Fagbulun 27
27
E Nataban Pablu sas Talun Ruma
1Ay bandi nu nsadi wa te, gfalo wemi sas talun Italya, nafatanud yay sas Ulyu Pablu ay anggan tibak masungsungan. Ulyu sik fun sundalu, ay at fagfanggunaun fag ngay sundalu at ngayan “Sik ngay sundalu siginans talun Italya.” 2Ay sanya sis Sesaria e sik balutu siginans fulan Adramitiyu, ay galoun wa sa sangay fakatungkudan sas tigyangan dagat sas talun Asia. Ay nasakay wami sanya. Ay em ufud at sadi at ngayan Aristarku, sik taw Tesalunika sis Masidunya fag talun. 3Ay balabag di, nadalan ami sas fulan Sidun. Ay sanya Ulyu kafanyu tuwa Pablu. Ay kanya di gsalag nu nansibo sa at ngay fagwes laman gfon anya at ngay fagayudanun. 4Ay sanya ginan fag fulan nalo wami, ay nu gsakay ami si way sangaba day furu Sipre, sat yud matagmara. 5Ay nadife wami dagat sis talun Silisya ay talun Famfilia, ay indasug wami sas fulan Mira sis Lisya fag talun. 6Ay Ulyu nalag sanya sik balutu siginans fulan Aleandria taglo ro sas Italya, ay nafasakay wemi sanya.
7Ay maran way ka fag balutu nu galafang, ngayu wak menit. Ay glugo wan nu kadasug ami sas fulan Gnidu, teway tagmara gfablang wayay em balutu. Ay nasaruyan wami sas day furu Kreta, tagdingding emi siginans tagmara. Ay nalangfe wami at butudan muyud Salmun. 8Ay gatakan wami nu gfalafang ami em balutu sanya sangaba tigyangan dagat. Ay bandi ndasug wami sa sik fulan at ngayan te, Masine fag Fakatungkudan. Sanya makbang fulan Lasea.
9Ay glugo wan nu sanya ami sis Lasea ay nasudan ami at mafurat fag ngay lungud menit nu gfalafang em balutu, anway inlangfe wan ka fag fagmafulun sa baliwa nu gfe lungud gyud gfangon laman gdarangin. Ay Pablu matvngvd nu glong sa em kaiban te, 10“Mangamam, nu gfasad aw, nu tumunglus way tam, ngayu ban at kumrasras ay at kumfangulan. Ay bunwa tam fangubaun ay tam balutu fagtvngvd, manga wa itam.” 11Ay roro at fun sundalu at fagdunguganun sa way at fun tagfaalafang at balutu ay manga sa way at tagbilug at balutu. Ay yaya sas Pablu. 12Ay roro sanya wa masine fakatungkudan balutu anway ginanya fag lungud menit mafurat way. Ay nu katanya, em ngay iba ngayu wan tagaloun. Ay gamatangan ami te, umdasug nangus ami sas fulan Fenis sis Kreta fag furu, ay sanya yay ginanya fag lungud menit kaduge mafurat. Anway sanya e masine fag fakatungkudan balutu dewa e bagyu.
Sik Magong fag Bagyu
13Ay siginan siyun baliwa fag tigyangan igtagmara aba sirut, ay em ufud sis balutu gamatangan te, masine tuwa ro nu glo ami. Ay rodi naguyud at famatawad at balutu. Ay nu gfaalafang makbang way sa sangaba tigyangan dagat sas furu Kreta. 14Ay rodi tv ndasug sik magong fag bagyu siginans wala baliwa fag tigyangan, siginans buwid furu Kreta. 15Ay ka fag bagyu natulud em balutu sas wabilug dagat. Ay at ngay tagfaleleg balutu nanfabulun yama sat fasadan. Yaya, wa mafafatsanya. Ay em balutu kaalo way nus nganday at lumbak. 16Ay bandi ndasug wami sa sik day furu sirut Kauda ay sanya gdingding yay sirut emi. Ay rodi matvngvd nu gurug ami em balutu sirut siginan sasad dagat. 17Ay nafasakbo ami sa em basad balutu daul. Ay at ngay tagfaleleg balutu nasalod sik lubid daul sa em balutu daul, laman di mrasras. Ay kanya gafanawa te, mandasug sa sik takalubuk fag lagnas at ngayan te, Libya. Ay nu katanya, at ngay tagfaleleg balutu nabul wa at falefe siginans turuk. Ay at bagyu nafalo yay em balutu. 18Ay balabag di, at bagyu mason yangay nu gfaintubian em balutu. Ay nu katanya, at ngay tagfaleleg balutu gfasigad wa kukas at ngay fangubaun sasad dagat. 19Ay sit dayu fag menit, naukas yangay fiya balutu at ngay balyu ayu sirut. 20Ay glugo wan nu gyud ami glag at menit ay anggan at ngay galeme, anway gbagyu wayay gugat. Ay wami e fagsegun te, umlangfe ami.
21Ay glugo wan ngay taw nu gyud gfangon. Ay Pablu nlindug ay nalong te, “Mangamam, nu nafaning di am ebi ku longan te, ‘Agi yap tam glo siginans furu Kreta,’ satu ro di tam gatakan ay di e nfangulan. 22Ay katsi glong aw ayu te, fatvngvdi tuwa ay amatanganan, teway di ban am umkate. Tam balutu way at kumrasras. 23Anway aro sad yabi Diyus at tagfabarita at sadi nlindug wa si ku akbang. Diyus ku fagsegan ay ku fagfaningan. 24Ay at tagfabarita nalong angku te, ‘Pablu, lag kalimu. Salubangi wa ban fiya sas talun Ruma at fun fiya fiya. Ay Diyus wa ro tagtarabang emu te, laman fagayu am ngay ufud stiye sas balutu gleleg tuwa.’ 25Nu katanya, fatvngvdi ay amatanganan, anway gafanud akwa sas Diyus te, umgurungan wa fiya fagayu at longan sa angku. 26Ay umdasug ban tam sa sik furu.”
27Ay nu nlangfe wa 14k yabi, em balutu gurayo way fagtvngvd sa sangaba dagat Adriatiku. Ay gina swa bilug yabi, at ngay tagfaleleg balutu nu gfasad, gakakbangun wa sas tigyangan dagat. 28Ay kanya nafaskud te, go si abasad at dagat. Ay roro at kabasadan 20 yak dufa. Ay nafanya yay sik kadugayun, ay rodi at kabasadan 15 wayk dufa. 29Fakatanyaun gafanawa te, mantuktuk sa sik batu daul. Ay kanya nafatong wa ufat famatawad balutu si at iyug. Ay kanya gdarangin te, “Mafalii wa nangus nu kamenit.” 30Ay ginanya at ngay tagfaleleg balutu kaumsig wa nangalfas siginan at balutu. Ay kanya gfadaga wa at balutu sirut sasad dagat. Ay nafanluk sa tiba te, “E famatawad wami sas balutu daul at dungus.” 31Ay Pablu nalong sas fun sundalu ay anggan sat ngay sundalu te, “Kanya fag ngay taw nu dway ro stiye fag balutu, wa ro tam e mlangfe.” 32Ay rodi at ngay sundalu nalifung wa at balutu sirut at lubid, laman murayo wa umyayu yud e taw.
33Ay nu gakamenitun wan, Pablu nafabitsug ka fag ngay taw at amatanganan ay glong te, “Oni yap, teway katsi 14 wak menit nu mafanawan am yud gfangon.” 34Katanya ku fagnafabitsugun ay amatanganan ku fagnalongun te, “Fangoni yap laman mabitsug tuwam ay di am umkate.” 35Ay Pablu nu nalong wa katanya, nabul yay sik tinafay ay nauseganan sas Diyus sa ka fag ngay taw akbang. Ay kanya nafanramyukan ay gfasigad wa kon. 36Ay nu katanya nbitsug ka fag ngay taw at amatanganan ay kon wan. 37Ay em kayuwan sis balutu, 276k taw. 38Ay at ngay taw nu napsug wan, naukas wa at ngay ba fare sasad dagat laman at balutu umkagan.
At Balutu Nrasras wan
39Ay gina nmenit, at ngay tagfaleleg balutu wa nasaful te, inda ami fagwaya.#27:39 inda ami fagwaya: Sis Faniganun, kung saan kaming lugar. Dewa katanya, kanya nabantay sik tigyangan masine at lagnas sanya fag suluk dagat. Ay kaumsig gananfatungkudun sanya at balutu. 40Ay kanya naluwas wa at ngay famatawad balutu at lubid ay nafamato wa sasad dagat. Ay naluwas at lubid siginan at famaturunanan at balutu. Ay narafad at falefe sat balutu at dungus laman at tagmara gfaalafang wan, laman umdasug ro sas tigyangan. 41Ay roro at balutu nadalan wayay sa sik buknga lumbak. Ay at dungus intungkud sa sik lagnas sasad dagat ngabasad. Ay at lumbak igfalelegan way at iyug ay karasras wan.
42Ay sanya sad balutu at ngay sundalu gananfateun at kinsungsung, laman wa nanfiyo sas tigyangan dagat ay malfas. 43Ay at fun sundalu di kaumsig nu e gfate Pablu. Ay nu katanya, gsalag yay at ngay sundalu at fasadan. Ay kanya nasugu sa tagsaful gfiyo laman nan-guna tiba nu nangadaga sasad dagat laman nangadasug sas tigyangan. 44Ay at sawad tagsis balutu nabul yay at balutu nakarasrasan laman rodi di mlubgub gina ro sas tigyangan. Ay nu katanya, fagayu taw nalfas wa siginans balutu ay indasug wa sas tigyangan.
ទើបបានជ្រើសរើសហើយ៖
Fagbulun 27: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 27
27
E Nataban Pablu sas Talun Ruma
1Ay bandi nu nsadi wa te, gfalo wemi sas talun Italya, nafatanud yay sas Ulyu Pablu ay anggan tibak masungsungan. Ulyu sik fun sundalu, ay at fagfanggunaun fag ngay sundalu at ngayan “Sik ngay sundalu siginans talun Italya.” 2Ay sanya sis Sesaria e sik balutu siginans fulan Adramitiyu, ay galoun wa sa sangay fakatungkudan sas tigyangan dagat sas talun Asia. Ay nasakay wami sanya. Ay em ufud at sadi at ngayan Aristarku, sik taw Tesalunika sis Masidunya fag talun. 3Ay balabag di, nadalan ami sas fulan Sidun. Ay sanya Ulyu kafanyu tuwa Pablu. Ay kanya di gsalag nu nansibo sa at ngay fagwes laman gfon anya at ngay fagayudanun. 4Ay sanya ginan fag fulan nalo wami, ay nu gsakay ami si way sangaba day furu Sipre, sat yud matagmara. 5Ay nadife wami dagat sis talun Silisya ay talun Famfilia, ay indasug wami sas fulan Mira sis Lisya fag talun. 6Ay Ulyu nalag sanya sik balutu siginans fulan Aleandria taglo ro sas Italya, ay nafasakay wemi sanya.
7Ay maran way ka fag balutu nu galafang, ngayu wak menit. Ay glugo wan nu kadasug ami sas fulan Gnidu, teway tagmara gfablang wayay em balutu. Ay nasaruyan wami sas day furu Kreta, tagdingding emi siginans tagmara. Ay nalangfe wami at butudan muyud Salmun. 8Ay gatakan wami nu gfalafang ami em balutu sanya sangaba tigyangan dagat. Ay bandi ndasug wami sa sik fulan at ngayan te, Masine fag Fakatungkudan. Sanya makbang fulan Lasea.
9Ay glugo wan nu sanya ami sis Lasea ay nasudan ami at mafurat fag ngay lungud menit nu gfalafang em balutu, anway inlangfe wan ka fag fagmafulun sa baliwa nu gfe lungud gyud gfangon laman gdarangin. Ay Pablu matvngvd nu glong sa em kaiban te, 10“Mangamam, nu gfasad aw, nu tumunglus way tam, ngayu ban at kumrasras ay at kumfangulan. Ay bunwa tam fangubaun ay tam balutu fagtvngvd, manga wa itam.” 11Ay roro at fun sundalu at fagdunguganun sa way at fun tagfaalafang at balutu ay manga sa way at tagbilug at balutu. Ay yaya sas Pablu. 12Ay roro sanya wa masine fakatungkudan balutu anway ginanya fag lungud menit mafurat way. Ay nu katanya, em ngay iba ngayu wan tagaloun. Ay gamatangan ami te, umdasug nangus ami sas fulan Fenis sis Kreta fag furu, ay sanya yay ginanya fag lungud menit kaduge mafurat. Anway sanya e masine fag fakatungkudan balutu dewa e bagyu.
Sik Magong fag Bagyu
13Ay siginan siyun baliwa fag tigyangan igtagmara aba sirut, ay em ufud sis balutu gamatangan te, masine tuwa ro nu glo ami. Ay rodi naguyud at famatawad at balutu. Ay nu gfaalafang makbang way sa sangaba tigyangan dagat sas furu Kreta. 14Ay rodi tv ndasug sik magong fag bagyu siginans wala baliwa fag tigyangan, siginans buwid furu Kreta. 15Ay ka fag bagyu natulud em balutu sas wabilug dagat. Ay at ngay tagfaleleg balutu nanfabulun yama sat fasadan. Yaya, wa mafafatsanya. Ay em balutu kaalo way nus nganday at lumbak. 16Ay bandi ndasug wami sa sik day furu sirut Kauda ay sanya gdingding yay sirut emi. Ay rodi matvngvd nu gurug ami em balutu sirut siginan sasad dagat. 17Ay nafasakbo ami sa em basad balutu daul. Ay at ngay tagfaleleg balutu nasalod sik lubid daul sa em balutu daul, laman di mrasras. Ay kanya gafanawa te, mandasug sa sik takalubuk fag lagnas at ngayan te, Libya. Ay nu katanya, at ngay tagfaleleg balutu nabul wa at falefe siginans turuk. Ay at bagyu nafalo yay em balutu. 18Ay balabag di, at bagyu mason yangay nu gfaintubian em balutu. Ay nu katanya, at ngay tagfaleleg balutu gfasigad wa kukas at ngay fangubaun sasad dagat. 19Ay sit dayu fag menit, naukas yangay fiya balutu at ngay balyu ayu sirut. 20Ay glugo wan nu gyud ami glag at menit ay anggan at ngay galeme, anway gbagyu wayay gugat. Ay wami e fagsegun te, umlangfe ami.
21Ay glugo wan ngay taw nu gyud gfangon. Ay Pablu nlindug ay nalong te, “Mangamam, nu nafaning di am ebi ku longan te, ‘Agi yap tam glo siginans furu Kreta,’ satu ro di tam gatakan ay di e nfangulan. 22Ay katsi glong aw ayu te, fatvngvdi tuwa ay amatanganan, teway di ban am umkate. Tam balutu way at kumrasras. 23Anway aro sad yabi Diyus at tagfabarita at sadi nlindug wa si ku akbang. Diyus ku fagsegan ay ku fagfaningan. 24Ay at tagfabarita nalong angku te, ‘Pablu, lag kalimu. Salubangi wa ban fiya sas talun Ruma at fun fiya fiya. Ay Diyus wa ro tagtarabang emu te, laman fagayu am ngay ufud stiye sas balutu gleleg tuwa.’ 25Nu katanya, fatvngvdi ay amatanganan, anway gafanud akwa sas Diyus te, umgurungan wa fiya fagayu at longan sa angku. 26Ay umdasug ban tam sa sik furu.”
27Ay nu nlangfe wa 14k yabi, em balutu gurayo way fagtvngvd sa sangaba dagat Adriatiku. Ay gina swa bilug yabi, at ngay tagfaleleg balutu nu gfasad, gakakbangun wa sas tigyangan dagat. 28Ay kanya nafaskud te, go si abasad at dagat. Ay roro at kabasadan 20 yak dufa. Ay nafanya yay sik kadugayun, ay rodi at kabasadan 15 wayk dufa. 29Fakatanyaun gafanawa te, mantuktuk sa sik batu daul. Ay kanya nafatong wa ufat famatawad balutu si at iyug. Ay kanya gdarangin te, “Mafalii wa nangus nu kamenit.” 30Ay ginanya at ngay tagfaleleg balutu kaumsig wa nangalfas siginan at balutu. Ay kanya gfadaga wa at balutu sirut sasad dagat. Ay nafanluk sa tiba te, “E famatawad wami sas balutu daul at dungus.” 31Ay Pablu nalong sas fun sundalu ay anggan sat ngay sundalu te, “Kanya fag ngay taw nu dway ro stiye fag balutu, wa ro tam e mlangfe.” 32Ay rodi at ngay sundalu nalifung wa at balutu sirut at lubid, laman murayo wa umyayu yud e taw.
33Ay nu gakamenitun wan, Pablu nafabitsug ka fag ngay taw at amatanganan ay glong te, “Oni yap, teway katsi 14 wak menit nu mafanawan am yud gfangon.” 34Katanya ku fagnafabitsugun ay amatanganan ku fagnalongun te, “Fangoni yap laman mabitsug tuwam ay di am umkate.” 35Ay Pablu nu nalong wa katanya, nabul yay sik tinafay ay nauseganan sas Diyus sa ka fag ngay taw akbang. Ay kanya nafanramyukan ay gfasigad wa kon. 36Ay nu katanya nbitsug ka fag ngay taw at amatanganan ay kon wan. 37Ay em kayuwan sis balutu, 276k taw. 38Ay at ngay taw nu napsug wan, naukas wa at ngay ba fare sasad dagat laman at balutu umkagan.
At Balutu Nrasras wan
39Ay gina nmenit, at ngay tagfaleleg balutu wa nasaful te, inda ami fagwaya.#27:39 inda ami fagwaya: Sis Faniganun, kung saan kaming lugar. Dewa katanya, kanya nabantay sik tigyangan masine at lagnas sanya fag suluk dagat. Ay kaumsig gananfatungkudun sanya at balutu. 40Ay kanya naluwas wa at ngay famatawad balutu at lubid ay nafamato wa sasad dagat. Ay naluwas at lubid siginan at famaturunanan at balutu. Ay narafad at falefe sat balutu at dungus laman at tagmara gfaalafang wan, laman umdasug ro sas tigyangan. 41Ay roro at balutu nadalan wayay sa sik buknga lumbak. Ay at dungus intungkud sa sik lagnas sasad dagat ngabasad. Ay at lumbak igfalelegan way at iyug ay karasras wan.
42Ay sanya sad balutu at ngay sundalu gananfateun at kinsungsung, laman wa nanfiyo sas tigyangan dagat ay malfas. 43Ay at fun sundalu di kaumsig nu e gfate Pablu. Ay nu katanya, gsalag yay at ngay sundalu at fasadan. Ay kanya nasugu sa tagsaful gfiyo laman nan-guna tiba nu nangadaga sasad dagat laman nangadasug sas tigyangan. 44Ay at sawad tagsis balutu nabul yay at balutu nakarasrasan laman rodi di mlubgub gina ro sas tigyangan. Ay nu katanya, fagayu taw nalfas wa siginans balutu ay indasug wa sas tigyangan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines