टिटस 2
2
मान्डालिबि डिरिक् खालाहा याॽमिचि चिन्मॆ
1टर आनॆ चाइ माङ् निवाँनेन् खानावाँ आनुसारॆ लॆ, म चिनॆचॆ। 2पासिङ्चि निवाँटाङ्पाचि, नुःर निवाँ टिखुबाचि, हाङ् टङ्चाखुबाचि, निवाँयुङ्मा नुङ् नाम्नाम् पिसिखुबाचि हाङ् हुङ्हिखुबाचि लिसानॆ कामानुङ् चिनॆचॆ। 3गरहाङ्न मासिङमाचि मान्टहाङ् काम्नुःर पाइमा लॆऎ कामानुङ् चिनॆचॆ। हाङ् खोचिऎ हुन्न होइढा याॽमिचिम् बक्माचेन्मा आफुचामिर। आसेङ्खॆटुचिर हाङ् होइढाचि नुऎ खानावाँ चिनुचिर। 4हाङ् खोचिऎ लाङ्मिॽ खिम्टाङ्माचि उम्चि खिम्टाङ्पा नुङ् पासाचि नाम्नाम् पिसिॽमा चिन्हिकुचि। 5हाङ् खोचि टाङ्पॆ टाङ्पान खाङ्हिखुबा, सॆङ्सॆङॆ, खिम् खाङ्हिखुबा, नाम्नावाँ नुङ्मा हाङ् टाङ्पाम् खिम्टाङ्पामि ढुप्पाट्ट हङ्सि पेन्खुबाचि लिसानॆ कमानुङ् चिनुचिर। हाङ् निवाँहाङ्मि खानावाँ चेन्मॆ योम्पक् लिनि।
6गरहाङ्न वॆन्चाचि सङ्क टाङ्पॆ टाङ्पान खाङ्हिखुबा लिसानॆ कामानुङ् चिनाम्चिनॆ। 7चोब्न खानावाँबि काम्नुऎ योम्पक् यिक्मानुङ् एक्क खाङ्चामा लुऎ याॽमि लिसॆ। हाङ् आनॆ चिन्मिम्पा खानावाँ रक्न पाइखुबा हाङ् नुःर निवाँ टिसे यामुखुबा लिसॆ। 8हाङ् आनॆ आसॆस आचेन्मे खानावाँ टे चिनॆचॆ, मसॆ कानि सिच्चोखुबाचिऎ कानिम् माङ्स काइसॆ खानावाँ मायक्टम्पासॆ खोचिन ङेसिखॆमि।
9योम्पक् मुखुबाचि सङ्क टाङ्पाम् टुङ्घङ्पाचिम् ढुप्पाट्ट हङ्सि पेन्से खोचि चोब्न खानावाँबि चेन्चामिट्टुचिर हाङ् यायाबि आकामिटॆचॆ। 10हाङ् आखुमिर, टर चोब्न खानावाँबि उम्चि चोब्न निवाँयुङ् खाङ्मुमा लॆ। गरहाङ् चोब्न खानावाँबि खोचिऎ कानिम् फाक्खुबा निवाँहाङ्मि बारेबि चिन्मिम्पा खानावाँमि निङ् युङ्मिटॆचॆ।
11मान्ठाभनॆ निवाँहाङ्मि नाम्नावाँ चोब्न याॽमिचि हिङ्चामिर कामानुङ् खाङ्मुडा। 12ग नाम्नावाँऎ कानि काइसॆ हिङ्खामा हाङ् बाखाटेम्पिहा काइसॆ खानावाँ टक्चामॆ निवाँबाङ् फाक्मा चिनुकि। हाङ् कानि टाङ्पॆॽन खाङ्से ग बाखाटेम्पि मज्जॆ हाङ् निवाँनेन् हिङ्खामा हिङ्चामा चिनुकि। 13हाङ् कानिऎ हुङ्मिम्पा खानावाँमि टाऎ काम्नुऎ डिनामि लाम् खाङुकि। आक्क डिना कानिम् ढ्या निवाँहाङ् हाङ् कानि फाक्खुबा येसु खिरिस्टमि निङ्लावा खाङ्मु।
14येसु खिरिस्टऎ कानि चोब्न हिङ्वाबाङ् फाक्सि खोम् हिङ्खामा कानिम् लागि पिडि। खोसॆ कानि खोम् लागिॽन सॆङ्सॆङॆ मुमाम् लागि खोम् याॽमि मुसि। हाङ् चॆकुचॆ मुसि, नुऎ योम्पक्मि लागि खोसॆ गर लॆटु।
15आनॆ इघा खानावाँ चोब्न ढुप्पाट्ट नुङ् लोसॆचॆ हाङ् वोसॆचॆ। आसॆस आना आइचामिर।
ទើបបានជ្រើសរើសហើយ៖
टिटस 2: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
टिटस 2
2
मान्डालिबि डिरिक् खालाहा याॽमिचि चिन्मॆ
1टर आनॆ चाइ माङ् निवाँनेन् खानावाँ आनुसारॆ लॆ, म चिनॆचॆ। 2पासिङ्चि निवाँटाङ्पाचि, नुःर निवाँ टिखुबाचि, हाङ् टङ्चाखुबाचि, निवाँयुङ्मा नुङ् नाम्नाम् पिसिखुबाचि हाङ् हुङ्हिखुबाचि लिसानॆ कामानुङ् चिनॆचॆ। 3गरहाङ्न मासिङमाचि मान्टहाङ् काम्नुःर पाइमा लॆऎ कामानुङ् चिनॆचॆ। हाङ् खोचिऎ हुन्न होइढा याॽमिचिम् बक्माचेन्मा आफुचामिर। आसेङ्खॆटुचिर हाङ् होइढाचि नुऎ खानावाँ चिनुचिर। 4हाङ् खोचिऎ लाङ्मिॽ खिम्टाङ्माचि उम्चि खिम्टाङ्पा नुङ् पासाचि नाम्नाम् पिसिॽमा चिन्हिकुचि। 5हाङ् खोचि टाङ्पॆ टाङ्पान खाङ्हिखुबा, सॆङ्सॆङॆ, खिम् खाङ्हिखुबा, नाम्नावाँ नुङ्मा हाङ् टाङ्पाम् खिम्टाङ्पामि ढुप्पाट्ट हङ्सि पेन्खुबाचि लिसानॆ कमानुङ् चिनुचिर। हाङ् निवाँहाङ्मि खानावाँ चेन्मॆ योम्पक् लिनि।
6गरहाङ्न वॆन्चाचि सङ्क टाङ्पॆ टाङ्पान खाङ्हिखुबा लिसानॆ कामानुङ् चिनाम्चिनॆ। 7चोब्न खानावाँबि काम्नुऎ योम्पक् यिक्मानुङ् एक्क खाङ्चामा लुऎ याॽमि लिसॆ। हाङ् आनॆ चिन्मिम्पा खानावाँ रक्न पाइखुबा हाङ् नुःर निवाँ टिसे यामुखुबा लिसॆ। 8हाङ् आनॆ आसॆस आचेन्मे खानावाँ टे चिनॆचॆ, मसॆ कानि सिच्चोखुबाचिऎ कानिम् माङ्स काइसॆ खानावाँ मायक्टम्पासॆ खोचिन ङेसिखॆमि।
9योम्पक् मुखुबाचि सङ्क टाङ्पाम् टुङ्घङ्पाचिम् ढुप्पाट्ट हङ्सि पेन्से खोचि चोब्न खानावाँबि चेन्चामिट्टुचिर हाङ् यायाबि आकामिटॆचॆ। 10हाङ् आखुमिर, टर चोब्न खानावाँबि उम्चि चोब्न निवाँयुङ् खाङ्मुमा लॆ। गरहाङ् चोब्न खानावाँबि खोचिऎ कानिम् फाक्खुबा निवाँहाङ्मि बारेबि चिन्मिम्पा खानावाँमि निङ् युङ्मिटॆचॆ।
11मान्ठाभनॆ निवाँहाङ्मि नाम्नावाँ चोब्न याॽमिचि हिङ्चामिर कामानुङ् खाङ्मुडा। 12ग नाम्नावाँऎ कानि काइसॆ हिङ्खामा हाङ् बाखाटेम्पिहा काइसॆ खानावाँ टक्चामॆ निवाँबाङ् फाक्मा चिनुकि। हाङ् कानि टाङ्पॆॽन खाङ्से ग बाखाटेम्पि मज्जॆ हाङ् निवाँनेन् हिङ्खामा हिङ्चामा चिनुकि। 13हाङ् कानिऎ हुङ्मिम्पा खानावाँमि टाऎ काम्नुऎ डिनामि लाम् खाङुकि। आक्क डिना कानिम् ढ्या निवाँहाङ् हाङ् कानि फाक्खुबा येसु खिरिस्टमि निङ्लावा खाङ्मु।
14येसु खिरिस्टऎ कानि चोब्न हिङ्वाबाङ् फाक्सि खोम् हिङ्खामा कानिम् लागि पिडि। खोसॆ कानि खोम् लागिॽन सॆङ्सॆङॆ मुमाम् लागि खोम् याॽमि मुसि। हाङ् चॆकुचॆ मुसि, नुऎ योम्पक्मि लागि खोसॆ गर लॆटु।
15आनॆ इघा खानावाँ चोब्न ढुप्पाट्ट नुङ् लोसॆचॆ हाङ् वोसॆचॆ। आसॆस आना आइचामिर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society