मारकु 16
16
येशु छीवाने या कुसो़न्पो श्येङपा
(मेथा २८:१-८; लुका २४:१-१२; योहान्ना २०:१-१०)
1ङासुगीन ङीमा जोक्ती स्याम्ला, मीरीयाम माक्दालीनी धाङ याकोबगी आमा मीरीयाम धाङ सालोमेक्याई, येशुगी कुफुङला ढुयेला ढीस्यीम ङ्यो़वालाक। 2धेनी शा ङीमागी ॱङारोक ङीमा स्यारलुङ मेताला, खुङक्या धी़ठोदु सोवालाक। 3धेनी लाम्गाला खुङक्याई च्यीकगी च्यीकला ॱनेवालाक, “धी़ठोगी घोला काप्का धोगोङगो, होराङला सी़ स्युरी तेरये?” 4धेनी याला ती घाङला, खुङक्याई धोगोङगो नी, ॱहाला पुरी श्याक्सा थोवालाक। धोगोङगो ॱमीच्यीकी क्षे हो़तालाक। 5धी़ठो नाङदु जुली घाङला, खुङक्याई घोलाक काउ घो़न्गा मी ख्योक्तोङ च्यीक ॱये स्योक्दु धेता थोरी, खुङक्या जीक्पालाक।
6धेनी खी़ खुङक्याला ॱनेवालाक, “खेक्या माजीक, ग्याङस्यीङदु क्याङदी सेसा, नाजारेतगी येशुला खेक्या चालालाक। खोङबा नी कुसो़न्पो श्येङसारती दुरु मेतालाक। तो़, खोङबागी कुफुङ श्याक्जा साज्या दे लाक। 7धा खेक्या सोरी, खोङबागी ङेनेक्या धाङ पेटोला, ‘खोङबा खेक्याने एन्ला, गालीलदु फेप्यी हो़तालाक। धेनी खोङबागी सुङगीन च्योक्रे, होदुरु खेक्याई खोङबाला ज्यागीलाक’ ॱनेरी स्यो़क।” 8खुङक्या ॱङाङडा केरी दारी-दारी धी़ठोने थो़न्दी, डो़री सोवालाक। धेनी खुङक्या ॱमीच्यीकी जीक्ती, होदे लाबगो सुलाः ॱमास्येपालाक।
मीरीयाम माक्दालीनीगी येशुला ज्यावा
(मेथा २८:९-२०; लुका २४:१३-५३; योहान्ना २०:११-२३; जेपा १:४-११)
9[येशु शा ङीमागी ॱङारोकगो छीवाने कुसो़न्पो श्येङसारती, खोङबा धाङस्योकगो मीरीयाम माक्दालीनीला ज्यावालाक। एम्मा मोने येशुगी डे धी़न तो़न जेपालाक। 10दुङा झ्येरी ङी़री धेता, येशुगी स्याम्ला डागीनक्याचारु मो सोरी, घी झ्युङगीनगो स्येपालाक। 11हीना येशु कुसो़न्पो श्याङगीन धाङ मी़ खोङबाला ज्यागीन लाबगो, घोरी घाङला खुङक्या बा माधेपालाक।
12होदे स्याम्ने येशु कुशुक श्येम्माला ग्युरती, येरुसालेमने यु स्योकला डुगीन खुङक्याने मी ॱङी चारु ज्यावालाक। 13खोङ ॱङीउ भाङ तारी सोरी, होदे लाबगो श्येम्मा ङेनेक्याला स्येपालाक हीना सी़याः खोङ ॱङीउला बा माधेपालाक।
14स्याम्ला ङेने च्युकच्यीकक्या शामा शायेला धेती घाङला, येशुगी खुङक्याला राङगी कुशुक ॱङो़सुम तो़न जेपालाक। धेनी राङ छीवाने कुसो़न्पो श्येङसारती, खोङबाला ज्यागीनक्याई ॱनेना लाबला, खुङक्याई बा माधेपा खुङक्याई धेपा मेगीन धाङ सेम ॱरा हो़गीनला, खोङबागी काको़न जेपालाक।
15धेनी येशुगी खुङक्याला सुवालाक, “जाम्बुलीङ घीरीदु सोङ धेनी मी घीरीला ताम्शाङगो स्यो़क। 16धेपा झ्येरी, ठी़सो़ लेन्गीन घीरीला थारपा थोप्कीलाक हीना धेपा मीझ्यीगीनक्याला छेपा फोक्कीलाक। 17धेपा झ्यीगीनक्याला दे ताकक्या झ्युङगीलाक। ङी मीङने, खुङक्याई डेक्या तो़न्गीलाक धेनी केरीक श्येम्माक्या ताङगीलाक। 18धेनी खुङक्याई डुलक्या लाक्पागी शीम्गीलाक धेनी ॱरोक चेगीन दुकक्या थुङनाः, खुङला ॱनो़ ॱमेकागीलाक धेनी खुङक्याई लाक्पा नेपाक्या खाला श्याक्ना, होदेक्या ढाक्कीलाक।”
19चोवो येशुगी खुङक्यामुला कामो़न ॱनाङसारती, खोङबा नाम्खे श्यीङखाम स्योकला ठीक जेपालाक धेनी को़न्क्षोकगी क्षाक ॱये स्योकला श्युक जेपालाक। 20धेनी ङेनेक्या साज्या घीरीदु सोरी, ताम्शाङ स्येपालाक। चोवोगी खुङक्यामुला क्षाक्ले जेपालाक धेनी ॱहालेगीन ताकक्या तो़न जेदी, ताम्शाङ धेन्पा हीन्गीनगी पाङपो जेपालाक।]
ទើបបានជ្រើសរើសហើយ៖
मारकु 16: LOY
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
मारकु 16
16
येशु छीवाने या कुसो़न्पो श्येङपा
(मेथा २८:१-८; लुका २४:१-१२; योहान्ना २०:१-१०)
1ङासुगीन ङीमा जोक्ती स्याम्ला, मीरीयाम माक्दालीनी धाङ याकोबगी आमा मीरीयाम धाङ सालोमेक्याई, येशुगी कुफुङला ढुयेला ढीस्यीम ङ्यो़वालाक। 2धेनी शा ङीमागी ॱङारोक ङीमा स्यारलुङ मेताला, खुङक्या धी़ठोदु सोवालाक। 3धेनी लाम्गाला खुङक्याई च्यीकगी च्यीकला ॱनेवालाक, “धी़ठोगी घोला काप्का धोगोङगो, होराङला सी़ स्युरी तेरये?” 4धेनी याला ती घाङला, खुङक्याई धोगोङगो नी, ॱहाला पुरी श्याक्सा थोवालाक। धोगोङगो ॱमीच्यीकी क्षे हो़तालाक। 5धी़ठो नाङदु जुली घाङला, खुङक्याई घोलाक काउ घो़न्गा मी ख्योक्तोङ च्यीक ॱये स्योक्दु धेता थोरी, खुङक्या जीक्पालाक।
6धेनी खी़ खुङक्याला ॱनेवालाक, “खेक्या माजीक, ग्याङस्यीङदु क्याङदी सेसा, नाजारेतगी येशुला खेक्या चालालाक। खोङबा नी कुसो़न्पो श्येङसारती दुरु मेतालाक। तो़, खोङबागी कुफुङ श्याक्जा साज्या दे लाक। 7धा खेक्या सोरी, खोङबागी ङेनेक्या धाङ पेटोला, ‘खोङबा खेक्याने एन्ला, गालीलदु फेप्यी हो़तालाक। धेनी खोङबागी सुङगीन च्योक्रे, होदुरु खेक्याई खोङबाला ज्यागीलाक’ ॱनेरी स्यो़क।” 8खुङक्या ॱङाङडा केरी दारी-दारी धी़ठोने थो़न्दी, डो़री सोवालाक। धेनी खुङक्या ॱमीच्यीकी जीक्ती, होदे लाबगो सुलाः ॱमास्येपालाक।
मीरीयाम माक्दालीनीगी येशुला ज्यावा
(मेथा २८:९-२०; लुका २४:१३-५३; योहान्ना २०:११-२३; जेपा १:४-११)
9[येशु शा ङीमागी ॱङारोकगो छीवाने कुसो़न्पो श्येङसारती, खोङबा धाङस्योकगो मीरीयाम माक्दालीनीला ज्यावालाक। एम्मा मोने येशुगी डे धी़न तो़न जेपालाक। 10दुङा झ्येरी ङी़री धेता, येशुगी स्याम्ला डागीनक्याचारु मो सोरी, घी झ्युङगीनगो स्येपालाक। 11हीना येशु कुसो़न्पो श्याङगीन धाङ मी़ खोङबाला ज्यागीन लाबगो, घोरी घाङला खुङक्या बा माधेपालाक।
12होदे स्याम्ने येशु कुशुक श्येम्माला ग्युरती, येरुसालेमने यु स्योकला डुगीन खुङक्याने मी ॱङी चारु ज्यावालाक। 13खोङ ॱङीउ भाङ तारी सोरी, होदे लाबगो श्येम्मा ङेनेक्याला स्येपालाक हीना सी़याः खोङ ॱङीउला बा माधेपालाक।
14स्याम्ला ङेने च्युकच्यीकक्या शामा शायेला धेती घाङला, येशुगी खुङक्याला राङगी कुशुक ॱङो़सुम तो़न जेपालाक। धेनी राङ छीवाने कुसो़न्पो श्येङसारती, खोङबाला ज्यागीनक्याई ॱनेना लाबला, खुङक्याई बा माधेपा खुङक्याई धेपा मेगीन धाङ सेम ॱरा हो़गीनला, खोङबागी काको़न जेपालाक।
15धेनी येशुगी खुङक्याला सुवालाक, “जाम्बुलीङ घीरीदु सोङ धेनी मी घीरीला ताम्शाङगो स्यो़क। 16धेपा झ्येरी, ठी़सो़ लेन्गीन घीरीला थारपा थोप्कीलाक हीना धेपा मीझ्यीगीनक्याला छेपा फोक्कीलाक। 17धेपा झ्यीगीनक्याला दे ताकक्या झ्युङगीलाक। ङी मीङने, खुङक्याई डेक्या तो़न्गीलाक धेनी केरीक श्येम्माक्या ताङगीलाक। 18धेनी खुङक्याई डुलक्या लाक्पागी शीम्गीलाक धेनी ॱरोक चेगीन दुकक्या थुङनाः, खुङला ॱनो़ ॱमेकागीलाक धेनी खुङक्याई लाक्पा नेपाक्या खाला श्याक्ना, होदेक्या ढाक्कीलाक।”
19चोवो येशुगी खुङक्यामुला कामो़न ॱनाङसारती, खोङबा नाम्खे श्यीङखाम स्योकला ठीक जेपालाक धेनी को़न्क्षोकगी क्षाक ॱये स्योकला श्युक जेपालाक। 20धेनी ङेनेक्या साज्या घीरीदु सोरी, ताम्शाङ स्येपालाक। चोवोगी खुङक्यामुला क्षाक्ले जेपालाक धेनी ॱहालेगीन ताकक्या तो़न जेदी, ताम्शाङ धेन्पा हीन्गीनगी पाङपो जेपालाक।]
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society