Fagbulun 21
21
Pablu Nalo wa sas Fulan Erusalem
1Ay nu nafatagak wami sa sangay tagmagurang bale fakafulan sanyas Efesu, nasakay wami sa sik balutu. Em dalan gtunglusanan sas furu Kus. Ay sit dayu furu Rudas. Ay siginans furu Rudas indasug wami sas fulan Patara. 2Ay nalag ami sik balutu tagsa baliwas talun Finisya, ay nasakay wami sanya. 3Ay gina ami gsakay, nabantay ami furu Sipre. Ay nu glangfe ami, ka fag furu sa em wala baliwa ay indasug wami sas talun Sirya, ay nu kadaga ami sas fulan Tiru, anway sanya yangay nu gfadaga ka fag balutu at ngay fangubaun. 4Ay igsarap ami at ngay tagadal sanya. Ay nu nalag wami, sanya yay ami fituk menit nu si aba. At Masine fag Falad gfaamatangan sanya fag ngay tagadal ay glong sas Pablu te, “Lag yap glo sas Erusalem.” 5Ay dewa katanya, nu nlangfe wa sik linggu, nalo wami. Ay fagayu tagafanud sanya, ay at ngay mangena, ay anggan at ngay sisiyan nataban yay emi sas day fulan sa sik tigyangan lino. Ay sanya gtudan yay ami gdarangin. Ay rodi nasadsamanan wami. 6Ay nasakay wami sa sik balutu. Ay em ngay iba noli wa sat bale.
7Siginans fulan Tiru, nalo wami sas fulan Tolemais. Ay sanya nafasulitanan yay ami tam ngay fadugsay. Ay sanya yay ami sik menit nu si aba. 8Ay balabag di, nalo wami sas Sesaria. Ay sik takamoyung at Masine fag Barita sanya nafasakbo emi, at ngayan Filipi. Kanya yay at sadi ebi at nafili fag fituk mangama. Ay sanya yay ami sik kadugayan. 9Filipi baguyna ufat. Ay kanya fag ufat gfoyung at takagurungan ban.
10Ay kaduge ami sanya fag ngay menit, indasug sik taglong at ngayan Agabu. Kanya siginans talun Udiya. 11Ay kanya nkakbang sa emi, ay nabul Pablu at ginawang. Ay nasiyuk mandi sat duwa bitis ay sat duwa take. Ay kanya nalong sa emi te, “At Masine fag Falad nalong te, katatuy ban taw Udyu sas Erusalem at fagbulun sat ke ginawang. Ay manga tumaban anya sat yud Udyu fag ngay taw.” 12Ay gina ami nadungug at longan, ay anggan at ngay taw sanya, matvngvd nu nalong sas Pablu te, “Lag sas Erusalem.” 13Ay Pablu nalong sa emi te, “Taw ro ay faguywayun? Lag am gfamomuy ku amatanganan. Anway mafamasadan akwan, dewa e sumungsung angku, ay dewa e fate angku sas Erusalem, laman tam Fun Isus e fanambagun.” 14Ay wami mafafatawad anya, ay nalong way ami te, “Nus nga setaw watam Fun at fakaumsigun.”
15Ay nu nlangfe wa ginanya fag ngay menit, kamasadan wami galoun sas Erusalem. 16Ay tibak tagadal siginans Sesaria naufud yay emi. Ay nataban emi sas Mnasun, sa sik taw Sipre, at bale. Kanya at sadi ebi taguna tam Isus at tagadal. Ay sanya yay ami sik kadugayun sirut.
Pablu Ndasug sas Erusalem
17Nu ndasug wami sas Erusalem, em ngay fadugsay sanya guseganan gfasakbo emi. 18Ay nus balabag wan Pablu ay anggan ami, nananlag wami sas Santiagu ay sa sangay tagmagurang bale fakafulan sanya. 19Ay Pablu nafasulitanan Santiagu ay nafoyung fagayu Diyus at ngay nafagbulun sat yud Udyu fag ngay taw.
20Ay ka fag ngay tagmagurang nu nadungug Pablu at longan, naseg sas Diyus, ay nalong sas Pablu te, “Em fadugsay, nasaful o te, ngayu wak Udyu tagafanud sas Isus, ay kanya fagayu gfaning wa fiya Muisis at Suguwan. 21Kanya nadungug te, gfoyung o unu sa sangay taw Udyu tagbanwan sas yud Udyu fag ngay taw te, ‘Lag gfaning Muisis at Suguwan.’ Ay glong o unu te, ‘Lag gtuli am sisiyan fag ama, ay lag gfaning tam ugali.’ 22Ay taini katsi tam fagbulun? Matuyan kanya fag ngay taw Udyu dumungug te, indasug o. 23Ay nu katanya, faningi tuwa em longan. Iste e ufat taw at nafatuyanan sas Diyus. 24Nantaban o ka fag ufat taw, ay fasfuwani fasineuni anya mandi kata Muisis at Suguwan. Ay oi wan tagsali ka fag ufat taw nu gfalanu at alfuyu. Ay nu katanya am fagbulun, fagayu taw Udyu sumaful te, at nadungug ebi ginan sa emu baliwa, wa ngaro matuyan. Anway lumag te, gfaning tuwo Muisis at Suguwan. 25Ay sa baliwa yud Udyu fag ngay taw tagafanud sas Isus, nafauba ami sik rirukan laman igfasaful ami em fasadan te, ‘Lag kon karni at nafon sa sangay fagsegan, ay lag kon taguk, ay lag kon karni at kinrugut fag balan, ay lag kamayun.’ ” 26Balabag di, Pablu nataban ka fag ufat taw ay nafagbulun ka fag ngay foyungan nu gfasine anya mandi gfasfuwan ka fag ufat taw. Ay nu ntabu wan, Pablu nasakbo sas Diyus bale laman nanfoyung sas taganyun sanya te, “Ginanya nu katabu ami nu gfasine emi mandi,” anway nu ntabu wan, e manyun ngay balan laman sadi sadik taw.
Ngay Taw Udyu Nagamat Pablu
27Nu galangfeun wan ka fag fituk menit Pablu ay at ngay ufud nu gfasine anya mandi, tibak taw Udyu siginans talun Asia nalag Pablu gina sis Diyus bale. Ka fag ngay taw Udyu gfadotaman at ngay taw sanya laman gumamat Pablu. 28Ay ka fag ngay taw nauro te, “Am, em kaiban taw Israel, tarabangi emi! Tuy fag taw nus nganday nu glo gfoyung te, itam taw Israel, ay Muisis at Suguwan, ay anggan tuy Diyus bale we fanambagun. Ay saman kanya, gfasakbo ya ngay taw Gresiya stes Diyus bale, ay igfafurat way tuy fag bale at mafasamanan.” 29(At fagnalongun katanya anway aro nalag sik taw Efesu, Trufimus, nu gufud Pablu sas Erusalem. Ay gayup te, Pablu nataban sas Diyus bale.)
30Ay fagdaul Erusalem at ngay taw garingangan ay mafali nu kaful ay nagamat Pablu. Ay naguyudan anya sas day Diyus bale. Ay nadingding way sigad at ngay Diyus sakbawan sas Diyus. 31Ay gina ka fag ngay taw gafateun Pablu, e nafoyung sas tagfangguna sundalu te, “Fagdaul Erusalem at ngay taw garingangan dawdaw.” 32Ay rodi ka fag tagfangguna nataban at ngay fun sundalu ay anggan at ngay sundalu, ay mafali nu kadasug sa sangay taw. Ay ka fag ngay taw nu nalag ka fag tagfangguna anggan at ngay sundalu, intuwas wan nu gfalang Pablu. 33Ay rodi ka fag tagfangguna nkakbang sas Pablu ay nasugu te, “Siyuki Pablu duwak kadina.” Ay ginto sa sangay te, “Sinu tuy fag taw? Ay nataw at asalanan?” 34Ay fagayu taw at nauro, saman wan at famalus. Ay at tagfangguna wa nasaful te, inday ro at matuyan, anway mason nu garingangan. Ay nu katanya, nasugu way te, “Tabani wa Pablu sa tam fagmafulan.” 35Ay gina ndasug sa at agdan, ngay sundalu naurug ay nafaabat Pablu, anway ka fag ngay taw mason nu kadotama anya. 36At taguyan fag ngay taw nauro te, “Fatei wa anya!”
Pablu Nafoyung at Ugali sa sangay Taw
37Gina ka fag ngay sundalu gatabanun Pablu sat fagmafulan, Pablu nainto sas tagfangguna sundalu te, “Go masine nu gelongan aw sa emu?” Ay ka fag tagfangguna gbalus te, “Gsaful o ngaro em fanlong? 38Sadaw, o wan ka fag taw Iptu ebi tv tagfangguna kamabo tam fun, ay manga at nataban 4,000k mauri fag taw sas talun at yud e taw.” 39Ay Pablu nabalus te, “Aw, sik taw Udyu kway. Nu kasalug aw sas fulan Tarsus sis Silisya fag talun. Ay get aw sa emu te, go masine nu nangelongan aw sa sangay taw.” 40Ay ka fag tagfangguna nafanusetaw wa Pablu. Ay Pablu nlindug sas tungud agdan ay nalong te, “Dungugani angku.” Ay nu ntuwas wa at ngay taw nu garingangan, Pablu naelongan sis Fangebriyu.
ទើបបានជ្រើសរើសហើយ៖
Fagbulun 21: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 21
21
Pablu Nalo wa sas Fulan Erusalem
1Ay nu nafatagak wami sa sangay tagmagurang bale fakafulan sanyas Efesu, nasakay wami sa sik balutu. Em dalan gtunglusanan sas furu Kus. Ay sit dayu furu Rudas. Ay siginans furu Rudas indasug wami sas fulan Patara. 2Ay nalag ami sik balutu tagsa baliwas talun Finisya, ay nasakay wami sanya. 3Ay gina ami gsakay, nabantay ami furu Sipre. Ay nu glangfe ami, ka fag furu sa em wala baliwa ay indasug wami sas talun Sirya, ay nu kadaga ami sas fulan Tiru, anway sanya yangay nu gfadaga ka fag balutu at ngay fangubaun. 4Ay igsarap ami at ngay tagadal sanya. Ay nu nalag wami, sanya yay ami fituk menit nu si aba. At Masine fag Falad gfaamatangan sanya fag ngay tagadal ay glong sas Pablu te, “Lag yap glo sas Erusalem.” 5Ay dewa katanya, nu nlangfe wa sik linggu, nalo wami. Ay fagayu tagafanud sanya, ay at ngay mangena, ay anggan at ngay sisiyan nataban yay emi sas day fulan sa sik tigyangan lino. Ay sanya gtudan yay ami gdarangin. Ay rodi nasadsamanan wami. 6Ay nasakay wami sa sik balutu. Ay em ngay iba noli wa sat bale.
7Siginans fulan Tiru, nalo wami sas fulan Tolemais. Ay sanya nafasulitanan yay ami tam ngay fadugsay. Ay sanya yay ami sik menit nu si aba. 8Ay balabag di, nalo wami sas Sesaria. Ay sik takamoyung at Masine fag Barita sanya nafasakbo emi, at ngayan Filipi. Kanya yay at sadi ebi at nafili fag fituk mangama. Ay sanya yay ami sik kadugayan. 9Filipi baguyna ufat. Ay kanya fag ufat gfoyung at takagurungan ban.
10Ay kaduge ami sanya fag ngay menit, indasug sik taglong at ngayan Agabu. Kanya siginans talun Udiya. 11Ay kanya nkakbang sa emi, ay nabul Pablu at ginawang. Ay nasiyuk mandi sat duwa bitis ay sat duwa take. Ay kanya nalong sa emi te, “At Masine fag Falad nalong te, katatuy ban taw Udyu sas Erusalem at fagbulun sat ke ginawang. Ay manga tumaban anya sat yud Udyu fag ngay taw.” 12Ay gina ami nadungug at longan, ay anggan at ngay taw sanya, matvngvd nu nalong sas Pablu te, “Lag sas Erusalem.” 13Ay Pablu nalong sa emi te, “Taw ro ay faguywayun? Lag am gfamomuy ku amatanganan. Anway mafamasadan akwan, dewa e sumungsung angku, ay dewa e fate angku sas Erusalem, laman tam Fun Isus e fanambagun.” 14Ay wami mafafatawad anya, ay nalong way ami te, “Nus nga setaw watam Fun at fakaumsigun.”
15Ay nu nlangfe wa ginanya fag ngay menit, kamasadan wami galoun sas Erusalem. 16Ay tibak tagadal siginans Sesaria naufud yay emi. Ay nataban emi sas Mnasun, sa sik taw Sipre, at bale. Kanya at sadi ebi taguna tam Isus at tagadal. Ay sanya yay ami sik kadugayun sirut.
Pablu Ndasug sas Erusalem
17Nu ndasug wami sas Erusalem, em ngay fadugsay sanya guseganan gfasakbo emi. 18Ay nus balabag wan Pablu ay anggan ami, nananlag wami sas Santiagu ay sa sangay tagmagurang bale fakafulan sanya. 19Ay Pablu nafasulitanan Santiagu ay nafoyung fagayu Diyus at ngay nafagbulun sat yud Udyu fag ngay taw.
20Ay ka fag ngay tagmagurang nu nadungug Pablu at longan, naseg sas Diyus, ay nalong sas Pablu te, “Em fadugsay, nasaful o te, ngayu wak Udyu tagafanud sas Isus, ay kanya fagayu gfaning wa fiya Muisis at Suguwan. 21Kanya nadungug te, gfoyung o unu sa sangay taw Udyu tagbanwan sas yud Udyu fag ngay taw te, ‘Lag gfaning Muisis at Suguwan.’ Ay glong o unu te, ‘Lag gtuli am sisiyan fag ama, ay lag gfaning tam ugali.’ 22Ay taini katsi tam fagbulun? Matuyan kanya fag ngay taw Udyu dumungug te, indasug o. 23Ay nu katanya, faningi tuwa em longan. Iste e ufat taw at nafatuyanan sas Diyus. 24Nantaban o ka fag ufat taw, ay fasfuwani fasineuni anya mandi kata Muisis at Suguwan. Ay oi wan tagsali ka fag ufat taw nu gfalanu at alfuyu. Ay nu katanya am fagbulun, fagayu taw Udyu sumaful te, at nadungug ebi ginan sa emu baliwa, wa ngaro matuyan. Anway lumag te, gfaning tuwo Muisis at Suguwan. 25Ay sa baliwa yud Udyu fag ngay taw tagafanud sas Isus, nafauba ami sik rirukan laman igfasaful ami em fasadan te, ‘Lag kon karni at nafon sa sangay fagsegan, ay lag kon taguk, ay lag kon karni at kinrugut fag balan, ay lag kamayun.’ ” 26Balabag di, Pablu nataban ka fag ufat taw ay nafagbulun ka fag ngay foyungan nu gfasine anya mandi gfasfuwan ka fag ufat taw. Ay nu ntabu wan, Pablu nasakbo sas Diyus bale laman nanfoyung sas taganyun sanya te, “Ginanya nu katabu ami nu gfasine emi mandi,” anway nu ntabu wan, e manyun ngay balan laman sadi sadik taw.
Ngay Taw Udyu Nagamat Pablu
27Nu galangfeun wan ka fag fituk menit Pablu ay at ngay ufud nu gfasine anya mandi, tibak taw Udyu siginans talun Asia nalag Pablu gina sis Diyus bale. Ka fag ngay taw Udyu gfadotaman at ngay taw sanya laman gumamat Pablu. 28Ay ka fag ngay taw nauro te, “Am, em kaiban taw Israel, tarabangi emi! Tuy fag taw nus nganday nu glo gfoyung te, itam taw Israel, ay Muisis at Suguwan, ay anggan tuy Diyus bale we fanambagun. Ay saman kanya, gfasakbo ya ngay taw Gresiya stes Diyus bale, ay igfafurat way tuy fag bale at mafasamanan.” 29(At fagnalongun katanya anway aro nalag sik taw Efesu, Trufimus, nu gufud Pablu sas Erusalem. Ay gayup te, Pablu nataban sas Diyus bale.)
30Ay fagdaul Erusalem at ngay taw garingangan ay mafali nu kaful ay nagamat Pablu. Ay naguyudan anya sas day Diyus bale. Ay nadingding way sigad at ngay Diyus sakbawan sas Diyus. 31Ay gina ka fag ngay taw gafateun Pablu, e nafoyung sas tagfangguna sundalu te, “Fagdaul Erusalem at ngay taw garingangan dawdaw.” 32Ay rodi ka fag tagfangguna nataban at ngay fun sundalu ay anggan at ngay sundalu, ay mafali nu kadasug sa sangay taw. Ay ka fag ngay taw nu nalag ka fag tagfangguna anggan at ngay sundalu, intuwas wan nu gfalang Pablu. 33Ay rodi ka fag tagfangguna nkakbang sas Pablu ay nasugu te, “Siyuki Pablu duwak kadina.” Ay ginto sa sangay te, “Sinu tuy fag taw? Ay nataw at asalanan?” 34Ay fagayu taw at nauro, saman wan at famalus. Ay at tagfangguna wa nasaful te, inday ro at matuyan, anway mason nu garingangan. Ay nu katanya, nasugu way te, “Tabani wa Pablu sa tam fagmafulan.” 35Ay gina ndasug sa at agdan, ngay sundalu naurug ay nafaabat Pablu, anway ka fag ngay taw mason nu kadotama anya. 36At taguyan fag ngay taw nauro te, “Fatei wa anya!”
Pablu Nafoyung at Ugali sa sangay Taw
37Gina ka fag ngay sundalu gatabanun Pablu sat fagmafulan, Pablu nainto sas tagfangguna sundalu te, “Go masine nu gelongan aw sa emu?” Ay ka fag tagfangguna gbalus te, “Gsaful o ngaro em fanlong? 38Sadaw, o wan ka fag taw Iptu ebi tv tagfangguna kamabo tam fun, ay manga at nataban 4,000k mauri fag taw sas talun at yud e taw.” 39Ay Pablu nabalus te, “Aw, sik taw Udyu kway. Nu kasalug aw sas fulan Tarsus sis Silisya fag talun. Ay get aw sa emu te, go masine nu nangelongan aw sa sangay taw.” 40Ay ka fag tagfangguna nafanusetaw wa Pablu. Ay Pablu nlindug sas tungud agdan ay nalong te, “Dungugani angku.” Ay nu ntuwas wa at ngay taw nu garingangan, Pablu naelongan sis Fangebriyu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines