Fagsigadan 40
40
Diyus nu Gfon Fagsafulun sas Use Laman Mafafayamag Duwama Taginfanan
1Ay bandi daw, duwak tagtarabang sas fun daul inke asalanan sa at fun. At sadi, tagfatama fun daul at tinafay, ay at sadi, tagfosuk fun daul at fanginum. 2Ay inke asalanan wayay, at fun daul mason nu kalimata ka fag duwama. 3Ay nafasungsung duwama sas bale sungsungan. Nafagamut sas Use fagmasungsunganan fag bale. Ay sanya fag bale sungsungan at fun, kanya yangay tagfangguna sa sangay tagbalabag at fun daul. 4Ay at fun sanya fag bale sungsungan nafatanud wa sas Use ka fag duwama. Ay nu glugo wa sanya nu masungsungan, 5sik yabi ka fag duwama nataginfanan. Ay wa kata at sadi at taginfanan ay anggan at masuwad. 6Ay balabag di, Use nanlag duwama, ay manlag di, mabaluwanan way. 7Ay Use nainto te, “Taw am sanya ay fakataun nangus e fagamatanganun dawdaw?” 8Ay ka fag duwama nabalus te, “Teway nataginfanan ami ay we mafafayamag emi at masuwad.”#40:8 Ebi, sis taw Iptu at ugali, taw galay nataginfanan ay gyasafulun at masuwad, kanya nanginto sas sik taw at ke nasafulan siginan at fagsegan. Ay kanya fag taw unu at mafafayamag at masuwad. Ay Use nabalus duwama te, “Diyus tuwa at mafafon fagsafulun sa sik taw laman mafafayamag sik taginfanan at masuwad. Nu masine di sa ayu, foyungi angku ay taginfanan.”
9-10Ay tagfosuk fun daul at fanginum glong te, “Si angku ku taginfanan, sadaw unu nalag aw sik wat ubas. Gsaranganan tulu. Ay inke sariksik mabilug. Ay rodi inrafad wan. Ay nus tuwa rodi gbuwadan wan. Ay rodi ngap at buwadan malesan wan. 11Ay sadaw ginanya igbitbitan kwan fun daul at faginuman. Ay narabas aw ubas buwadan ay naturis aw sas fun daul at faginuman. Ay nafon aw sas fun daul.”
12Ay Use nabalus te, “Katatuy am taginfanan at masuwad: Ka fag tuluk saranganan at masuwad, tuluk menit. 13Ay nut si wa bans fatuluk menit, fun daul muro yay ban emu ay fafoli yangay emu sa ebi am fagbulun. Ay igfosuk yay ban o gugat sas fun daul at fanginum. Katanya am taginfanan at masuwad. Katanya ban at kumgurungan. 14Ay dewa gina ban, o nu nalfas tuwo, amatangi tuwa angku. Dangay ban gfabayan angku nu ste aw sad bale sungsungan. Eti tuwa tam fun daul te, ‘Falfasi yangay kanya fag taw Ebriyu,’ laman gfalfas yangay angku ste ginan. 15Afanyui tuwa angku teway ebi intaban kway stiyes taw Iptu siginan ku fakadaulan fag talun. Ay katsi dewa aw ste sad bale sungsungan, roro dakdi e nafagbulun mauri kaduge aw stes talun Iptu.”
16Ay tagfatama fun daul at tinafay namatangan te, masine ngaro at usama taginfanan at masuwad. Ay nu katanya, kanya nainto sas Use te, “Ay tain manga si angku ku taginfanan at masuwad? Laman, sadaw unu gubanan aw tuluk baliswa gtudtungudan si ku tungud alfuyu ay e suwadan tinafay. 17Ay tiba tungud fag baliswa, at suwadan ku nafili wa fiya fiya at masine fag ngay tinafay ku fanfon tam fun daul. Ay kaduge aw gubanan, roro mangaro sik ngay manuk nasubuk sa ku baliswa ay igsinduk wa ayuwayu ku nafili fag ngay tinafay.”
18Ay Use nabalus sanya fag mangama te, “Katatuy am taginfanan at masuwad. Ka fag tuluk baliswa at masuwad, tuluk menit. 19Ay nut si wa bans fatuluk menit, fun daul gfalifung wa ban am liyug ay am bilug gfasuluy wa sa sik kayu maturuk. Ay sik ngay manuk umsubuk sam bilug ay suminduk wa gugat gugat emu. Katanya am taginfanan at masuwad. Katanya ban at kumgurungan.”
20Ay nut si was fatuluk menit, fun daul guseganan te, indasug yangay at fangasalug fag menit. Ay fagayu at ngay fun sirut sanya yangay, gfasfuwan at fun nu gfangon. Ay kaduge maful sanya, at fun daul nafasanya yangay ebi at tagtarabang at duwa, at sadi tagfosuk at fanginum ay at sadi tagfatama at tinafay. 21Ay at fun daul nafafoli tagfosuk at fanginum sa ebi ataw at fagbulun, laman gfosuk yangay sas fun daul at fanginum. 22Ay roro tagfatama at tinafay, fun daul nasugu te, “Fatei wan! Ay fasuluyi at bilug sa sik kayu maturuk!” Ay at ngay fanuguwan nafaning wa fiya fun daul at suguwan. Ay nu katanya in-gurungan wan Use at longan ebi ataw sa baliwas duwama taginfanan. 23Ay roro tagfosuk fanginum nafabayan wa Use si sad bale sungsungan. Wa natarabang te, laman anggan kanya malfas yangay.
ទើបបានជ្រើសរើសហើយ៖
Fagsigadan 40: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 40
40
Diyus nu Gfon Fagsafulun sas Use Laman Mafafayamag Duwama Taginfanan
1Ay bandi daw, duwak tagtarabang sas fun daul inke asalanan sa at fun. At sadi, tagfatama fun daul at tinafay, ay at sadi, tagfosuk fun daul at fanginum. 2Ay inke asalanan wayay, at fun daul mason nu kalimata ka fag duwama. 3Ay nafasungsung duwama sas bale sungsungan. Nafagamut sas Use fagmasungsunganan fag bale. Ay sanya fag bale sungsungan at fun, kanya yangay tagfangguna sa sangay tagbalabag at fun daul. 4Ay at fun sanya fag bale sungsungan nafatanud wa sas Use ka fag duwama. Ay nu glugo wa sanya nu masungsungan, 5sik yabi ka fag duwama nataginfanan. Ay wa kata at sadi at taginfanan ay anggan at masuwad. 6Ay balabag di, Use nanlag duwama, ay manlag di, mabaluwanan way. 7Ay Use nainto te, “Taw am sanya ay fakataun nangus e fagamatanganun dawdaw?” 8Ay ka fag duwama nabalus te, “Teway nataginfanan ami ay we mafafayamag emi at masuwad.”#40:8 Ebi, sis taw Iptu at ugali, taw galay nataginfanan ay gyasafulun at masuwad, kanya nanginto sas sik taw at ke nasafulan siginan at fagsegan. Ay kanya fag taw unu at mafafayamag at masuwad. Ay Use nabalus duwama te, “Diyus tuwa at mafafon fagsafulun sa sik taw laman mafafayamag sik taginfanan at masuwad. Nu masine di sa ayu, foyungi angku ay taginfanan.”
9-10Ay tagfosuk fun daul at fanginum glong te, “Si angku ku taginfanan, sadaw unu nalag aw sik wat ubas. Gsaranganan tulu. Ay inke sariksik mabilug. Ay rodi inrafad wan. Ay nus tuwa rodi gbuwadan wan. Ay rodi ngap at buwadan malesan wan. 11Ay sadaw ginanya igbitbitan kwan fun daul at faginuman. Ay narabas aw ubas buwadan ay naturis aw sas fun daul at faginuman. Ay nafon aw sas fun daul.”
12Ay Use nabalus te, “Katatuy am taginfanan at masuwad: Ka fag tuluk saranganan at masuwad, tuluk menit. 13Ay nut si wa bans fatuluk menit, fun daul muro yay ban emu ay fafoli yangay emu sa ebi am fagbulun. Ay igfosuk yay ban o gugat sas fun daul at fanginum. Katanya am taginfanan at masuwad. Katanya ban at kumgurungan. 14Ay dewa gina ban, o nu nalfas tuwo, amatangi tuwa angku. Dangay ban gfabayan angku nu ste aw sad bale sungsungan. Eti tuwa tam fun daul te, ‘Falfasi yangay kanya fag taw Ebriyu,’ laman gfalfas yangay angku ste ginan. 15Afanyui tuwa angku teway ebi intaban kway stiyes taw Iptu siginan ku fakadaulan fag talun. Ay katsi dewa aw ste sad bale sungsungan, roro dakdi e nafagbulun mauri kaduge aw stes talun Iptu.”
16Ay tagfatama fun daul at tinafay namatangan te, masine ngaro at usama taginfanan at masuwad. Ay nu katanya, kanya nainto sas Use te, “Ay tain manga si angku ku taginfanan at masuwad? Laman, sadaw unu gubanan aw tuluk baliswa gtudtungudan si ku tungud alfuyu ay e suwadan tinafay. 17Ay tiba tungud fag baliswa, at suwadan ku nafili wa fiya fiya at masine fag ngay tinafay ku fanfon tam fun daul. Ay kaduge aw gubanan, roro mangaro sik ngay manuk nasubuk sa ku baliswa ay igsinduk wa ayuwayu ku nafili fag ngay tinafay.”
18Ay Use nabalus sanya fag mangama te, “Katatuy am taginfanan at masuwad. Ka fag tuluk baliswa at masuwad, tuluk menit. 19Ay nut si wa bans fatuluk menit, fun daul gfalifung wa ban am liyug ay am bilug gfasuluy wa sa sik kayu maturuk. Ay sik ngay manuk umsubuk sam bilug ay suminduk wa gugat gugat emu. Katanya am taginfanan at masuwad. Katanya ban at kumgurungan.”
20Ay nut si was fatuluk menit, fun daul guseganan te, indasug yangay at fangasalug fag menit. Ay fagayu at ngay fun sirut sanya yangay, gfasfuwan at fun nu gfangon. Ay kaduge maful sanya, at fun daul nafasanya yangay ebi at tagtarabang at duwa, at sadi tagfosuk at fanginum ay at sadi tagfatama at tinafay. 21Ay at fun daul nafafoli tagfosuk at fanginum sa ebi ataw at fagbulun, laman gfosuk yangay sas fun daul at fanginum. 22Ay roro tagfatama at tinafay, fun daul nasugu te, “Fatei wan! Ay fasuluyi at bilug sa sik kayu maturuk!” Ay at ngay fanuguwan nafaning wa fiya fun daul at suguwan. Ay nu katanya in-gurungan wan Use at longan ebi ataw sa baliwas duwama taginfanan. 23Ay roro tagfosuk fanginum nafabayan wa Use si sad bale sungsungan. Wa natarabang te, laman anggan kanya malfas yangay.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines