Machitilo 12
12
1LOMBA nga ni pa nsita ila Herode mfumu etambika manja ŵake kuzingwisya ŵambi a mu eklezya. 2Naye empaya Yakobo mkuru wa Yohana na chinkalammanja. 3Nipo akaŵone kuti kwitemwesya Ayuda eyangizyapo kumkata Petro soti. Enze masiku a mitanda iliye chizamba. 4Naye akamkate emuŵika mkambolimboli, emsungisya ku mipingo ine ya manjolinjoli ŵane ŵane amlindilile; echiti amfumizye ku ŵantu pavuli pa Pasaka. 5Teti Petro esungiwa mkambolimboli: sembe eklezya yenzompapatilila kwa Mlungu kokakasya. 6Nipo pechisaka Herode kumfumizya, usiku wamene uyo Petro enzelele pakati pa manjolinjoli aŵiri womangiwa na manjerenjende aŵiri: achilindila naŵo pa mulyango enzosunga kambolimboli. 7Nipo ŵonani, malaika wa Asikuru epanama mnkonde mwake, na kuŵala kwisanikira chipinda chenzomangiwemo: naye emnyata Petro mchitumba mwake nomuusya kuti, Uka luŵilo. Na manjerenjende efopoka pa manja ŵake. 8Malaika enena naye, Vwala nyula, umange nkwaŵilo zyako. Naye echita tetyo. Emuuzya, Koloŵeka mwinjira wako, unikonke. 9Naye efuma nomkonka; aliyoziŵa kuti nchendi chachitika na malaika, lomba elinga kuti eŵona mensompenya. 10Naŵo akapule polindilila poyamba na pakaŵiri efwika ku chilyango cha chera chulola ku munzi; chizulika cheka, naŵo efuma notanguzyana pa njira imo; lomba pano malaika emsiya. 11Nipo Petro akayanzamuke echiti, Lomba nuziŵa chendi kuti Asikuru watuma malaika wake nonipuzumusya pa kwanja kwa Herode, na pa chilolero chonse cha mtundu wa Ayuda. 12Apo akalukane echiza ku ng'anda ya Mariya anyina a Yohana zina liyake Marko, kwenzolongana anyinji nolomba. 13Pechikunta pa chisasa cha pa mulyango msimbi echizoitaŵa, zina lake Roda. 14Akaziŵe lizu la Petro ntezulapo pa mulyango chikomo chosangalala, lomba eutukila mkati euzya kuti Petro alipeneme pa mulyango. 15Naŵo emnenera, Wafunta weo. Sembe yeve enenesya kosakaika kuti nchendi. Naŵo ŵechiti, Ni malaika wake. 16Sembe Petro enze kakuntilo: nipo akazulepo emuŵona nozizwa. 17Sembe yeve eimya kwanja kuti amyalale, noŵalululira umo Asikuru mwamfumizya mkambolimboli. Echiti, Mkamuuzye Yakobo ivi na akwasu. Naye eima echiya kumbi. 18Lomba kukache kwenze kavyunguvyungu kakuru kwa manjolinjoli kakuti Petro waya kuni. 19Nipo Herode akamsake kosamfwanga eŵakonsesya achilindila notetula kuti ŵapaiwe. Naye efuma mu Yudaya esikila ku Kaisariya noswako.
20Lomba emnyesya mtima ngako ŵala ŵa ku Turo na Sidoni: ŵemzila na mtima umo, naŵo akamyanisye Blasto mkuru wa ng'anda ya mfumu, esaka mtendere, pakuti charo cha mfumu ni chenzochizya charo chaŵo. 21Nipo pa siku la chipango Herode evwala minjira yofumu, enkala pa chilimba chopinguzi noŵalongosolera malizu a nsaka. 22Naŵo ŵantu ekuwa echiti, Ni lizu la Mlungu, nte la muntu yai. 23Lomba pano apa malaika wa Asikuru emkoŵera, pakuti ntempa Mlungu mchinzi: elyewa na vikusi nosindika mzimu.
24Sembe lizu la Mlungu likula nopaka.
25Nipo Barnaba na Saulo efuma mu Yerusalemi akasilizye mulimo waŵo, ewerera noula Yohana zina liyake Marko kuya naŵo pamo.
ទើបបានជ្រើសរើសហើយ៖
Machitilo 12: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Machitilo 12
12
1LOMBA nga ni pa nsita ila Herode mfumu etambika manja ŵake kuzingwisya ŵambi a mu eklezya. 2Naye empaya Yakobo mkuru wa Yohana na chinkalammanja. 3Nipo akaŵone kuti kwitemwesya Ayuda eyangizyapo kumkata Petro soti. Enze masiku a mitanda iliye chizamba. 4Naye akamkate emuŵika mkambolimboli, emsungisya ku mipingo ine ya manjolinjoli ŵane ŵane amlindilile; echiti amfumizye ku ŵantu pavuli pa Pasaka. 5Teti Petro esungiwa mkambolimboli: sembe eklezya yenzompapatilila kwa Mlungu kokakasya. 6Nipo pechisaka Herode kumfumizya, usiku wamene uyo Petro enzelele pakati pa manjolinjoli aŵiri womangiwa na manjerenjende aŵiri: achilindila naŵo pa mulyango enzosunga kambolimboli. 7Nipo ŵonani, malaika wa Asikuru epanama mnkonde mwake, na kuŵala kwisanikira chipinda chenzomangiwemo: naye emnyata Petro mchitumba mwake nomuusya kuti, Uka luŵilo. Na manjerenjende efopoka pa manja ŵake. 8Malaika enena naye, Vwala nyula, umange nkwaŵilo zyako. Naye echita tetyo. Emuuzya, Koloŵeka mwinjira wako, unikonke. 9Naye efuma nomkonka; aliyoziŵa kuti nchendi chachitika na malaika, lomba elinga kuti eŵona mensompenya. 10Naŵo akapule polindilila poyamba na pakaŵiri efwika ku chilyango cha chera chulola ku munzi; chizulika cheka, naŵo efuma notanguzyana pa njira imo; lomba pano malaika emsiya. 11Nipo Petro akayanzamuke echiti, Lomba nuziŵa chendi kuti Asikuru watuma malaika wake nonipuzumusya pa kwanja kwa Herode, na pa chilolero chonse cha mtundu wa Ayuda. 12Apo akalukane echiza ku ng'anda ya Mariya anyina a Yohana zina liyake Marko, kwenzolongana anyinji nolomba. 13Pechikunta pa chisasa cha pa mulyango msimbi echizoitaŵa, zina lake Roda. 14Akaziŵe lizu la Petro ntezulapo pa mulyango chikomo chosangalala, lomba eutukila mkati euzya kuti Petro alipeneme pa mulyango. 15Naŵo emnenera, Wafunta weo. Sembe yeve enenesya kosakaika kuti nchendi. Naŵo ŵechiti, Ni malaika wake. 16Sembe Petro enze kakuntilo: nipo akazulepo emuŵona nozizwa. 17Sembe yeve eimya kwanja kuti amyalale, noŵalululira umo Asikuru mwamfumizya mkambolimboli. Echiti, Mkamuuzye Yakobo ivi na akwasu. Naye eima echiya kumbi. 18Lomba kukache kwenze kavyunguvyungu kakuru kwa manjolinjoli kakuti Petro waya kuni. 19Nipo Herode akamsake kosamfwanga eŵakonsesya achilindila notetula kuti ŵapaiwe. Naye efuma mu Yudaya esikila ku Kaisariya noswako.
20Lomba emnyesya mtima ngako ŵala ŵa ku Turo na Sidoni: ŵemzila na mtima umo, naŵo akamyanisye Blasto mkuru wa ng'anda ya mfumu, esaka mtendere, pakuti charo cha mfumu ni chenzochizya charo chaŵo. 21Nipo pa siku la chipango Herode evwala minjira yofumu, enkala pa chilimba chopinguzi noŵalongosolera malizu a nsaka. 22Naŵo ŵantu ekuwa echiti, Ni lizu la Mlungu, nte la muntu yai. 23Lomba pano apa malaika wa Asikuru emkoŵera, pakuti ntempa Mlungu mchinzi: elyewa na vikusi nosindika mzimu.
24Sembe lizu la Mlungu likula nopaka.
25Nipo Barnaba na Saulo efuma mu Yerusalemi akasilizye mulimo waŵo, ewerera noula Yohana zina liyake Marko kuya naŵo pamo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.