Markus 14
14
Miupakat Mamatai di Yisus
(Mat. 26:1-5; Luk. 22:1-2)
1Om duvopo tadau om orikotno i Tadau Tagajo do Paska, irino tadau tagajo do tulun Joudi do pangandaman diolo di kinopogiduan diodu-aki diolo mantad si Vonuvo Masir di pogulu, om iri nogi kotimpuunon di Tadau Tagajo do Kapangakanan diolo di Kuui do Auso Poudor i pangambang di tapung. Moiuupakatno dii i tongokotua di imam, om i tongotulun monunuduk do Undang-undang Ugama do Joudi nong kukuroyon manangkap i Yisus ontok do au aantangan daa di tongotulun, om patajon nogi dino daa diolo Isido. 2Nga kadiolo, “Ada tangkapo tokou Isido ontok do tadau tagajo, supaya au tokovi urunan do tongotulun mamatai,” kadiolo.
Tinuntugan i Yisus do Lana
(Mat. 26:6-13; Yaya 12:1-8)
3Nga ontok di Yisus siri Kampung Boitani, kivaro iso tulun do rumanai i kojuvanjo i nolingasan, ngaranjo i Simun, do poongoi di Yisus mangakan siri valaijo. Nga ontok diri mangakan i Yisus, kivaro dii iso tongondu rinumikot do minongovit do sombutul i vinaal mantad bolinanaan i noponu do lana di aangod marong om auso gavul. Lana nopo diri nga vinaal mantad di gamut do sogumau taragang, om amaar marong. Om pungosono dii di tongondu iri butul, om potuntugono dii i lana siri tulu di Yisus.
4Nga kivaro piipiro tulun siri do aasaban mingoontong di tongondu, om moitatangar dii iolo do, “Nokuro do rubato toomod disido ilo lana? 5Ombo bala do torogo dilo lobi tolu naatus pirok. Gaam nogi do padagangon om itaak di tongotulun ongomiskin iri torogo ko mantad do pinsirubatan,” ka. Om araatan dii marong iolo diri tongondu.
6Nga kadi Yisus, “Poboyoon bo ilo tongondu. Nokuro do poposusa kou disido? Aandai gia iti gaagayajo siti Dogo. 7Do ilo nopo tongotulun do omiskin soumur poirunggum dikovu, om sombia nopo nga buli nong kivaro aandai do ponguup muju si diolo. Nga Ioku nopo om okoniko soumur poirunggum dikovu. 8Do inombo nopo iri opudan dilo tongondu, irino ririkot disido mongopud. Tinuntugan disido laaid iti kojuvanKu do lana do posodia Dogo do lobongon. 9PatangaronKu marong dikovu iti do ombo nopo kotongkopo siti vonuvo iti Abar do Aandai di Kinoringan, om iti gaagaya do aandai diti tongondu siti Dogo nogi nga arait, om aandamani isido di tongotulun,” kadi Yisus.
Minongupakat i Yudas diri Tongoimam
(Mat. 26:14-16; Luk. 22:3-6)
10Nga kivaro iso tulun diri opulu om duvo tulun di Yisus, i Yudas i tulun mantad soi Kampung Koriut. Om ongoino dii isido siri di tongokotua di imam do minongupakat do pojual isido di Yisus si diolo. 11Nga aandaian dii marong iolo do nokorongou di tangar di Yudas do irad diri, om pangajanjino dii iolo manaak do siin si disido. Om pogiumno dii i Yudas do akal nong potingkuro itaak i Yisus si di tongokotua di imam.
Minangakan i Yisus Mivaja di TongotulunJo
(Mat. 26:17-25; Luk. 22:7-13; Yaya 13:21-30)
12Om norikot nopo dii iri tadau koiso, iri kotimpuunon do tadau tagajo di tulun Joudi do Kapangakanan diolo di Kuui do Auso Poudor, om ponogitno dii iolo di tanak kambing biri-biri soi di Kinoringan. Om minongoduat i tongotulun di Yisus do, “Inombo pantok kouvanganNu do ongoionja ponodiaan do pangakananNu di tanak kambing biri-biri do akanon di Paska?” kadiolo.
13Om suuo dii di Yisus iri duvo tulunJo do pinopogulu mampanau, om kaDisido, “Ongoi kou pogi silo Bandar Yorusalim, om osomungan kou nopo diri iso kusai di minongoi managou do mimban-simban di suvangan, om vaja kouno disido. 14Om masu nopo isido siri valai, om tangaron mujuno iri sanganu diri valai irad diti, ‘ “Sinombo do bilik pangakananja di tongotulunKu ontok diti Paska?” kadi Guru,’ kanto nono disido. 15Om angatan kou disido siri iso bilik do abava si savat do natandaian laid, om siri kouno posodia,” kadi Yisus.
16Om pampanauno dii i duvo tulun di Yisus do mongoi siri bandar, om kosomungai dii diolo iri komoion di Yisus. Om kuriono dii diolo i tongotaakanon ontok di Paska.
17Om osodop nopo dii i tadau, om korikot nogi dii i Yisus siri bilik minivaja dii i opulu om duvo tulunJo. 18Om pitangarno dii i Yisus di mangakan iolo do, “PatangaronKu marong dikovu iti do kivaro iso tulun sino dikovu do muruk Dogo mangakan do pojual Dogo,” kadi Yisus.
19Om sumurauno dii marong iolo do nokorongou di tinangar di Yisus do irad diri, om poisusuvolino dii iolo mongoduat di Yisus, “Ioku naku ino?” kadi tongotulunJo.
20Om jawapno dii Yisus diolo do, “Irino songkoruangan muju diti opulu om duvo tulun i muruk Dogo do potutu do kuui siti pinggan. 21Om Iokuno i sinumiliu do tulun, om mimang apatai Oku irad di nokotulis siri Kitab. Nga songkuro araat nasip di tulun di pojual Dogo! Gaam nogi daa do au naanak isido,” kadi Yisus.
Pangakanan do Pangandaman di Kinapatajo di Tuhan
(Mat. 26:26-30; Luk. 22:14-23)
22Om ontok do sangakan-akan oi Yisus diri, om paganuno dii Isido do kuui, om pangarajouno#14:22 pangarajou: pongompod dii Isido di Kinoringan, om poikokib-kokibo, om taakai nogi dii di tongotulunJo, om kaDisido, “Paganu kouno diti kuui, do itino kojuvanKu,” ka.
23Om kuutaiJono dii iri sangkir do kivaig do anggur, om ponorimakasi nogi dii Isido di Kinoringan, om pataako nogi dii Disido di tongotulunJo, om pongiupno dii kasangkat diolo di vaig do anggur. 24Om kadi Yisus diolo, “Itino raaKu do pomogirot do pongojonjian mantad do Kinoringan, do tumuntug i raaKu do apatai Oku sabap di tulun toguu. 25PatangaronKu marong dikovu iti do au Okuno koiup kavagu diti vaig do anggur gosob do orikot i kopongiupan tokou do vaig do anggur di vagu saralom Kopomorintaan do Kinoringan,” kadi Yisus.
26Om sindingno dii iolo do minangarajou do Kinoringan, om labus nogi dii iolo do mongoi siri Kulud#14:26 Kulud: Kotud Jaitun.
Popoilo Laaid i Yisus do Mongolim i Pitrus
(Mat. 26:31-35; Luk. 22:31-34; Yaya 13:36-38)
27Om kadi Yisus diolo, “Pingiduan Oku dikovu maja di nokotulis saralom Kitab do ka, ‘PatajonKuno i tulun di momimiara do kambing biri-biri, om kopoiririjang nogi dino iri kambing biri-biri,’ kadi Kinoringan.#Antangai Jokoria 13:7. 28Nga ovijau Oku nopo kavagu, om mogulu Oku mantad dikovu mongoi soi Vonuvo Golilia,” kadi Yisus.
29Om kadi Pitrus di Yisus, “Insan do pingiduanKopo kasangkat diolo, nga au okui dogo mogidu!” ka.
30Nga kadi Yisus di Pitrus, “NoilaanKuno ika do aupo kopongingkukuuk i tandaa di kumoinduvo do sodop maino om intolukono mitangar do, ‘Au oku kotutun di Yisus,’ kanu dino,” kadi Yisus.
31Nga makin nogi mitangar i Pitrus, “Insan kaavaja oku Dikau do patajon do tulun, au okui mongolim do kotutun oku Dikau,” kadisido.
Om kasangkat nogi di tongotulun di Yisus nga mitangar do irad diri.
Sinumambayang i Yisus siri Kabun Gitsamani
(Mat. 26:36-46; Luk. 22:37-46)
32Om korikot nopo dii oi Yisus siri iso pantok do pinonguranan do Kabun Gitsamani si Kulud#14:32 Kulud: Kotud Jaitun, om pitangarno dii i Yisus di tongotulunJo do, “Ogom koupo pogi siti. Mongoi Okupo sambayang silo,” ka. 33I Pitrus nopo, om i Yakub om i Yaya nga inangatan Disido. Om timpuunno dii i Yisus sinumurau om sumusa do rumosi di kasansaraan. 34Om kaDisido diolo, “Oludus#14:34 oludus: olunggui ko osusa marong ginavo marong Oku inong do sipapatai Oku kopurimananKu. Nga indada koupo siti, om pipupurimanai mujuno,” kaDisido.
35Om lombusno dii i Yisus siri ososodu kopoyok mantad di tulunJo, om loubno dii Isido si tana, do sumambayang si di Kinoringan do mokitulung, supaya au osuat Isido di kosusaan do ontok diri. 36Om kadi Yisus, “Ou Amo,#14:36 Amo: Apa nuu nopo nga obuli sino Dika. Tulungo Okuno Dikau daa do poinsoduo Dogo iti kasansaraanKu;#14:36 kasansaraan: Antangai Markus 10:38. nga okoniko maja Oku do kouvanganKu kondiri, nga irino kouvanganNu,” kadi Yisus.
37Gulino dii Isido, om nokosupan dii Disido iolo do nokoodop, om kadi Yisus di Pitrus, “Modopkopo, Simun? Auko naku kogoos ongosanjaami do au koodop! 38Antatangai mujuno, om sambayang kouno supaya om au kovi osuat do ponsubaan, do agajo daa ino ginavo muju dino, nga oluoi i kojuvan muju,” ka.
39Om gulino dii kavagu i Yisus siri pantok sinambayangonJo di togina, nga iri om iri sambayangJo. 40Om gunggulino dii kavagu Isido siri diolo, om nokosupani dii do iri om iri iolo nokoodop, do avagat mato diolo do siodopon marong. Om posikai dii di Yisus iolo, om koposik nogi dii, nga au nokoilo iolo nong oonu ijawap diolo di Yisus.
41Om gunggulino dii kavagu Isido di kumointolu. Irad om irad dii do nokoodop i tulunJo, om kaDisido diolo, “Modop koupo bala! Aupo nobobos kou mingkojod! Sukupno ino! Norikotno di maso, pojualon Oku i sinumiliu do tulun siri tulun kiduso. 42Tungag kouno pogi, om kayo tokouno mampanau. Antangai, nga alono dii ilo tulun do pojual Dogo!” kadi Yisus.
Tinangkap i Yisus
(Mat. 26:47-56; Luk. 22:47-53; Yaya 18:3-11)
43Om mangar-tangarpo dii i Yisus di tongotulunJo, om korikotno dii i Yudas, i songkoruangan diri opulu om iso tulun di Yisus. Om oguu dii iri tongotulun maja-vaja disido do sasasangkil do gampa om songkuut-kuut do lalapos, do sinuu diri tongokotua di imam, om iri tulun monunuduk do Undang-undang Ugama, om iri tongomoloingon do Joudi.
44Om ontok di minongupakatpo i Yudas, irino i pojual di Yisus, om nakatangar isido diolo laid do irad diti, “Isaai nopo iri tungubanku monium nga Isidono iri. Om tangkapon muju nopo Isido, om angatan mujuno om antatangai mujuno do koidu,” kadi Yudas.
45Om korikot nopo dii i Yudas, om sondikoto nopo dii disido i Yisus, om kadisido, “Rabi!” ka, om tungubaino dii disido monium i Yisus, do sumalam isido di Yisus. 46Om tangkapo nogi dii diolo Isido. 47Nga kivaro iso tulun mantad di tongotulun songingkakat siri do minongunus di gampa, om minonibas di turipon di Imam Tagajo gosob do napapas i tolingojo.
48Nga pitangarno dii i Yisus di tongotulun di imam, “Nokuro do kisinangkil kou do gampa om songkuut-kuut kou do lalapos, do mongoi manangkap Dogo? Panantaman mujupo bato om parampuk Oku? 49Tikid tadau Oku maja-vaja dikovu monuduk silo natad do Valai Sasambayangan Tagajo, nga au Okui tangkapon dikovu. Nga tinangkap Oku dikovu supaya orikot iri nokotulis siri Kitab,” kadi Yisus.
50Om iduai nopo dii kasangkat di tongotulunJo do moitotomburijang mogidu.
51Nga kivaropo iso tomulok#14:51 tomulok: vavajoi do minaja di Yisus do poingkurilib#14:51 poingkurilib: poinsapai si tongokajab do kain topurak, om tampaai dii diolo isido. 52Nga iliai nopo dii disido iri kinurilibjo#14:52 kinurilib: pinasapai si tongokajab do minanangkus mogidu do poinlabas.
Pinogotuvang i Yisus di Pinonguntunan di Tongokotua
(Mat. 26:57-68; Luk. 22:54-71; Yaya 18:19-24)
53Om ovitono dii diolo i Yisus muli siri Imam Tagajo. Nga nountunno dii laid siri i tongokotua do tulun Joudi, irino i tongokotua di imam om i tongomoloingon do Joudi, om i tongotulun monunuduk do Undang-undang Ugama. 54Nga suutno dii i Pitrus di Yisus siri sodu gosob do nakaasu siri natad di valai di Imam Tagajo, om rinumunggum isido di pulis di Imam Tagajo mogom do dumadang diri tapui.
55Nga iri nopo dii i tongokotua di imam om kasangkat tongotulun vokon si Pinonguntunan di Tongokotua nga mogium do koontodon do mangadaawa daa di Yisus, supaya kadapat iolo mamatai Disido. Nga aui dii kaayang iolo di tulun do sumaksi. 56Do oguu i tulun do sumaksi nga momuduti, om aui dii kopiiso iri tangaron diolo.
57Om kivaropo mingkakat piipiro tulun do sumaksi, nga iri om iri do ovudut kasangkat iri kosoksian iolo do minitangar do ka, 58“Norongouja i Yisus minitangar do irad diti, ‘UyasonKu iti Valai Sasambayangan Tagajo iri vinaal do tulun, om tolui tadau do vaalonKu kavagu do Valai Sasambayangan do sondiang i okonko vaalon do tulun,’ kadi Yisus,” kadi tulun sumaksi. 59Nga insan irad diri tangaron diolo, nga aui kopiiso iri pintangaron diolo.
60Om ingkakatno dii iri Imam Tagajo si gotuvang diolo do minongoduat di Yisus do, “Auso ijawapNu dilo pangadaawaan diolo Dikau?” ka.
61Nga ootos nopo i Yisus do au minungkomi. Om duatono kavagu di Imam Tagajo, “Ika naku i Koristus, i Tanak do Kinoringan iri Rojoon?”#14:61 Rojoon: Ompodon ka.
62Om jawap nogi dii i Yisus do, “Iokuno iri, om Iokuno i sinumiliu do tulun. Om aantangan Oku dikovu do poingogom siri ponong vanan#14:62 poingogom siri ponong vanan: Antangai “vanan” si Kamus Kitab. do Kinoringan, iri Agajo Kuasa. Om aantangan Oku nogi dino dikovu do insan tadau rumikot mantad silo tavan#14:62 tavan: langit siri tongokavut,” kadi Yisus.
63Om karangaai nopo dii di Imam Tagajo iri tinangar di Yisus, turus ruako dii disido i sabungjo kondiri,#14:63 ruako dii disido i sabungjo kondiri: Itino gaagaya do tulun Joudi nong araatan. om kadisido kavagu, “Onupo dii koiumai tokou do saksi? 64Nokorongou kouno di tinangaranJo do mangararaat do Kinoringan do rumantai Isido do Kinoringan. Kuroyon muju dii Isido diti?” kadi Imam Tagajo.
Om koputusan nopo dii diolo nga misti patajon i Yisus.
65Om pindulaaino dii di piipiro tulun Isido, om topukai dii diolo i matoJo, om pisampakai. Om kadiolo, “Intutunai daa nong isai ino minanampak Dikau,” ka. Om pintapapai nogi di tongopulis i Yisus.
Minongolim i Pitrus do Kotutun di Yisus
(Mat. 26:69-75; Luk. 22:54-71; Yaya 18:15-18, 25-27)
66Om i Pitrus nopo nga siri tana siri natad di poibisaraan. Nga kivaro dii iso tongondu raraa ginojian di Imam Tagajo do nokorikot si di Pitrus. 67Nga kaantangai dii disido i Pitrus do dumadang si tapui, tantangaino dii marong disido i Pitrus, om kadisido do, “Ika nogi nga koruangi di Yisus, ilo tulun mantad Bandar Nasarit,” kadi raraa.
68Nga timpuunno dii i Pitrus do mongolim om pitangar do ka, “Au oku nokoilo dino, om au oku kaarati dino komoionnu,” kadisido. Om pogiduno dii i Pitrus om minindada si somok di pintu. [Om pongingkukuukno dii i tandaa.]
69Nga kaantangai nopo dii kavagu di raraa i Pitrus, om pitangarno dii kavagu isido di tongotulun di songingkakat siri, kadisido, “Isido nga songkoruangan diolo,” ka. 70Om pongolimno dii i Pitrus di kumoinduvo.
Om au kalalaid mantad diri, om pitangarno kavagu iri tongotulun songingkakat siri di Pitrus do, “Oinomodno bo do ika nga koruang diolo do ika nga tulun mantad soi Vonuvo Golilia,” kadiolo.
71Nga jawapno dii kavagu i Pitrus diolo di kumointolu do, “Sumumpa oku do oinomod iti tinangarku. Matai okuno nong kotutun oku di tulun komoion muju,” kadi Pitrus.
72Om turus pongingkukuukno dii i tandaa di kumoinduvo. Om kaandamai nogi dii di Pitrus iri tinangar laid di Yisus disido do, “Aupo kopongingkukuuk i tandaa di kumoinduvo, om intolukono mitangar do, ‘Au oku kotutun di Yisus,’ kanu dino,” kadi Yisus. Om pogiadno dii maamarong i Pitrus.
ទើបបានជ្រើសរើសហើយ៖
Markus 14: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Markus 14
14
Miupakat Mamatai di Yisus
(Mat. 26:1-5; Luk. 22:1-2)
1Om duvopo tadau om orikotno i Tadau Tagajo do Paska, irino tadau tagajo do tulun Joudi do pangandaman diolo di kinopogiduan diodu-aki diolo mantad si Vonuvo Masir di pogulu, om iri nogi kotimpuunon di Tadau Tagajo do Kapangakanan diolo di Kuui do Auso Poudor i pangambang di tapung. Moiuupakatno dii i tongokotua di imam, om i tongotulun monunuduk do Undang-undang Ugama do Joudi nong kukuroyon manangkap i Yisus ontok do au aantangan daa di tongotulun, om patajon nogi dino daa diolo Isido. 2Nga kadiolo, “Ada tangkapo tokou Isido ontok do tadau tagajo, supaya au tokovi urunan do tongotulun mamatai,” kadiolo.
Tinuntugan i Yisus do Lana
(Mat. 26:6-13; Yaya 12:1-8)
3Nga ontok di Yisus siri Kampung Boitani, kivaro iso tulun do rumanai i kojuvanjo i nolingasan, ngaranjo i Simun, do poongoi di Yisus mangakan siri valaijo. Nga ontok diri mangakan i Yisus, kivaro dii iso tongondu rinumikot do minongovit do sombutul i vinaal mantad bolinanaan i noponu do lana di aangod marong om auso gavul. Lana nopo diri nga vinaal mantad di gamut do sogumau taragang, om amaar marong. Om pungosono dii di tongondu iri butul, om potuntugono dii i lana siri tulu di Yisus.
4Nga kivaro piipiro tulun siri do aasaban mingoontong di tongondu, om moitatangar dii iolo do, “Nokuro do rubato toomod disido ilo lana? 5Ombo bala do torogo dilo lobi tolu naatus pirok. Gaam nogi do padagangon om itaak di tongotulun ongomiskin iri torogo ko mantad do pinsirubatan,” ka. Om araatan dii marong iolo diri tongondu.
6Nga kadi Yisus, “Poboyoon bo ilo tongondu. Nokuro do poposusa kou disido? Aandai gia iti gaagayajo siti Dogo. 7Do ilo nopo tongotulun do omiskin soumur poirunggum dikovu, om sombia nopo nga buli nong kivaro aandai do ponguup muju si diolo. Nga Ioku nopo om okoniko soumur poirunggum dikovu. 8Do inombo nopo iri opudan dilo tongondu, irino ririkot disido mongopud. Tinuntugan disido laaid iti kojuvanKu do lana do posodia Dogo do lobongon. 9PatangaronKu marong dikovu iti do ombo nopo kotongkopo siti vonuvo iti Abar do Aandai di Kinoringan, om iti gaagaya do aandai diti tongondu siti Dogo nogi nga arait, om aandamani isido di tongotulun,” kadi Yisus.
Minongupakat i Yudas diri Tongoimam
(Mat. 26:14-16; Luk. 22:3-6)
10Nga kivaro iso tulun diri opulu om duvo tulun di Yisus, i Yudas i tulun mantad soi Kampung Koriut. Om ongoino dii isido siri di tongokotua di imam do minongupakat do pojual isido di Yisus si diolo. 11Nga aandaian dii marong iolo do nokorongou di tangar di Yudas do irad diri, om pangajanjino dii iolo manaak do siin si disido. Om pogiumno dii i Yudas do akal nong potingkuro itaak i Yisus si di tongokotua di imam.
Minangakan i Yisus Mivaja di TongotulunJo
(Mat. 26:17-25; Luk. 22:7-13; Yaya 13:21-30)
12Om norikot nopo dii iri tadau koiso, iri kotimpuunon do tadau tagajo di tulun Joudi do Kapangakanan diolo di Kuui do Auso Poudor, om ponogitno dii iolo di tanak kambing biri-biri soi di Kinoringan. Om minongoduat i tongotulun di Yisus do, “Inombo pantok kouvanganNu do ongoionja ponodiaan do pangakananNu di tanak kambing biri-biri do akanon di Paska?” kadiolo.
13Om suuo dii di Yisus iri duvo tulunJo do pinopogulu mampanau, om kaDisido, “Ongoi kou pogi silo Bandar Yorusalim, om osomungan kou nopo diri iso kusai di minongoi managou do mimban-simban di suvangan, om vaja kouno disido. 14Om masu nopo isido siri valai, om tangaron mujuno iri sanganu diri valai irad diti, ‘ “Sinombo do bilik pangakananja di tongotulunKu ontok diti Paska?” kadi Guru,’ kanto nono disido. 15Om angatan kou disido siri iso bilik do abava si savat do natandaian laid, om siri kouno posodia,” kadi Yisus.
16Om pampanauno dii i duvo tulun di Yisus do mongoi siri bandar, om kosomungai dii diolo iri komoion di Yisus. Om kuriono dii diolo i tongotaakanon ontok di Paska.
17Om osodop nopo dii i tadau, om korikot nogi dii i Yisus siri bilik minivaja dii i opulu om duvo tulunJo. 18Om pitangarno dii i Yisus di mangakan iolo do, “PatangaronKu marong dikovu iti do kivaro iso tulun sino dikovu do muruk Dogo mangakan do pojual Dogo,” kadi Yisus.
19Om sumurauno dii marong iolo do nokorongou di tinangar di Yisus do irad diri, om poisusuvolino dii iolo mongoduat di Yisus, “Ioku naku ino?” kadi tongotulunJo.
20Om jawapno dii Yisus diolo do, “Irino songkoruangan muju diti opulu om duvo tulun i muruk Dogo do potutu do kuui siti pinggan. 21Om Iokuno i sinumiliu do tulun, om mimang apatai Oku irad di nokotulis siri Kitab. Nga songkuro araat nasip di tulun di pojual Dogo! Gaam nogi daa do au naanak isido,” kadi Yisus.
Pangakanan do Pangandaman di Kinapatajo di Tuhan
(Mat. 26:26-30; Luk. 22:14-23)
22Om ontok do sangakan-akan oi Yisus diri, om paganuno dii Isido do kuui, om pangarajouno#14:22 pangarajou: pongompod dii Isido di Kinoringan, om poikokib-kokibo, om taakai nogi dii di tongotulunJo, om kaDisido, “Paganu kouno diti kuui, do itino kojuvanKu,” ka.
23Om kuutaiJono dii iri sangkir do kivaig do anggur, om ponorimakasi nogi dii Isido di Kinoringan, om pataako nogi dii Disido di tongotulunJo, om pongiupno dii kasangkat diolo di vaig do anggur. 24Om kadi Yisus diolo, “Itino raaKu do pomogirot do pongojonjian mantad do Kinoringan, do tumuntug i raaKu do apatai Oku sabap di tulun toguu. 25PatangaronKu marong dikovu iti do au Okuno koiup kavagu diti vaig do anggur gosob do orikot i kopongiupan tokou do vaig do anggur di vagu saralom Kopomorintaan do Kinoringan,” kadi Yisus.
26Om sindingno dii iolo do minangarajou do Kinoringan, om labus nogi dii iolo do mongoi siri Kulud#14:26 Kulud: Kotud Jaitun.
Popoilo Laaid i Yisus do Mongolim i Pitrus
(Mat. 26:31-35; Luk. 22:31-34; Yaya 13:36-38)
27Om kadi Yisus diolo, “Pingiduan Oku dikovu maja di nokotulis saralom Kitab do ka, ‘PatajonKuno i tulun di momimiara do kambing biri-biri, om kopoiririjang nogi dino iri kambing biri-biri,’ kadi Kinoringan.#Antangai Jokoria 13:7. 28Nga ovijau Oku nopo kavagu, om mogulu Oku mantad dikovu mongoi soi Vonuvo Golilia,” kadi Yisus.
29Om kadi Pitrus di Yisus, “Insan do pingiduanKopo kasangkat diolo, nga au okui dogo mogidu!” ka.
30Nga kadi Yisus di Pitrus, “NoilaanKuno ika do aupo kopongingkukuuk i tandaa di kumoinduvo do sodop maino om intolukono mitangar do, ‘Au oku kotutun di Yisus,’ kanu dino,” kadi Yisus.
31Nga makin nogi mitangar i Pitrus, “Insan kaavaja oku Dikau do patajon do tulun, au okui mongolim do kotutun oku Dikau,” kadisido.
Om kasangkat nogi di tongotulun di Yisus nga mitangar do irad diri.
Sinumambayang i Yisus siri Kabun Gitsamani
(Mat. 26:36-46; Luk. 22:37-46)
32Om korikot nopo dii oi Yisus siri iso pantok do pinonguranan do Kabun Gitsamani si Kulud#14:32 Kulud: Kotud Jaitun, om pitangarno dii i Yisus di tongotulunJo do, “Ogom koupo pogi siti. Mongoi Okupo sambayang silo,” ka. 33I Pitrus nopo, om i Yakub om i Yaya nga inangatan Disido. Om timpuunno dii i Yisus sinumurau om sumusa do rumosi di kasansaraan. 34Om kaDisido diolo, “Oludus#14:34 oludus: olunggui ko osusa marong ginavo marong Oku inong do sipapatai Oku kopurimananKu. Nga indada koupo siti, om pipupurimanai mujuno,” kaDisido.
35Om lombusno dii i Yisus siri ososodu kopoyok mantad di tulunJo, om loubno dii Isido si tana, do sumambayang si di Kinoringan do mokitulung, supaya au osuat Isido di kosusaan do ontok diri. 36Om kadi Yisus, “Ou Amo,#14:36 Amo: Apa nuu nopo nga obuli sino Dika. Tulungo Okuno Dikau daa do poinsoduo Dogo iti kasansaraanKu;#14:36 kasansaraan: Antangai Markus 10:38. nga okoniko maja Oku do kouvanganKu kondiri, nga irino kouvanganNu,” kadi Yisus.
37Gulino dii Isido, om nokosupan dii Disido iolo do nokoodop, om kadi Yisus di Pitrus, “Modopkopo, Simun? Auko naku kogoos ongosanjaami do au koodop! 38Antatangai mujuno, om sambayang kouno supaya om au kovi osuat do ponsubaan, do agajo daa ino ginavo muju dino, nga oluoi i kojuvan muju,” ka.
39Om gulino dii kavagu i Yisus siri pantok sinambayangonJo di togina, nga iri om iri sambayangJo. 40Om gunggulino dii kavagu Isido siri diolo, om nokosupani dii do iri om iri iolo nokoodop, do avagat mato diolo do siodopon marong. Om posikai dii di Yisus iolo, om koposik nogi dii, nga au nokoilo iolo nong oonu ijawap diolo di Yisus.
41Om gunggulino dii kavagu Isido di kumointolu. Irad om irad dii do nokoodop i tulunJo, om kaDisido diolo, “Modop koupo bala! Aupo nobobos kou mingkojod! Sukupno ino! Norikotno di maso, pojualon Oku i sinumiliu do tulun siri tulun kiduso. 42Tungag kouno pogi, om kayo tokouno mampanau. Antangai, nga alono dii ilo tulun do pojual Dogo!” kadi Yisus.
Tinangkap i Yisus
(Mat. 26:47-56; Luk. 22:47-53; Yaya 18:3-11)
43Om mangar-tangarpo dii i Yisus di tongotulunJo, om korikotno dii i Yudas, i songkoruangan diri opulu om iso tulun di Yisus. Om oguu dii iri tongotulun maja-vaja disido do sasasangkil do gampa om songkuut-kuut do lalapos, do sinuu diri tongokotua di imam, om iri tulun monunuduk do Undang-undang Ugama, om iri tongomoloingon do Joudi.
44Om ontok di minongupakatpo i Yudas, irino i pojual di Yisus, om nakatangar isido diolo laid do irad diti, “Isaai nopo iri tungubanku monium nga Isidono iri. Om tangkapon muju nopo Isido, om angatan mujuno om antatangai mujuno do koidu,” kadi Yudas.
45Om korikot nopo dii i Yudas, om sondikoto nopo dii disido i Yisus, om kadisido, “Rabi!” ka, om tungubaino dii disido monium i Yisus, do sumalam isido di Yisus. 46Om tangkapo nogi dii diolo Isido. 47Nga kivaro iso tulun mantad di tongotulun songingkakat siri do minongunus di gampa, om minonibas di turipon di Imam Tagajo gosob do napapas i tolingojo.
48Nga pitangarno dii i Yisus di tongotulun di imam, “Nokuro do kisinangkil kou do gampa om songkuut-kuut kou do lalapos, do mongoi manangkap Dogo? Panantaman mujupo bato om parampuk Oku? 49Tikid tadau Oku maja-vaja dikovu monuduk silo natad do Valai Sasambayangan Tagajo, nga au Okui tangkapon dikovu. Nga tinangkap Oku dikovu supaya orikot iri nokotulis siri Kitab,” kadi Yisus.
50Om iduai nopo dii kasangkat di tongotulunJo do moitotomburijang mogidu.
51Nga kivaropo iso tomulok#14:51 tomulok: vavajoi do minaja di Yisus do poingkurilib#14:51 poingkurilib: poinsapai si tongokajab do kain topurak, om tampaai dii diolo isido. 52Nga iliai nopo dii disido iri kinurilibjo#14:52 kinurilib: pinasapai si tongokajab do minanangkus mogidu do poinlabas.
Pinogotuvang i Yisus di Pinonguntunan di Tongokotua
(Mat. 26:57-68; Luk. 22:54-71; Yaya 18:19-24)
53Om ovitono dii diolo i Yisus muli siri Imam Tagajo. Nga nountunno dii laid siri i tongokotua do tulun Joudi, irino i tongokotua di imam om i tongomoloingon do Joudi, om i tongotulun monunuduk do Undang-undang Ugama. 54Nga suutno dii i Pitrus di Yisus siri sodu gosob do nakaasu siri natad di valai di Imam Tagajo, om rinumunggum isido di pulis di Imam Tagajo mogom do dumadang diri tapui.
55Nga iri nopo dii i tongokotua di imam om kasangkat tongotulun vokon si Pinonguntunan di Tongokotua nga mogium do koontodon do mangadaawa daa di Yisus, supaya kadapat iolo mamatai Disido. Nga aui dii kaayang iolo di tulun do sumaksi. 56Do oguu i tulun do sumaksi nga momuduti, om aui dii kopiiso iri tangaron diolo.
57Om kivaropo mingkakat piipiro tulun do sumaksi, nga iri om iri do ovudut kasangkat iri kosoksian iolo do minitangar do ka, 58“Norongouja i Yisus minitangar do irad diti, ‘UyasonKu iti Valai Sasambayangan Tagajo iri vinaal do tulun, om tolui tadau do vaalonKu kavagu do Valai Sasambayangan do sondiang i okonko vaalon do tulun,’ kadi Yisus,” kadi tulun sumaksi. 59Nga insan irad diri tangaron diolo, nga aui kopiiso iri pintangaron diolo.
60Om ingkakatno dii iri Imam Tagajo si gotuvang diolo do minongoduat di Yisus do, “Auso ijawapNu dilo pangadaawaan diolo Dikau?” ka.
61Nga ootos nopo i Yisus do au minungkomi. Om duatono kavagu di Imam Tagajo, “Ika naku i Koristus, i Tanak do Kinoringan iri Rojoon?”#14:61 Rojoon: Ompodon ka.
62Om jawap nogi dii i Yisus do, “Iokuno iri, om Iokuno i sinumiliu do tulun. Om aantangan Oku dikovu do poingogom siri ponong vanan#14:62 poingogom siri ponong vanan: Antangai “vanan” si Kamus Kitab. do Kinoringan, iri Agajo Kuasa. Om aantangan Oku nogi dino dikovu do insan tadau rumikot mantad silo tavan#14:62 tavan: langit siri tongokavut,” kadi Yisus.
63Om karangaai nopo dii di Imam Tagajo iri tinangar di Yisus, turus ruako dii disido i sabungjo kondiri,#14:63 ruako dii disido i sabungjo kondiri: Itino gaagaya do tulun Joudi nong araatan. om kadisido kavagu, “Onupo dii koiumai tokou do saksi? 64Nokorongou kouno di tinangaranJo do mangararaat do Kinoringan do rumantai Isido do Kinoringan. Kuroyon muju dii Isido diti?” kadi Imam Tagajo.
Om koputusan nopo dii diolo nga misti patajon i Yisus.
65Om pindulaaino dii di piipiro tulun Isido, om topukai dii diolo i matoJo, om pisampakai. Om kadiolo, “Intutunai daa nong isai ino minanampak Dikau,” ka. Om pintapapai nogi di tongopulis i Yisus.
Minongolim i Pitrus do Kotutun di Yisus
(Mat. 26:69-75; Luk. 22:54-71; Yaya 18:15-18, 25-27)
66Om i Pitrus nopo nga siri tana siri natad di poibisaraan. Nga kivaro dii iso tongondu raraa ginojian di Imam Tagajo do nokorikot si di Pitrus. 67Nga kaantangai dii disido i Pitrus do dumadang si tapui, tantangaino dii marong disido i Pitrus, om kadisido do, “Ika nogi nga koruangi di Yisus, ilo tulun mantad Bandar Nasarit,” kadi raraa.
68Nga timpuunno dii i Pitrus do mongolim om pitangar do ka, “Au oku nokoilo dino, om au oku kaarati dino komoionnu,” kadisido. Om pogiduno dii i Pitrus om minindada si somok di pintu. [Om pongingkukuukno dii i tandaa.]
69Nga kaantangai nopo dii kavagu di raraa i Pitrus, om pitangarno dii kavagu isido di tongotulun di songingkakat siri, kadisido, “Isido nga songkoruangan diolo,” ka. 70Om pongolimno dii i Pitrus di kumoinduvo.
Om au kalalaid mantad diri, om pitangarno kavagu iri tongotulun songingkakat siri di Pitrus do, “Oinomodno bo do ika nga koruang diolo do ika nga tulun mantad soi Vonuvo Golilia,” kadiolo.
71Nga jawapno dii kavagu i Pitrus diolo di kumointolu do, “Sumumpa oku do oinomod iti tinangarku. Matai okuno nong kotutun oku di tulun komoion muju,” kadi Pitrus.
72Om turus pongingkukuukno dii i tandaa di kumoinduvo. Om kaandamai nogi dii di Pitrus iri tinangar laid di Yisus disido do, “Aupo kopongingkukuuk i tandaa di kumoinduvo, om intolukono mitangar do, ‘Au oku kotutun di Yisus,’ kanu dino,” kadi Yisus. Om pogiadno dii maamarong i Pitrus.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.