Кніга Выхаду Раздзел 20
Раздзел 20
1 #
Паўт. Зак. 5:5-21
І сказаў Госпад усе гэтыя словы:
2 #
Пс. 81:10, 11 «Я — Госпад, Бог твой, Які вывеў цябе з зямлі Егіпта, з дому няволі.
3Не май другіх багоў перада Мною.
4 #
Вых. 34:17; Святар. 19:4; 26:1; Паўт. Зак. 4:15-18; 27:15 Не рабі сабе ніякай выявы ўсяго, да таго падобнага, што ў небе высока, і што на зямлі ўнізе, і што ў вадзе пад зямлёю.
5 #
Вых. 34:6, 7; Ліч. 14:18; Паўт. Зак. 7:9, 10 Не пакланяйся ім і не служы, бо Я — Госпад, Бог твой, Бог руплівы апякун, Які карае правіннасць бацькоў на дзецях да трэцяга і чацвёртага пакалення тых, хто Мяне ненавідзіць,
6Які ўчыняе міласэрнасць аж да тысячнага пакалення тым, хто любіць Мяне і захоўвае пастановы Мае.
7 #
Святар. 19:12
Не вымаўляй імя Госпада, Бога твайго, дарэмна, бо Госпад не пакіне без кары таго, хто прызывае імя Госпада, Бога свайго, марна.
8 #
Вых. 16:23-30; 31:12-14 Памятай, што дзень суботы ты святкуеш.
9 #
Вых. 23:12; 31:15; 34:21; 35:2; Святар. 23:3 Шэсць дзён працуй і выконвай усе справы свае;
10а сёмы дзень — субота для Госпада, Бога твайго; не выконвай ніякай працы ты, ані сын твой, ані дачка твая, раб твой і рабыня твая, жывёла твая і чужынец, што жыве ў цябе.
11 #
Род. 2:1-3; Вых. 31:17 Бо за шэсць дзён стварыў Госпад неба, і зямлю, і мора, і ўсё, што на іх ёсць, і супачыў у сёмы дзень; таму дабраславіў Госпад дзень суботы і ўсвяціў яго.
12 #
Паўт. Зак. 27:16; Мц. 15:4; 19:19; Мк. 7:10; 10:19; Лк. 18:20; Эф. 6:2, 3 Паважай бацьку свайго і маці сваю, каб быць даўгавечным на зямлі, якую дасць табе Госпад, Бог твой.
13 #
Род. 9:6; Святар. 24:17; Мц. 5:21; 19:18; Мк. 10:19; Лк. 18:20; Як. 2:11; Рым. 13:9 Не забівай.
14 #
Святар. 20:10; Мц. 5:27; 19:18; Мк. 10:19; Лк. 19:20; Рым. 13:9; Як. 2:11 Не чужалож.
15 #
Святар. 19:11; Мц. 19:18; Мк. 10:19; Лк. 18:20; Рым. 13:9 Не крадзі.
16 #
Вых. 23:1; Мц. 19:18; Мк. 10:19; Лк. 18:20 Не сведчы фальшыва супраць блізкага свайго.
17 #
Рым. 7:7; 13:9 Не будзь прагны да жонкі блізкага свайго. Не зажадай дома яго, ані раба, ані рабыні, ані вала, ані асла, і нічога, што ёсць у яго».
18 #
Паўт. Зак. 5:22, 23 #
Геб. 12:18, 19 А ўвесь народ назіраў за шумам, і за ззяннем, і за гукам трубы, і за гарою, што дымілася; і, спалоханыя і ахопленыя трымценнем, паўсталі яны паводдаль,
19кажучы Майсею: «Ты гавары нам, і мы будзем слухаць; хай не гаворыць з намі Бог, каб мы не памерлі».
20І сказаў Майсей народу: «Не палохайцеся, бо выпрабаваць вас прыйшоў Бог і каб страх Яго быў у вас, каб вы не грашылі».
21І народ усё стаяў воддаль; а Майсей наблізіўся да цёмнага воблака, у якім быў Бог.
22Потым сказаў Госпад Майсею: «Вось што скажаш сынам Ізраэля: “Вы бачылі, як Я з неба да вас прамаўляў.
23 #
Вых. 34:17
Для сябе не рабіце перада Мною багоў срэбраных, ані багоў з золата.
24Зрабіце Мне ахвярнік з зямлі і на ім складайце цэласпаленні і ўскладайце мірныя ахвяры вашы, авечак вашых і валоў; на кожным месцы, дзе загадаю ўспамінаць імя Маё, прыйду да цябе і дабраслаўлю цябе.
25 #
Паўт. Зак. 27:5-7; Еш. 8:31 А калі пабудуеш Мне ахвярнік каменны, то не будуй яго з камянёў часаных, бо, калі ўздымеш на яго склюд, ён будзе апаганены.
26Не ўзыходзь па прыступках да Майго ахвярніка, каб не адкрылася галізна твая”».
ទើបបានជ្រើសរើសហើយ៖
Кніга Выхаду Раздзел 20: ББЧ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© МХРБ «Біблейскае таварыства ў Рэспубліцы Беларусь», 2017