Mateu 20
20
Parabola cu Lucrutorilji
1“Amirãriljea a tserurilor undzeashti cu un nicuchir di casã tsi ishi curund dimineatsa s-puituea lucrutori ti ayinjea a lui. 2Dupã tsi s-ndreapsi tu pãzari cu lucrutorilji cãti un dinar n-dzuã, lji pitricu la ayinjea a lui. 3Apoea ishi anvãrliga di oara noauã dimineatsa, sh-vidzu altsã tsi stãtea tu pãzari fãrã lucru. 4Sh-lã dzãsi a lor: ‘Dutsets-vã sh-voi la ayinjea a mea sh-mini va vã dau cãtã easti dhichea.’ 5Sh-elji s-dusirã. Elu ishi anvãriliga di njeadzãdzuã sh-pi trei ti-mirindi, featsi unã soi. 6Cãndu ishi nãpoi cãtrã oara tsintsi ti-mirindi, aflã altsã tsi stãtea ni fãrã lucru, sh-lji ntribã: ‘Cãtse shidets aoa tutã dzua ni faptã tsiva?’ 7Elji lji dzãsirã: ‘Cã vãrã nu nã puitui.’ Sh-elu lã dzãsi a lor: ‘Dutsets-vã shi voi la ayinji.’ 8Cãndu vini seara, nicuchirlu a ayinjiljei, lji dzãsi a administratorlui a lui: ‘Acljeamã lucrutorilji shi fã plãtirea a lor, apãrnjida di la atselji di ma nãpoi sh-pãnã la atselji di prota.’ 9Sh-cãndu vinirã atselji di la oara tsintsi, loarã cãti un dinar cathiunu. 10Cãndu vinirã protslji, minduirã cã va loa ma multu, ma sh-atselji loara cãti un dinar cathiunu. 11Luãnda, murmurea contra a nicuchirlui a casiljei, 12dzãcãnda: ‘Aeshti di ma nãpoi lucrarã mash unã oarã sh-tini lji plãtish ca noi, tsi trapsim greulu sh-cãloarea a dzuãljei.’ 13Ma elu lj-apãndisi a unui di nãshi: ‘Oaspe, mini nu ma ts-fac nindriptati. Noi nu featsim pãzari ti un dinar tu dzuã? 14Ljea atsea tsi easti a ta sh-imnã. Mini voi s-lji dau aishtui di ma nãpoi cãt a tsãia. 15Nu am ndriptati mini s-facã tsi voi cu atsea a mea? Catse ti fats ocljiu ni fãnãtit, cã mini escu giumertu?’ 16Ashã atselji di ma nãpoi va hibã protslji sh-atselji protslji va hibã atselji di ma nãpoi.”
Isusul Prividzu di a Treia Oarã Moartea a Lui
17Deapoea cãndu Isusul ma s-alina cãtrã Ierusalem, lji lo dinãparti di doisprãdzatsi ucenitsilji sh-pri cali lã dzãsi a lor: 18“Ia noi nã alinãm tu Ierusalem, sh-Hiljiu a omlui va s-prida la mãrilji a preftsãlor sh-a scribilor. Elji va lu condamnã cu moarti, 19va lu prida tu mãnjili a pãngãnjilor tsi s-lu pizueascã, va lu zãpãleascã shi va lu crutsiseascã. Ma elu a treia dzuã va s-nyeadzã dit mortsã.”
Ntribarea a Hiljilor al Zevedeu
20Atumtsea, muma a hiljilor a Zevedeului s-apruche la Isus deadun cu hiljilji a ljei, cãdzu pri dintsã sh-lji-cãftã tsiva. 21Sh-elu lj-dzãsi: “Tsi vrei?” Ea apãndisi: “Ursea tsi aeshti doi hiljilji a melji s-apunã un di nandreapta sh-altu di nastãnga tu amirãriljea a ta.” 22Sh-Isusul apãndisi: “Voi nu shtits tsi cãftats. Putets s-bets voi cupa tsi mini va beu? [Shi s-vã pãtidzats cu pitedzlu cu cai mini va mi pitedz?]#20:22 aesti zboari nu s-aflã tu tuti manuscrisili.” Elji dzãsirã: “Ie, putem.” 23Elu lã dzãsi a lor: “Voi dealihea va s-bets cupa a mea. [Shi va s-vã patidzats cu pitedzlu cu cai mini va mi pitedz.]#20:23 aesti zboari nu s-aflã tu tuti manuscrisili. Ma nu easti tu mãna a mea tra s-shidets di nandrepta a mea icã di nastãnga a mea, cã atseali locuri suntu trã atselji tsi s-etimãsirã di la Tatãl a meu.” 24Sh-cãndu avdzãrã aesti zboari di dzatsi alantsã s-nãrãirã cu doilji frats. 25Isusul lji acljimã ningã nãsu sh-lã dzãsi: “Voi lu shtits cã protslji a natsiunilor lji domneascã atselji sh-mãrilji au puteari pri nãshi, 26ma namisa di voi nu va hibã ashã! Cathiun di voi tsi va s-hibã mari, s-hibã huzmichearlu a vostru, 27shi caitsido di voi tsi va s-hibã protlu, prindi s-hibã sclavlu a vostru, 28cã sh-Hiljiu a omlui nu vini tra s-lji huzmitipseascã, ma huzmitipseascã sh-di dari bana a lui ca arãscumpãrari trã multsã.”
Doi Orghi di Ierico
29Cãndu elji ma ishea di Ierico, un multsãmi mari ma nidzea dupã Isusul. 30Sh-ia, doi orghi eara apunats ningã cali. Cãndu avdzãrã cã ma tritsea Isusul, apãrnjirã s-aurlã: “Njiluia-nã noi, Doamne, Hiljiu al David!” 31Multsãmea lji vãrghea tra s-pãpsea, ma elji aurla ma multu: “Njiluia-nã noi, Doamne, Hiljiu al David!” 32Atumtsea Isusul chindrui lji acljimã sh-lã ntribã: “Tsi vrets s-fac trã voi?” 33Elji dzãsirã: “Doamne, s-nã si dsicljidã ocljilji.” 34Sh-Isusul aspusi njilã trã nãshi, bãgã mãna pri ocljilji a lor, sh-tu atsea oarã a lor lã vini videarea a ocljilor sh-elji lu urmarã.
ទើបបានជ្រើសរើសហើយ៖
Mateu 20: BLRR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mateu 20
20
Parabola cu Lucrutorilji
1“Amirãriljea a tserurilor undzeashti cu un nicuchir di casã tsi ishi curund dimineatsa s-puituea lucrutori ti ayinjea a lui. 2Dupã tsi s-ndreapsi tu pãzari cu lucrutorilji cãti un dinar n-dzuã, lji pitricu la ayinjea a lui. 3Apoea ishi anvãrliga di oara noauã dimineatsa, sh-vidzu altsã tsi stãtea tu pãzari fãrã lucru. 4Sh-lã dzãsi a lor: ‘Dutsets-vã sh-voi la ayinjea a mea sh-mini va vã dau cãtã easti dhichea.’ 5Sh-elji s-dusirã. Elu ishi anvãriliga di njeadzãdzuã sh-pi trei ti-mirindi, featsi unã soi. 6Cãndu ishi nãpoi cãtrã oara tsintsi ti-mirindi, aflã altsã tsi stãtea ni fãrã lucru, sh-lji ntribã: ‘Cãtse shidets aoa tutã dzua ni faptã tsiva?’ 7Elji lji dzãsirã: ‘Cã vãrã nu nã puitui.’ Sh-elu lã dzãsi a lor: ‘Dutsets-vã shi voi la ayinji.’ 8Cãndu vini seara, nicuchirlu a ayinjiljei, lji dzãsi a administratorlui a lui: ‘Acljeamã lucrutorilji shi fã plãtirea a lor, apãrnjida di la atselji di ma nãpoi sh-pãnã la atselji di prota.’ 9Sh-cãndu vinirã atselji di la oara tsintsi, loarã cãti un dinar cathiunu. 10Cãndu vinirã protslji, minduirã cã va loa ma multu, ma sh-atselji loara cãti un dinar cathiunu. 11Luãnda, murmurea contra a nicuchirlui a casiljei, 12dzãcãnda: ‘Aeshti di ma nãpoi lucrarã mash unã oarã sh-tini lji plãtish ca noi, tsi trapsim greulu sh-cãloarea a dzuãljei.’ 13Ma elu lj-apãndisi a unui di nãshi: ‘Oaspe, mini nu ma ts-fac nindriptati. Noi nu featsim pãzari ti un dinar tu dzuã? 14Ljea atsea tsi easti a ta sh-imnã. Mini voi s-lji dau aishtui di ma nãpoi cãt a tsãia. 15Nu am ndriptati mini s-facã tsi voi cu atsea a mea? Catse ti fats ocljiu ni fãnãtit, cã mini escu giumertu?’ 16Ashã atselji di ma nãpoi va hibã protslji sh-atselji protslji va hibã atselji di ma nãpoi.”
Isusul Prividzu di a Treia Oarã Moartea a Lui
17Deapoea cãndu Isusul ma s-alina cãtrã Ierusalem, lji lo dinãparti di doisprãdzatsi ucenitsilji sh-pri cali lã dzãsi a lor: 18“Ia noi nã alinãm tu Ierusalem, sh-Hiljiu a omlui va s-prida la mãrilji a preftsãlor sh-a scribilor. Elji va lu condamnã cu moarti, 19va lu prida tu mãnjili a pãngãnjilor tsi s-lu pizueascã, va lu zãpãleascã shi va lu crutsiseascã. Ma elu a treia dzuã va s-nyeadzã dit mortsã.”
Ntribarea a Hiljilor al Zevedeu
20Atumtsea, muma a hiljilor a Zevedeului s-apruche la Isus deadun cu hiljilji a ljei, cãdzu pri dintsã sh-lji-cãftã tsiva. 21Sh-elu lj-dzãsi: “Tsi vrei?” Ea apãndisi: “Ursea tsi aeshti doi hiljilji a melji s-apunã un di nandreapta sh-altu di nastãnga tu amirãriljea a ta.” 22Sh-Isusul apãndisi: “Voi nu shtits tsi cãftats. Putets s-bets voi cupa tsi mini va beu? [Shi s-vã pãtidzats cu pitedzlu cu cai mini va mi pitedz?]#20:22 aesti zboari nu s-aflã tu tuti manuscrisili.” Elji dzãsirã: “Ie, putem.” 23Elu lã dzãsi a lor: “Voi dealihea va s-bets cupa a mea. [Shi va s-vã patidzats cu pitedzlu cu cai mini va mi pitedz.]#20:23 aesti zboari nu s-aflã tu tuti manuscrisili. Ma nu easti tu mãna a mea tra s-shidets di nandrepta a mea icã di nastãnga a mea, cã atseali locuri suntu trã atselji tsi s-etimãsirã di la Tatãl a meu.” 24Sh-cãndu avdzãrã aesti zboari di dzatsi alantsã s-nãrãirã cu doilji frats. 25Isusul lji acljimã ningã nãsu sh-lã dzãsi: “Voi lu shtits cã protslji a natsiunilor lji domneascã atselji sh-mãrilji au puteari pri nãshi, 26ma namisa di voi nu va hibã ashã! Cathiun di voi tsi va s-hibã mari, s-hibã huzmichearlu a vostru, 27shi caitsido di voi tsi va s-hibã protlu, prindi s-hibã sclavlu a vostru, 28cã sh-Hiljiu a omlui nu vini tra s-lji huzmitipseascã, ma huzmitipseascã sh-di dari bana a lui ca arãscumpãrari trã multsã.”
Doi Orghi di Ierico
29Cãndu elji ma ishea di Ierico, un multsãmi mari ma nidzea dupã Isusul. 30Sh-ia, doi orghi eara apunats ningã cali. Cãndu avdzãrã cã ma tritsea Isusul, apãrnjirã s-aurlã: “Njiluia-nã noi, Doamne, Hiljiu al David!” 31Multsãmea lji vãrghea tra s-pãpsea, ma elji aurla ma multu: “Njiluia-nã noi, Doamne, Hiljiu al David!” 32Atumtsea Isusul chindrui lji acljimã sh-lã ntribã: “Tsi vrets s-fac trã voi?” 33Elji dzãsirã: “Doamne, s-nã si dsicljidã ocljilji.” 34Sh-Isusul aspusi njilã trã nãshi, bãgã mãna pri ocljilji a lor, sh-tu atsea oarã a lor lã vini videarea a ocljilor sh-elji lu urmarã.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល