M. Marko 11
11
1LOMBA peŵenzopanamila ku Yerusalemi, ku Betefage na Betaniya, ku lupiri lwa Elaya, etuma aŵiri a asambili ŵake 2eŵauzya, Nkamuyani ku munzi womangizyana namwe; mkaperoloŵamo mukaŵone kabulu komangiwa kakaliye nokwerewapo na muntu chivyalikwilo; kamangululeni, mze nako. 3Kati muntu akati kuli mweo, Muchitiranji teti? mkati, Asikuru okasaka; pamene apo akatumizye kuno. 4Naŵo eima efwanga kabulu komangiwa pa mulyango panja mu mseo, nokamangulula. 5Lomba ayakene a aŵo enzepeneme palapa enena naŵo, Mwachitanji pamwakamangulula kabulu ako? 6Ŵeve eŵanenera nga ni mwanenera Yesu: nipo eŵazomezya ŵaye. 7Naŵo echiza nako kabulu kwa Yesu, eikapo minjira yaŵo pamulu pake, naye enkalapo. 8Nipo anyinji eyanzika minjira yaŵo pa njira, ŵambine misambo yechisamvula ku sanga. 9Aŵo ŵotangulila na aŵo ŵokonka ekuwa, Hosanna; Woŵirikila uyo akuza mzina la Asikuru: 10Woŵirikila ufumu ukuza, ula wa ausu wasu Davide: Hosanna kumulu.
11Naye eloŵa mu Yerusalemi, mchipupilo; lomba akalolelole vyonse, pakuti lomba mwenze mchingulo, efumamo kuya ku Betaniya pamo na aŵo kumi na aŵiri.
12Nipo mmawa mwake akati fume ŵeve mBetaniya yeve echimvwa njala. 13Naye eŵona chiku kutali enze na matepo, echiza kuti kano aŵonemo kantu: pamene pechifwikamo efwanga muliye na kantu konse sembe matepo; pakuti nteyenze nyengo ya chiku. 14Naye eyasuka emnenera, Chitatikile lomba mpaka vyaka muntu asalyamo soti vyotwala muli weo. Na asambili ŵake emvwako ili.
15Lomba ŵechiza ku Yerusalemi: naye eloŵa mchipupilo noyamba kwafumya aŵo ŵositisya na aŵo ŵosita makweo umo mchipupilo, eŵagodobola matebulu ŵaŵo ŵosintanisyirapo ndalama na vilimba vyaŵo ŵozisitisya nkunda; 16ntezomezya muntu kupita na chiya mchipupilo. 17Naye esambizya enena naŵo, Kansi ntekwilembewa, Ng'anda yangu ize yoitiwa ng'anda yosengeramo ku mitundu yonse? sembe mweo muichisya chikwe cha anyalufwimbi. 18Akuru a ansembe na alembi echimvwa nosakasaka momchenekera: pakuti enzomuyopa, chikomo liumba lonse lizizwa na mayeruzyo ŵake.
19Naye masiku ŵonse mchingulo enzofuma mu mzinda.
20Lomba mmawa mwake popitapo echiŵona chimuti cha chiku chafota kuyambila mizyu. 21Petro elukana emnenera, Rabbi, ŵonani, chiku wimwishamika wafota. 22Yesu eyasuka enena naŵo, Chetekerani Mlungu. 23Lezee numuuzyani, Ali wonse ati azalinenere lupiri ulu, Unyuliwe nopozewa mchimana, wosakaikakaika mu mtima mwake sembe ati azachetekere kuti chamene chakunena chuchitiwa, azaŵe nacho. 24Teti ni panumuuzyani, Vyonse vimusenga novilomba, chetekerani kuti mwavipoka, namwe mze muŵe navyo. 25Pali ponse mkapanama kusenga nkolekelelani, kati muntu emponterani kantu; kuti Ausu wanu soti a kumulu amlekeleleni misulo yanu. [26Sembe kati ntemulekera mweo, Ausu wanu soti a kumulu ntati amlekeleleni misulo yanu.]
27Naŵo efwika soti ku Yerusalemi: naye penzoyendayenda mchipupilo echiza kwake akuru a ansembe na alembi na akuruakuru; 28enena naye, Ni vizo vyanji vimuchitirako ivi? kano ni ŵani empani vizo ivi vyochitira ivi? 29Yesu eŵanenera, Nane nimkonsheni lizu limo; mkaniyasuka, ninga nimuuzyeni vizo vinuchitirako ivi vintu. 30Nga ubatizo wa Yohana wifumila kumulu kansi, kano ku ŵantu? muniyasuke. 31Naŵo esusyana ŵekaŵeka echiti, Tikati ni kumulu, aati, Nga ni chinji pemwikanommvwila? 32Lomba tikati ni ku ŵantu — eŵayopa ŵantu: pakuti ŵonse emchisya Yohana kuŵa muŵirizi chendi. 33Naŵo emyasuka Yesu echiti, Situziŵa. Naye Yesu eŵanenera, Nane soti ntenimuuzyani vizo vinuchitirako ivi.
ទើបបានជ្រើសរើសហើយ៖
M. Marko 11: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Marko 11
11
1LOMBA peŵenzopanamila ku Yerusalemi, ku Betefage na Betaniya, ku lupiri lwa Elaya, etuma aŵiri a asambili ŵake 2eŵauzya, Nkamuyani ku munzi womangizyana namwe; mkaperoloŵamo mukaŵone kabulu komangiwa kakaliye nokwerewapo na muntu chivyalikwilo; kamangululeni, mze nako. 3Kati muntu akati kuli mweo, Muchitiranji teti? mkati, Asikuru okasaka; pamene apo akatumizye kuno. 4Naŵo eima efwanga kabulu komangiwa pa mulyango panja mu mseo, nokamangulula. 5Lomba ayakene a aŵo enzepeneme palapa enena naŵo, Mwachitanji pamwakamangulula kabulu ako? 6Ŵeve eŵanenera nga ni mwanenera Yesu: nipo eŵazomezya ŵaye. 7Naŵo echiza nako kabulu kwa Yesu, eikapo minjira yaŵo pamulu pake, naye enkalapo. 8Nipo anyinji eyanzika minjira yaŵo pa njira, ŵambine misambo yechisamvula ku sanga. 9Aŵo ŵotangulila na aŵo ŵokonka ekuwa, Hosanna; Woŵirikila uyo akuza mzina la Asikuru: 10Woŵirikila ufumu ukuza, ula wa ausu wasu Davide: Hosanna kumulu.
11Naye eloŵa mu Yerusalemi, mchipupilo; lomba akalolelole vyonse, pakuti lomba mwenze mchingulo, efumamo kuya ku Betaniya pamo na aŵo kumi na aŵiri.
12Nipo mmawa mwake akati fume ŵeve mBetaniya yeve echimvwa njala. 13Naye eŵona chiku kutali enze na matepo, echiza kuti kano aŵonemo kantu: pamene pechifwikamo efwanga muliye na kantu konse sembe matepo; pakuti nteyenze nyengo ya chiku. 14Naye eyasuka emnenera, Chitatikile lomba mpaka vyaka muntu asalyamo soti vyotwala muli weo. Na asambili ŵake emvwako ili.
15Lomba ŵechiza ku Yerusalemi: naye eloŵa mchipupilo noyamba kwafumya aŵo ŵositisya na aŵo ŵosita makweo umo mchipupilo, eŵagodobola matebulu ŵaŵo ŵosintanisyirapo ndalama na vilimba vyaŵo ŵozisitisya nkunda; 16ntezomezya muntu kupita na chiya mchipupilo. 17Naye esambizya enena naŵo, Kansi ntekwilembewa, Ng'anda yangu ize yoitiwa ng'anda yosengeramo ku mitundu yonse? sembe mweo muichisya chikwe cha anyalufwimbi. 18Akuru a ansembe na alembi echimvwa nosakasaka momchenekera: pakuti enzomuyopa, chikomo liumba lonse lizizwa na mayeruzyo ŵake.
19Naye masiku ŵonse mchingulo enzofuma mu mzinda.
20Lomba mmawa mwake popitapo echiŵona chimuti cha chiku chafota kuyambila mizyu. 21Petro elukana emnenera, Rabbi, ŵonani, chiku wimwishamika wafota. 22Yesu eyasuka enena naŵo, Chetekerani Mlungu. 23Lezee numuuzyani, Ali wonse ati azalinenere lupiri ulu, Unyuliwe nopozewa mchimana, wosakaikakaika mu mtima mwake sembe ati azachetekere kuti chamene chakunena chuchitiwa, azaŵe nacho. 24Teti ni panumuuzyani, Vyonse vimusenga novilomba, chetekerani kuti mwavipoka, namwe mze muŵe navyo. 25Pali ponse mkapanama kusenga nkolekelelani, kati muntu emponterani kantu; kuti Ausu wanu soti a kumulu amlekeleleni misulo yanu. [26Sembe kati ntemulekera mweo, Ausu wanu soti a kumulu ntati amlekeleleni misulo yanu.]
27Naŵo efwika soti ku Yerusalemi: naye penzoyendayenda mchipupilo echiza kwake akuru a ansembe na alembi na akuruakuru; 28enena naye, Ni vizo vyanji vimuchitirako ivi? kano ni ŵani empani vizo ivi vyochitira ivi? 29Yesu eŵanenera, Nane nimkonsheni lizu limo; mkaniyasuka, ninga nimuuzyeni vizo vinuchitirako ivi vintu. 30Nga ubatizo wa Yohana wifumila kumulu kansi, kano ku ŵantu? muniyasuke. 31Naŵo esusyana ŵekaŵeka echiti, Tikati ni kumulu, aati, Nga ni chinji pemwikanommvwila? 32Lomba tikati ni ku ŵantu — eŵayopa ŵantu: pakuti ŵonse emchisya Yohana kuŵa muŵirizi chendi. 33Naŵo emyasuka Yesu echiti, Situziŵa. Naye Yesu eŵanenera, Nane soti ntenimuuzyani vizo vinuchitirako ivi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.