Мк 3
3
3 ГЛАВА
1-6 Иисус кошкышо кидан еҥым паремда. 7-12 Галилей теҥыз воктене. 13-19 Иисус латкок Апостолжым ойырен налеш. 20-30 Ия тӧран вийжым кучылтеш манын, Иисусым титаклат. 31-35 Иисусын Аваже да изаж-влак.
1Иисус адак синагогыш миен. Тушто кошкышо кидан еҥ лийын. 2Шуматкечын Иисус тиде еҥым паремда мо манын, Тудым титаклаш амалым кычалше-влак эскереныт. 3Иисус кошкышо кидан еҥлан ойлен: «Кынел да ончык лек». 4Вара нунын деч йодын: «Шуматкечын мом ышташ лиеш, порым але осалым? Чоным утараш але пытараш?» Нуно нимом ойлен огытыл. 5Шӱмышт тынар кӱэмалтмылан ойганен, Иисус ӱмбакышт шыдын ончалын да тиде еҥлан каласен: «Кидетым шуялте». Тудо шуялтен, да кидше весыж гаяк таза лийын. 6Фарисей-влак лектыныт да Ирод велке шогышо-влак дене пырля тунамак Иисус ваштареш каҥашаш тӱҥалыныт. Нуно Тудым пытарынешт улмаш.
7-8Иисус тунемшыж-влак дене пырля теҥыз деке каен. Почешыже Галилей, Иудей, Иерусалим, Идумей гыч, Иордан эҥер вес могырым, Тир ден Сидон верла гычат моткоч шуко калык миен. Иисусын мом ыштымыжым чыла колын, нуно Тудын деке моткоч шукын толыныт. 9Тудым кугу калык тӱшка ынже шыгыремде манын, тунемшыж-влаклан пушым ямдым кучаш кӱштен. 10Вет Иисус ятыр еҥым паремден, сандене черан-влак, Тудын деке тӱкнаш манын, чылан ончыко шеҥын пуреныт. 11Осал шӱлыш-влак, Тудым ужын, ончыланже шуҥгалтыныт да кычкыреныт: «Тый Юмын Эрге улат!» 12Шкенжым палымым ышташ огыл манын, Иисус нуным пенгыдын шижтарен.
13Иисус курык ӱмбаке кӱзен да, кӧм ойырен налын, Шкеж деке ӱжын. Нуно Тудын деке миеныт. 14Латкокытшым пеленже лияш шогалтен. Тудо нуным увертарен каласкалаш колтынеже улмаш, 15нунылан черлым паремдаш да иям поктен лукташ властьым пуэн.
16Тиде Симон – Иисус тудым Петр манын лӱмден –, 17Зеведейын Иаковшо ден Иаковын Иоанн шольыжо – Иисус нуным Воанергес манын лӱмден, тиде «кӱдырчын эргыж-влак» манмым ончыкта –, 18Андрей, Филипп, Варфоломей, Матфей, Фома, Иаков – Алфейын эргыже –, Фаддей, Симон Кананит 19да Искариот манме Иуда – тудо вараракше Иисусым ужален.
20Нуно пӧртышкӧ пуреныт, тушко адак шуко еҥ погынен. Тидлан кӧра Иисус да тунемшыж-влак киндым кочкашат ярсен огытыл. 21Чыла тидын нерген колмеке, Иисусын лишылже-влак Тудым пеленышт налаш каеныт. Тудо ушым йомдарен манын, еҥ-влак ойленыт. 22Иерусалим гыч толшо закон туныктышо-влак ойленыт: «Тудын кӧргыштыжӧ веельзевул уло. Ия-влакын тӧраштын вийже дене иям поктен луктеш». 23Тунам Иисус, нуным Шкеж деке ӱжын, нунылан туштен ойлен: «Кузе сатана шкенжым шке поктен луктын кертеш? 24Кугыжаныш шелалтеш да шкеж ваштареш шке кынелеш гын, тудо шоген ок сеҥе, 25да ешыште икте ваштареш весе кынелеш гын, тыгай ешат илен ок сеҥе. 26Сатана шкенжын ваштареш шке кынелеш да кокыте шелалтеш гын, тудо шоген ок сеҥе, тудлан мучаш толын. 27Виян озам ондак пидын пыштыде, тудын пӧртышкыжӧ пурен погыжым нигӧ аген ок керт. Пидме деч вара веле пӧртшым аген кертеш. 28Тыланда чынак ойлем: кеч-кунар мыскыла гынат, айдемын шочшыжын кеч-могай языкшат, мыскылымыжат касаралтеш, 29но кӧ Святой Шӱлышым мыскыла гын, тудын языкше нигунам ок касаралт. Тудо курымешлан титаканыш лукмо лиеш». 30Кӧргыштыжӧ осал шӱлыш уло манмылан Иисус тыге ойлен.
31Иисусын Аваже да изаж-влак толыныт. Нуно тӱжвалне шогеныт, Иисусым ӱжаш колтеныт. 32Тудын йырже еҥ-влак шинченыт. Иисуслан каласеныт: «Уремыште Ават, изат да акат-влак Тыйым йодыт». 33А Иисус нунылан вашештен: «Кӧ Мыйын авам да кӧ Мыйын иза-шольым-влак улыт?» 34Тудо йырже шинчыше-влакым ончалын да каласен: «Теве Мыйын авам да иза-шольым-влак. 35Кӧ Юмын эрыкшым#3:35 Эрык – воля, желание. шукта, тудо Мыйын иза-шольым, ака-шӱжарем да авам».
ទើបបានជ្រើសរើសហើយ៖
Мк 3: УС
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007
Мк 3
3
3 ГЛАВА
1-6 Иисус кошкышо кидан еҥым паремда. 7-12 Галилей теҥыз воктене. 13-19 Иисус латкок Апостолжым ойырен налеш. 20-30 Ия тӧран вийжым кучылтеш манын, Иисусым титаклат. 31-35 Иисусын Аваже да изаж-влак.
1Иисус адак синагогыш миен. Тушто кошкышо кидан еҥ лийын. 2Шуматкечын Иисус тиде еҥым паремда мо манын, Тудым титаклаш амалым кычалше-влак эскереныт. 3Иисус кошкышо кидан еҥлан ойлен: «Кынел да ончык лек». 4Вара нунын деч йодын: «Шуматкечын мом ышташ лиеш, порым але осалым? Чоным утараш але пытараш?» Нуно нимом ойлен огытыл. 5Шӱмышт тынар кӱэмалтмылан ойганен, Иисус ӱмбакышт шыдын ончалын да тиде еҥлан каласен: «Кидетым шуялте». Тудо шуялтен, да кидше весыж гаяк таза лийын. 6Фарисей-влак лектыныт да Ирод велке шогышо-влак дене пырля тунамак Иисус ваштареш каҥашаш тӱҥалыныт. Нуно Тудым пытарынешт улмаш.
7-8Иисус тунемшыж-влак дене пырля теҥыз деке каен. Почешыже Галилей, Иудей, Иерусалим, Идумей гыч, Иордан эҥер вес могырым, Тир ден Сидон верла гычат моткоч шуко калык миен. Иисусын мом ыштымыжым чыла колын, нуно Тудын деке моткоч шукын толыныт. 9Тудым кугу калык тӱшка ынже шыгыремде манын, тунемшыж-влаклан пушым ямдым кучаш кӱштен. 10Вет Иисус ятыр еҥым паремден, сандене черан-влак, Тудын деке тӱкнаш манын, чылан ончыко шеҥын пуреныт. 11Осал шӱлыш-влак, Тудым ужын, ончыланже шуҥгалтыныт да кычкыреныт: «Тый Юмын Эрге улат!» 12Шкенжым палымым ышташ огыл манын, Иисус нуным пенгыдын шижтарен.
13Иисус курык ӱмбаке кӱзен да, кӧм ойырен налын, Шкеж деке ӱжын. Нуно Тудын деке миеныт. 14Латкокытшым пеленже лияш шогалтен. Тудо нуным увертарен каласкалаш колтынеже улмаш, 15нунылан черлым паремдаш да иям поктен лукташ властьым пуэн.
16Тиде Симон – Иисус тудым Петр манын лӱмден –, 17Зеведейын Иаковшо ден Иаковын Иоанн шольыжо – Иисус нуным Воанергес манын лӱмден, тиде «кӱдырчын эргыж-влак» манмым ончыкта –, 18Андрей, Филипп, Варфоломей, Матфей, Фома, Иаков – Алфейын эргыже –, Фаддей, Симон Кананит 19да Искариот манме Иуда – тудо вараракше Иисусым ужален.
20Нуно пӧртышкӧ пуреныт, тушко адак шуко еҥ погынен. Тидлан кӧра Иисус да тунемшыж-влак киндым кочкашат ярсен огытыл. 21Чыла тидын нерген колмеке, Иисусын лишылже-влак Тудым пеленышт налаш каеныт. Тудо ушым йомдарен манын, еҥ-влак ойленыт. 22Иерусалим гыч толшо закон туныктышо-влак ойленыт: «Тудын кӧргыштыжӧ веельзевул уло. Ия-влакын тӧраштын вийже дене иям поктен луктеш». 23Тунам Иисус, нуным Шкеж деке ӱжын, нунылан туштен ойлен: «Кузе сатана шкенжым шке поктен луктын кертеш? 24Кугыжаныш шелалтеш да шкеж ваштареш шке кынелеш гын, тудо шоген ок сеҥе, 25да ешыште икте ваштареш весе кынелеш гын, тыгай ешат илен ок сеҥе. 26Сатана шкенжын ваштареш шке кынелеш да кокыте шелалтеш гын, тудо шоген ок сеҥе, тудлан мучаш толын. 27Виян озам ондак пидын пыштыде, тудын пӧртышкыжӧ пурен погыжым нигӧ аген ок керт. Пидме деч вара веле пӧртшым аген кертеш. 28Тыланда чынак ойлем: кеч-кунар мыскыла гынат, айдемын шочшыжын кеч-могай языкшат, мыскылымыжат касаралтеш, 29но кӧ Святой Шӱлышым мыскыла гын, тудын языкше нигунам ок касаралт. Тудо курымешлан титаканыш лукмо лиеш». 30Кӧргыштыжӧ осал шӱлыш уло манмылан Иисус тыге ойлен.
31Иисусын Аваже да изаж-влак толыныт. Нуно тӱжвалне шогеныт, Иисусым ӱжаш колтеныт. 32Тудын йырже еҥ-влак шинченыт. Иисуслан каласеныт: «Уремыште Ават, изат да акат-влак Тыйым йодыт». 33А Иисус нунылан вашештен: «Кӧ Мыйын авам да кӧ Мыйын иза-шольым-влак улыт?» 34Тудо йырже шинчыше-влакым ончалын да каласен: «Теве Мыйын авам да иза-шольым-влак. 35Кӧ Юмын эрыкшым#3:35 Эрык – воля, желание. шукта, тудо Мыйын иза-шольым, ака-шӱжарем да авам».
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Библийым кусарыше институт, Хельсинки 2007