Fagbulun 19
19
Pablu sas Fulan Efesu
1Ay kaduge Apulus sis fulan Kurintu, Pablu nalo wa sas tagbudbugsulanun fag lungud talun ay indasug sas fulan Efesu. Ay nalag sanya at tibak tagadal. 2Ay ginto sanya fag ngay tagadal te, “Go at Masine fag Falad si wa ro ayu gina am gafanud sa tam Fun?” Ay ka fag ngay tagadal nabalus te, “Idya. Di ami batang gdungug te, e Masine fag Falad.” 3Ay Pablu ginto yangay te, “Ay taw madyay, at masuwad ay faginsurungun?” Ay ka fag ngay tagadal nabalus te, “Nafaning way ami Uan Tagfasurung at ugali nu gfasurung fagtvngvd.” 4Ay Pablu nalong te, “Uan at fagsurungun at masuwad te, laman sik taw naubun at asalanan. Ay Uan nafoyung yangay te, ‘Afanudi tagadasugun si ku guyan fag taw.’ Ay kanya long anwa tam Isus.” 5Ay ka fag ngay tagadal nu nadungug Pablu at longan, kanya nsurung yangay sa tam Fun Isus at fagmadaragangun. 6Ay Pablu nu nafatayuk wa at daluwap sanya fag ngay tagadal, at Masine fag Falad sanya wa fag ngay taw. Ay kanya fag ngay taw naelongan sa tibak fanlong at yud nasaful ay anggan nafoyung Diyus at longan. 7Sanya fag ngay mangama nu ndain labi duwa.
8Ay Pablu nasakbo sa sangay taw Udyu at bale fakafulan. Ay maseganama tuwa nu gfoyung tuluk magdanun nu si aba. Pablu ay anggan at ngay taw sanya gfodfoyungan. Anway Pablu at fasadan laman at ngay taw sumaful sas Diyus nu gmagurang taw baliwa. 9Ay tibak taw wa gadunguganun ay wa gafanud, ay anggan iglong way mauri sa ka fag ugali at bagu baliwa gina at ngay taw gdungug. Ay nu katanya way, Pablu ay anggan Isus at ngay tagadal nalo wan sanya ginan. Ay kayu menit kayu menit Pablu glo sas Tiranus fagadalan ay gfabadbaboan sanya fag ngay taw. 10Katanya wan Pablu at fagbulun duwak banwa nu si aba. Ay fagayu tagbanwan sas talun Asia nadungug tam Fun Isus at longan, dewa taw Udyu ay dewa taw Gresiya.
Eskeba at ngay Baguwama
11Ay ginanya Diyus nafon fagmadaragangun sas Pablu laman nanfasure at madulawan at ngay fagbulun. 12Dewa sik falefe sirut ay dewa sik balukas at nafatayuk sa at ke daylan, at ke daylan infiya wan. Ay anggan at ke mafurat fag falad nalfas wan sanya ginan fag ngay taw. 13Ay tibak taw Udyu at mabara at taglodlowan faggugat, igfaskud nanfalfas at mafurat fag falad sa tam Fun Isus at ngayan. Ay glong te, “Sas Isus at ngayan, Pablu at fagfoyungun, alfasi wan sanya ginan fag taw.” 14Ay katanya yangay Eskeba at fituk baguwama at fagbulun. Eskeba sik taw Udyu at taganyun daul at sadi. 15Ay at mafurat fag falad gbalus sa ka fag fituk baguwama te, “Nasaful akwan Isus, ay anggan Pablu. Ay am, sinu am?” 16Ay kanya fag taw at ke mafurat fag falad, mafali nu gtulbu ay nu kagafus sa ka fag fituk baguwama. Ay fagayu naintabangan wa sas daga. Nu katanya, malanu wan ay gafamaga wan ay matarung nu glagyu sanya ginan fag bale. 17Ay fagayu taw sas fulan Efesu nadungug takatanya, dewa Udyu ay dewa Gresiya. Ay fagayu taw kalimu dawdaw ay naseg sa tam Fun Isus. 18Ay ngayuk tagafanud inkakbang ay naubun at ngay asalanan ay nafoyung at mauri fag ngay fagbulun. 19Ay ngayuk mabara at nauba at ngay fagtapan ay nalabe wan fagayu sis wa taw faglagan. Ay ka fag ngay fagtapan nu kasali ngayu wa dawdaw. 20Nu katanya, Diyus at longan inrapyag ay madaragang tuwa.
E Garingangan sas Fulan Efesu
21Ay nu ntabu wan katanya, Pablu nafaning yangay at Masine fag Falad. Ay at fasadan ganandalanun yay sas talun Masidunya ay sas talun Akaya, bagu lumo sas fulan Erusalem. Kanya gamatangan te, “Nu nasa kwa bans Erusalem, lumo kyangay ban sas talun Ruma.” 22Ay Pablu nasugu yay duwak tagtarabang, at ngayan Timutiyu ay Erastus, sas Masidunya. Ay Pablu sanya yay sirut sis talun Asia.
23Ay ginanya sanya, e garingangan dawdaw sa baliwa at bagu fag ugali, at masuwad te, sa baliwas Isus. 24Ay e sik taw at ngayan Demetrius. Kanya sik takawat sik ngay fagsegan, at fangawat pilak. Kanya ay at ngay ufud kawat sik ngay bale ayu sirut, nu maawatan nafaning Artemis fag fagsegan fag bale. Ay sanya ginan wan at fagbulun singku. 25Ay Demetrius nafafaful at ngay ufud ay anggan tibak takawat. Ay nalong te, “Ngay taw am, nasaful wam te, tam ngay fagmabalanun siginan wa tam fagbulun. 26Ay nadungug wam ka fag Pablu at fagbulun baliwa. Ay bunwa sas fulan Efesu fagtvngvd, arvs anggan wa sas fagdaul talun Asia. Madyay kanya nafoyung wa sa sangay taw te, ‘Taw at naawat fag ngay fagsegan bunwa at matuyan fag fagsegan.’ 27Ay nu katanya, watam ban e fagbulun tam singku. Labon ngay taw umlimata tam fagbulun, ay anggan wa sigon tam fagsegan at madaragang Artemis at bale we fanambagun. Ngay taw sas talun Asia ay sas fagdaul daga gseg sas Artemis. Labon ngay taw wa ban nanseg anya.”
28Ay ngay takawat nu nadungug Demetrius at longan, kadotama dawdaw. Ay kanya guro dawdaw te, “Madaragang tuwa, Artemis, taw Efesu at fagsegan.” 29Ay sas fagdaul fulan Efesu garingangan wa dawdaw. Ay ngay taw nagamat sik duwama siginans talun Masidunya, at ngayan Gayu ay Aristarku. Ay ka fag duwama Pablu wa ufud ebi gina glo. Ay naguyudan wa ka fag duwama sa sik fagmafulan fag faglanuwan. 30Ay Pablu gatsanyaun yama sad faglanuwan laman nafasulitanan sanya fag ngay taw, roro sik ngay tagadal nasalag anya. 31Ay anggan tibak fun sirut sis talun Asia at takesug Pablu, nasugu at fanuguwan te, at masine, lag sanya. 32Tagsisad faglanuwan fag ngay taw nauro dawdaw. Tiba masadi yay at longan, ay tiba saman wan at longan. Anway fagayu garingangan wayay dawdaw. Ay arvs at ngay taw wa nasaful at fagmafulun sanya at masuwad. 33Ay taw Udyu natulud sik taw at ngayan Aleandru, anggan indasug sat ngay taw at akbang laman nanfoyung sat kinsure baliwa. Ay Aleandru nafalelegan at daluwap laman fagayu taw umtuwas wan nu garingangan. 34Ay at ngay taw nu nasaful te, kanya sik Udyu way, inkugat yay nu guro nu masadi te, “Madaragang tuwa, Artemis, taw Efesu at fagsegan!” Ay at kadugayan nu guro undain duwak uras.
35Ay rodi, fulan Efesu at tagmagurang nafatuwas wa at ngay taw nu guro, ay nalong te, “Am fag ngay taw Efesu, fagayu taw nasaful te, itam wan at natanud Artemis at bale, ay anggan ka fag fagsegan fag batu, at kintong siginans banwa. 36Anway we taw gafayudun kanya fag longan at matuyan, ay atuwasi wan nu garingangan am. Ay lag gfasigad sik fagbulun nu gfadfalian way am. 37Madyay am wan at nataban ka fag duwama stiye. Ay madyay di e fagbulun mauri sa tam fagsegan, ay di e longan mauri sa anya. 38Ay Demetrius ay at ufud takawat nu e fagnanfoyungun way tibak taw at asalanan, at masine taguna sai yap at nansarap asalanan. Anway at tagbuknga ay at ngay tagmagurang faggugat maful, laman igsarap te, sinu at ke asalanan. 39Ay nu e fakaumsigun am tiba, at masine nu maful am kadugei yap sa tam ugali nu maful tam. 40Anway kalimu aw te, nu ndain tam fun nadungug watam fagbulun aro ay mafauri antam. Tam fagmafulun aro wa bangan e masuwad sak ro tam maringangan katvngvd nu e masuwad tam fagbulun.” 41Ay nu ntabu wan nu gelongan, nafauli wan sanya fag ngay taw.
ទើបបានជ្រើសរើសហើយ៖
Fagbulun 19: TAWEAST
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines
Fagbulun 19
19
Pablu sas Fulan Efesu
1Ay kaduge Apulus sis fulan Kurintu, Pablu nalo wa sas tagbudbugsulanun fag lungud talun ay indasug sas fulan Efesu. Ay nalag sanya at tibak tagadal. 2Ay ginto sanya fag ngay tagadal te, “Go at Masine fag Falad si wa ro ayu gina am gafanud sa tam Fun?” Ay ka fag ngay tagadal nabalus te, “Idya. Di ami batang gdungug te, e Masine fag Falad.” 3Ay Pablu ginto yangay te, “Ay taw madyay, at masuwad ay faginsurungun?” Ay ka fag ngay tagadal nabalus te, “Nafaning way ami Uan Tagfasurung at ugali nu gfasurung fagtvngvd.” 4Ay Pablu nalong te, “Uan at fagsurungun at masuwad te, laman sik taw naubun at asalanan. Ay Uan nafoyung yangay te, ‘Afanudi tagadasugun si ku guyan fag taw.’ Ay kanya long anwa tam Isus.” 5Ay ka fag ngay tagadal nu nadungug Pablu at longan, kanya nsurung yangay sa tam Fun Isus at fagmadaragangun. 6Ay Pablu nu nafatayuk wa at daluwap sanya fag ngay tagadal, at Masine fag Falad sanya wa fag ngay taw. Ay kanya fag ngay taw naelongan sa tibak fanlong at yud nasaful ay anggan nafoyung Diyus at longan. 7Sanya fag ngay mangama nu ndain labi duwa.
8Ay Pablu nasakbo sa sangay taw Udyu at bale fakafulan. Ay maseganama tuwa nu gfoyung tuluk magdanun nu si aba. Pablu ay anggan at ngay taw sanya gfodfoyungan. Anway Pablu at fasadan laman at ngay taw sumaful sas Diyus nu gmagurang taw baliwa. 9Ay tibak taw wa gadunguganun ay wa gafanud, ay anggan iglong way mauri sa ka fag ugali at bagu baliwa gina at ngay taw gdungug. Ay nu katanya way, Pablu ay anggan Isus at ngay tagadal nalo wan sanya ginan. Ay kayu menit kayu menit Pablu glo sas Tiranus fagadalan ay gfabadbaboan sanya fag ngay taw. 10Katanya wan Pablu at fagbulun duwak banwa nu si aba. Ay fagayu tagbanwan sas talun Asia nadungug tam Fun Isus at longan, dewa taw Udyu ay dewa taw Gresiya.
Eskeba at ngay Baguwama
11Ay ginanya Diyus nafon fagmadaragangun sas Pablu laman nanfasure at madulawan at ngay fagbulun. 12Dewa sik falefe sirut ay dewa sik balukas at nafatayuk sa at ke daylan, at ke daylan infiya wan. Ay anggan at ke mafurat fag falad nalfas wan sanya ginan fag ngay taw. 13Ay tibak taw Udyu at mabara at taglodlowan faggugat, igfaskud nanfalfas at mafurat fag falad sa tam Fun Isus at ngayan. Ay glong te, “Sas Isus at ngayan, Pablu at fagfoyungun, alfasi wan sanya ginan fag taw.” 14Ay katanya yangay Eskeba at fituk baguwama at fagbulun. Eskeba sik taw Udyu at taganyun daul at sadi. 15Ay at mafurat fag falad gbalus sa ka fag fituk baguwama te, “Nasaful akwan Isus, ay anggan Pablu. Ay am, sinu am?” 16Ay kanya fag taw at ke mafurat fag falad, mafali nu gtulbu ay nu kagafus sa ka fag fituk baguwama. Ay fagayu naintabangan wa sas daga. Nu katanya, malanu wan ay gafamaga wan ay matarung nu glagyu sanya ginan fag bale. 17Ay fagayu taw sas fulan Efesu nadungug takatanya, dewa Udyu ay dewa Gresiya. Ay fagayu taw kalimu dawdaw ay naseg sa tam Fun Isus. 18Ay ngayuk tagafanud inkakbang ay naubun at ngay asalanan ay nafoyung at mauri fag ngay fagbulun. 19Ay ngayuk mabara at nauba at ngay fagtapan ay nalabe wan fagayu sis wa taw faglagan. Ay ka fag ngay fagtapan nu kasali ngayu wa dawdaw. 20Nu katanya, Diyus at longan inrapyag ay madaragang tuwa.
E Garingangan sas Fulan Efesu
21Ay nu ntabu wan katanya, Pablu nafaning yangay at Masine fag Falad. Ay at fasadan ganandalanun yay sas talun Masidunya ay sas talun Akaya, bagu lumo sas fulan Erusalem. Kanya gamatangan te, “Nu nasa kwa bans Erusalem, lumo kyangay ban sas talun Ruma.” 22Ay Pablu nasugu yay duwak tagtarabang, at ngayan Timutiyu ay Erastus, sas Masidunya. Ay Pablu sanya yay sirut sis talun Asia.
23Ay ginanya sanya, e garingangan dawdaw sa baliwa at bagu fag ugali, at masuwad te, sa baliwas Isus. 24Ay e sik taw at ngayan Demetrius. Kanya sik takawat sik ngay fagsegan, at fangawat pilak. Kanya ay at ngay ufud kawat sik ngay bale ayu sirut, nu maawatan nafaning Artemis fag fagsegan fag bale. Ay sanya ginan wan at fagbulun singku. 25Ay Demetrius nafafaful at ngay ufud ay anggan tibak takawat. Ay nalong te, “Ngay taw am, nasaful wam te, tam ngay fagmabalanun siginan wa tam fagbulun. 26Ay nadungug wam ka fag Pablu at fagbulun baliwa. Ay bunwa sas fulan Efesu fagtvngvd, arvs anggan wa sas fagdaul talun Asia. Madyay kanya nafoyung wa sa sangay taw te, ‘Taw at naawat fag ngay fagsegan bunwa at matuyan fag fagsegan.’ 27Ay nu katanya, watam ban e fagbulun tam singku. Labon ngay taw umlimata tam fagbulun, ay anggan wa sigon tam fagsegan at madaragang Artemis at bale we fanambagun. Ngay taw sas talun Asia ay sas fagdaul daga gseg sas Artemis. Labon ngay taw wa ban nanseg anya.”
28Ay ngay takawat nu nadungug Demetrius at longan, kadotama dawdaw. Ay kanya guro dawdaw te, “Madaragang tuwa, Artemis, taw Efesu at fagsegan.” 29Ay sas fagdaul fulan Efesu garingangan wa dawdaw. Ay ngay taw nagamat sik duwama siginans talun Masidunya, at ngayan Gayu ay Aristarku. Ay ka fag duwama Pablu wa ufud ebi gina glo. Ay naguyudan wa ka fag duwama sa sik fagmafulan fag faglanuwan. 30Ay Pablu gatsanyaun yama sad faglanuwan laman nafasulitanan sanya fag ngay taw, roro sik ngay tagadal nasalag anya. 31Ay anggan tibak fun sirut sis talun Asia at takesug Pablu, nasugu at fanuguwan te, at masine, lag sanya. 32Tagsisad faglanuwan fag ngay taw nauro dawdaw. Tiba masadi yay at longan, ay tiba saman wan at longan. Anway fagayu garingangan wayay dawdaw. Ay arvs at ngay taw wa nasaful at fagmafulun sanya at masuwad. 33Ay taw Udyu natulud sik taw at ngayan Aleandru, anggan indasug sat ngay taw at akbang laman nanfoyung sat kinsure baliwa. Ay Aleandru nafalelegan at daluwap laman fagayu taw umtuwas wan nu garingangan. 34Ay at ngay taw nu nasaful te, kanya sik Udyu way, inkugat yay nu guro nu masadi te, “Madaragang tuwa, Artemis, taw Efesu at fagsegan!” Ay at kadugayan nu guro undain duwak uras.
35Ay rodi, fulan Efesu at tagmagurang nafatuwas wa at ngay taw nu guro, ay nalong te, “Am fag ngay taw Efesu, fagayu taw nasaful te, itam wan at natanud Artemis at bale, ay anggan ka fag fagsegan fag batu, at kintong siginans banwa. 36Anway we taw gafayudun kanya fag longan at matuyan, ay atuwasi wan nu garingangan am. Ay lag gfasigad sik fagbulun nu gfadfalian way am. 37Madyay am wan at nataban ka fag duwama stiye. Ay madyay di e fagbulun mauri sa tam fagsegan, ay di e longan mauri sa anya. 38Ay Demetrius ay at ufud takawat nu e fagnanfoyungun way tibak taw at asalanan, at masine taguna sai yap at nansarap asalanan. Anway at tagbuknga ay at ngay tagmagurang faggugat maful, laman igsarap te, sinu at ke asalanan. 39Ay nu e fakaumsigun am tiba, at masine nu maful am kadugei yap sa tam ugali nu maful tam. 40Anway kalimu aw te, nu ndain tam fun nadungug watam fagbulun aro ay mafauri antam. Tam fagmafulun aro wa bangan e masuwad sak ro tam maringangan katvngvd nu e masuwad tam fagbulun.” 41Ay nu ntabu wan nu gelongan, nafauli wan sanya fag ngay taw.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright © 2023 by OMF International, Philippines