M. Mattayo 25
25
1TETI ufumu wa kumulu ulinganishiwa na asimbi kumi, amene eula misaniko yaŵo eima kuyomchinguzya mtenzi. 2Asano a aŵo ŵenze ŵopusa, na asano enze a nzeru. 3Pakuti aŵo ŵopusa pechiula misaniko yaŵo aliyoula na mafuta: 4sembe aŵo a nzeru eula mafuta mtunsuŵilo twaŵo pamo na misaniko yaŵo. 5Lomba pechimuka mtenzi ŵonse enzokusila nolala tulo. 6Nipo pakati posiku kwenze muŵila, Ŵonani, mtenzi! Fumani kuzomchinguzya. 7Pamene apo asimbi ŵala ŵonse eima nowamya misaniko yaŵo. 8Ŵopusa naŵo eŵanenera a nzeru, Tipekoni mafuta ŵanu: chifukwa misaniko yasu yuzima. 9Lomba a nzeru eyasuka echiti, Kano ntati akumane seo na mweo: ni chiweme muye kwa ŵala ŵositisya mkalisitireko mweka. 10Nipo penzekuyosita echiza mtenzi; naŵo ŵala ŵeliikilatu eloŵa naye pamo ku winga, na pa mulyango ezalapo. 11Pavuli pake echiza soti asimbi ŵala ŵayake, ŵechiti, Asikuru, Asikuru, mtizulileko seo. 12Sembe yeve eyasuka echiti, Lezee numnenelani, Sinumziŵani mweo. 13Teti iŵani tuni, pakuti simuziŵa siku kano kamfunda kake.
14Nga ni muntu pakuya ku charo cha kutali mwechiitira akapolo ŵake noŵasiira viya vyake. 15Umo empa matalanta asano, muyake aŵiri, muyake limo, ali wonse mwa nzeru zyake, echiya ulwendo wake. 16Lomba pano apa uyo epoka matalanta asano echiya naŵo kwa amakweo, eyangizyapo matalanta ayakene asano. 17Tetila na uyo soti wa aŵiri aŵo esakililapo ayakene aŵiri. 18Sembe uyo epoka limo efumapo ekumba pansi nofisa ndalama ya asikuru wake. 19Lomba ikapitepo nsita ikuru asikuru wa akapolo ŵala echiza ependerana naŵo. 20Ula epoka matalanta aŵo asano echiza enze naŵo matalanta ayakene asano echiti, Asikuru, mwinipa neo matalanta asano: ŵonani, nisakililapo matalanta ayakene asano. 21Asikuru wake emnenera, Ni chiweme, we kapolo muweme na wozomereka; wenze wozomereka pa vintu vyopendeka, nikuŵike pa vintu vinyinji: loŵa weo mchimwemwe cha asikuru wako. 22Naye soti wa matalanta aŵo aŵiri echiza echiti, Asikuru, mwinipa neo matalanta aŵiri: ŵonani, nisakililapo matalanta ayakene aŵiri. 23Asikuru wake emnenera, Ni chiweme, we kapolo muweme na wozomereka; wenze wozomereka pa vintu vyopendeka, nikuŵike pa vintu vinyinji: loŵa weo mchimwemwe cha asikuru wako. 24Naye soti epoka talanta ilo limo echiza echiti, Asikuru, nimziŵani kuti nimwe ŵantu ayumu mtima, musanja pamuliyokomera nowezya pamuliyomwazya: 25nane niyopa nichiya nifisa talanta lanu pansi: ŵonani, muli nalo lanu mwaŵene. 26Sembe asikuru wake eyasuka enena naye, Niwe kapolo muŵipa na wokatasi, wiziŵa kuti nusanja paniliyokomera nowezya paniliyomwazya; 27teti nkasa ungati wiula ndalama yangu kwa ŵoyapuzya, nipo pakuza kwangu sembe napoka soti yangu na yangizyo lake. 28Teti mpokeni talanta ilo, mpeni uyo ana matalanta aŵo kumi. 29Pakuti ali wonse ali nacho chiyangizyiwe kwake, naye azaŵe navyo vinyinji: sembe uyo aliye, chukanga icho chali nacho chilondewe. 30Mpozeni kunja kapolo ula watyalatyala ku mfinzi ya kunja: kwamene kula kukuŵe kulila nokukuta menu.
31Sembe pamene pati aze Mwana wa muntu na mtupo wake, na malaika ŵonse pamo naye, pamene apo ninga azankale pa chilimba cha mtupo wake: 32pakazanga pake ize ilonganikiwe mitundu yonse: naye azaipatule umo na uyake, nga ni chiŵeta mwakupatulira mbelele na tumbuzi: 33azaike mbelele ku kwanja kwake kwendi, sembe tumbuzi ku manzyere. 34Nipo ize iiti Mfumu kwa ŵala a ku kwanja kwake kwendi, Izani, mwe mwina shuko la Ŵata ŵangu, mpyane ufumu ula wiikiwira katera kuli mweo chitatikile ponkazika charo cha pansi: 35pakuti nichimvwa njala namwe mwinipa vyakulya: niyuma ku mkosi namwe mwinimwensha: nenze mulwendo namwe mwinipa malo, 36nenze wa wamba namwe mwinivwalika: nenzelwele namwe mwinisondera: nenze mkambolimboli namwe mwinizila. 37Pamene apo ŵolungama ŵala azaiyasuke kuti, Asikuru, timuŵonani zuŵanji na njala nomulyesyani? kano na njota nommwenshani? 38Timuŵonani zuŵanji mulwendo nompani malo? kano wa wamba nomvwalikani? 39Timuŵonani zuŵanji olwala kano mkambolimboli nomzilani? 40Nipo Mfumu ize iyasuke nonena naŵo, Lezee numnenelani, Pamene pemwimchitira teti umo wa aŵa akwasu, chukanga aŵa atonto, ni pemwinichitira teti neo. 41Pamene apo ize iiti soti kwa ŵala a ku manzyere, Fumaponi pali neo, mwaŵoshamikiwa, ku mulilo wosasila ula wiikiwira futira ku muŵepeki na malaika ŵake: 42pakuti nichimvwa njala namwe simwinipa vyakulya: niyuma ku mkosi namwe simwinimwensha: 43nenze mulwendo namwe simwinipa malo, wa wamba namwe simwinivwalika, wolwala na mkambolimboli namwe simwinisondera. 44Naŵo soti azayasuke kuti, Asikuru, timuŵonani zuŵanji na njala, kano na njota, kano mulwendo, kano wa wamba, kano wolwala, kano mkambolimboli, nase ŵosamtumikilani? 45Pamene apo ize iŵayasuke, Lezee numnenelani, Pamene pamuliyomchitira teti umo wa aŵa atonto, ni pamuliyonichitira teti neo. 46Aŵa ŵaze ŵaye ku kulangiwa kosasila: sembe ŵolungama ku moyo wosasila.
ទើបបានជ្រើសរើសហើយ៖
M. Mattayo 25: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
M. Mattayo 25
25
1TETI ufumu wa kumulu ulinganishiwa na asimbi kumi, amene eula misaniko yaŵo eima kuyomchinguzya mtenzi. 2Asano a aŵo ŵenze ŵopusa, na asano enze a nzeru. 3Pakuti aŵo ŵopusa pechiula misaniko yaŵo aliyoula na mafuta: 4sembe aŵo a nzeru eula mafuta mtunsuŵilo twaŵo pamo na misaniko yaŵo. 5Lomba pechimuka mtenzi ŵonse enzokusila nolala tulo. 6Nipo pakati posiku kwenze muŵila, Ŵonani, mtenzi! Fumani kuzomchinguzya. 7Pamene apo asimbi ŵala ŵonse eima nowamya misaniko yaŵo. 8Ŵopusa naŵo eŵanenera a nzeru, Tipekoni mafuta ŵanu: chifukwa misaniko yasu yuzima. 9Lomba a nzeru eyasuka echiti, Kano ntati akumane seo na mweo: ni chiweme muye kwa ŵala ŵositisya mkalisitireko mweka. 10Nipo penzekuyosita echiza mtenzi; naŵo ŵala ŵeliikilatu eloŵa naye pamo ku winga, na pa mulyango ezalapo. 11Pavuli pake echiza soti asimbi ŵala ŵayake, ŵechiti, Asikuru, Asikuru, mtizulileko seo. 12Sembe yeve eyasuka echiti, Lezee numnenelani, Sinumziŵani mweo. 13Teti iŵani tuni, pakuti simuziŵa siku kano kamfunda kake.
14Nga ni muntu pakuya ku charo cha kutali mwechiitira akapolo ŵake noŵasiira viya vyake. 15Umo empa matalanta asano, muyake aŵiri, muyake limo, ali wonse mwa nzeru zyake, echiya ulwendo wake. 16Lomba pano apa uyo epoka matalanta asano echiya naŵo kwa amakweo, eyangizyapo matalanta ayakene asano. 17Tetila na uyo soti wa aŵiri aŵo esakililapo ayakene aŵiri. 18Sembe uyo epoka limo efumapo ekumba pansi nofisa ndalama ya asikuru wake. 19Lomba ikapitepo nsita ikuru asikuru wa akapolo ŵala echiza ependerana naŵo. 20Ula epoka matalanta aŵo asano echiza enze naŵo matalanta ayakene asano echiti, Asikuru, mwinipa neo matalanta asano: ŵonani, nisakililapo matalanta ayakene asano. 21Asikuru wake emnenera, Ni chiweme, we kapolo muweme na wozomereka; wenze wozomereka pa vintu vyopendeka, nikuŵike pa vintu vinyinji: loŵa weo mchimwemwe cha asikuru wako. 22Naye soti wa matalanta aŵo aŵiri echiza echiti, Asikuru, mwinipa neo matalanta aŵiri: ŵonani, nisakililapo matalanta ayakene aŵiri. 23Asikuru wake emnenera, Ni chiweme, we kapolo muweme na wozomereka; wenze wozomereka pa vintu vyopendeka, nikuŵike pa vintu vinyinji: loŵa weo mchimwemwe cha asikuru wako. 24Naye soti epoka talanta ilo limo echiza echiti, Asikuru, nimziŵani kuti nimwe ŵantu ayumu mtima, musanja pamuliyokomera nowezya pamuliyomwazya: 25nane niyopa nichiya nifisa talanta lanu pansi: ŵonani, muli nalo lanu mwaŵene. 26Sembe asikuru wake eyasuka enena naye, Niwe kapolo muŵipa na wokatasi, wiziŵa kuti nusanja paniliyokomera nowezya paniliyomwazya; 27teti nkasa ungati wiula ndalama yangu kwa ŵoyapuzya, nipo pakuza kwangu sembe napoka soti yangu na yangizyo lake. 28Teti mpokeni talanta ilo, mpeni uyo ana matalanta aŵo kumi. 29Pakuti ali wonse ali nacho chiyangizyiwe kwake, naye azaŵe navyo vinyinji: sembe uyo aliye, chukanga icho chali nacho chilondewe. 30Mpozeni kunja kapolo ula watyalatyala ku mfinzi ya kunja: kwamene kula kukuŵe kulila nokukuta menu.
31Sembe pamene pati aze Mwana wa muntu na mtupo wake, na malaika ŵonse pamo naye, pamene apo ninga azankale pa chilimba cha mtupo wake: 32pakazanga pake ize ilonganikiwe mitundu yonse: naye azaipatule umo na uyake, nga ni chiŵeta mwakupatulira mbelele na tumbuzi: 33azaike mbelele ku kwanja kwake kwendi, sembe tumbuzi ku manzyere. 34Nipo ize iiti Mfumu kwa ŵala a ku kwanja kwake kwendi, Izani, mwe mwina shuko la Ŵata ŵangu, mpyane ufumu ula wiikiwira katera kuli mweo chitatikile ponkazika charo cha pansi: 35pakuti nichimvwa njala namwe mwinipa vyakulya: niyuma ku mkosi namwe mwinimwensha: nenze mulwendo namwe mwinipa malo, 36nenze wa wamba namwe mwinivwalika: nenzelwele namwe mwinisondera: nenze mkambolimboli namwe mwinizila. 37Pamene apo ŵolungama ŵala azaiyasuke kuti, Asikuru, timuŵonani zuŵanji na njala nomulyesyani? kano na njota nommwenshani? 38Timuŵonani zuŵanji mulwendo nompani malo? kano wa wamba nomvwalikani? 39Timuŵonani zuŵanji olwala kano mkambolimboli nomzilani? 40Nipo Mfumu ize iyasuke nonena naŵo, Lezee numnenelani, Pamene pemwimchitira teti umo wa aŵa akwasu, chukanga aŵa atonto, ni pemwinichitira teti neo. 41Pamene apo ize iiti soti kwa ŵala a ku manzyere, Fumaponi pali neo, mwaŵoshamikiwa, ku mulilo wosasila ula wiikiwira futira ku muŵepeki na malaika ŵake: 42pakuti nichimvwa njala namwe simwinipa vyakulya: niyuma ku mkosi namwe simwinimwensha: 43nenze mulwendo namwe simwinipa malo, wa wamba namwe simwinivwalika, wolwala na mkambolimboli namwe simwinisondera. 44Naŵo soti azayasuke kuti, Asikuru, timuŵonani zuŵanji na njala, kano na njota, kano mulwendo, kano wa wamba, kano wolwala, kano mkambolimboli, nase ŵosamtumikilani? 45Pamene apo ize iŵayasuke, Lezee numnenelani, Pamene pamuliyomchitira teti umo wa aŵa atonto, ni pamuliyonichitira teti neo. 46Aŵa ŵaze ŵaye ku kulangiwa kosasila: sembe ŵolungama ku moyo wosasila.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.