Markus 2
2
Isus Nafafiya sik Ama at yud Malelegan
(Mat. 9:1-8; Lukas 5:17-26)
1Nu nlangfe wa ginanya fag ngay menit, Isus infoli wa sas fulan Kapernaum. Ay sanya fag ngay taw nadungug te, Isus si wa at bale. 2Ay sik ngay taw inful sanya. Ay at kayuwan anggan sisad sakbawan we fagsakan. Ay Isus nafoyung Diyus at longan sanya fag ngay taw. 3Ay kaduge Isus gfoyung, e ndasug yangay ufat taw guba sik taw at yud malelegan. 4Anway at kayuwan at taw, wa mafafakbang at ke daylan sas Isus. Nu katanya, ka fag ufat taw nasulat wa daw ka fag bale at ugun sis Isus alungudan. Ay nafatagbung at yud malelegan si at fagtiyugan. 5Ay Isus nu nalag te, gafanud tuwa, kanya nalong sa at yud malelegan te, “Sama, nafalyam wan am ngay asalanan.” 6Ay tibak tagfoyung Muisis at Suguwan at malunggung sanya, nu nadungug Isus at longan, gamatangan te, 7“Taw ro ka fag taw fagnalongun katanya? At longan mauri way sas Diyus! Yaya, Diyus tuwa fag sadi at mafafalyam taw asalanan!” 8Ay roro Isus nasaful way sigad ka fag ngay taw at amatanganan. Ay nainto te, “Taw ro ay fagamatanganun katanya? 9Inday manga at mafali, nu lumong aw sa at yud malelegan te, ‘Nafalyam kwan am ngay asalanan,’ ay ate, ‘Malindugi, ay ubanani am fagtiyugan ay loi wan’? 10Katsi kaumsig aw gfatuyan sa ayu te, aw, Taw at Baguwama, e fagmadaragangun aktuwa ste swa daga gfalyam taw at asalanan.” Ay Isus nalong sa at yud malelegan te, 11“Alindugi. Ay ubanani am fagtiyugan ay ulii wa sam bale!” 12Ay ka fag taw inlindug wa fiya. Ay naubanan at fagtiyugan ay nalo wan. Ay fagayu taw nadulawan ay naseg sas Diyus. Ay nalong te, “Wa tam batang glag takatanya.”
Isus Nataban Lebi
(Mat. 9:9-13; Lukas 5:27-32)
13Ay Isus gdog yay nalo sas tigyangan Lino Galiliya. Ay ngayuk taw nananlinggat sa anya. Ay Isus nafoyung sanya fag ngay taw. 14Ay gina Isus galoun nalag Lebi nu malunggung sis fagsalian buwis fag bale. Lebi tama Alfiu. Ay Isus nalong sas Lebi te, “Aloi angku.” Ay Lebi nlindug ay naalo wa fiya Isus.
15Ay gina Isus ay at ngay tagadal igfangon sis Lebi at bale, sanya ngayuk taget buwis ay tiba yak tagasalanan fag ngay taw gfasfuwan gfangon, teway ngayuk taw wan at kinkalo Isus. 16Ay sanya e sik fulan tagfoyung Muisis at Suguwan (ka fag fulan sik taw Parisiyu yangay). Ay kanya nalag Isus nu gfasfuwan gfangon sa sangay taget buwis ay sa sangay tagasalanan fag ngay taw. Ay nainto sas Isus at ngay tagadal te, “Taw ro Isus fagfasfuwanun gfangon sa sangay taget buwis ay sa sangay tagasalanan fag ngay taw?” 17Ay Isus nu nadungug at longan, nalong te, “Sik taw at yud e daylan wa long gayudan sik tagfafiya, kayu way at ke daylan tagayudan. Ku fagnastiyeun bunwa te, nanfaful aw at matuyan fag ngay taw sa angku, antuwa, nanfaful aw kayu at ke asalanan.”
Sik Fagintoun sa baliwa nu Gfe lungud gyud Gfangon laman Gdarangin
(Mat. 9:14-17; Lukas 5:33-39)
18Ay Uan Tagfasurung at ngay tagadal ay taw Parisiyu gfe lungud gyud gfangon laman gdarangin. Ay tibak taw inkakbang sas Isus ay nainto te, “Taw manga Uan at ngay tagadal ay taw Parisiyu at ngay tagadal at fagnafe lungudun gyud gfangon laman gdarangin, ay madyay am ngay tagadal wa katanya?” 19Ay Isus nabalus te, “Go takadaduwa fag mangama at ngay fagwes masine wa nu gfe lungud gyud gfangon laman gdarangin dewa gfaygaluwan at takadaduwa fag mangama? Igdi! Kaduge yap ngay gfaygaluwan takadaduwa fag mangama, wa masine nu gfe lungud gyud gfangon laman gdarangin. 20Ay roro tibak menit ban e tumaban kanya fag mangama. Ay ginanya yay ban at ngay iba nu gfe lungud gyud gfangon laman gdarangin.” 21Ay Isus glong yay te, “We taw nansimat at bagu fag falefe sat dan fag falefe tagasulat, teway fagalay nasimat at bagu fag falefe gina nalaba kanya umkitut ay rodi ngap umdaul wan at sulat. 22Ay we taw nantalin at bagu fag fangaranug fag safa sat dan fag balat balan fag fagsuwadan safa, anway nu natalin way sanya, gina at bagu fag fangaranug fag safa lumafas, umbugsang, ay rodi, gsud wa ngap yud e fanambagun. Sik taw nu gtalin at bagu fag fangaranug fag safa sa tuwa at bagu fag balat balan fag fagsuwadan safa.”
Sinu Tagmagurang sis Fakamatoun fag Menit?
(Mat. 12:1-8; Lukas 6:1-5)
23Sik Fakamatoun fag Menit, Isus ay at ngay tagadal nalo wa sa sik ngabak tanuman. Ay ginanya, at ngay tagadal nabul sirut tibak buwadan. 24Ay taw Parisiyu nalong sas Isus te, “Linggati nu kin, am ngay tagadal at fagbulun! Taw ro at fakamaboun Muisis at Suguwan sis Fakamatoun fag Menit baliwa?” 25Ay Isus nabalus te, “Go sangay yam natap ebi gina Dabid anggan at ngay ufud at nafagbulun gina kalunus?” 26Ginanya Dabid nasakbo sas Diyus bale. At fun taganyun ginanya, Abyatar. Ay Dabid naon sanya fag ngay anyun sas Diyus fag ngay tinafay ay nafon yangay anggan sat ngay ufud, dewa marirukan sis Diyus at longan te, “Wa masine tibak taw nu kon ka fag ngay tinafay. Takon at ngay taganyun wadi.” 27Ay Isus nalong yay te, “Diyus naawat Fakamatoun fag Menit laman e fanambagun sas taw. Ay Diyus wa naawat taw laman e fanambagun sas Fakamatoun fag Menit. 28Nu katanya, aw, Taw at Baguwama, tagmagurang anggan sis Fakamatoun fag Menit.”
ទើបបានជ្រើសរើសហើយ៖
Markus 2: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Markus 2
2
Isus Nafafiya sik Ama at yud Malelegan
(Mat. 9:1-8; Lukas 5:17-26)
1Nu nlangfe wa ginanya fag ngay menit, Isus infoli wa sas fulan Kapernaum. Ay sanya fag ngay taw nadungug te, Isus si wa at bale. 2Ay sik ngay taw inful sanya. Ay at kayuwan anggan sisad sakbawan we fagsakan. Ay Isus nafoyung Diyus at longan sanya fag ngay taw. 3Ay kaduge Isus gfoyung, e ndasug yangay ufat taw guba sik taw at yud malelegan. 4Anway at kayuwan at taw, wa mafafakbang at ke daylan sas Isus. Nu katanya, ka fag ufat taw nasulat wa daw ka fag bale at ugun sis Isus alungudan. Ay nafatagbung at yud malelegan si at fagtiyugan. 5Ay Isus nu nalag te, gafanud tuwa, kanya nalong sa at yud malelegan te, “Sama, nafalyam wan am ngay asalanan.” 6Ay tibak tagfoyung Muisis at Suguwan at malunggung sanya, nu nadungug Isus at longan, gamatangan te, 7“Taw ro ka fag taw fagnalongun katanya? At longan mauri way sas Diyus! Yaya, Diyus tuwa fag sadi at mafafalyam taw asalanan!” 8Ay roro Isus nasaful way sigad ka fag ngay taw at amatanganan. Ay nainto te, “Taw ro ay fagamatanganun katanya? 9Inday manga at mafali, nu lumong aw sa at yud malelegan te, ‘Nafalyam kwan am ngay asalanan,’ ay ate, ‘Malindugi, ay ubanani am fagtiyugan ay loi wan’? 10Katsi kaumsig aw gfatuyan sa ayu te, aw, Taw at Baguwama, e fagmadaragangun aktuwa ste swa daga gfalyam taw at asalanan.” Ay Isus nalong sa at yud malelegan te, 11“Alindugi. Ay ubanani am fagtiyugan ay ulii wa sam bale!” 12Ay ka fag taw inlindug wa fiya. Ay naubanan at fagtiyugan ay nalo wan. Ay fagayu taw nadulawan ay naseg sas Diyus. Ay nalong te, “Wa tam batang glag takatanya.”
Isus Nataban Lebi
(Mat. 9:9-13; Lukas 5:27-32)
13Ay Isus gdog yay nalo sas tigyangan Lino Galiliya. Ay ngayuk taw nananlinggat sa anya. Ay Isus nafoyung sanya fag ngay taw. 14Ay gina Isus galoun nalag Lebi nu malunggung sis fagsalian buwis fag bale. Lebi tama Alfiu. Ay Isus nalong sas Lebi te, “Aloi angku.” Ay Lebi nlindug ay naalo wa fiya Isus.
15Ay gina Isus ay at ngay tagadal igfangon sis Lebi at bale, sanya ngayuk taget buwis ay tiba yak tagasalanan fag ngay taw gfasfuwan gfangon, teway ngayuk taw wan at kinkalo Isus. 16Ay sanya e sik fulan tagfoyung Muisis at Suguwan (ka fag fulan sik taw Parisiyu yangay). Ay kanya nalag Isus nu gfasfuwan gfangon sa sangay taget buwis ay sa sangay tagasalanan fag ngay taw. Ay nainto sas Isus at ngay tagadal te, “Taw ro Isus fagfasfuwanun gfangon sa sangay taget buwis ay sa sangay tagasalanan fag ngay taw?” 17Ay Isus nu nadungug at longan, nalong te, “Sik taw at yud e daylan wa long gayudan sik tagfafiya, kayu way at ke daylan tagayudan. Ku fagnastiyeun bunwa te, nanfaful aw at matuyan fag ngay taw sa angku, antuwa, nanfaful aw kayu at ke asalanan.”
Sik Fagintoun sa baliwa nu Gfe lungud gyud Gfangon laman Gdarangin
(Mat. 9:14-17; Lukas 5:33-39)
18Ay Uan Tagfasurung at ngay tagadal ay taw Parisiyu gfe lungud gyud gfangon laman gdarangin. Ay tibak taw inkakbang sas Isus ay nainto te, “Taw manga Uan at ngay tagadal ay taw Parisiyu at ngay tagadal at fagnafe lungudun gyud gfangon laman gdarangin, ay madyay am ngay tagadal wa katanya?” 19Ay Isus nabalus te, “Go takadaduwa fag mangama at ngay fagwes masine wa nu gfe lungud gyud gfangon laman gdarangin dewa gfaygaluwan at takadaduwa fag mangama? Igdi! Kaduge yap ngay gfaygaluwan takadaduwa fag mangama, wa masine nu gfe lungud gyud gfangon laman gdarangin. 20Ay roro tibak menit ban e tumaban kanya fag mangama. Ay ginanya yay ban at ngay iba nu gfe lungud gyud gfangon laman gdarangin.” 21Ay Isus glong yay te, “We taw nansimat at bagu fag falefe sat dan fag falefe tagasulat, teway fagalay nasimat at bagu fag falefe gina nalaba kanya umkitut ay rodi ngap umdaul wan at sulat. 22Ay we taw nantalin at bagu fag fangaranug fag safa sat dan fag balat balan fag fagsuwadan safa, anway nu natalin way sanya, gina at bagu fag fangaranug fag safa lumafas, umbugsang, ay rodi, gsud wa ngap yud e fanambagun. Sik taw nu gtalin at bagu fag fangaranug fag safa sa tuwa at bagu fag balat balan fag fagsuwadan safa.”
Sinu Tagmagurang sis Fakamatoun fag Menit?
(Mat. 12:1-8; Lukas 6:1-5)
23Sik Fakamatoun fag Menit, Isus ay at ngay tagadal nalo wa sa sik ngabak tanuman. Ay ginanya, at ngay tagadal nabul sirut tibak buwadan. 24Ay taw Parisiyu nalong sas Isus te, “Linggati nu kin, am ngay tagadal at fagbulun! Taw ro at fakamaboun Muisis at Suguwan sis Fakamatoun fag Menit baliwa?” 25Ay Isus nabalus te, “Go sangay yam natap ebi gina Dabid anggan at ngay ufud at nafagbulun gina kalunus?” 26Ginanya Dabid nasakbo sas Diyus bale. At fun taganyun ginanya, Abyatar. Ay Dabid naon sanya fag ngay anyun sas Diyus fag ngay tinafay ay nafon yangay anggan sat ngay ufud, dewa marirukan sis Diyus at longan te, “Wa masine tibak taw nu kon ka fag ngay tinafay. Takon at ngay taganyun wadi.” 27Ay Isus nalong yay te, “Diyus naawat Fakamatoun fag Menit laman e fanambagun sas taw. Ay Diyus wa naawat taw laman e fanambagun sas Fakamatoun fag Menit. 28Nu katanya, aw, Taw at Baguwama, tagmagurang anggan sis Fakamatoun fag Menit.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines