Fagsigadan 35
35
Akub nu Kafoli sa Ebi at Faglagan Diyus
1Ay bandi ataw, Diyus naelongan sas Akub. Glong te, “Aw wan Diyus. Aw wan ebi at kinsure gina o nalagyu am kaka. Ay katsi glong aw emu te, loi wan ste ginan. Alini wa sas Betel. Ay nu ndasug wo sanya, fauseganani angku. Awati sik fagbatasan, ay batasi sanya am ngay famanyun sa angku.” Katanya Diyus longan sas Akub.
2Ay Akub nu nadungug, kanya glong sat ngay talnayan ay sat ufud fag ngay taw te, “Katsi fafuli wan ay ngay fagsegan. Ay kanya, nangukas watam ayuwayu. Ay rodi, famasadani wa ayu, laman mafauseganan tuwam tam Diyus. Ay tubusi ay ngay falefe fagayu. 3Fakatanyaun, galoun watam ste ginan. Lumo wa ban tam sas Betel. Ay nu sanya wa ban tam, nangawat aw sik fagbatasan famanyun, ay nanfauseganan tam tam Diyus. Fakatanyaun tam fagbulun, teway tam Diyus wan at natarabang angku ebi gina aw dawdaw gatakan. Kanya yangay at naufud angku sas fagayu ku fagloan. Nu katanya, nanfauseganan tam anya.” Katanya Akub at longan sat ngay iba. 4Ay at ngay iba gfaning tuwa. Nafaful wa fiya at ngay fagsegan ay at ngay fanalinga. Ay nafon sas Akub.
Ay Akub at fagbulun, naali sa sik daga fun kayu daul, sanya sis day fulan Sikim. Ay tiba nafon fag ngay fagsegan ay fag ngay fanalinga, Akub nalubgub wan. 5Ay nu katanya wan, Akub fag fulan naalin wan sanya ginan. Ay gina glo sangaba dalan, dewa ngayuk fulan at nadalan, di e nafabarangyan anya. At ngay taw sit nadalan fag ngay fulan kalimu way igfabarangyan Akub fag fulan, teway Akub fagsegan fag Diyus nafalimuwanan sanya fag ngay taw dan.
6Ay Akub fag fulan indasug wa fiya sas Betel. Ginanya, sanya at ngay taw nu gngayan Betel, anyay Lus. Ay kanya Betel, talun Kanaan yay gugat at balyu. 7Ay Akub nu sanya wan, kawat wa sik fagbatasan. Nabul sik ngay batu. Nafataladan ay nafatudtungudan tiba. Ay sanyat tungud nu gbatas at ngay famanyun sas Yawi. Ay Akub nafangayan kanya fag lungud talun te, El-Betel.#35:7 Sis Fangebriyu, galay glong te, El-Betel, at masuwad, Diyus sis Betel. Fakatanyaun at ngayan, teway sanya Diyus nu kasure sas Akub ebi gina Akub glagyu at kaka.
8Ay roro mangaro ebi ginan, Akub fag fulan e ufud tuwa sik fufuyna at ngayan Dibura. Kanya ebi at naamato Akub tina. Ay kanya inkate wan sanya sis Betel. Ay tiba nasandig wa anya sas lod fulan Betel, sa sik daga fun kayu daul. Kanya fag kayu, nafangayan te, Alun-Bakut.#35:8 Sis Fangebriyu, galay glong te, Alun-Bakut, at masuwad, at taw nananguyway sanya sas daga fun kayu daul.
9Ay Akub gina sanyas Betel, Diyus insure sa anya. Ay glong sik ngay elongan masine sas Akub. 10Taguna at nalong at masine, nafabali Akub ngayan. Nalong te, “Katsi ban am ngayan bundi Akub. Antuwa Israel.” Nu katanya, Akub ngayan, Israel wan.
11Ay Diyus igfatunglus yay nu glong sik masine fag ngay longan sas Akub. Diyus glong te, “Aw wan at Tiba Tungud. Ay katsi glong aw emu te, am fag talanan, aayui wa ayuwayu. Ay glong kyangay emu te, am ngay fufu ban sat dagat daga umkayu wa dawdaw, anggan wa umsik ngay fulan taw ayuwayu. Ay tiba ban am unga ay am fufu sat dagat daga sik madaragang tuwa fag ngay fun. 12Ay am ngay fufu wa ban sat dagat daga tagdagaan ste fag talun. Ebi nalong kwa sa am fufuwama, te at ngay fufu sat dagat daga tagdagaan ste fag talun. Nalong kyangay anggan sam mama. Ay katsi, anggan si emu nalong kyangay.” Katanya Diyus at longan sas Akub.
13Ay Diyus nu ntabu wa nu gelongan, infalyu wan. 14Ay Akub at fagbulun, nabul sik batu daul. Ay nafaturuk, laman ban sik famaamatang anya, te sanya fag lungud Diyus nu kasure sa anya. Ay kanya nabul yangay sik mamam ay sik bantika. Ay nabusbus sanya fag batu. Fakatanyaun Akub at fagbulun, igfaagbilug sas Yawi kanya fag batu. 15Ay Akub nafangayan sanya fag lungud sis Diyus fagfasulitanan anya te, “Ste fag lungud at ngayan, Betel wa fiya.” #35:15 Sis Fangebriyu, galay glong te, Betel, at masuwad, Diyus bale.
Rakel nu Kate
16Ay Akub fag fulan nu gbanwan wa gugat sis Betel, bandi ataw naalin wan. Nalo wa sa sik ngabak dalan tagsas fulan Efrat. Ay ginanya, Rakel gfafiyon. Ay kaduge gugat glo, Rakel gamatang wan. Ay sanya was day dalan nu gfasalug at ngenge, sis day fulan Efrat. Ay roro Rakel mason wa dawdaw nu gatakan. 17Ay nu kaugat wa dawdaw nu gatakan, at tagtarabang anya nu gfasalug nanfabitsug at amatanganan. Glong te, “Useganani. Am ngenge sik ama yay fiya.” 18Ay roro Rakel gakateun wan ginanya. Ay dewa katanya, nalong yay at fakaumsigun at ngenge ngayan. Ben-Uni, at naumsigan at ngayan.#35:18 Sis Fangebriyu, galay glong te, Ben-Uni, at masuwad, ku natakan ku unga. Ay nu at tama wan, nafabali yay at Ben-Uni ngayan. Antuwa Benamin.#35:18 Sis Fangebriyu, galay glong te, Benamin, at masuwad, ku unga sa ku siyun baliwa. Taw Ebriyu galay nalong te ku siyun, kanya masine tuwa, teway kanya at magong fag take. 19-20Ay Rakel nu nafangayan wa at ngenge, kanya inkate wan. Ay tiba nasandig wa anya sas day dalan tagsas fulan Iprat. Ay sanya sit ke fagsandigan, Akub nafaturuk sik batu. Kanya wan tagfaamatang Akub te, sanya at mangena Rakel nu masandigan. Ay anggan katsi kanya fag batu maturuk yay gugat sanya. Ay katsi at ngay taw nu gngayan sanya fag fulan Eprat, Betleem wan.
21Ay Akub fag fulan nu ntabu wan nu gsandig Rakel, nalo wan sanya ginan. Ay nu glo, nalangfe wan Migdal-Idir fag lungud talun. Ay nu nalangfe wa sanya fag lungud, Akub fag fulan nabul at fangawat at bale at naubanan siginan ku dayu. Ay kawat yangay sanya. 22Ay nu gbanwan wa gugat sanya, Akub baguwama turungana natsa Akub mangena at sadi, at ngayan Bila. Ay tiba nafoyung sas Akub te “Katanya way am turungana at nafagbulun.”
Akub at ngay Unga Tagsik Ama
(1 Kru. 2:1-2)
Akub at ngay unga tagsik ama, nu fagayu wan, labi duwa.
23Akub e unga unumk ama sit mangena Liya. At turungana, Rubin. Ay at ngay ariyan, Simyun, Lebi, Uda, Isakar, ay Sibulun.
24Ay Akub e unga yangay duwak ama sit mangena Rakel. At ngayan, Use ay Benamin.
25Ay kanya Rakel e fanuguwan at ngayan Bila. Ay kanya Akub yangay mangena. Ay sanya fag fanuguwan, Akub e unga yangay duwak ama. At ngayan, Dan ay Naptali.
26Ay Liya e fanuguwan yangay, at ngayan Silpa. Ay kanya Akub yangay mangena. Ay sanya fag fanuguwan, Akub e unga yangay duwak ama. At ngayan, Gad ay Asir.
Kayunya Akub at ngay unga tagsik ama, nu fagayu wan. Ay kanya fagayu nu kasalug, sis talun Padan-Aram, dasday Benamin.
Isaak nu Kate
27Bandi Akub fag fulan naalin wan siginan at fagbanwanan. Sa was Mamri. Inful at tama Isaak. Sanya yangay anggan at fufuwama nu gbanwan ebi ataw, sanya yangays Mamri. Kanya fag Mamri, e ngayan yay duwa. At sadi, Kiryat-Arba. Ay at sadi, Kebrun.
28Ay Isaak at banwa nu anwa 180, 29kanya inkate wan. Nalugo tuwa kanya nu gbanwan. Ay Isaak nu nkate wan, at nasandig anya, at duwa baguwama, Akub ay Isaw.
ទើបបានជ្រើសរើសហើយ៖
Fagsigadan 35: TAWEAST
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagsigadan 35
35
Akub nu Kafoli sa Ebi at Faglagan Diyus
1Ay bandi ataw, Diyus naelongan sas Akub. Glong te, “Aw wan Diyus. Aw wan ebi at kinsure gina o nalagyu am kaka. Ay katsi glong aw emu te, loi wan ste ginan. Alini wa sas Betel. Ay nu ndasug wo sanya, fauseganani angku. Awati sik fagbatasan, ay batasi sanya am ngay famanyun sa angku.” Katanya Diyus longan sas Akub.
2Ay Akub nu nadungug, kanya glong sat ngay talnayan ay sat ufud fag ngay taw te, “Katsi fafuli wan ay ngay fagsegan. Ay kanya, nangukas watam ayuwayu. Ay rodi, famasadani wa ayu, laman mafauseganan tuwam tam Diyus. Ay tubusi ay ngay falefe fagayu. 3Fakatanyaun, galoun watam ste ginan. Lumo wa ban tam sas Betel. Ay nu sanya wa ban tam, nangawat aw sik fagbatasan famanyun, ay nanfauseganan tam tam Diyus. Fakatanyaun tam fagbulun, teway tam Diyus wan at natarabang angku ebi gina aw dawdaw gatakan. Kanya yangay at naufud angku sas fagayu ku fagloan. Nu katanya, nanfauseganan tam anya.” Katanya Akub at longan sat ngay iba. 4Ay at ngay iba gfaning tuwa. Nafaful wa fiya at ngay fagsegan ay at ngay fanalinga. Ay nafon sas Akub.
Ay Akub at fagbulun, naali sa sik daga fun kayu daul, sanya sis day fulan Sikim. Ay tiba nafon fag ngay fagsegan ay fag ngay fanalinga, Akub nalubgub wan. 5Ay nu katanya wan, Akub fag fulan naalin wan sanya ginan. Ay gina glo sangaba dalan, dewa ngayuk fulan at nadalan, di e nafabarangyan anya. At ngay taw sit nadalan fag ngay fulan kalimu way igfabarangyan Akub fag fulan, teway Akub fagsegan fag Diyus nafalimuwanan sanya fag ngay taw dan.
6Ay Akub fag fulan indasug wa fiya sas Betel. Ginanya, sanya at ngay taw nu gngayan Betel, anyay Lus. Ay kanya Betel, talun Kanaan yay gugat at balyu. 7Ay Akub nu sanya wan, kawat wa sik fagbatasan. Nabul sik ngay batu. Nafataladan ay nafatudtungudan tiba. Ay sanyat tungud nu gbatas at ngay famanyun sas Yawi. Ay Akub nafangayan kanya fag lungud talun te, El-Betel.#35:7 Sis Fangebriyu, galay glong te, El-Betel, at masuwad, Diyus sis Betel. Fakatanyaun at ngayan, teway sanya Diyus nu kasure sas Akub ebi gina Akub glagyu at kaka.
8Ay roro mangaro ebi ginan, Akub fag fulan e ufud tuwa sik fufuyna at ngayan Dibura. Kanya ebi at naamato Akub tina. Ay kanya inkate wan sanya sis Betel. Ay tiba nasandig wa anya sas lod fulan Betel, sa sik daga fun kayu daul. Kanya fag kayu, nafangayan te, Alun-Bakut.#35:8 Sis Fangebriyu, galay glong te, Alun-Bakut, at masuwad, at taw nananguyway sanya sas daga fun kayu daul.
9Ay Akub gina sanyas Betel, Diyus insure sa anya. Ay glong sik ngay elongan masine sas Akub. 10Taguna at nalong at masine, nafabali Akub ngayan. Nalong te, “Katsi ban am ngayan bundi Akub. Antuwa Israel.” Nu katanya, Akub ngayan, Israel wan.
11Ay Diyus igfatunglus yay nu glong sik masine fag ngay longan sas Akub. Diyus glong te, “Aw wan at Tiba Tungud. Ay katsi glong aw emu te, am fag talanan, aayui wa ayuwayu. Ay glong kyangay emu te, am ngay fufu ban sat dagat daga umkayu wa dawdaw, anggan wa umsik ngay fulan taw ayuwayu. Ay tiba ban am unga ay am fufu sat dagat daga sik madaragang tuwa fag ngay fun. 12Ay am ngay fufu wa ban sat dagat daga tagdagaan ste fag talun. Ebi nalong kwa sa am fufuwama, te at ngay fufu sat dagat daga tagdagaan ste fag talun. Nalong kyangay anggan sam mama. Ay katsi, anggan si emu nalong kyangay.” Katanya Diyus at longan sas Akub.
13Ay Diyus nu ntabu wa nu gelongan, infalyu wan. 14Ay Akub at fagbulun, nabul sik batu daul. Ay nafaturuk, laman ban sik famaamatang anya, te sanya fag lungud Diyus nu kasure sa anya. Ay kanya nabul yangay sik mamam ay sik bantika. Ay nabusbus sanya fag batu. Fakatanyaun Akub at fagbulun, igfaagbilug sas Yawi kanya fag batu. 15Ay Akub nafangayan sanya fag lungud sis Diyus fagfasulitanan anya te, “Ste fag lungud at ngayan, Betel wa fiya.” #35:15 Sis Fangebriyu, galay glong te, Betel, at masuwad, Diyus bale.
Rakel nu Kate
16Ay Akub fag fulan nu gbanwan wa gugat sis Betel, bandi ataw naalin wan. Nalo wa sa sik ngabak dalan tagsas fulan Efrat. Ay ginanya, Rakel gfafiyon. Ay kaduge gugat glo, Rakel gamatang wan. Ay sanya was day dalan nu gfasalug at ngenge, sis day fulan Efrat. Ay roro Rakel mason wa dawdaw nu gatakan. 17Ay nu kaugat wa dawdaw nu gatakan, at tagtarabang anya nu gfasalug nanfabitsug at amatanganan. Glong te, “Useganani. Am ngenge sik ama yay fiya.” 18Ay roro Rakel gakateun wan ginanya. Ay dewa katanya, nalong yay at fakaumsigun at ngenge ngayan. Ben-Uni, at naumsigan at ngayan.#35:18 Sis Fangebriyu, galay glong te, Ben-Uni, at masuwad, ku natakan ku unga. Ay nu at tama wan, nafabali yay at Ben-Uni ngayan. Antuwa Benamin.#35:18 Sis Fangebriyu, galay glong te, Benamin, at masuwad, ku unga sa ku siyun baliwa. Taw Ebriyu galay nalong te ku siyun, kanya masine tuwa, teway kanya at magong fag take. 19-20Ay Rakel nu nafangayan wa at ngenge, kanya inkate wan. Ay tiba nasandig wa anya sas day dalan tagsas fulan Iprat. Ay sanya sit ke fagsandigan, Akub nafaturuk sik batu. Kanya wan tagfaamatang Akub te, sanya at mangena Rakel nu masandigan. Ay anggan katsi kanya fag batu maturuk yay gugat sanya. Ay katsi at ngay taw nu gngayan sanya fag fulan Eprat, Betleem wan.
21Ay Akub fag fulan nu ntabu wan nu gsandig Rakel, nalo wan sanya ginan. Ay nu glo, nalangfe wan Migdal-Idir fag lungud talun. Ay nu nalangfe wa sanya fag lungud, Akub fag fulan nabul at fangawat at bale at naubanan siginan ku dayu. Ay kawat yangay sanya. 22Ay nu gbanwan wa gugat sanya, Akub baguwama turungana natsa Akub mangena at sadi, at ngayan Bila. Ay tiba nafoyung sas Akub te “Katanya way am turungana at nafagbulun.”
Akub at ngay Unga Tagsik Ama
(1 Kru. 2:1-2)
Akub at ngay unga tagsik ama, nu fagayu wan, labi duwa.
23Akub e unga unumk ama sit mangena Liya. At turungana, Rubin. Ay at ngay ariyan, Simyun, Lebi, Uda, Isakar, ay Sibulun.
24Ay Akub e unga yangay duwak ama sit mangena Rakel. At ngayan, Use ay Benamin.
25Ay kanya Rakel e fanuguwan at ngayan Bila. Ay kanya Akub yangay mangena. Ay sanya fag fanuguwan, Akub e unga yangay duwak ama. At ngayan, Dan ay Naptali.
26Ay Liya e fanuguwan yangay, at ngayan Silpa. Ay kanya Akub yangay mangena. Ay sanya fag fanuguwan, Akub e unga yangay duwak ama. At ngayan, Gad ay Asir.
Kayunya Akub at ngay unga tagsik ama, nu fagayu wan. Ay kanya fagayu nu kasalug, sis talun Padan-Aram, dasday Benamin.
Isaak nu Kate
27Bandi Akub fag fulan naalin wan siginan at fagbanwanan. Sa was Mamri. Inful at tama Isaak. Sanya yangay anggan at fufuwama nu gbanwan ebi ataw, sanya yangays Mamri. Kanya fag Mamri, e ngayan yay duwa. At sadi, Kiryat-Arba. Ay at sadi, Kebrun.
28Ay Isaak at banwa nu anwa 180, 29kanya inkate wan. Nalugo tuwa kanya nu gbanwan. Ay Isaak nu nkate wan, at nasandig anya, at duwa baguwama, Akub ay Isaw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines