Machitilo 10
10
1ENZEPO muyake pa Kaisariya zina lake Korneliyo, kenturiyo wa mpingo woitiwa wa Italiya, 2muntu wolambila nomuyopa Mlungu pamo na chiŵanza chake chonse, eŵapa ŵantu vyabule vinyinji nomlomba Mlungu nsiku zyonse. 3Wamene uyu eŵona mmensompenya pasweta nga ni zuŵa lati senda malaika wa Mlungu oloŵa kwake nomnenera, Korneliyo. 4Naye pomlolesisya noyopa echiti, Ni chinji, Asikuru? Enena naye, Masengero ŵako na vyabule vyako vukwera kwa chilukano pa menso pa Mlungu. 5Lomba tuma ŵantu ku Yoppa akaule Simoni, zina liyake Petro: 6onkala mwa Simoni wopuka mikupo, ng'anda yake iri mmbali mwa chimana. 7Nipo akafumemo malaika elaŵira naye eita alumbwana aŵiri a pa ng'anda pake na linjolinjoli lolambila Mlungu la aŵo enzomlindilila; 8naye akaŵalululire vyonse eŵatuma ku Yoppa.
9Lomba mmawa mwake penzekuya ulwendo waŵo nopanamila ku munzi, Petro ekwera pa mtenje wa ng'anda kusenga, nga ni zuŵa pa mutu: 10naye echimvwa njala nosaka kulya: sembe pamene penzoteŵeta kwimzila nga ni kukomoka; 11eŵona kumulu kwazuliwa na choulilamo chakuti chuseluka nga ni chinyula chikuru, chosishiwa na mapembe ŵane ku charo: 12mwenze mitundu yonse ya nyama zya mendo ŵane, na vyokalaŵa vya pa charo, na tuni twa mlulezi. 13Na lizu limzila, Ima, Petro; paya ulye. 14Sembe Petro echiti, Nte teti, Asikuru; pakuti nikaliyolyapo kantu konse katyala na kosali. 15Nipo lizu limzila soti pakaŵiri, Chamene Mlungu chakutuŵisya usachichisya chatyala. 16Ichi chichitika katatu: lomba pano choulilamo icho chiuliwa kuya kumulu.
17Lomba Petro penzokaikila mu mtima zya mensompenya ŵechiŵona mfundo yake ni vinji, ŵonani, ŵantu ŵetumiwa na Korneliyo akakonshe ng'anda ya Simoni epanama pa chilyango, 18eŵirikizya nokonsha kano Simoni, zina liyake Petro, onkala apo. 19Lomba Petro penzoŵalingilila mensompenya Mzimu emnenera, Ŵona, ŵantu atatu okusaka. 20Lomba ima usike, uye naŵo pamo wosakaika kantu: pakuti naŵatuma ni neo. 21Nipo Petro esikira ku ŵantu aŵo echiti. Ŵonani, ne nine umusaka: chikomo ni chinji chimwazila? 22Naŵo ŵechiti, Korneliyo kenturiyo, muntu wolungama nomuyopa Mlungu, ana mbili iweme ku mtundu wonse wa Ayuda, euzyiwa na malaika wozila atume kumuitani ku ng'anda kwake na kumvwa malizu ŵanu. 23Teti eŵalovya mkati noŵapa malo.
Mmawa mwake euka echiya naŵo pamo, na akwaŵo ŵambi a ku Yoppa empelekezya. 24Nipo mmawa mwake eloŵa mKaisariya. Naye Korneliyo enzoŵalindila, esilolonganika akwaŵo na viuza vyake vyendi. 25Nipo yenzepo kuti Petro eloŵa, naye Korneliyo emtenderezya novunama mnkonde mwake nomlambila. 26Sembe Petro emuusya echiti, Panamani; na neo nane nne muntu. 27Naye penzolaŵira naye eloŵa efwanga anyinji alulongane: 28eŵanenera, Mweo mweka muziŵa kuti nti chozomereka ku muntu Muyuda kulikungumizya kano kuzila ku muntu wa mtundu umbine; lomba Mlungu enilangizya nisatula ali wonse watyala kano wosali: 29chifukwa chake ni penichiza kosanyanyaizya apo peniitiwa. Teti nukonsha, Mwiniitiranji? 30Korneliyo echiti, Zyapitapo nsiku zine kuza na nsita ino nenzoisunga mwangu nsita yosenga ya zuŵa likati senda; nipo ŵonani, muntu epanama pantanzi pangu na vyovwala vyenze ngwee, 31echiti, Korneliyo, lombero lako lumvwika na vyabule vyako vukumbukiwa pa menso pa Mlungu. 32Teti tuma ku Yoppa uliitire Simoni, zina liyake Petro; onkala mwa Simoni wopuka mikupo mmbali mwa chimana. 33Ni penituma kwanu; namwe mwachita paweme pamwaza. Teti tonse tiri pano lomba pa menso pa Mlungu timvwe vyonse vyechimsuzulilani Asikuru. 34Nipo Petro epambanula kanwa echiti,
Lezee naziŵa kuti Mlungu aliye salu: 35sembe mmitundu yonse uyo omuyopa nochita vyolungama ni wozomereka kwake. 36Lizu lila lyechitumizya ku ŵana a Israeli, loŵirizya makani aweme a mtendere mwa Yesu Kristo (uyo ni Mwine wa ŵonse)— 37lila lizu limuziŵa mweka, limvwika pa Yudaya ponse, kuyambila pa Galilaya pavuli pa ubatizo wechiŵirizya Yohana; 38ni la Yesu wa ku Nazarete, lakuti Mlungu emzoleka Mzimu Mtuŵa na mpamvu: wamene enzozungulila noŵachitira ŵantu viweme nopozya ŵonse ŵozuzika na muŵepeki; pakuti Mlungu enze naye pamo. 39Nase nise ntoni zya vyonse vyechichita mchitwa cha Ayuda na mu Yerusalemi; wamene soti wechipaya nompachika pa chimuti. 40Lomba Mlungu emuusya siku la mazo, nompa kuŵonekera pasweta 41nte ku ŵantu ŵonse sembe ku ntoni zisaluliwa kale na Mlungu, ni kwa seo tichilya na kumwa pamo naye pavuli pechizyuka kwa akufwa. 42Etipanga kuŵirizya ku ŵantu nochita untoni wakuti uyu ni wamene ula eikiwa na Mlungu aŵe Chipingula wa amoyo na akufwa. 43Uyu ni wechichitira untoni aŵirizi ŵonse, wakuti mzina lake ali wonse omzomera azapoke kulekelewa kwa viipa.
44Lomba Petro akalulaŵira malizu aŵa Mzimu Mtuŵa eŵaponera ŵonse elimvwa lizu. 45Naŵo a chisirimuko amene ezomera ezuzuka, ŵonse echiza na Petro, pakuti pa mitundu nayo pepunguliwa mtulo wa Mzimu Mtuŵa. 46Chikomo eŵamvwa ŵolaŵira mvilaŵiro nomzizya Mlungu. Pamene apo Petro eyasuka, 47Kansi muntu angatane manzi asabatiziwa aŵa, amene apoka Mzimu Mtuŵa nga ni seo? 48Naye etetula kuti abatiziwe mzina la Yesu Kristo. Pamene apo empapatira kuswako masiku ŵambi.
ទើបបានជ្រើសរើសហើយ៖
Machitilo 10: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.
Machitilo 10
10
1ENZEPO muyake pa Kaisariya zina lake Korneliyo, kenturiyo wa mpingo woitiwa wa Italiya, 2muntu wolambila nomuyopa Mlungu pamo na chiŵanza chake chonse, eŵapa ŵantu vyabule vinyinji nomlomba Mlungu nsiku zyonse. 3Wamene uyu eŵona mmensompenya pasweta nga ni zuŵa lati senda malaika wa Mlungu oloŵa kwake nomnenera, Korneliyo. 4Naye pomlolesisya noyopa echiti, Ni chinji, Asikuru? Enena naye, Masengero ŵako na vyabule vyako vukwera kwa chilukano pa menso pa Mlungu. 5Lomba tuma ŵantu ku Yoppa akaule Simoni, zina liyake Petro: 6onkala mwa Simoni wopuka mikupo, ng'anda yake iri mmbali mwa chimana. 7Nipo akafumemo malaika elaŵira naye eita alumbwana aŵiri a pa ng'anda pake na linjolinjoli lolambila Mlungu la aŵo enzomlindilila; 8naye akaŵalululire vyonse eŵatuma ku Yoppa.
9Lomba mmawa mwake penzekuya ulwendo waŵo nopanamila ku munzi, Petro ekwera pa mtenje wa ng'anda kusenga, nga ni zuŵa pa mutu: 10naye echimvwa njala nosaka kulya: sembe pamene penzoteŵeta kwimzila nga ni kukomoka; 11eŵona kumulu kwazuliwa na choulilamo chakuti chuseluka nga ni chinyula chikuru, chosishiwa na mapembe ŵane ku charo: 12mwenze mitundu yonse ya nyama zya mendo ŵane, na vyokalaŵa vya pa charo, na tuni twa mlulezi. 13Na lizu limzila, Ima, Petro; paya ulye. 14Sembe Petro echiti, Nte teti, Asikuru; pakuti nikaliyolyapo kantu konse katyala na kosali. 15Nipo lizu limzila soti pakaŵiri, Chamene Mlungu chakutuŵisya usachichisya chatyala. 16Ichi chichitika katatu: lomba pano choulilamo icho chiuliwa kuya kumulu.
17Lomba Petro penzokaikila mu mtima zya mensompenya ŵechiŵona mfundo yake ni vinji, ŵonani, ŵantu ŵetumiwa na Korneliyo akakonshe ng'anda ya Simoni epanama pa chilyango, 18eŵirikizya nokonsha kano Simoni, zina liyake Petro, onkala apo. 19Lomba Petro penzoŵalingilila mensompenya Mzimu emnenera, Ŵona, ŵantu atatu okusaka. 20Lomba ima usike, uye naŵo pamo wosakaika kantu: pakuti naŵatuma ni neo. 21Nipo Petro esikira ku ŵantu aŵo echiti. Ŵonani, ne nine umusaka: chikomo ni chinji chimwazila? 22Naŵo ŵechiti, Korneliyo kenturiyo, muntu wolungama nomuyopa Mlungu, ana mbili iweme ku mtundu wonse wa Ayuda, euzyiwa na malaika wozila atume kumuitani ku ng'anda kwake na kumvwa malizu ŵanu. 23Teti eŵalovya mkati noŵapa malo.
Mmawa mwake euka echiya naŵo pamo, na akwaŵo ŵambi a ku Yoppa empelekezya. 24Nipo mmawa mwake eloŵa mKaisariya. Naye Korneliyo enzoŵalindila, esilolonganika akwaŵo na viuza vyake vyendi. 25Nipo yenzepo kuti Petro eloŵa, naye Korneliyo emtenderezya novunama mnkonde mwake nomlambila. 26Sembe Petro emuusya echiti, Panamani; na neo nane nne muntu. 27Naye penzolaŵira naye eloŵa efwanga anyinji alulongane: 28eŵanenera, Mweo mweka muziŵa kuti nti chozomereka ku muntu Muyuda kulikungumizya kano kuzila ku muntu wa mtundu umbine; lomba Mlungu enilangizya nisatula ali wonse watyala kano wosali: 29chifukwa chake ni penichiza kosanyanyaizya apo peniitiwa. Teti nukonsha, Mwiniitiranji? 30Korneliyo echiti, Zyapitapo nsiku zine kuza na nsita ino nenzoisunga mwangu nsita yosenga ya zuŵa likati senda; nipo ŵonani, muntu epanama pantanzi pangu na vyovwala vyenze ngwee, 31echiti, Korneliyo, lombero lako lumvwika na vyabule vyako vukumbukiwa pa menso pa Mlungu. 32Teti tuma ku Yoppa uliitire Simoni, zina liyake Petro; onkala mwa Simoni wopuka mikupo mmbali mwa chimana. 33Ni penituma kwanu; namwe mwachita paweme pamwaza. Teti tonse tiri pano lomba pa menso pa Mlungu timvwe vyonse vyechimsuzulilani Asikuru. 34Nipo Petro epambanula kanwa echiti,
Lezee naziŵa kuti Mlungu aliye salu: 35sembe mmitundu yonse uyo omuyopa nochita vyolungama ni wozomereka kwake. 36Lizu lila lyechitumizya ku ŵana a Israeli, loŵirizya makani aweme a mtendere mwa Yesu Kristo (uyo ni Mwine wa ŵonse)— 37lila lizu limuziŵa mweka, limvwika pa Yudaya ponse, kuyambila pa Galilaya pavuli pa ubatizo wechiŵirizya Yohana; 38ni la Yesu wa ku Nazarete, lakuti Mlungu emzoleka Mzimu Mtuŵa na mpamvu: wamene enzozungulila noŵachitira ŵantu viweme nopozya ŵonse ŵozuzika na muŵepeki; pakuti Mlungu enze naye pamo. 39Nase nise ntoni zya vyonse vyechichita mchitwa cha Ayuda na mu Yerusalemi; wamene soti wechipaya nompachika pa chimuti. 40Lomba Mlungu emuusya siku la mazo, nompa kuŵonekera pasweta 41nte ku ŵantu ŵonse sembe ku ntoni zisaluliwa kale na Mlungu, ni kwa seo tichilya na kumwa pamo naye pavuli pechizyuka kwa akufwa. 42Etipanga kuŵirizya ku ŵantu nochita untoni wakuti uyu ni wamene ula eikiwa na Mlungu aŵe Chipingula wa amoyo na akufwa. 43Uyu ni wechichitira untoni aŵirizi ŵonse, wakuti mzina lake ali wonse omzomera azapoke kulekelewa kwa viipa.
44Lomba Petro akalulaŵira malizu aŵa Mzimu Mtuŵa eŵaponera ŵonse elimvwa lizu. 45Naŵo a chisirimuko amene ezomera ezuzuka, ŵonse echiza na Petro, pakuti pa mitundu nayo pepunguliwa mtulo wa Mzimu Mtuŵa. 46Chikomo eŵamvwa ŵolaŵira mvilaŵiro nomzizya Mlungu. Pamene apo Petro eyasuka, 47Kansi muntu angatane manzi asabatiziwa aŵa, amene apoka Mzimu Mtuŵa nga ni seo? 48Naye etetula kuti abatiziwe mzina la Yesu Kristo. Pamene apo empapatira kuswako masiku ŵambi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.