Susuuon 17
17
Minongoi i Poulus om i Songkoruanganjo soi Bandar Tosolunika
1Om talibno dii i Poulus om i songkoruanganjo siri Bandar Ompipolis om Bandar Opolunia, om nokorikot nogi siri Bandar Tosolunika. Om kivaro iso valai sasambayangan do tulun Joudi siri Tosolunika. 2Om irad diri koubasanjo pointikid-tikid do Tadau Koingkajadan, irino Tadau do Ari Anam, mongoi i Poulus siri valai sasambayangan do tulun Joudi. Om tolu nominggu kumisival isido di tongotulun do pakajonjo i tongotinangaran mantad si Kitab. 3Om papatarang i Poulus di tinangaran do Kinoringan di tongotulun, om poontong isido diolo mantad di Kitab do i Koristus nopo nga pinili do Kinoringan sumiliu do Raja. Om misti i Koristus osuat di kasansaraan do irino kouvangan do Kinoringan, om misti do ovijau Isido kavagu mantad do kapatajon. Om popoilo kavagu i Poulus di tongotulun do ka, “I Yisus nopo diti iri itudukku dikovu nga irino i Koristus,” ka. 4Om piipiro tulun Joudi nga naparsaya di tinangaran di Poulus om kumoruang dii iolo di Poulus duvo di Silas. Om oguu dii i tongotulun Yunani i sumamba do Kinoringan nga naparsaya di Yisus, om oguu dii i tongondu i tongoagajo ngaran nogi nga naparsaya di Yisus irad nogi di tongotulun Joudi.
5Nga tumaai#17:5 tumaai: dumangi dii i tongotulun Joudi di Poulus om i songkoruanganjo. Om pinountun dii di tongotulun Joudi piipiro tulun tongoraraat iri obimpanau, om oguu dii i tongotulun nakavaja diolo do songgoriasou, mongolingou#17:5 mongolingou: momoringou i suara siri bandar. Om liputai dii diolo iri valai di Jisun do mogium iolo di Poulus duvo di Silas do gajaton daa dii diolo siri gotuvang di tongotulun toguu. 6Nga au nopo dii osomungan diolo i Poulus duvo di Silas, jadi gajatono dii diolo i Jisun om piipiro sulod vokon i naparsaya di Yisus do gumotuvang di tongopongotua do bandar. Om muvap-luvap dii iolo do irad diti, “Tumongkop i Poulus om i Silas kasangkat do vonuvo do momoringou di tongotulun sampai korikot iolo siti bandar tokou maino. 7Om pinoijon di Jisun iolo siri valai disido. Om kasangkat diolo au maja di undang-undang di Raja Koisar do kadiolo, ‘Kivaro iso raja vokon, ngaranJo nopo nga i Yisus,’ kadiolo,” kadi tongotulun. 8Korongou nopo dii i tongotulun om i tongopongotua di tinangaran do irad diri om ongosusurau dii marong iolo. 9Om mokibayar dii i tongopongotua do bandar di Jisun om i songkoruanganjo do siin do pangajamin. Om mangajanji nogi dii i Jisun di tongopongotua do bandar do auno dii momoringou kavagu i Poulus om i Silas di tongotulun. Nga koopod nopo dii i Jisun mitangar, om poiduo nogi dii di tongopongotua do bandar isido om i songkoruanganjo.
Minongoi i Poulus om i Songkoruanganjo soi Bandar Boria
10Totuvongi diri om suuono dii di tongosulod i naparsaya di Yisus i Poulus om i Silas mongoi soi Bandar Boria. Korikot nopo dii iolo soi Boria om ongoino dii iolo siri valai sasambayangan do tulun Joudi. 11Nga oukab nogi i ginavo di tulun siri Boria mantad di tulun siri Bandar Tosolunika, do agajo marong ginavo diolo mongkinongou di Abar do Aandai. Om pointikid-tikid tadau monorisid iolo mambasa do Kitab do mongontong nong oinomod iri ponudukan di Poulus. 12Oguu tongondu Yunani do agajo pangkat nga naparsaya di Yisus mivaja di tongokusai Yunani om oguupo i tongotulun vokon. 13Nga nokorongou nopo dii i tongotulun Joudi soi Tosolunika do popoilo i Poulus do tinangaran do Kinoringan siri Boria nogi, om minongoi i tongotulun Joudi siri Boria popibonsi di tongotulun om oi Poulus om popourau diolo. 14Om turus dii sinuu do tongosulod i naparsaya di Yisus i Poulus do rumuuk siri laut. Nga minopung i Silas om i Tomotius siri Boria.
15Om kivaro i tongosulod i naparsaya di Yisus mantad si Boria minangatod di Poulus siri Bandar Otina. Om bilinai dii di Poulus iolo popoilo di Silas om i Tomotius do, “Posisikapon sumuut dogo siti Otina,” kadi Poulus. Jadi minulino dii i tongosulod i naparsaya di Yisus soi Boria popoilo di Silas duvo di Tomotius di tinangaran di Poulus.
Minonuduk i Poulus di Tongotulun siri Bandar Otina
16Salaid di Poulus mongindad di Silas om i Tomotius siri Bandar Otina, osusa marong i ginavojo do nokoontong do noponu do tongopatung iri bandar. 17Nga minongoi dii i Poulus si valai sasambayangan do tulun Joudi om kumisival isido di tongotulun Joudi om i tongotulun di okonko bansa Joudi i sumamba do Kinoringan. Om tadau-tadau oguu i tongotulun santalib-talib si pasar do oviton di Poulus kumisival nogi. 18Om piipiro guru do ponudukan do Opikuri om guru do ponudukan do Sotuki nogi nga kumisival di Poulus. Kivaro mitangar do ka, “Onu komoion diti do mogkilibobok do auso tantu tinangaran?” ka.
Om kivaro nogi mitangar, “Irad di monuduk isido pasal di divato#17:18 divato: i pinokokinoringan sondiang,” ka. Mitangar iolo irad diri sabap mangaabar i Poulus diolo pasal di Yisus om mangaabar isido nogi do ovijau kavagu iri tulun nongapatai laid. 19Jadi ovito dii diolo i Poulus mongoi gumotuvang di tongokotua siri poibisaraan, i roiton do Oripagus. Om kadiolo, “Tudukai ikoi pogi diti ponudukannu do kavavagu. 20Oiranan ikoi rumongou dino ponudukannu, om mokipoilo ikoi nong onu komoion dino,” kadiolo. 21Mitangar iolo do irad diri sabap kasangkat diri tongotulun Otina om tulun vokon mijon siri Otina soumur moipoiloilo om rumongou do tongoponudukan kavavagu do irino koubasan diolo.
22Jadi mingkakat i Poulus gumotuvang di tongokotua siri Oripagus, om kadisido, “Oou tulun Otina, aantanganku do agajo marong ginavo muju maja do ugama muju. 23Di manau-panau oku siti bandar muju om mongontong oku di tongosasambawon muju, nga naantanganku dii iri iso ponogitan do kivaro pinotulis do irad diti, ‘Ponogitan do Kinoringan Iri Au Otutunan,’ ka. Nga popoilo oku dikovu maino pasal diri sambawon muju di au otutunan muju.
24I Kinoringan nopo nga minomorun diti vonuvo om kasangkat diti saralom vonuvo. Isidono Tuhan iri momorinta si suruga om siti tana, om okonko mijon Isido saralom valai sasambayangan di vinaal do tulun. 25Om okonko moo i Kinoringan do kumaraja i tongotulun do monulung Disido, do auso iso kokurangan Disido. Do Isidono iri manaak do kovijaan om pomiubaan do tongotulun, om oguupo pataakon Disido mantad diri. 26Om vinorun do Kinoringan iri iso tulun om mantad dirino koturunan do kasangkat diri tongobansa nokotongkop siti vonuvo. Tinantu Disido di poguluupo nong sinombo pivolitan do tongobansa om sombia maso do mijon siri. 27Om vinorun do Kinoringan i tongotulun supaya mogium Disido, om supaya mavor-avor iolo gosob do osomungan kama Isido kaakaalu nong osomungan Isido diolo. Nga okoni osodu i Kinoringan mantad daton,#17:27 daton: ditokou 28do kivaro iso tulun mitangar do ka,
‘I Kinoringan momijau daton, om mongogura daton,
om posiliu Isido daton,’ ka.
Om kivaro piipiro tulun sino dikovu iri koilo momusinding do minitangar do irad diti,
‘Itokou nogi nga koturunan di Kinoringan,’
ka.
29Jadi sabap itokou nopo nga tanak do Kinoringan, ada tokou minsoromo do i Kinoringan nopo nga irad do amas, om pirak om vatu vinaal do patung do inukir do tukang maja di kapandaianjo om i toilaanjo kondiri. 30Ontok di pogulupo nga pobojoon di Kinoringan i tongotulun mamaal irad diri, do aupo kotutun iolo do Kinoringan. Nga maino suuon di Kinoringan kasangkat di tongotulun sombo-sombo do pantok do rumorogo mantad diri kararaato doisido. 31Do pinili di Kinoringan iso tulun manalasai di tongotulun siti vonuvo. Om tinantu nogi dii di Kinoringan iri Tadau KopongukumanJo diri tongotulun. Om oinomod iri panalasaian diri tulun di pinili di Kinoringan. Insan napatai iri tulun pinili di Kinoringan nga pinovijau di Kinoringan Isido kavagu mantad diri tongotulun nongapatai, om irad nopo diri nipoontong di Kinoringan do irino tulun piniliJo,” kadi Poulus.
32Nga nokorongou nopo dii i tongotulun do narait di Poulus do mijau i tulun kavagu mantad di kinapatajanjo, om piipiro tulun mongirak-ngirak disido, nga kadi tulun vokon, “Sirongou ikoi kavagu dino soritanu,” ka. 33Nga linumabus i Poulus mantad siri poibisaraan. 34Om kivaro piipiro tulun minaja disido do i naparsaya di Yisus. Iri nopo iso nga iso kotua di poibisaraan siri Oripagus, ngaran nopo nga i Dinisius, om iso tongondu, ngaran nopo dii nga i Damaris, om kivaropo piipiro tulun vokon nogi minaja diolo.
ទើបបានជ្រើសរើសហើយ៖
Susuuon 17: LabukPKV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.
Susuuon 17
17
Minongoi i Poulus om i Songkoruanganjo soi Bandar Tosolunika
1Om talibno dii i Poulus om i songkoruanganjo siri Bandar Ompipolis om Bandar Opolunia, om nokorikot nogi siri Bandar Tosolunika. Om kivaro iso valai sasambayangan do tulun Joudi siri Tosolunika. 2Om irad diri koubasanjo pointikid-tikid do Tadau Koingkajadan, irino Tadau do Ari Anam, mongoi i Poulus siri valai sasambayangan do tulun Joudi. Om tolu nominggu kumisival isido di tongotulun do pakajonjo i tongotinangaran mantad si Kitab. 3Om papatarang i Poulus di tinangaran do Kinoringan di tongotulun, om poontong isido diolo mantad di Kitab do i Koristus nopo nga pinili do Kinoringan sumiliu do Raja. Om misti i Koristus osuat di kasansaraan do irino kouvangan do Kinoringan, om misti do ovijau Isido kavagu mantad do kapatajon. Om popoilo kavagu i Poulus di tongotulun do ka, “I Yisus nopo diti iri itudukku dikovu nga irino i Koristus,” ka. 4Om piipiro tulun Joudi nga naparsaya di tinangaran di Poulus om kumoruang dii iolo di Poulus duvo di Silas. Om oguu dii i tongotulun Yunani i sumamba do Kinoringan nga naparsaya di Yisus, om oguu dii i tongondu i tongoagajo ngaran nogi nga naparsaya di Yisus irad nogi di tongotulun Joudi.
5Nga tumaai#17:5 tumaai: dumangi dii i tongotulun Joudi di Poulus om i songkoruanganjo. Om pinountun dii di tongotulun Joudi piipiro tulun tongoraraat iri obimpanau, om oguu dii i tongotulun nakavaja diolo do songgoriasou, mongolingou#17:5 mongolingou: momoringou i suara siri bandar. Om liputai dii diolo iri valai di Jisun do mogium iolo di Poulus duvo di Silas do gajaton daa dii diolo siri gotuvang di tongotulun toguu. 6Nga au nopo dii osomungan diolo i Poulus duvo di Silas, jadi gajatono dii diolo i Jisun om piipiro sulod vokon i naparsaya di Yisus do gumotuvang di tongopongotua do bandar. Om muvap-luvap dii iolo do irad diti, “Tumongkop i Poulus om i Silas kasangkat do vonuvo do momoringou di tongotulun sampai korikot iolo siti bandar tokou maino. 7Om pinoijon di Jisun iolo siri valai disido. Om kasangkat diolo au maja di undang-undang di Raja Koisar do kadiolo, ‘Kivaro iso raja vokon, ngaranJo nopo nga i Yisus,’ kadiolo,” kadi tongotulun. 8Korongou nopo dii i tongotulun om i tongopongotua di tinangaran do irad diri om ongosusurau dii marong iolo. 9Om mokibayar dii i tongopongotua do bandar di Jisun om i songkoruanganjo do siin do pangajamin. Om mangajanji nogi dii i Jisun di tongopongotua do bandar do auno dii momoringou kavagu i Poulus om i Silas di tongotulun. Nga koopod nopo dii i Jisun mitangar, om poiduo nogi dii di tongopongotua do bandar isido om i songkoruanganjo.
Minongoi i Poulus om i Songkoruanganjo soi Bandar Boria
10Totuvongi diri om suuono dii di tongosulod i naparsaya di Yisus i Poulus om i Silas mongoi soi Bandar Boria. Korikot nopo dii iolo soi Boria om ongoino dii iolo siri valai sasambayangan do tulun Joudi. 11Nga oukab nogi i ginavo di tulun siri Boria mantad di tulun siri Bandar Tosolunika, do agajo marong ginavo diolo mongkinongou di Abar do Aandai. Om pointikid-tikid tadau monorisid iolo mambasa do Kitab do mongontong nong oinomod iri ponudukan di Poulus. 12Oguu tongondu Yunani do agajo pangkat nga naparsaya di Yisus mivaja di tongokusai Yunani om oguupo i tongotulun vokon. 13Nga nokorongou nopo dii i tongotulun Joudi soi Tosolunika do popoilo i Poulus do tinangaran do Kinoringan siri Boria nogi, om minongoi i tongotulun Joudi siri Boria popibonsi di tongotulun om oi Poulus om popourau diolo. 14Om turus dii sinuu do tongosulod i naparsaya di Yisus i Poulus do rumuuk siri laut. Nga minopung i Silas om i Tomotius siri Boria.
15Om kivaro i tongosulod i naparsaya di Yisus mantad si Boria minangatod di Poulus siri Bandar Otina. Om bilinai dii di Poulus iolo popoilo di Silas om i Tomotius do, “Posisikapon sumuut dogo siti Otina,” kadi Poulus. Jadi minulino dii i tongosulod i naparsaya di Yisus soi Boria popoilo di Silas duvo di Tomotius di tinangaran di Poulus.
Minonuduk i Poulus di Tongotulun siri Bandar Otina
16Salaid di Poulus mongindad di Silas om i Tomotius siri Bandar Otina, osusa marong i ginavojo do nokoontong do noponu do tongopatung iri bandar. 17Nga minongoi dii i Poulus si valai sasambayangan do tulun Joudi om kumisival isido di tongotulun Joudi om i tongotulun di okonko bansa Joudi i sumamba do Kinoringan. Om tadau-tadau oguu i tongotulun santalib-talib si pasar do oviton di Poulus kumisival nogi. 18Om piipiro guru do ponudukan do Opikuri om guru do ponudukan do Sotuki nogi nga kumisival di Poulus. Kivaro mitangar do ka, “Onu komoion diti do mogkilibobok do auso tantu tinangaran?” ka.
Om kivaro nogi mitangar, “Irad di monuduk isido pasal di divato#17:18 divato: i pinokokinoringan sondiang,” ka. Mitangar iolo irad diri sabap mangaabar i Poulus diolo pasal di Yisus om mangaabar isido nogi do ovijau kavagu iri tulun nongapatai laid. 19Jadi ovito dii diolo i Poulus mongoi gumotuvang di tongokotua siri poibisaraan, i roiton do Oripagus. Om kadiolo, “Tudukai ikoi pogi diti ponudukannu do kavavagu. 20Oiranan ikoi rumongou dino ponudukannu, om mokipoilo ikoi nong onu komoion dino,” kadiolo. 21Mitangar iolo do irad diri sabap kasangkat diri tongotulun Otina om tulun vokon mijon siri Otina soumur moipoiloilo om rumongou do tongoponudukan kavavagu do irino koubasan diolo.
22Jadi mingkakat i Poulus gumotuvang di tongokotua siri Oripagus, om kadisido, “Oou tulun Otina, aantanganku do agajo marong ginavo muju maja do ugama muju. 23Di manau-panau oku siti bandar muju om mongontong oku di tongosasambawon muju, nga naantanganku dii iri iso ponogitan do kivaro pinotulis do irad diti, ‘Ponogitan do Kinoringan Iri Au Otutunan,’ ka. Nga popoilo oku dikovu maino pasal diri sambawon muju di au otutunan muju.
24I Kinoringan nopo nga minomorun diti vonuvo om kasangkat diti saralom vonuvo. Isidono Tuhan iri momorinta si suruga om siti tana, om okonko mijon Isido saralom valai sasambayangan di vinaal do tulun. 25Om okonko moo i Kinoringan do kumaraja i tongotulun do monulung Disido, do auso iso kokurangan Disido. Do Isidono iri manaak do kovijaan om pomiubaan do tongotulun, om oguupo pataakon Disido mantad diri. 26Om vinorun do Kinoringan iri iso tulun om mantad dirino koturunan do kasangkat diri tongobansa nokotongkop siti vonuvo. Tinantu Disido di poguluupo nong sinombo pivolitan do tongobansa om sombia maso do mijon siri. 27Om vinorun do Kinoringan i tongotulun supaya mogium Disido, om supaya mavor-avor iolo gosob do osomungan kama Isido kaakaalu nong osomungan Isido diolo. Nga okoni osodu i Kinoringan mantad daton,#17:27 daton: ditokou 28do kivaro iso tulun mitangar do ka,
‘I Kinoringan momijau daton, om mongogura daton,
om posiliu Isido daton,’ ka.
Om kivaro piipiro tulun sino dikovu iri koilo momusinding do minitangar do irad diti,
‘Itokou nogi nga koturunan di Kinoringan,’
ka.
29Jadi sabap itokou nopo nga tanak do Kinoringan, ada tokou minsoromo do i Kinoringan nopo nga irad do amas, om pirak om vatu vinaal do patung do inukir do tukang maja di kapandaianjo om i toilaanjo kondiri. 30Ontok di pogulupo nga pobojoon di Kinoringan i tongotulun mamaal irad diri, do aupo kotutun iolo do Kinoringan. Nga maino suuon di Kinoringan kasangkat di tongotulun sombo-sombo do pantok do rumorogo mantad diri kararaato doisido. 31Do pinili di Kinoringan iso tulun manalasai di tongotulun siti vonuvo. Om tinantu nogi dii di Kinoringan iri Tadau KopongukumanJo diri tongotulun. Om oinomod iri panalasaian diri tulun di pinili di Kinoringan. Insan napatai iri tulun pinili di Kinoringan nga pinovijau di Kinoringan Isido kavagu mantad diri tongotulun nongapatai, om irad nopo diri nipoontong di Kinoringan do irino tulun piniliJo,” kadi Poulus.
32Nga nokorongou nopo dii i tongotulun do narait di Poulus do mijau i tulun kavagu mantad di kinapatajanjo, om piipiro tulun mongirak-ngirak disido, nga kadi tulun vokon, “Sirongou ikoi kavagu dino soritanu,” ka. 33Nga linumabus i Poulus mantad siri poibisaraan. 34Om kivaro piipiro tulun minaja disido do i naparsaya di Yisus. Iri nopo iso nga iso kotua di poibisaraan siri Oripagus, ngaran nopo nga i Dinisius, om iso tongondu, ngaran nopo dii nga i Damaris, om kivaropo piipiro tulun vokon nogi minaja diolo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 1995, Wycliffe Bible Translators, Inc. All rights reserved.