Romanos 1
1
Pabloe' cu dzíib ti' Romailo'ob
1Teen, Pabloe', palitzilen ti' Jesucristo. Jajal Diose' tu t'anajen yéetel tu jun páaycunten je'el bix jun túul apóstole' u ti'al ca in tze'ect u ma'alob péectzil. 2Jajal Diose' úuch u dzáa ojéeltbil le ma'alob péectzila' ichil le Quili'ich Dzíibo'ob dzíibta'an tumen u aj bo'obato'obo'. 3Leti' le ma'alob péectzil cu t'aan tu yo'olal Jesucristo', u Paal Jajal Dios. Tu yo'olal u lu'umcabil wíinclile' Jesucristoe' ti' u ch'i'ibal ajaw David sijnal. 4Ba'ale' tu yo'olal u pixan quili'iche', e'esa'ab leti' u Paal Jajal Dios yéetel páajtalil, iquil ca'a púut cuxlajic ti' le quíimilo'. 5Tu yo'olal Jesucristoe', Jajal Diose' tu dzaj u qui'imac óolalil c túuxta'al tu kaaba', u ti'al ca yanac ichil tuláacal caajo'obe' máaxo'ob ca ocsaj óolnaco'ob yéetel ca u'uyaj t'aanaco'ob. 6Ichilo'obe' ti' yane'ex te'exi', máaxe'ex t'ana'ane'ex xan tumen Jajal Dios u ti'al ca ti'alinta'aque'ex tumen Jesucristo. 7Quin dzíib túun ti' te'ex tuláacale'ex máaxe'ex caja'ane'ex tu caajil Roma, máaxe'ex yaabilta'ane'ex tumen Jajal Dios yéetel t'ana'ane'ex u ti'al jun p'éel quili'ich cuxtal. Kame'ex siibal yéetel jéedzel ti' Jajal Dios c Taata bey xan ti' c Yuumtzil Jesucristo.
Pabloe' u káat u xíimbalt Roma
8Yáax táanile', tu yo'olal Jesucristoe' quin dzáic nib óolal ti' Jajal Dios tu yo'olal tuláacale'ex, tumen ti' tuláacal tu'ux cu yúuchul t'aan tu yo'olal a wocsaj óolale'ex. 9Jajal Dios, máax quin meyajtic yéetel tuláacal in pucsi'ikal iquil in tze'ectic u ma'alob péectzil u Paale', leti' u yojel bix in ka'ajsique'ex mantadz ti' in payalchi'ob. 10Mantadz quin káat óoltic ti' Jajal Dios, wa leti' u káate', ca páatac in bin in xíimbalte'ex. 11Tumen in káat in wile'ex u ti'al ca in dzáa te'ex wa ba'ax áantajil ti' a pixane'ex, u ti'al ca mas mu'ukanchajac a wóole'ex, 12in káat in wa'ale', u ti'al ca paaclan líikic c óol yéetel le ocsaj óolal yaan ti' te'exo' bey xan yaan ti' teno'.
13Sucu'une'ex, in káat ca a wojéelte'exe' ya'ab u téenel tin tucultaj in bin in wile'ex, ba'ale' tac bejela'e' ma' páataqui'. In káat bin u ti'al ca yanac u yich in meyaj ichile'ex, je'el bix dzo'oc u yantal u yich ti' u láak tu'uxo'ob yóokolcaabo'. 14Tumen tene' tuláacal máax in p'axmaj, quex griego'ob wa ma' griego'obi', quex canbalnaja'ano'ob wa ma' canbalnaja'ano'obi'. 15Bey túuno' tene' táan in jach dzíiboltic in tze'ectic le ma'alob péectzil tac ti' te'ex caja'ane'ex Romao'.
U páajtalil le ma'alob péectzilo'
16Tene' ma' tin ch'a'ic subtal tu yo'olal le ma'alob péectzilo', tumen lelo' u páajtalil Jajal Dios u ti'al u toquic tuláacal le máax cu yocsaj óolo', le judío'ob yáax táanilo', bey xan le ma' judío'obo'. 17Tumen le péectzila' cu ye'esic to'one' bix u dzáico'on Jajal Dios ma'alob tu táan: Tu yo'olal ocsaj óolal, chéen tu yo'olal ocsaj óolal. Bey u ya'alic le Quili'ich Dzíibo': Le máax dza'an tumen Jajal Dios ma'alobil tu táane' bíin cuxlac tu yo'olal le ocsaj óolalo'.
U cuuch máaco'ob
18C ilique' u nojoch jaadz Jajal Diose' ca'an u taal tu yóokol tuláacal le máaxo'ob ma' ti'ibil u cuxtalo'ob yéetel kasa'ano'obo', máaxo'ob tu yo'olal u kasa'anilo'obe' ma' tu cha'ico'ob u kaj óolta'al le jaajo'. 19U yojelo'ob ma'alob le ba'ax cu páajtal u kaj óolta'al ti' Jajal Dioso', tumen Jajal Diose' tu ye'esaj ti'ob: 20Tumen le ba'ax ma' tu páajtal u yila'al ti' Jajal Dioso' cu páajtal u kaj óolta'al tu yo'olal le ba'alo'ob u beetmajo'. J chu'unpaj u yila'al jach sáasil le ca j beeta'ab yóokolcaabe', leti'e' Jajal Dios yéetel yaan páajtalil mantadz ti'; bey túuno' mina'an tu'ux u ya'alico'ob wa mina'an u si'ipilo'ob. 21Tumen quex u kaj óolo'ob Jajal Diose', ma' tu nojbe'encunso'ob bey Jajal Diose' mix tu dzajo'ob nib óolal ti'i'. Ba'ale' tu tucultajo'ob ba'alo'ob mina'an u biilal, bey xan u ma' na'at pucsi'ikalo'obe' j p'áat ich éekjoche'enil. 22Quex táan u ya'alico'ob yaan u na'ato'obe', cu chíicpajal mina'an u na'ato'ob; 23tumen dzo'oc u kexico'ob u nojbe'enil Jajal Dios, máax ma' tu quíimile', yéetel u yoochel máac, máax cu quíimil, bey xan yéetel u yoochel ch'íich'o'ob, caano'ob yéetel ba'alche'ob can dzíit u yooco'ob.
24Le o'olale' Jajal Diose' tu xúump'attajo'ob ti' le kaakas dzíibolalo'ob yaan ti'obo', bey túuno' tu beetajo'ob tu baatzilo'obe' ba'alo'ob jach subtziltaco'ob. 25Tumen ma' tu yocsaj óolto'ob le jaaj ti' Jajal Dios u taalbalo' ba'ale' tu yocsaj óolto'ob le tuuso', bey xan tu nojbe'encunto'ob yéetel tu kultajo'ob le ba'alo'ob beeta'ano'ob tumen Jajal Dioso', ma' le máax beeto'obo', máax unaj u qui'iqui' t'anta'al tu yo'olal kiino'ob mina'an u xuul. Amén.
26Le o'olale' Jajal Diose' tu xúump'attajo'ob ti' dzíibolalo'ob subtziltaco'ob; tumen tac le co'olelo'obo' dzo'oc u kexico'ob ba'ax ma'alob u beeta'al yéetel le wíinclilo' yéetel le ma' ma'alob u beeta'alo'. 27Bey xan le xiibo'obo' dzo'oc u p'atico'ob u nupicuba'ob yéetel le co'olelo'obo' tumen chuupo'ob yéetel kaakas dzíibolalo'ob tu baatzilo'ob. Le xiibo'obo' cu beetico'ob tu baatzilo'ob ba'alo'ob subtziltaco'ob; le o'olale' cu kamico'ob tu wíinclilo'obe' u bo'olil u kebano'ob.
28Tumen ma' u káato'ob u kaj óolto'ob Jajal Diosi, leti'e' tu xúump'attajo'ob ti' u kaakas tuuculo'ob, u ti'al ca u beeto'ob ba'ax ma' unaji'. 29Chuupo'ob yéetel tuláacal jejeláas ma' ti'ibil ba'alo'obi'; kaakas cuxtalil, kasa'anil, dzíibol ayikalil yéetel loobil. Leti'obe' chuupo'ob xan yéetel dzíibol loobil, quiimsaj wíiniquil, ba'ate'lil, tuusil, kasa'anil yéetel bisaj tuusil. 30Cu t'aano'ob kaas tu yo'olal u láak máaco'ob, cu p'ectico'ob Jajal Dios, kaas u chi'o'ob, ca'anal u yicho'ob yéetel noj ba'al u taasicuba'ob. Cu pat jo'oltico'ob kaakas ba'alo'ob, ma' tu yu'ubico'ob u t'aan u taatao'ob, 31ma' u káato'ob na'ataji', ma' tu beetico'ob ba'ax cu ya'alico'ob, ma' tu yaabiltico'ob mix máac, ma' u yojelo'ob sa'atsaji', ma' tu ch'a'ico'ob óotzilil ti' mix máac. 32Leti'obe' ma'alob u yojelilo'ob ba'ax u ya'almaj Jajal Dios; u yojelo'ob le máaxo'ob cu beetico'ob le ba'alo'oba' cu najmatico'ob quíimil; quex beyo' ma' chéen cu beetico'obi', ba'ale' qui' u yóolo'ob yéetel le máaxo'ob beetico'ob xano'
ទើបបានជ្រើសរើសហើយ៖
Romanos 1: YUA04
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Maya de YucatánTumben Nupt'an NT © Sociedad Bíblica de Mexico, 2004.
Romanos 1
1
Pabloe' cu dzíib ti' Romailo'ob
1Teen, Pabloe', palitzilen ti' Jesucristo. Jajal Diose' tu t'anajen yéetel tu jun páaycunten je'el bix jun túul apóstole' u ti'al ca in tze'ect u ma'alob péectzil. 2Jajal Diose' úuch u dzáa ojéeltbil le ma'alob péectzila' ichil le Quili'ich Dzíibo'ob dzíibta'an tumen u aj bo'obato'obo'. 3Leti' le ma'alob péectzil cu t'aan tu yo'olal Jesucristo', u Paal Jajal Dios. Tu yo'olal u lu'umcabil wíinclile' Jesucristoe' ti' u ch'i'ibal ajaw David sijnal. 4Ba'ale' tu yo'olal u pixan quili'iche', e'esa'ab leti' u Paal Jajal Dios yéetel páajtalil, iquil ca'a púut cuxlajic ti' le quíimilo'. 5Tu yo'olal Jesucristoe', Jajal Diose' tu dzaj u qui'imac óolalil c túuxta'al tu kaaba', u ti'al ca yanac ichil tuláacal caajo'obe' máaxo'ob ca ocsaj óolnaco'ob yéetel ca u'uyaj t'aanaco'ob. 6Ichilo'obe' ti' yane'ex te'exi', máaxe'ex t'ana'ane'ex xan tumen Jajal Dios u ti'al ca ti'alinta'aque'ex tumen Jesucristo. 7Quin dzíib túun ti' te'ex tuláacale'ex máaxe'ex caja'ane'ex tu caajil Roma, máaxe'ex yaabilta'ane'ex tumen Jajal Dios yéetel t'ana'ane'ex u ti'al jun p'éel quili'ich cuxtal. Kame'ex siibal yéetel jéedzel ti' Jajal Dios c Taata bey xan ti' c Yuumtzil Jesucristo.
Pabloe' u káat u xíimbalt Roma
8Yáax táanile', tu yo'olal Jesucristoe' quin dzáic nib óolal ti' Jajal Dios tu yo'olal tuláacale'ex, tumen ti' tuláacal tu'ux cu yúuchul t'aan tu yo'olal a wocsaj óolale'ex. 9Jajal Dios, máax quin meyajtic yéetel tuláacal in pucsi'ikal iquil in tze'ectic u ma'alob péectzil u Paale', leti' u yojel bix in ka'ajsique'ex mantadz ti' in payalchi'ob. 10Mantadz quin káat óoltic ti' Jajal Dios, wa leti' u káate', ca páatac in bin in xíimbalte'ex. 11Tumen in káat in wile'ex u ti'al ca in dzáa te'ex wa ba'ax áantajil ti' a pixane'ex, u ti'al ca mas mu'ukanchajac a wóole'ex, 12in káat in wa'ale', u ti'al ca paaclan líikic c óol yéetel le ocsaj óolal yaan ti' te'exo' bey xan yaan ti' teno'.
13Sucu'une'ex, in káat ca a wojéelte'exe' ya'ab u téenel tin tucultaj in bin in wile'ex, ba'ale' tac bejela'e' ma' páataqui'. In káat bin u ti'al ca yanac u yich in meyaj ichile'ex, je'el bix dzo'oc u yantal u yich ti' u láak tu'uxo'ob yóokolcaabo'. 14Tumen tene' tuláacal máax in p'axmaj, quex griego'ob wa ma' griego'obi', quex canbalnaja'ano'ob wa ma' canbalnaja'ano'obi'. 15Bey túuno' tene' táan in jach dzíiboltic in tze'ectic le ma'alob péectzil tac ti' te'ex caja'ane'ex Romao'.
U páajtalil le ma'alob péectzilo'
16Tene' ma' tin ch'a'ic subtal tu yo'olal le ma'alob péectzilo', tumen lelo' u páajtalil Jajal Dios u ti'al u toquic tuláacal le máax cu yocsaj óolo', le judío'ob yáax táanilo', bey xan le ma' judío'obo'. 17Tumen le péectzila' cu ye'esic to'one' bix u dzáico'on Jajal Dios ma'alob tu táan: Tu yo'olal ocsaj óolal, chéen tu yo'olal ocsaj óolal. Bey u ya'alic le Quili'ich Dzíibo': Le máax dza'an tumen Jajal Dios ma'alobil tu táane' bíin cuxlac tu yo'olal le ocsaj óolalo'.
U cuuch máaco'ob
18C ilique' u nojoch jaadz Jajal Diose' ca'an u taal tu yóokol tuláacal le máaxo'ob ma' ti'ibil u cuxtalo'ob yéetel kasa'ano'obo', máaxo'ob tu yo'olal u kasa'anilo'obe' ma' tu cha'ico'ob u kaj óolta'al le jaajo'. 19U yojelo'ob ma'alob le ba'ax cu páajtal u kaj óolta'al ti' Jajal Dioso', tumen Jajal Diose' tu ye'esaj ti'ob: 20Tumen le ba'ax ma' tu páajtal u yila'al ti' Jajal Dioso' cu páajtal u kaj óolta'al tu yo'olal le ba'alo'ob u beetmajo'. J chu'unpaj u yila'al jach sáasil le ca j beeta'ab yóokolcaabe', leti'e' Jajal Dios yéetel yaan páajtalil mantadz ti'; bey túuno' mina'an tu'ux u ya'alico'ob wa mina'an u si'ipilo'ob. 21Tumen quex u kaj óolo'ob Jajal Diose', ma' tu nojbe'encunso'ob bey Jajal Diose' mix tu dzajo'ob nib óolal ti'i'. Ba'ale' tu tucultajo'ob ba'alo'ob mina'an u biilal, bey xan u ma' na'at pucsi'ikalo'obe' j p'áat ich éekjoche'enil. 22Quex táan u ya'alico'ob yaan u na'ato'obe', cu chíicpajal mina'an u na'ato'ob; 23tumen dzo'oc u kexico'ob u nojbe'enil Jajal Dios, máax ma' tu quíimile', yéetel u yoochel máac, máax cu quíimil, bey xan yéetel u yoochel ch'íich'o'ob, caano'ob yéetel ba'alche'ob can dzíit u yooco'ob.
24Le o'olale' Jajal Diose' tu xúump'attajo'ob ti' le kaakas dzíibolalo'ob yaan ti'obo', bey túuno' tu beetajo'ob tu baatzilo'obe' ba'alo'ob jach subtziltaco'ob. 25Tumen ma' tu yocsaj óolto'ob le jaaj ti' Jajal Dios u taalbalo' ba'ale' tu yocsaj óolto'ob le tuuso', bey xan tu nojbe'encunto'ob yéetel tu kultajo'ob le ba'alo'ob beeta'ano'ob tumen Jajal Dioso', ma' le máax beeto'obo', máax unaj u qui'iqui' t'anta'al tu yo'olal kiino'ob mina'an u xuul. Amén.
26Le o'olale' Jajal Diose' tu xúump'attajo'ob ti' dzíibolalo'ob subtziltaco'ob; tumen tac le co'olelo'obo' dzo'oc u kexico'ob ba'ax ma'alob u beeta'al yéetel le wíinclilo' yéetel le ma' ma'alob u beeta'alo'. 27Bey xan le xiibo'obo' dzo'oc u p'atico'ob u nupicuba'ob yéetel le co'olelo'obo' tumen chuupo'ob yéetel kaakas dzíibolalo'ob tu baatzilo'ob. Le xiibo'obo' cu beetico'ob tu baatzilo'ob ba'alo'ob subtziltaco'ob; le o'olale' cu kamico'ob tu wíinclilo'obe' u bo'olil u kebano'ob.
28Tumen ma' u káato'ob u kaj óolto'ob Jajal Diosi, leti'e' tu xúump'attajo'ob ti' u kaakas tuuculo'ob, u ti'al ca u beeto'ob ba'ax ma' unaji'. 29Chuupo'ob yéetel tuláacal jejeláas ma' ti'ibil ba'alo'obi'; kaakas cuxtalil, kasa'anil, dzíibol ayikalil yéetel loobil. Leti'obe' chuupo'ob xan yéetel dzíibol loobil, quiimsaj wíiniquil, ba'ate'lil, tuusil, kasa'anil yéetel bisaj tuusil. 30Cu t'aano'ob kaas tu yo'olal u láak máaco'ob, cu p'ectico'ob Jajal Dios, kaas u chi'o'ob, ca'anal u yicho'ob yéetel noj ba'al u taasicuba'ob. Cu pat jo'oltico'ob kaakas ba'alo'ob, ma' tu yu'ubico'ob u t'aan u taatao'ob, 31ma' u káato'ob na'ataji', ma' tu beetico'ob ba'ax cu ya'alico'ob, ma' tu yaabiltico'ob mix máac, ma' u yojelo'ob sa'atsaji', ma' tu ch'a'ico'ob óotzilil ti' mix máac. 32Leti'obe' ma'alob u yojelilo'ob ba'ax u ya'almaj Jajal Dios; u yojelo'ob le máaxo'ob cu beetico'ob le ba'alo'oba' cu najmatico'ob quíimil; quex beyo' ma' chéen cu beetico'obi', ba'ale' qui' u yóolo'ob yéetel le máaxo'ob beetico'ob xano'
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Maya de YucatánTumben Nupt'an NT © Sociedad Bíblica de Mexico, 2004.