Mateu 24
24
Nvitsarea Profeticã, Seamnili a Chirolui dit Soni
1Tora cãndu Isusul ishi dit templu sh-ma s-dipãrta, ucenitsilji a lui lji s-apruchearã tra s-lji spunea adãrãturili a templui. 2Ma Isusul lã dzãsi a lor: “Nu li videts voi tuti aesti? Dealihea ma vã dzãc, cã aoa nu va armãnã vãrã cheatrã pristi cheatrã, cã tuti va hibã surpati.” 3Deapoea cãndu elu shidzu tu Muntili a Masnjilor, lji s-apruchearã singur ucenitsilji u lui sh-lji dzãsirã: Nã-aspunã cãndu va s-undzeascã aesti lucri? Sh-cai va hibã semnu a vinitiãjei a ta sh-a bitisitãljei a etiljei? 4Sh-Isusul apãndisi: “Afirits-vã s-nu vã arãdã vãrã! 5Cã multsã va yinã tu numa a mea, sh-va dzãcã: ‘Mini escu Hristolu,’ sh-va s-arãdã multsã oaminji. 6Atumtsea va avdzãts di alumti sh-di hãbãri trã alumti. Afirits-vã, sh-nu vã aspãrats, cã aesti tuti prindi si s-facã, ma bitisita ninga nu va aibã vinitã. 7Va si scoalã natsiunea contra a natsiuniljei, amirãriljea contra a amirãriljie, va aibã urfanji di pãni, sh-cutremburi tu multi locuri. 8Ma tuti aesti lucri va hibã apãrnjita a durerilor a amintariljei. 9Atumtsea va vã prida tu munduiri sh-va vã vatãma, sh-di tuti natsiunili va vã aurascã trã itia a numãljei a mea. 10Atumtsea multsã va s-dipãrteadzã di pisti, va vindã un-alantu, sh-va aurasca un-alantu. 11Va easã multsã prufits arãdioshi, sh-va arãdã multsã oaminji. 12Sh-macã va s-multseacã anapudziljea, a multsãlor va lã arãtseascã vrearea. 13Ma atsel tsi va aravdã pãnã tu soni, atsel va s-ascapã. 14Sh-evanghelu aestu a amirãriljei va hibã predicat pri tutã lumea, ca unã mãrtirii la tuti natsiunili sh-atumtsea va hibã bitisita.”
Munduirea Atsea Marea
15“Cãndu s-videts lãhtarea a shcretuiriljei, tsi easti paradzãs di prufitlu Daniel, sh-ljea loc tu loclu atsel sãmtu (cai cãntã s-aducheascã), 16atumtsea atselji tsi suntu tu Iudea, s-fugã pri muntsã. 17Cai s-alfã pri tãratsa a casiljei, s-nu dipunã s-ljea tsiva di casã. 18Cai easti pri agru s-nu s-toarnã s-ljea mantelul a lui. 19Ma cavai di muljerili atseali greali sh-atseali tsi va lji da sinã a cilimeanlui tu atseali dzãli. 20Rugats-vã tsi fudzirea a voastrã s-nu hibã iarna, icã Sãmbãta. 21Cã atumtsea va aibã unã munduiri ahãntã mari, cãt nu ari undzit pute di tu ahurhita a lumiljei, pãnã azã, sh-nu va aibã vãrãoarã. 22Sh-ma nu si shcurteadzã atseali dzãli, nu va ascapa vãrã om, ma trã itia a aleptsãlor atseali dzãli va si shcurteadzã. 23Atumtsea macã vãrã va vã dzãcã: ‘Ia, Hristolu easti aoa,’ icã: ‘Easti aclo,’ s-nu pistipsits. 24Cã va easã hristoshi arãdioshi sh-prufits arãdioshi, sh-va facã seamni mãri, sh-ahãnti ciudii cãt, ma s-putea s-arãdã sh-aleptsãlji. 25Ia, adutsets-vã aminti cã mini vã hãbãrsii ma nãinti. 26Sh-macã vã dzãcã: ‘Ia, Hristolu easti tu irnjii,’ nu dutsets-vã aclo. ‘Ia, easti tu udãdzili atseali ascumti,’ nu pistipsits-lã. 27Cã ca ascãpirarea tsi easi di tu rãsãrit shi si aspuni pãnã tu ascãpitat, ashã va hibã sh-vinita a Hiljiui a omlui. 28Cã aclo iu suntu cufomili, aclo va s-adunã sh-vulturilji.”
Vinita a Hiljiui a Dumnidzãui
29“Tora dupã nvirinarea atsilor dzãli,
‘soarili va si scutidiseascã,
sh-luna nu va da lunjina a ljei.
Stealili va cadã dit tser,
sh-puterili a tseruilor va si trunduescu.’#Isa 13:10; 34:4.
30Atumtsea va s-aspunã tu tser semnul a Hiljiui a omlui. Tuti natsiunili a loclui va plãngã, cãndu s-veadã Hiljiu a omlui yininda pristi norilji a tserlui cu puteari sh-mãriri mari. 31Sh-elu va li pitreacã anghilji a lui cu boatsi vãrtoasi di trumpetã, sh-elji va adunã aleptsãlji a lui di patru vimturili, di unã mardzinã a tserlui pãnã la alantã. 32Tora di la hiclu nvitsats aestã parabolã: cãndu tora dedzili a lui s-muljeadzã, shi scoatã frãndzãli, s-u shtits cã vearea easti aproapi. 33Ashãtsi sh-voi, cãndu s-videts tuti aesti lucri, si shtits cã elu easti aproapi, ningã ushã. 34Dealihea ma vã dzãc cã nu va treacã aestã gheneratã ni faptã tuti aesti. 35Tserlu shi loclu va treacã, ma zboarili a meali nu va treacã.”
Bãgats Oarã di Vinita a Hiljiui a Omlui!
36“Iarã di dzua atsea sh-di oara atsea vãrã nu shtii, nitsi anghilji dit tser, nitsi Hilljilu, ma singur Tatãl. 37Shi ashã cum tu dzãlili al Noe, ashã va hibã sh-la vinita a Hiljiu a omlui. 38Cã ashã cum tu dzãlili atseali di cama nãinti a nicariljei, oaminjili mãca sh-bea, si-nsura shi s-mãrta, pãnã cãndu Noeul intrã tu varcã. 39Elji nu aduchirã tsiva, pãnã cãndu vini nicarea sh-lji lo tuts. Ashã va hibã sh-tu vinita a Hiljiui a omlui. 40Atumtsea doi va hibã la agru, unlu va s-ljea, sh-alantu va s-alasã. 41Doauã muljeri va s-matsinã la moarã, unã va s-ljea, sh-alanta va s-alasã. 42Stats dishtiptat, cã nu shtits tu tsi oarã va yinã Domnul a vostru. 43Ma si shtits aestã, cã ma s-shtiea nicuchirlu a casiljei tu tsi oarã a noaptiljei va yinea furlu, va armãnea dishtiptat sh-nu va lu alãsa s-lji intra tu casã. 44Trã aestã voi s-hits etimãsits, cã Hiljiu a omlui va yinã tu atsea oarã cãndu voi nu lu ashtiptats.”
Parabola Atsilor Doi Huzmicheari
45“Cai easti atsel huzmichear pistimen sh-mintimen? Easti atsel tsi nicuchirlu l-bãgã pristi huzmichearlji a lui, tra s-lã da hranã tu oara tsi prindi. 46Ca hara di atsel huzmichear tsi, cãndu s-toarnã nicuchirlu a lui, s-lu aflã fãcãnda ashã. 47Dealihea ma vã dzãc cã elu va lji pistipseascã atsilui huzmichear tutã ayishterea a lui. 48Ma, macã aestu huzmichear arãu dzãtsi tu inima a lui: ‘Domnul a meu amãni s-yinã,’ 49sh-ahurheashti s-batã sotsilji a lui, sh-mãcã sh-bea cu biutorlji, 50domnulu aishtui huzmichear va yinã tu dzua atsea, cãndu elu nu lu ashteapti, sh-tu oara atsea cãndu elu nu u-shtii. 51Elu va lu condamnã cu aspru sh-va lji da tihea a ipucritsilor. Aclo va hibã plãngul sh-cãrtsãnirea a dintsãlor.”
ទើបបានជ្រើសរើសហើយ៖
Mateu 24: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mateu 24
24
Nvitsarea Profeticã, Seamnili a Chirolui dit Soni
1Tora cãndu Isusul ishi dit templu sh-ma s-dipãrta, ucenitsilji a lui lji s-apruchearã tra s-lji spunea adãrãturili a templui. 2Ma Isusul lã dzãsi a lor: “Nu li videts voi tuti aesti? Dealihea ma vã dzãc, cã aoa nu va armãnã vãrã cheatrã pristi cheatrã, cã tuti va hibã surpati.” 3Deapoea cãndu elu shidzu tu Muntili a Masnjilor, lji s-apruchearã singur ucenitsilji u lui sh-lji dzãsirã: Nã-aspunã cãndu va s-undzeascã aesti lucri? Sh-cai va hibã semnu a vinitiãjei a ta sh-a bitisitãljei a etiljei? 4Sh-Isusul apãndisi: “Afirits-vã s-nu vã arãdã vãrã! 5Cã multsã va yinã tu numa a mea, sh-va dzãcã: ‘Mini escu Hristolu,’ sh-va s-arãdã multsã oaminji. 6Atumtsea va avdzãts di alumti sh-di hãbãri trã alumti. Afirits-vã, sh-nu vã aspãrats, cã aesti tuti prindi si s-facã, ma bitisita ninga nu va aibã vinitã. 7Va si scoalã natsiunea contra a natsiuniljei, amirãriljea contra a amirãriljie, va aibã urfanji di pãni, sh-cutremburi tu multi locuri. 8Ma tuti aesti lucri va hibã apãrnjita a durerilor a amintariljei. 9Atumtsea va vã prida tu munduiri sh-va vã vatãma, sh-di tuti natsiunili va vã aurascã trã itia a numãljei a mea. 10Atumtsea multsã va s-dipãrteadzã di pisti, va vindã un-alantu, sh-va aurasca un-alantu. 11Va easã multsã prufits arãdioshi, sh-va arãdã multsã oaminji. 12Sh-macã va s-multseacã anapudziljea, a multsãlor va lã arãtseascã vrearea. 13Ma atsel tsi va aravdã pãnã tu soni, atsel va s-ascapã. 14Sh-evanghelu aestu a amirãriljei va hibã predicat pri tutã lumea, ca unã mãrtirii la tuti natsiunili sh-atumtsea va hibã bitisita.”
Munduirea Atsea Marea
15“Cãndu s-videts lãhtarea a shcretuiriljei, tsi easti paradzãs di prufitlu Daniel, sh-ljea loc tu loclu atsel sãmtu (cai cãntã s-aducheascã), 16atumtsea atselji tsi suntu tu Iudea, s-fugã pri muntsã. 17Cai s-alfã pri tãratsa a casiljei, s-nu dipunã s-ljea tsiva di casã. 18Cai easti pri agru s-nu s-toarnã s-ljea mantelul a lui. 19Ma cavai di muljerili atseali greali sh-atseali tsi va lji da sinã a cilimeanlui tu atseali dzãli. 20Rugats-vã tsi fudzirea a voastrã s-nu hibã iarna, icã Sãmbãta. 21Cã atumtsea va aibã unã munduiri ahãntã mari, cãt nu ari undzit pute di tu ahurhita a lumiljei, pãnã azã, sh-nu va aibã vãrãoarã. 22Sh-ma nu si shcurteadzã atseali dzãli, nu va ascapa vãrã om, ma trã itia a aleptsãlor atseali dzãli va si shcurteadzã. 23Atumtsea macã vãrã va vã dzãcã: ‘Ia, Hristolu easti aoa,’ icã: ‘Easti aclo,’ s-nu pistipsits. 24Cã va easã hristoshi arãdioshi sh-prufits arãdioshi, sh-va facã seamni mãri, sh-ahãnti ciudii cãt, ma s-putea s-arãdã sh-aleptsãlji. 25Ia, adutsets-vã aminti cã mini vã hãbãrsii ma nãinti. 26Sh-macã vã dzãcã: ‘Ia, Hristolu easti tu irnjii,’ nu dutsets-vã aclo. ‘Ia, easti tu udãdzili atseali ascumti,’ nu pistipsits-lã. 27Cã ca ascãpirarea tsi easi di tu rãsãrit shi si aspuni pãnã tu ascãpitat, ashã va hibã sh-vinita a Hiljiui a omlui. 28Cã aclo iu suntu cufomili, aclo va s-adunã sh-vulturilji.”
Vinita a Hiljiui a Dumnidzãui
29“Tora dupã nvirinarea atsilor dzãli,
‘soarili va si scutidiseascã,
sh-luna nu va da lunjina a ljei.
Stealili va cadã dit tser,
sh-puterili a tseruilor va si trunduescu.’#Isa 13:10; 34:4.
30Atumtsea va s-aspunã tu tser semnul a Hiljiui a omlui. Tuti natsiunili a loclui va plãngã, cãndu s-veadã Hiljiu a omlui yininda pristi norilji a tserlui cu puteari sh-mãriri mari. 31Sh-elu va li pitreacã anghilji a lui cu boatsi vãrtoasi di trumpetã, sh-elji va adunã aleptsãlji a lui di patru vimturili, di unã mardzinã a tserlui pãnã la alantã. 32Tora di la hiclu nvitsats aestã parabolã: cãndu tora dedzili a lui s-muljeadzã, shi scoatã frãndzãli, s-u shtits cã vearea easti aproapi. 33Ashãtsi sh-voi, cãndu s-videts tuti aesti lucri, si shtits cã elu easti aproapi, ningã ushã. 34Dealihea ma vã dzãc cã nu va treacã aestã gheneratã ni faptã tuti aesti. 35Tserlu shi loclu va treacã, ma zboarili a meali nu va treacã.”
Bãgats Oarã di Vinita a Hiljiui a Omlui!
36“Iarã di dzua atsea sh-di oara atsea vãrã nu shtii, nitsi anghilji dit tser, nitsi Hilljilu, ma singur Tatãl. 37Shi ashã cum tu dzãlili al Noe, ashã va hibã sh-la vinita a Hiljiu a omlui. 38Cã ashã cum tu dzãlili atseali di cama nãinti a nicariljei, oaminjili mãca sh-bea, si-nsura shi s-mãrta, pãnã cãndu Noeul intrã tu varcã. 39Elji nu aduchirã tsiva, pãnã cãndu vini nicarea sh-lji lo tuts. Ashã va hibã sh-tu vinita a Hiljiui a omlui. 40Atumtsea doi va hibã la agru, unlu va s-ljea, sh-alantu va s-alasã. 41Doauã muljeri va s-matsinã la moarã, unã va s-ljea, sh-alanta va s-alasã. 42Stats dishtiptat, cã nu shtits tu tsi oarã va yinã Domnul a vostru. 43Ma si shtits aestã, cã ma s-shtiea nicuchirlu a casiljei tu tsi oarã a noaptiljei va yinea furlu, va armãnea dishtiptat sh-nu va lu alãsa s-lji intra tu casã. 44Trã aestã voi s-hits etimãsits, cã Hiljiu a omlui va yinã tu atsea oarã cãndu voi nu lu ashtiptats.”
Parabola Atsilor Doi Huzmicheari
45“Cai easti atsel huzmichear pistimen sh-mintimen? Easti atsel tsi nicuchirlu l-bãgã pristi huzmichearlji a lui, tra s-lã da hranã tu oara tsi prindi. 46Ca hara di atsel huzmichear tsi, cãndu s-toarnã nicuchirlu a lui, s-lu aflã fãcãnda ashã. 47Dealihea ma vã dzãc cã elu va lji pistipseascã atsilui huzmichear tutã ayishterea a lui. 48Ma, macã aestu huzmichear arãu dzãtsi tu inima a lui: ‘Domnul a meu amãni s-yinã,’ 49sh-ahurheashti s-batã sotsilji a lui, sh-mãcã sh-bea cu biutorlji, 50domnulu aishtui huzmichear va yinã tu dzua atsea, cãndu elu nu lu ashteapti, sh-tu oara atsea cãndu elu nu u-shtii. 51Elu va lu condamnã cu aspru sh-va lji da tihea a ipucritsilor. Aclo va hibã plãngul sh-cãrtsãnirea a dintsãlor.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល