang" cangzoo: yi gi zooyho' koid: da" doocid" ri zid" ca" zi anghoid loo: za: Pharishe yo" Saduke da" jhau" shoid nyid khyoo: ri acang wa shid re" Aseing Yesu jhoug" byid: nyid zi ri se' gyo: lo" boem ago".
Yesu Da" Khyoo: Ri:- Petru Tid Pang Kham: Yu Zi
(Mar 8:27-30; Luk 9:18-21)
13 Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.
14Byu dayham" gi «Baptisma sara Yohan nghoid da» ga: dayham" gi «Elia nghoid» ga: dayham" gi «Yeremi houg: su" anghoid lang" gi Lapi: dayug yug nghoid da:» ga: tid go" nyid ga: tid kyo.
15Yesu gi «houg ri Nanu" gi ngoori hang" nghoid ein: jhoo: go"» ga: nyangnu" ri myed.
16Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.
17Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid. 18Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid. 19Ngoo gi nang ri Mougkhung: Mungdain: da" khoem" thoug" joem ri we' byid: wa. Myidjang: tho moo nang tei" too" matoo" gi Mougkhung: tho' moo we' tei" too" wa. Myidjang: tho' moo nang phoid: kaid moo kaid gi Mougkhung: tho' moo we' phoid: kaid wa» ga: tid.
20Hau: thang ri Yesu gi nyang: khristu nghoid da" khyoo:- hang" ri we' atid kyoo" goo" ga: cangzoo: yi ri toung: to.
Yesu Gi:- Nyang: Kham: Zoo: Wa Kyi" Khyeug shid: Kham: Wa Zi Tid Kyo"
(Mar 8:31—9:1; Luk 9:22-27)
21 Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.
22Petru gi Yesu ri khe: kang" yhe: lho: «Aseing we" nang tid da" khyoo: gi nang moo abue" loo baja"- Mangoo gi toem too" baja"- Aseing gi he: da" moo" khanham we ayo" bui" wa» ga: wigi gyikoid.
23Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.
24Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid. 25«Nyang nya: da" kangso' ri khyoid yu noug su: gi kangso' soem" wa. Nga" shid re" kangso' soem" loo" su: koem gi kangso' yo" yu wa. 26Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha". 27Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid. 28Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.
ទើបបានជ្រើសរើសហើយ៖
MATHE 16: LCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.
MATHE 16
16
Alhoo: Again zheung: Mho Da" Khyoo:
(Mar 8:11-13; Luk 12:54-56)
1Pharishe yo" Saduke gi Yesu jang" moo re" ca, yu" zoore"- Apyaid atoo: mo da" Mangsoo gi Aseing ri nhang: kaid da" khyoo: deung zi si' wa shid re" alhoo: again ri pya shug we" ga: mho' boem. 2Yesu gi «bidvang zoo" ri mougkhung: ne nghoid rigi moug: phang" wa ga: wigi we'. 3Nab' kyoo zoo" ri mougkhung: ne lho: moug: doeb' nghoid rigi moug: voo wa ga: wigi we' nanu" se tid ago". Nanu" gi mougkhung: ri yu" lho: mau: da" akhyoo" zain, gain, xung" gain, rigi se boem. Nghoidloug we' he: pyaid da" aved asam" rigi ase' phyoid: yu" goo" nhung: lha". 4He: da" pyaid mo byu yi gi gye" akhyeing" ashoeb' zi nghoid lho: Mangsoo yo" kha: yhi' ve: gang: nyid boem bye: nhung: lha". Nanu" gi ngoori alhoo: again mho' go" la". Nghoidloug we' Yona da" alhoo: again mo gootu: ce" alhoo: again we nanu" myang wa zi anghoid» ga: wigi tid.
Houg: lang" Yesu gi houg: bang: jang" mo thu' loo" bye.
Pharishe Yi Yo" Saduke Be" Da" Doo Cid"
(Mar 8:14-21)
5Nya: cangzoo: yi gi thoem" thei: tab moo ju" lo" boem bye. nyangnu" gi zooyho' ashau" voin boem. 6Aseing Yesu gi Nanu" we' Pharishe yo" Saduke da" doocid" ri zid" ge" ga: tid.
7Nya: cangzoo: yi gi ngoonu" zoo: noem avoin boem yoomo Aseing Yesu hid: su" tid zi nghoid wa" ga: nyang: cang" nyang: tid go" nyid.
8Houg: su" tid go" nyid zi Aseing Yesu si yoomo «nanu" zoo: noem avoin zi ci: wim wigi ngeig go" nyid lha". 9Loem" jeung" nheigloem: dajhi' te: boo mo we"- akhid" ju" sho' we ase' gyoo: shi" goo" la". 10Zooyho' wim: cu' gi Byu wim: khyeing" zo: gyi: lho: kha: myhoo, lain" doem shau" koid: zheung" zi asi loo: goo" la". Hau: thang: ri zooyho' nyhed yho' ri Byu myid: khyeing" zo: gyi: lho: kha: myhoo, lain" doem yo" koid: zheung" zi axoem" loo: goo" la". 11Ngoo zooyho' yo" sen: zi atid ziri Nanu" ci: wim wigi ase' gyoo: go.»
12Houg: lang" cangzoo: yi gi zooyho' koid: da" doocid" ri zid" ca" zi anghoid loo: za: Pharishe yo" Saduke da" jhau" shoid nyid khyoo: ri acang wa shid re" Aseing Yesu jhoug" byid: nyid zi ri se' gyo: lo" boem ago".
Yesu Da" Khyoo: Ri:- Petru Tid Pang Kham: Yu Zi
(Mar 8:27-30; Luk 9:18-21)
13 Aseing Yesu gi Kesare Philib moug: moo ju" lo" da" uri nya: cangzoo: yi ri «subi" gi byu da" nya: zoo: ri hang" nghoid ga: tid go" nyid ago" lha"» ga: myid.
14Byu dayham" gi «Baptisma sara Yohan nghoid da» ga: dayham" gi «Elia nghoid» ga: dayham" gi «Yeremi houg: su" anghoid lang" gi Lapi: dayug yug nghoid da:» ga: tid go" nyid ga: tid kyo.
15Yesu gi «houg ri Nanu" gi ngoori hang" nghoid ein: jhoo: go"» ga: nyangnu" ri myed.
16Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.
17Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid. 18Petru we"- ngoo nang ri tid ba"- nang gi lung: moo" boem nghoid. He: da" lug moo" boem moo apoem ayang: koid: lho: Nga" da" phung: ri zhug too" wa. shid zoug: lang" hau: da" phung: ri ung: wa zi anghoid. 19Ngoo gi nang ri Mougkhung: Mungdain: da" khoem" thoug" joem ri we' byid: wa. Myidjang: tho moo nang tei" too" matoo" gi Mougkhung: tho' moo we' tei" too" wa. Myidjang: tho' moo nang phoid: kaid moo kaid gi Mougkhung: tho' moo we' phoid: kaid wa» ga: tid.
20Hau: thang ri Yesu gi nyang: khristu nghoid da" khyoo:- hang" ri we' atid kyoo" goo" ga: cangzoo: yi ri toung: to.
Yesu Gi:- Nyang: Kham: Zoo: Wa Kyi" Khyeug shid: Kham: Wa Zi Tid Kyo"
(Mar 8:31—9:1; Luk 9:22-27)
21 Aseing Yesu gi Yerusalem voo moo" khyoo yhe: lho: Mangso khyoo: yo" sen: da" vhu" jhung: yi khainjung moo" yi yo"- Tarha" sara: yi da" lo, moo said kham: noo kham: loo" wa da" khyoo: ri we' soem" nyid" nyid" ri shid: jang" mo doem dei to' loo wa da" khyoo: ri we' hau: ayo, mo nya: cangzoo: yi ri bang bang tid kyoo" bye.
22Petru gi Yesu ri khe: kang" yhe: lho: «Aseing we" nang tid da" khyoo: gi nang moo abue" loo baja"- Mangoo gi toem too" baja"- Aseing gi he: da" moo" khanham we ayo" bui" wa» ga: wigi gyikoid.
23Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.
24Hau: thang: ri Yesu gi «Nga" cangzoo: bui" noug su: hang" nghoid loug nyang: nya: da" gung ri ngeig pyam lho: nyang: nya: da" pyang" zeing ri vu, ci: lho: nga" thang: moo cang ca"» ga: nya: cangzoo: yi ri tid. 25«Nyang nya: da" kangso' ri khyoid yu noug su: gi kangso' soem" wa. Nga" shid re" kangso' soem" loo" su: koem gi kangso' yo" yu wa. 26Byu ein: zigi Mougmyid gyab goin" ziri yo" vhoeb zeing to"- yhi' nghoid loug we' nyang: nya: da" kangso' soem" lo" rigi ce: noem akyu" se boo wa lha". nyang: nya: da" kangso' ri ce: noem yo, yo" khyoid yu loo: wa lha". 27Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid. 28Ngoo nanu" ri deung" deung" tid ba,- he: joyoo moo nyid mo, dayham" gi Byu nya: zoo: ri khokham" khyo" nyang gyoo" lo zi amyang shi" rigi ashid: goo" wa» ga: tid.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lacid Bible © Bible Society of Myanmar, 2009.