kurinṯuuz al awal 6
6
aza 6
ṯiṯeca ŋiɽaŋali ki ŋumaṯ-na ŋeṯi likwruztyan
1kwere daŋgal-na muŋw eḏiḏa eŋgen wəŋ nana ta, kwɔŋweḏizi ṯugwor-na eḏi zi andaci ki zeyria-na kwere ki yey-na yeḏi lizi liti leḏi ṯəmna mac, ki lobi leḏi lizi lirlinelu ter eḏi Kwruztu-na? 2ŋaŋa, a liti lilŋiiḏi manya eḏaruŋw, lizi lirlinelu ter linde liri lezi hakwumi leḏi ṯurmun? na eŋgorɔ leŋgi hakwumi ṯurmuna ta, a liti leḏi ŋuma manya eḏi hakwumi ŋiɽaŋali ŋir ŋɔkwɽeny a? 3ŋaŋa liti lilŋiica manya eḏaruŋw, a kwinḏir eḏi ketize limaleyka zeyria? ŋwu ṯa, a liti leḏi ŋuma manya eḏi zi ṯeci ŋir ŋeḏi ṯurmun domony a? 4ma eḏi ŋiɽanali eḏi zi ṯeci ŋir kaka ṯa ŋu, eti zi efrici kla leni likwruztyan lɔkwɽeny eḏi zi ṯeci. 5nyi kwumɔ ŋazi andaci ŋiɽaŋali ŋu mindaŋ ma ŋazi feḏiya miḏa. kwiti kwere manya daŋgal-na, keni kwutuput, kweḏi yeyna eḏi yi ṯeci ŋiɽaŋali ŋere ŋeḏi ŋiaŋga, 6na eti ŋiaŋga ketice eŋgen zekiya nanir gwu liti leḏi ṯəmna mac?
7ma keṯize liaŋgaluŋwuzi zekiya ta, a bilaṯi. ŋiti ŋofḏana manya eḏi zi alaci rii, mindaŋ eḏi biɽelu pet ki ṯurfa-na? eḏi zi ere ketize yey kwokwony mac. 8lakin leṯi zi errici ŋaŋa ŋiki, mezi dimeḏa lere kwɔmne, ner orɔ keni liaŋgalu tɔk.
9a liti lilŋiiḏi manya eḏaruŋw, lizi leṯi zi erri ŋeni ŋiki liti leḏi ŋoru ki ŋeleny-na ŋeḏi Allah ḏuṯ? eṯere kekɽinji rɔgwɽɔ lu ralu mac; kla leṯuri yey lu, ya leṯi kwɔkwoce kwɔmne lu kwere kwiti kwir Allah wumiiḏu mac, ya lir lijin, ya lor leṯinḏiri loru liḏaḏu, 10ya kla leṯi zi nyimeḏa liḏaḏu, ya kla leṯi kiiri, ya leṯurleli, ya kla leṯi zi ɔllɔ liḏaḏu, ya kla leṯi zi urṯeḏa kwɔmne, linderṯa liti lafi ŋoru mac ki ŋeleny-na ŋeḏi Allah. 11na lɔkwɔ daŋgal-na orɔ kerreny kaka kla. lakin ta, Allah wumɔŋazi iici rɔgwɽɔ-na ralu, na Allah wumɔŋazi irlelu ter ṯofḏana ṯi ṯuŋwun, wumɔŋazi zuɽu-na lere lere yiriny yi yeḏi Kweleny kweni Yecu Kwruztu, na eḏi Ṯigɽim-na ṯeḏi Allah weri.
ŋijin na eḏuri yey lu ŋiti ŋir ŋeḏre ŋeḏi kwete kwir kwruztyan rerem mac
12a laru ŋwa: kwɔmne tatap kweni kwofḏana duŋgwinyi. lakin kwɔmne tatap kwende kweḏi ṯimeca, kwɔmne tatap kweni kwofḏana duŋgwinyi, lakin eṯi nyi derne eḏorɔ kwuway kweḏi kwɔmne kwere. 13eḏne wiri weḏi yari, na yari orɔ yeḏi eḏne, na kwu Allah erṯazi lu kiduŋw. aŋna were witi weṯorɔ weḏi ŋijin mac, eṯuŋw orɔ weḏi Kweleny, na Kweleny ŋundu, eṯuŋw orɔ kweḏi aŋna. 14na Allah diɽa Kwelenyi, na wenyji diɽi tɔk ŋuma ŋi ŋuŋun. 15a liti lilŋiiḏi manya eḏaruŋw, yaŋna yalu yiri kwɔmne kweḏi aŋna weḏi Kwruztu? ŋwu ṯa, ŋende ŋizaw deŋgeri-na eḏi dimi kwɔmne kweḏi aŋna weḏi Kwruztu mindaŋ eḏi zi oɽmazi duŋw kwɔmne gi kweḏi kwijin, ŋiti ŋofḏana kwullu kwullu. 16aripa, a liti lilŋiiḏi manya eḏaruŋw, ŋgwa kweṯir oɽmaṯi kwijin gi duŋw leṯorɔ aŋna-na wutupun a? kaka luḏinar gwu ŋu, liri nden lorɔ aŋna-na wutuput. 17lakin ŋgwa kweṯir oɽmaṯi Kweleny gi, leṯorɔ ṯigɽim-na ṯutuput ŋundu gi. 18arṯaḏir ŋijine lu. ŋikya ŋiḏaḏu tatap ŋeṯi zi kwor erri ŋinani aŋna par ŋgi la, lakin kwijin kweṯəkici aŋna wuŋwun lomori puɽcur. 19a liti lilŋiiḏi manya eḏaruŋw, yaŋna yalu yere yere yir duənu kwirlinelu ter kweḏi Ṯigɽim ṯirlinelu ter, ṯeṯi ŋazi gwu omi-na, ṯimɔ ŋazi afi ṯinḏi nani gwu Allah? rɔgwɽɔ ralu rende reṯorɔ ralu. 20Yecu Kwruztu kwumɔ ŋazi liṯa yili yi. ŋwu ṯa, eṯi ariḏa Allah ŋiniṯ ŋi yaŋna yi yalu.
ទើបបានជ្រើសរើសហើយ៖
kurinṯuuz al awal 6: KIB1967
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuba, Koalib Ngirere New Testament © First published by the British and Foreign Bible Society in Khartoum in 1967.
kurinṯuuz al awal 6
6
aza 6
ṯiṯeca ŋiɽaŋali ki ŋumaṯ-na ŋeṯi likwruztyan
1kwere daŋgal-na muŋw eḏiḏa eŋgen wəŋ nana ta, kwɔŋweḏizi ṯugwor-na eḏi zi andaci ki zeyria-na kwere ki yey-na yeḏi lizi liti leḏi ṯəmna mac, ki lobi leḏi lizi lirlinelu ter eḏi Kwruztu-na? 2ŋaŋa, a liti lilŋiiḏi manya eḏaruŋw, lizi lirlinelu ter linde liri lezi hakwumi leḏi ṯurmun? na eŋgorɔ leŋgi hakwumi ṯurmuna ta, a liti leḏi ŋuma manya eḏi hakwumi ŋiɽaŋali ŋir ŋɔkwɽeny a? 3ŋaŋa liti lilŋiica manya eḏaruŋw, a kwinḏir eḏi ketize limaleyka zeyria? ŋwu ṯa, a liti leḏi ŋuma manya eḏi zi ṯeci ŋir ŋeḏi ṯurmun domony a? 4ma eḏi ŋiɽanali eḏi zi ṯeci ŋir kaka ṯa ŋu, eti zi efrici kla leni likwruztyan lɔkwɽeny eḏi zi ṯeci. 5nyi kwumɔ ŋazi andaci ŋiɽaŋali ŋu mindaŋ ma ŋazi feḏiya miḏa. kwiti kwere manya daŋgal-na, keni kwutuput, kweḏi yeyna eḏi yi ṯeci ŋiɽaŋali ŋere ŋeḏi ŋiaŋga, 6na eti ŋiaŋga ketice eŋgen zekiya nanir gwu liti leḏi ṯəmna mac?
7ma keṯize liaŋgaluŋwuzi zekiya ta, a bilaṯi. ŋiti ŋofḏana manya eḏi zi alaci rii, mindaŋ eḏi biɽelu pet ki ṯurfa-na? eḏi zi ere ketize yey kwokwony mac. 8lakin leṯi zi errici ŋaŋa ŋiki, mezi dimeḏa lere kwɔmne, ner orɔ keni liaŋgalu tɔk.
9a liti lilŋiiḏi manya eḏaruŋw, lizi leṯi zi erri ŋeni ŋiki liti leḏi ŋoru ki ŋeleny-na ŋeḏi Allah ḏuṯ? eṯere kekɽinji rɔgwɽɔ lu ralu mac; kla leṯuri yey lu, ya leṯi kwɔkwoce kwɔmne lu kwere kwiti kwir Allah wumiiḏu mac, ya lir lijin, ya lor leṯinḏiri loru liḏaḏu, 10ya kla leṯi zi nyimeḏa liḏaḏu, ya kla leṯi kiiri, ya leṯurleli, ya kla leṯi zi ɔllɔ liḏaḏu, ya kla leṯi zi urṯeḏa kwɔmne, linderṯa liti lafi ŋoru mac ki ŋeleny-na ŋeḏi Allah. 11na lɔkwɔ daŋgal-na orɔ kerreny kaka kla. lakin ta, Allah wumɔŋazi iici rɔgwɽɔ-na ralu, na Allah wumɔŋazi irlelu ter ṯofḏana ṯi ṯuŋwun, wumɔŋazi zuɽu-na lere lere yiriny yi yeḏi Kweleny kweni Yecu Kwruztu, na eḏi Ṯigɽim-na ṯeḏi Allah weri.
ŋijin na eḏuri yey lu ŋiti ŋir ŋeḏre ŋeḏi kwete kwir kwruztyan rerem mac
12a laru ŋwa: kwɔmne tatap kweni kwofḏana duŋgwinyi. lakin kwɔmne tatap kwende kweḏi ṯimeca, kwɔmne tatap kweni kwofḏana duŋgwinyi, lakin eṯi nyi derne eḏorɔ kwuway kweḏi kwɔmne kwere. 13eḏne wiri weḏi yari, na yari orɔ yeḏi eḏne, na kwu Allah erṯazi lu kiduŋw. aŋna were witi weṯorɔ weḏi ŋijin mac, eṯuŋw orɔ weḏi Kweleny, na Kweleny ŋundu, eṯuŋw orɔ kweḏi aŋna. 14na Allah diɽa Kwelenyi, na wenyji diɽi tɔk ŋuma ŋi ŋuŋun. 15a liti lilŋiiḏi manya eḏaruŋw, yaŋna yalu yiri kwɔmne kweḏi aŋna weḏi Kwruztu? ŋwu ṯa, ŋende ŋizaw deŋgeri-na eḏi dimi kwɔmne kweḏi aŋna weḏi Kwruztu mindaŋ eḏi zi oɽmazi duŋw kwɔmne gi kweḏi kwijin, ŋiti ŋofḏana kwullu kwullu. 16aripa, a liti lilŋiiḏi manya eḏaruŋw, ŋgwa kweṯir oɽmaṯi kwijin gi duŋw leṯorɔ aŋna-na wutupun a? kaka luḏinar gwu ŋu, liri nden lorɔ aŋna-na wutuput. 17lakin ŋgwa kweṯir oɽmaṯi Kweleny gi, leṯorɔ ṯigɽim-na ṯutuput ŋundu gi. 18arṯaḏir ŋijine lu. ŋikya ŋiḏaḏu tatap ŋeṯi zi kwor erri ŋinani aŋna par ŋgi la, lakin kwijin kweṯəkici aŋna wuŋwun lomori puɽcur. 19a liti lilŋiiḏi manya eḏaruŋw, yaŋna yalu yere yere yir duənu kwirlinelu ter kweḏi Ṯigɽim ṯirlinelu ter, ṯeṯi ŋazi gwu omi-na, ṯimɔ ŋazi afi ṯinḏi nani gwu Allah? rɔgwɽɔ ralu rende reṯorɔ ralu. 20Yecu Kwruztu kwumɔ ŋazi liṯa yili yi. ŋwu ṯa, eṯi ariḏa Allah ŋiniṯ ŋi yaŋna yi yalu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Nuba, Koalib Ngirere New Testament © First published by the British and Foreign Bible Society in Khartoum in 1967.