Aroma 11
11
1LOMBA nikuti, Kansi Mlungu etailizya mtundu wake? Pasaŵa teti. Pakuti nane kumo nine Muisraeli, wa mbuto ya Abrahamu, wa mtundu wa Benjamini. 2Mlungu ntetailizya mtundu wake wechiziŵilatu. Mwati mnaziŵe vyakunena malembo vya Eriya? vyakuti empapatira Mlungu koŵasusya Israeli kuti, 3Asikuru, epaya aŵirizi ŵanu nong'ondola popupila nsembe panu: na neo nasala neka, naŵo osakila moyo wangu. 4Lomba nga yasuko la Mlungu limneneranji? Nalisiira ŵantu myanda makumi asano na aŵiri, amene aliyongondyamila Baalo. 5Tetyo na pa nsita ino yalomba alipo ŵosalapo mkusaluliwa kwa chawanzi. 6Sembe kati kuli kwa chawanzi ntekuli soti kwa milimo: kati nte teti chawanzi lomba ntechiri chawanzi. 7Nga ni chinji nakale? Chakusaka Israeli aliyochipoka; sembe ŵosaluliwa ni echipoka, na ŵosalapo eliyumisya mitima: 8nga ni umo mkwilembewera, Mlungu eŵapa mzimu wokusila, menso asaŵonerako, na matu asamvwilako, kuza na lero lino. 9Naye Davide echiti,
Polyera paŵo napaŵe chitembo, na liŵa,
Na chokumbulwako, na cholifyirako kwaŵo:
10Menso ŵaŵo nafipilwe asaŵona,
Noŵatumbamika misana mperampera.
11Teti ni panunena, Kansi ekumbulwa kuti ŵawe? Pasaŵa teti: sembe mkupatuka kwaŵo upuzumushi uluŵazile a Mitundu koŵalwisya ukwa. 12Lomba kati kupatuka kwaŵo ni mpango zya charo cha pansi, nopumbwa kwaŵo ni mpango zya a Mitundu, nga kwenekwene mazulilo ŵaŵo?
13Lomba nulaŵira na mweo mwa Mitundu. Teti panili mpostolo wa a Mitundu nuuchinzika utumiki wangu, 14kati kano nilwisye ukwa a mtundu wangu nopuzumusyako. 15Pakuti kati kutaiwa kwaŵo ni kuyanishiwa kwa charo, nga kulondewa kwaŵo kuze kuŵe syani, sembe moyo wa akufwa? 16Kati vyanchesya ni vyozila, tetyo na vyamsuma: soti kati muzyu ni wozila, tetyo na misambo. 17Sembe kati misambo imbi ikozolewa, na weo pauli elaya wa msanga wilumikizyiwa muli yeve, nosanzyana nayo mmuzyu wa manzi ochizya chimuti cha elaya, 18usalitamya pa misambo: sembe kati ukalitamya, nte weo uutwala muzyu, sembe muzyu ni ukutwala weo. 19Teti unene, Misambo ikozolewa kuti neo nilumikizyiweko. 20Aye: mkunyanyaizya kwa ine ni peikozolewa, nawe upanama na mvwano wako. Usaŵa na mtima wolitamya, sembe woyopa: 21pakuti kati Mlungu aliyoilekelela misambo ya kamerero, nawe kumo sakulekelela. 22Teti ŵona uweme nokali wa Mlungu: kwa ŵala echiwa ni ukali, sembe kwako ni uweme wa Mlungu, ukankalilila mu uweme wake: sembe ukakana uzotendewe nawe. 23Na ŵala kumo, akakanonkalilila mkunyanyaizya kwaŵo, azalumikizyiweko: pakuti Mlungu okumako kwalumikizyako soti. 24Chikomo kati weo witendewamo mwa icho chiri kamerero chimuti cha elaya wa msanga, nolumikizyiwako kosusya mamerero ku elaya muweme, nga kwenekwene aŵa, ali misambo ya kamerero, azalumikizyiwe ngako ku chimuti cha elaya chaŵo ŵene.
25Pakuti sinupangwa, akwasu, kuti muŵe ŵosaziŵa chakunsei ichi, mngalitamye mweka kuti nise anzeru, chakuti kuyumisya mtima patonto kwiponera Israeli, mpaka pati akaloŵe makumanilo a Mitundu, 26na Israeli ŵonse kupuzumushiwa teti: nga ni umo mkwilembewera,
Mze mfume mZioni Mpuzumushi ula;
Azapimvule pa Yakobo kusamuyopa Mlungu:
27Na aŵa ni mapangano ŵangu a kuli ŵeve,
Penti nifumyepo viipa vyaŵo.
28Pa mlandu wa evangelo ali tupondo chikomo cha mweo: sembe pa mlandu wosaluliwa ali ŵotemweka chikomo cha ausu wasu. 29Pakuti mitulo na maitilo a Mlungu sivulapika. 30Chikomo nga ni umo kale mmwenzomnyanyaizyira Mlungu, sembe lomba mupoka lusungu mkunyanyaizya kwaŵo, 31tetyo na aŵa soti lomba ni mwakunyanyaizyira, kuti kwa lusungu lochitiwa kwanu naŵo soti lomba apoke lusungu. 32Pakuti Mlungu ezalila ŵonse pamo mkunyanyaizya kuti aŵachitire ŵonse lusungu.
33Ati kunoka kwa mpango zya mano na maziŵilo a Mlungu! aa, maupinguzi ŵake ni ŵosasakika, na njira zyake ni zyosalondoleka! 34Pakuti ni ŵani eziŵa mtima wa Asikuru? ni ŵani enze wompangila nzeru? 35ni ŵani etangulompa yeve, nako kuwezyewe soti kwake? 36Chikomo vyonse vufumila mwa yeve, nochitiwa na yeve, na kuya kwa yeve. Kwa yeve uŵeko mchinzi kankalilo. Amen.
ទើបបានជ្រើសរើសហើយ៖
Aroma 11: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Aroma 11
11
1LOMBA nikuti, Kansi Mlungu etailizya mtundu wake? Pasaŵa teti. Pakuti nane kumo nine Muisraeli, wa mbuto ya Abrahamu, wa mtundu wa Benjamini. 2Mlungu ntetailizya mtundu wake wechiziŵilatu. Mwati mnaziŵe vyakunena malembo vya Eriya? vyakuti empapatira Mlungu koŵasusya Israeli kuti, 3Asikuru, epaya aŵirizi ŵanu nong'ondola popupila nsembe panu: na neo nasala neka, naŵo osakila moyo wangu. 4Lomba nga yasuko la Mlungu limneneranji? Nalisiira ŵantu myanda makumi asano na aŵiri, amene aliyongondyamila Baalo. 5Tetyo na pa nsita ino yalomba alipo ŵosalapo mkusaluliwa kwa chawanzi. 6Sembe kati kuli kwa chawanzi ntekuli soti kwa milimo: kati nte teti chawanzi lomba ntechiri chawanzi. 7Nga ni chinji nakale? Chakusaka Israeli aliyochipoka; sembe ŵosaluliwa ni echipoka, na ŵosalapo eliyumisya mitima: 8nga ni umo mkwilembewera, Mlungu eŵapa mzimu wokusila, menso asaŵonerako, na matu asamvwilako, kuza na lero lino. 9Naye Davide echiti,
Polyera paŵo napaŵe chitembo, na liŵa,
Na chokumbulwako, na cholifyirako kwaŵo:
10Menso ŵaŵo nafipilwe asaŵona,
Noŵatumbamika misana mperampera.
11Teti ni panunena, Kansi ekumbulwa kuti ŵawe? Pasaŵa teti: sembe mkupatuka kwaŵo upuzumushi uluŵazile a Mitundu koŵalwisya ukwa. 12Lomba kati kupatuka kwaŵo ni mpango zya charo cha pansi, nopumbwa kwaŵo ni mpango zya a Mitundu, nga kwenekwene mazulilo ŵaŵo?
13Lomba nulaŵira na mweo mwa Mitundu. Teti panili mpostolo wa a Mitundu nuuchinzika utumiki wangu, 14kati kano nilwisye ukwa a mtundu wangu nopuzumusyako. 15Pakuti kati kutaiwa kwaŵo ni kuyanishiwa kwa charo, nga kulondewa kwaŵo kuze kuŵe syani, sembe moyo wa akufwa? 16Kati vyanchesya ni vyozila, tetyo na vyamsuma: soti kati muzyu ni wozila, tetyo na misambo. 17Sembe kati misambo imbi ikozolewa, na weo pauli elaya wa msanga wilumikizyiwa muli yeve, nosanzyana nayo mmuzyu wa manzi ochizya chimuti cha elaya, 18usalitamya pa misambo: sembe kati ukalitamya, nte weo uutwala muzyu, sembe muzyu ni ukutwala weo. 19Teti unene, Misambo ikozolewa kuti neo nilumikizyiweko. 20Aye: mkunyanyaizya kwa ine ni peikozolewa, nawe upanama na mvwano wako. Usaŵa na mtima wolitamya, sembe woyopa: 21pakuti kati Mlungu aliyoilekelela misambo ya kamerero, nawe kumo sakulekelela. 22Teti ŵona uweme nokali wa Mlungu: kwa ŵala echiwa ni ukali, sembe kwako ni uweme wa Mlungu, ukankalilila mu uweme wake: sembe ukakana uzotendewe nawe. 23Na ŵala kumo, akakanonkalilila mkunyanyaizya kwaŵo, azalumikizyiweko: pakuti Mlungu okumako kwalumikizyako soti. 24Chikomo kati weo witendewamo mwa icho chiri kamerero chimuti cha elaya wa msanga, nolumikizyiwako kosusya mamerero ku elaya muweme, nga kwenekwene aŵa, ali misambo ya kamerero, azalumikizyiwe ngako ku chimuti cha elaya chaŵo ŵene.
25Pakuti sinupangwa, akwasu, kuti muŵe ŵosaziŵa chakunsei ichi, mngalitamye mweka kuti nise anzeru, chakuti kuyumisya mtima patonto kwiponera Israeli, mpaka pati akaloŵe makumanilo a Mitundu, 26na Israeli ŵonse kupuzumushiwa teti: nga ni umo mkwilembewera,
Mze mfume mZioni Mpuzumushi ula;
Azapimvule pa Yakobo kusamuyopa Mlungu:
27Na aŵa ni mapangano ŵangu a kuli ŵeve,
Penti nifumyepo viipa vyaŵo.
28Pa mlandu wa evangelo ali tupondo chikomo cha mweo: sembe pa mlandu wosaluliwa ali ŵotemweka chikomo cha ausu wasu. 29Pakuti mitulo na maitilo a Mlungu sivulapika. 30Chikomo nga ni umo kale mmwenzomnyanyaizyira Mlungu, sembe lomba mupoka lusungu mkunyanyaizya kwaŵo, 31tetyo na aŵa soti lomba ni mwakunyanyaizyira, kuti kwa lusungu lochitiwa kwanu naŵo soti lomba apoke lusungu. 32Pakuti Mlungu ezalila ŵonse pamo mkunyanyaizya kuti aŵachitire ŵonse lusungu.
33Ati kunoka kwa mpango zya mano na maziŵilo a Mlungu! aa, maupinguzi ŵake ni ŵosasakika, na njira zyake ni zyosalondoleka! 34Pakuti ni ŵani eziŵa mtima wa Asikuru? ni ŵani enze wompangila nzeru? 35ni ŵani etangulompa yeve, nako kuwezyewe soti kwake? 36Chikomo vyonse vufumila mwa yeve, nochitiwa na yeve, na kuya kwa yeve. Kwa yeve uŵeko mchinzi kankalilo. Amen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.