ມາຣະໂກ ຄຳນໍາ

ຄຳນໍາ

ພຣະຄຳມາຣະໂກປາກົດວ່າຖືກຂຽນຂຶ້ນເພື່ອຜູ້ອ່ານທີ່ຢູ່ໃນນະຄອນໂຣມ. ຄຳປະກາດຂອງນາຍຮ້ອຍຊາວໂຣມຄົນໜຶ່ງໃນຕອນທ້າຍຂອງໜັງສືໄດ້ກ່າວວ່າ: ຊາຍຜູ້ນີ້ເປັນບຸດຂອງພຣະເຈົ້າຢ່າງແນ່ນອນ! ນີ້ເປັນແບບຢ່າງຂອງການເປັນພະຍານເຖິງພຣະເຢຊູເຈົ້າທີ່ໜັງສືຂ່າວປະເສີດເຫລັ້ມນີ້ຮຽກຮ້ອງໃຫ້ເກີດຂຶ້ນ.

ເລື່ອງລາວທີ່ດຳເນີນໄປຢ່າງວ່ອງໄວນີ້ ໃນຊ່ວງຕົ້ນຂອງເຄິ່ງທຳອິດໄປທີ່ຄຳຖາມວ່າ: ພວກເຈົ້າເວົ້າວ່າເຮົາເປັນຜູ້ໃດ? ເປັນຕອນໜຶ່ງທີ່ຢູ່ໃນຕອນທ້າຍຂອງເຄິ່ງທຳອິດ ເຊິ່ງສະແດງໃຫ້ເຫັນວ່າພຣະເຢຊູເຈົ້າຮັກສາຊາຍຕາບອດໃນສອງຂັ້ນຕອນ, ເພື່ອຊາຍຄົນນັ້ນຈະຄ່ອຍໆເບິ່ງເຫັນ. ໃນທຳນອງດຽວກັນ ບັນດາສາວົກກໍຄ່ອຍໆຮູ້ຈັກວ່າພຣະເຢຊູເຈົ້າເປັນຜູ້ໃດ. ຫລັງຈາກນັ້ນກໍເປັນຊ່ວງເວລາທີ່ສຳຄັນຂອງເລື່ອງລາວ, ເຊິ່ງຢູ່ທີ່ກາງເລື່ອງ, ຄືເປໂຕຍອມຮັບວ່າພຣະເຢຊູເຈົ້າຄືພຣະເມຊີອາ.

ບັດນີ້ ຈະເຫັນວ່າຄວາມຂັດແຍ້ງໄດ້ເປີດເຜີຍອອກມາຢ່າງຊັດເຈນ. ພຣະເຢຊູເຈົ້າໄດ້ມາເພື່ອແນະນຳວິຖີຊີວິດແບບໃໝ່ທີ່ຈະທຳລາຍຄວາມສຳພັນທາງອຳນາດທີ່ມີຢູ່ໃນເວລານັ້ນ. ເຄິ່ງທີສອງຂອງເລື່ອງລາວນີ້ແບ່ງເປັນສາມຕອນຄື:

ຕອນທຳອິດ: ພຣະເຢຊູເຈົ້າ ແລະ ບັນດາສາວົກຂອງພຣະອົງເດີນທາງໄປເຢຣູຊາເລັມ.

ຕໍ່ມາ: ພຣະເຢຊູເຈົ້າສັ່ງສອນໃນວິຫານ ແລະ ມີການປະທະກັບກຸ່ມຜູ້ນຳທີ່ຈັດຕັ້ງໄວ້.

ໃນຕອນສຸດທ້າຍ, ຜູ້ນຳກຸ່ມນີ້ໄດ້ດຳເນີນການຕາມແຜນ ແລະ ເຮັດໃຫ້ພຣະເຢຊູເຈົ້າຖືກຈັບ ແລະ ຖືກຄຶງໄວ້ທີ່ໄມ້ກາງແຂນ, ເຊິ່ງເບິ່ງຄືວ່າພວກເຂົາໄດ້ທຳລາຍສິ່ງທັງໝົດທີ່ພຣະອົງໄດ້ກະທຳ. ແຕ່ຕໍ່ມາພຣະເຈົ້າໄດ້ທຳລາຍສິ່ງທີ່ພວກເຂົາກະທຳ ແລະ ເຮັດໃຫ້ພຣະເຢຊູເຈົ້າເປັນຄືນມາສູ່ຊີວິດ. ດັ່ງນັ້ນ ບັນດາຜູ້ອ່ານຂອງມາຣະໂກຈຶ່ງຖືກຮຽກຮ້ອງໃຫ້ສັດຊື່ຕໍ່ພຣະເຢຊູເຈົ້າ, ແມ່ນແຕ່ຢູ່ໃນຍາມທົນທຸກທໍລະມານ, ເພາະວ່ານີ້ຄືວິທີທີ່ພຣະເຈົ້າຍັງສືບຕໍ່ທຳລາຍແບບແຜນເດີມ ແລະ ຕັ້ງວິຖີຊີວິດທີ່ພຣະເຢຊູເຈົ້າໄດ້ສອນໄວ້ຕໍ່ໄປ.

ទើបបានជ្រើសរើសហើយ៖

ມາຣະໂກ ຄຳນໍາ: LCV

គំនូសចំណាំ

ចែករំលែក

ចម្លង