Marcu 7
7
Nvitsarea ti Cãtãrisiri di Nãuntru
1Atumtsea s-adunarã anvãrliga di nãsu Fariseilji shi niscãntsã scribi tsi avea vinitã di Ieruzalem. 2Atselji bãgarã oarã cã niscãntsã di ucenitsilji a lui ma mãca pãni cu mãnjili nicurati, va s-dzãcã niaspilati. 3Fariseilji sh-tuts Iudeilji nu mãcã niaspilati ghini mãnjili ma nãinti, tsãnãnda adetsili a vecljilor. 4Sh-cãndu s-toarnã dit pãzari nu mãcã macã nu suntu aspilats ma nãinti. Suntu multi alti lucri tsi atselji prindi s-li fac trã itia a adetsilor: aspilarea a cupilor, a pocilor, a cãldãrilor shi a paturilor.
5Deapoea Fariseilji shi scriblji lu ntribarã: “Cãtse ucenitsilji a tãlji nu facã dupã adetsili a vecljilor, ma mãcã pãni ni aspilati mãnjili?” 6Ma elu apãndisinda lã dzãsi a lor: “Ghini prufitipsi Isaia trã voi, ipucrits, ashã cum easti scriatã:
‘Aestu popul cu budzili mi tinjiseashti,
ma inima-a lor easti diparti di mini.
7 Ma di geaba mi alãvdats,
nvitsãnda unã nvitsãturã tsi easti unã dimãndciuni umineascã.’
8Alãsãnda di unã parti ordinlu al Dumnidzãu, ma tsãnets adetsili a oaminjilor, aspãlarea a pocilor sh-a cupilor, shi fãtsets multi alti ahtãri lucri.” 9Sh-ninga lã dzãsi a lor: “Voi hits axii ti arnisiri ordinlu al Dumnidzãu, sh-ti tsãneari adetea a voastrã. 10Moisiul dzãsi: ‘Tinjisea tatãl a tãu sh-muma a ta.’ Shi: ‘Atsel tsi blastimã tatãl sh-muma, easti giudicatã cu moarti.’ 11Ma voi dzãtsets: ‘Macã vãrã lji-dzãtsi a-tatãlui a lui icã a mumãljei a lui, itsi pot s-facã trã voi easti un Curban, va s-dzãcã un pisches trã Dumnidzãlu,’ 12nu lu alãsats atsel s-facã tsiva di tatãl a lui icã di muma a lui, 13ashi voi arnisits zborlu al Dumnidzãu cu adetea a voastrã, tsi voi u-avets mushtinitã. Shi voi ma fãtsets multi alti ahtãri lucri.” 14Deapoea acljimã tutã lumea anvãrliga di nãsu shi lji-dzãsi: “Mi ascultats tuts shi aduchits! 15Nu ari tsiva di nafoarã a omlui, tsi intrãnda tu nãsu s-u lãvusheascã, aljiumtrea, suntu atseali lucri tsi easã di la nãsu tsi u lãvushescu.” 16[Cai ari ureclji trã avdzãri, s-avdã!]#7:16 Aestu stih nu s-aflã tu itsi manuscrisã grãtseascã. 17Ma napoea, cãndu elu s-turnã la casã, diparti di multsãmea, ucenitsilji a lui lu-ntribarã trã achicãsirea a parabolãljei. 18Sh-elu lã-dzãsi a lor: “Sh-voi nu avets minti n-capã. Nu-u aduchitsã cã itsi intrã di nafoarã la omlu nu poati s-u lãvusheascã? 19Cã nu lji-intrã tu inimã, ma tu pãnticã, sh-deapoea easi nafoarã tu tualet?” Zburãnda ashi, elu li dimãndã curati tuti mãcãrili.
20Elu dzãsi: “Atsea tsi easi di la omlu, u-fatsi lãvos. 21Cã di nãuntru, va s-dzãcã dit inima a-omlui es minduirili arali, ncãlcarea a curuniljei, furãrili, vãtãmãrili, 22putãnsirili, mãniili, ruteatsili, arãdearili, arushinarea, pizma, blãstemlu, pirifanea, hãzãmãrili. 23Tuti atseali arali es di nãuntru sh-u lãvushescu omlu.”
Muljearea Siro-Fenicianã
24Deapoea s-nchisi di aclo shi s-dusi tu cãsãbãlu a Tirlui. Intrã tu unã casã sh-vrea tsi vãrã s-nu shtibã, ma nu putu s-armãnã ascumtu. 25Unã muljeari, tsi hiljea a ljei avea un duh nicuratã, avdzãnda di Isusul, vini sh-cãdzu la cicioarili a lui. 26Tora atsea muljeari eara elinã, cu arãdãtsinã Sirofenicã. Shi lji si rugã a lui tsi s-lu aĝunea draclu di hilja a ljei. 27Iarã Isusul dzãsi: “Alasã cilimenjilji#7:27 cilimenjilji Vrea s-dzãc cilimenjilji a Israelui, shi cãtsãlji a cãnjilor va s-dzãc nu-iudenjilji. prota s-fãnãteascã, cã nu easti ghini s-ljeai pãnea a-cilimenjilor shi s-u arutsã a cãtsãljilor.” 28Ma ea apãndisi shi lj-dzãsi: “Ghini ma greshti, Doamne, ma shi cãtsãljilji sum measã mãcã sãrmili a cilimenjilor!” 29Atumtsea elu lj-dzãsi: “Trã aestu zbor a tãu, fudz, draclu ishi di hiljea a-ta!” 30Sh-ea, cãndu s-turnã la casa a-ljei, u-aflã feata tu pat shi draclu avea ishitã.
Vindicarea a unui Surd-Mut di Decapolis
31Dupã tsi s-nchisi nãpoi dit locurli a Tirlui shi s-dusi cãtrã Sidon, Isusul agiumsi la amarea a Galileiljei, namisa di loclu a Decapolei. 32Sh-lji adusirã un mut tsi cu zori grea, shi lji si rugarã s-bagã mãnjili pri nãsu s-lu vindica.
33Cum lu lo, diparti dit multsãmea, lj-bãgã dzeaditli tu urecljilji a lui, shi dupã tsi scuchie dzeaditlu, lj-acãtsã limba. 34Deapoea sculã ocljilji cãtrã tser, suschirã shi-lj dzãsi: “Effatha”, tsi va s-dzãcã: “Discljidi-ti!” 35Shi trãoarã s-discljisirã urechljilji shi s-dizligã gura sh-elu grãi cum prindi.
36Sh-Isusul lã-ursi atselji tsi s-nu lji aspunea a vãrui. Ma cu cãt ma multu lã ursea ahtãt ma multu elji lu scurpisea zborlu. 37Sh-multu ciudisits, dzãtsea: “Elu itsido lu ari faptã ghini, tsi surdzãlji s-avdã sh-mutsilji s-greascã!”
ទើបបានជ្រើសរើសហើយ៖
Marcu 7: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Marcu 7
7
Nvitsarea ti Cãtãrisiri di Nãuntru
1Atumtsea s-adunarã anvãrliga di nãsu Fariseilji shi niscãntsã scribi tsi avea vinitã di Ieruzalem. 2Atselji bãgarã oarã cã niscãntsã di ucenitsilji a lui ma mãca pãni cu mãnjili nicurati, va s-dzãcã niaspilati. 3Fariseilji sh-tuts Iudeilji nu mãcã niaspilati ghini mãnjili ma nãinti, tsãnãnda adetsili a vecljilor. 4Sh-cãndu s-toarnã dit pãzari nu mãcã macã nu suntu aspilats ma nãinti. Suntu multi alti lucri tsi atselji prindi s-li fac trã itia a adetsilor: aspilarea a cupilor, a pocilor, a cãldãrilor shi a paturilor.
5Deapoea Fariseilji shi scriblji lu ntribarã: “Cãtse ucenitsilji a tãlji nu facã dupã adetsili a vecljilor, ma mãcã pãni ni aspilati mãnjili?” 6Ma elu apãndisinda lã dzãsi a lor: “Ghini prufitipsi Isaia trã voi, ipucrits, ashã cum easti scriatã:
‘Aestu popul cu budzili mi tinjiseashti,
ma inima-a lor easti diparti di mini.
7 Ma di geaba mi alãvdats,
nvitsãnda unã nvitsãturã tsi easti unã dimãndciuni umineascã.’
8Alãsãnda di unã parti ordinlu al Dumnidzãu, ma tsãnets adetsili a oaminjilor, aspãlarea a pocilor sh-a cupilor, shi fãtsets multi alti ahtãri lucri.” 9Sh-ninga lã dzãsi a lor: “Voi hits axii ti arnisiri ordinlu al Dumnidzãu, sh-ti tsãneari adetea a voastrã. 10Moisiul dzãsi: ‘Tinjisea tatãl a tãu sh-muma a ta.’ Shi: ‘Atsel tsi blastimã tatãl sh-muma, easti giudicatã cu moarti.’ 11Ma voi dzãtsets: ‘Macã vãrã lji-dzãtsi a-tatãlui a lui icã a mumãljei a lui, itsi pot s-facã trã voi easti un Curban, va s-dzãcã un pisches trã Dumnidzãlu,’ 12nu lu alãsats atsel s-facã tsiva di tatãl a lui icã di muma a lui, 13ashi voi arnisits zborlu al Dumnidzãu cu adetea a voastrã, tsi voi u-avets mushtinitã. Shi voi ma fãtsets multi alti ahtãri lucri.” 14Deapoea acljimã tutã lumea anvãrliga di nãsu shi lji-dzãsi: “Mi ascultats tuts shi aduchits! 15Nu ari tsiva di nafoarã a omlui, tsi intrãnda tu nãsu s-u lãvusheascã, aljiumtrea, suntu atseali lucri tsi easã di la nãsu tsi u lãvushescu.” 16[Cai ari ureclji trã avdzãri, s-avdã!]#7:16 Aestu stih nu s-aflã tu itsi manuscrisã grãtseascã. 17Ma napoea, cãndu elu s-turnã la casã, diparti di multsãmea, ucenitsilji a lui lu-ntribarã trã achicãsirea a parabolãljei. 18Sh-elu lã-dzãsi a lor: “Sh-voi nu avets minti n-capã. Nu-u aduchitsã cã itsi intrã di nafoarã la omlu nu poati s-u lãvusheascã? 19Cã nu lji-intrã tu inimã, ma tu pãnticã, sh-deapoea easi nafoarã tu tualet?” Zburãnda ashi, elu li dimãndã curati tuti mãcãrili.
20Elu dzãsi: “Atsea tsi easi di la omlu, u-fatsi lãvos. 21Cã di nãuntru, va s-dzãcã dit inima a-omlui es minduirili arali, ncãlcarea a curuniljei, furãrili, vãtãmãrili, 22putãnsirili, mãniili, ruteatsili, arãdearili, arushinarea, pizma, blãstemlu, pirifanea, hãzãmãrili. 23Tuti atseali arali es di nãuntru sh-u lãvushescu omlu.”
Muljearea Siro-Fenicianã
24Deapoea s-nchisi di aclo shi s-dusi tu cãsãbãlu a Tirlui. Intrã tu unã casã sh-vrea tsi vãrã s-nu shtibã, ma nu putu s-armãnã ascumtu. 25Unã muljeari, tsi hiljea a ljei avea un duh nicuratã, avdzãnda di Isusul, vini sh-cãdzu la cicioarili a lui. 26Tora atsea muljeari eara elinã, cu arãdãtsinã Sirofenicã. Shi lji si rugã a lui tsi s-lu aĝunea draclu di hilja a ljei. 27Iarã Isusul dzãsi: “Alasã cilimenjilji#7:27 cilimenjilji Vrea s-dzãc cilimenjilji a Israelui, shi cãtsãlji a cãnjilor va s-dzãc nu-iudenjilji. prota s-fãnãteascã, cã nu easti ghini s-ljeai pãnea a-cilimenjilor shi s-u arutsã a cãtsãljilor.” 28Ma ea apãndisi shi lj-dzãsi: “Ghini ma greshti, Doamne, ma shi cãtsãljilji sum measã mãcã sãrmili a cilimenjilor!” 29Atumtsea elu lj-dzãsi: “Trã aestu zbor a tãu, fudz, draclu ishi di hiljea a-ta!” 30Sh-ea, cãndu s-turnã la casa a-ljei, u-aflã feata tu pat shi draclu avea ishitã.
Vindicarea a unui Surd-Mut di Decapolis
31Dupã tsi s-nchisi nãpoi dit locurli a Tirlui shi s-dusi cãtrã Sidon, Isusul agiumsi la amarea a Galileiljei, namisa di loclu a Decapolei. 32Sh-lji adusirã un mut tsi cu zori grea, shi lji si rugarã s-bagã mãnjili pri nãsu s-lu vindica.
33Cum lu lo, diparti dit multsãmea, lj-bãgã dzeaditli tu urecljilji a lui, shi dupã tsi scuchie dzeaditlu, lj-acãtsã limba. 34Deapoea sculã ocljilji cãtrã tser, suschirã shi-lj dzãsi: “Effatha”, tsi va s-dzãcã: “Discljidi-ti!” 35Shi trãoarã s-discljisirã urechljilji shi s-dizligã gura sh-elu grãi cum prindi.
36Sh-Isusul lã-ursi atselji tsi s-nu lji aspunea a vãrui. Ma cu cãt ma multu lã ursea ahtãt ma multu elji lu scurpisea zborlu. 37Sh-multu ciudisits, dzãtsea: “Elu itsido lu ari faptã ghini, tsi surdzãlji s-avdã sh-mutsilji s-greascã!”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល