रोमि 15
15
याॽमिचि खाङ्मॆ
1कानि निवाँयुङ्पि चॆकुवॆ लिमिम्पा याॽमिचिऎ निवाँयुङ्पि चॆकुमिनिहा याॽमिचि नुःर खाङ्मा लॆःॽमि। हाङ् कानिऎ माङ् योम्पक् यिक्मा मिनुकि म योम्पक् टे यिक्मा फॆन्नि। 2कानि चोप्पासॆ निवाँयुङ् लॆखुबा टाङ्पामि याॽमिमि नुःर लिबिटुर हाङ् निवाँयुङ्पि पुर कामानुङ् खो चेन्चामिॽमा लॆ। 3मान्ठाभनॆ खिरिस्टऎ सङ्क टाङ्पामि नुऎमि लागि योम्पक् मायिगु। निवाँनेन् साब्चिराबि गरहाङ् साप्डा, “पारभु, आना इचाखुबाचिऎ काङा सङ्क इचामॆ पाइङामि।”#खोम्मिम्पासाम् ६९:९ 4कानि चिन्मामि लागि गरहा खानावाँ निवाँनेन् साब्चिराबि याॽलन साप्मिम्पा लॆटा। हाङ् आक्क निवाँनेन् साब्चिराऎ कानि आसा नुङ् निवाँबि चॆकुवॆ मुकि मान्ठाभनॆ कानिऎ निवाँहाङ्मि चुप्लाङ् लिः कामानुङ् हङ्मे पाइकि। 5हाङ् कानि आङ्हिमॆ नुङ् पाङ्नुमा निवाँ पिक्खुबा निवाँहाङ्ऎ आन्ना सङ्क खिरिस्ट येसुमि निवाँ पिट्टानिर कामानुङ् पारठाना लॆःॽङा। आक्क खानावाँऎ आन्नामि लुम्पि टङ्चामॆ खानावाँ टा। 6गरहाङ् कानिम् पारभु येसु खिरिस्टमि आपा निवाँहाङ् आन्ना चोब्पासॆ टङ्चामानुङ् निङ्लावा पिॽहिकाम्नि।
हॆॽनिबारेक्चिमि लागि नुऎ खानावाँ
7मसॆ खिरिस्टऎ आन्ना नुःर लॆटिन्टक्न, निवाँहाङ् निङ्लावा पिॽमामि लागि आन्नॆ सङ्क एक्कसॆ होइक नुःर लॆपॆ चुआनॆ। 8मान्ठाभनॆ काङॆ आन्ना ग खानावाँ लोकानि, निवाँहाङ्ऎ याहुडिचिमि पाप्पाटुबाचिनुङ् ठुॽमिम्पा चुप्लाङ् चाइबानऎ कामानुङ् खाङ्मिॽमामि लागि खिरिस्ट याहुडिचिमि योम्पक् मुसि टाआ। 9हाङ् निवाँहाङ्ऎ हॆॽनिबारेक्चि पिॽमिम्पा नाम्नावाँ खाङ्मानुङ् खोचिऎ खो निङ्लावा लॆटुचिर कामानुङ् खिरिस्ट सङ्क टाआ। निवाँनेन् साब्चिराबि गरहाङ् साब्डा,
“मसॆ काङॆ आक्खा हॆॽनिबारेक्चिमि लुम्पि आनामि निङ् ठेरुकुङ। हाङ् साम् इमानुङ् कॆ आनामि निङ् ठेरुकुङ।”#२ सामुएल २२:५०; खोम्मिम्पासाम् १८:४९
10हाङ् फेरि गरहाङ् साब्डा,
“आन्ना हॆॽनिबारॆचि,
निवाँहाङ्मि याॽमिचि नुङ् चेन्चाआनॆ।”#यायेॽमा ३२:४३
11हाङ् फेरि होइक ठालबि सङ्क गरहाङ् साब्डा,
“आन्ना चोब्न हॆॽनिबारेक्चि, पारभुमि निङ् ठेरानॆ। बाखाटेम्पिहा चोब्न जाटिचिऎ निवाँहाङ्मि निङ् ठेरुचिर।”#खोम्मिम्पासाम् ११७:१
12हाङ् होइक ठालबि यासाइयाऎ गरहाङ् लोडु,
“यिसाइमि#१५:१२ जेसि लोमॆ याॽमि डाउड हाङ्मि आपा लॆटा। सामॆक्बाङ् एक्क एक्क याॽमि टा।
हाङ् खो चाइ हॆॽनिबारेक्चिमि हाङ् लि।
हाङ् हॆॽनिबारेक्चिऎ खोबिॽन आस मिनुक्मि।”#यासाइया ११:१०
13आन्नॆ निवाँहाङ्बि निवाँयुङ् लॆःॽमिम्पासॆ आस पिक्खुबा निवाँहाङ्ऎ आन्ना एट्टान हाङ्हाङ् नुङ् सान्टि पिट्टानिर कामानुङ् काङा पारठाना लॆःॽङा। हाङ् सॆङ्सॆङॆ लावामि चॆक्मावाऎ आन्नामि आस पुःबक्से खॆॽल।
पावलमि योम्पक्
14बुबुनानुसाचि, आन्ना नुःर पाइकानि हाङ् निवाँहाङ्मि खानावाँ सङ्क काम्नुःर वाप्डाम्नि लोमॆ खानावाँ काङॆ लेकुङ। मसॆ ह एक्कसॆ होइक इपॆ चुहिकानि। 15-16मरहाङ्स काङॆ आन्नामि निवाँबि टार कामानुङ् एट्टान काम्नुःर साप्मिम्पा खानावाँ आन्ना लोमा मिट्टानि। निवाँहाङ्ऎ खोम् नाम्नावाँबाङ् काङा हॆॽनिबारेक्चिम् लुम्पि खोम् नुऎ खानावाँ खेम्मिॽमॆ ढुप्पाट्ट पिडिङ। हाङ् आक्खा याॽमिचिन खिरिस्ट येसुमि नुऎ खानावाँ खेम्मिॽमानुङ् काङॆ खोम् योम्पक् मुकुङ। गरहाङ् एक्क याटाङ्पाऎ खोम् योम्पक् यिक्मिम्पा रक्न काङॆ आक्खा याॽमिचि निवाँहाङ्ऎ नेन्चाकुवॆ भेटि मुमानुङ् खोबि लाटॆकुङ्चि। हाङ् काङॆ भेटि रक्न लाटॆॽमिम्पा याॽमिचि सॆङ्सॆङॆ लावाऎ सॆङ्सॆङॆ मुडुचि। 17मसॆॽन निवाँहाङ्मि लागि खिरिस्ट येसुऎ काङाबाङ् यिक्मिम्पा योम्पक्बि काङा हाङ्हाङ् मिनुॽङा। 18काङॆ खेम्मिॽमिम्पा खानावाँ हाङ् खिरिस्टऎ काङाबाङ् यिक्मिम्पा योम्पक्ऎ हॆॽनिबारेक्चि निवाँहाङ्बि टाआमि हाङ् निवाँहाङ्मि खानावाँ खेम्खुबा लिसामि। ग योम्पक्बाङ् होइढा माङ्स खानावाँबि काङा नाबुक् ठेॽङानि। 19काङॆ सॆङ्सॆङॆ लावामि चॆक्मावाबाङ् यिक्मिम्पा आक्खॆॽमाहा हाङ् चॆक्मावाहा योम्पक् खोचिऎ खाङ्डुचि। गरहाङ् काङॆ यारुसालेम्बाङ् इल्लुरिकाम लोमॆ ठाल ढारिन नुऎ खानावाँ खेम्मिॽमॆ योम्पक् यिक्डुङ। 20हाङ् होइडा याॽमिचिऎ टोमिम्पा जाक्बि होइकसॆ खिम् हेबिन्ट काङॆ होइढा याॽमिचिऎ खिरिस्टमि नुऎ खानावाँ खेम्मिसिॽमिम्पा ठालबि हॆॽनॆ, टर हानाम्स होइढाचिऎ मान्खेम्मिम्पा उम्चङ् ठालबि नुऎ खानावाँ खेम्मिॽमा मिनुॽङा। 21निवाँनेन् साब्चिराबि गरहाङ्न साप्डा,
“खोम बारेबि आसॆस ऎलोमिम्पा याॽमिचिऎ खो खाङ्कुचि
हाङ् खोमि बारेबि खानावाँन ऎखेम्टखुबाचिऎ खोम् खानावाँ वाबुकुचि।”#यासाइया ५२:१५
पावल रोम खॆॽमा मिन्मिम्पा
22गरहाङ् उम्चङ् उम्चङ् ठालबि खानावाँ फुबक्सि खॆॽमा सिडिङॆसॆ काङा आन्नाबि टामामि लागि डिरिक् खेपा हाप्सि खारिङ्। 23टर इघा ठालबि काङॆ नुऎ खानावाँ खेम्मिॽमॆ योम्पक यॆस्सिटुङ। हाङ् डिरिक् निङ् याॽलिबाङ् काङा आन्नाबि टामा मिम्मॆ पाइङा, 24मसॆ काङा आक्क लाम्फु लिसे स्पेन खॆॽमार आन्ना चुबुकानि कामानुङ् मिॽन्डिङ। हाङ् आन्नानुङ् एक्क हिच्चि डिना पेन्मॆ निवाँ मुःॽडुङ। काङा स्पेन लोमॆ हाङ्टेम्पि खॆःॽङार आन्नॆ पाइबाःॽङानि मिन्डिङ। 25-26टर काङा याॽलि यारुसालेम खॆःॽङा मान्ठाभनॆ माकेडोनिया हाङ् आखाइया लोमॆ ठालबिहा येसुबि निवाँयुङ् लॆखुबा बुबुनानुसाचिऎ यारुसालेम्मपि डुखा आङ्मॆ पाइमिहा निवाँयुङ् लॆखुबा याॽमिचिमि लागि याङ् पाङ्हाङ्डुचि। मसॆ काङॆ आक्क याङ् यारुसलेम लॆहॆप्पिकुङ्चि। 27ग योम्पक् चाइ खोचिमि निवाँ हाङ्हाङ् मुमानुङ् यिक्डुचि। गरहाङ् हॆॽनिबारेक्चिऎ याहुडि लाङ्काम्चि पाइबाक्मॆ खानावाँ ग खोचिऎ यिक्मा लॆऎ योम्पक्न रेम। याहुडिचिबाङ् हॆॽनिबारेक्चिऎ उम्चि लावामि लागि चामा ठका टक्चाउचि। मसॆ हॆॽनिबारेक्चिऎ टाङ्पामि याहुडि लाङ्काम्चि नुङ् सालुङ्बि पाबुऎ चामा ठका हाचामा एट्टान नुऎ योम्पक् यो। 28मसॆ ग याङ् खोचि पिॽमानुङ् काम योम्पक् याॽलि लुक्पिकुङ्। मबाङ् काङा इस्पेन खॆःॽङा। आक्रल काङा आन्नाबि आम्पडाॽङा। 29हाङ् काङा आन्नाबि टाङार खिरिस्टऎ पिॽमिम्पा डिरिक् आसिका खिन्मानुङ् टाःॽङा लोमॆ खानावाँ कॆ लेकुङ।
30बुबुनानुसाचि, कानिम् पारभु येसु खिरिस्ट हाङ् सॆङ्सॆङॆ लावाऎ पिॽमिम्पा नाम्नाम् पिसिॽमाऎ काङामि योम्पक्बि पाइबाक्ङार कामानुङ् पारठानाबि कानुङ्न हेर काम् लागि निवाँहाङ् नुङ् पारठाना लॆपिॽङानॆ कामानुङ् कॆ नुःर लोकानि। कानि पारभु येसुमि याॽमि लिमिम्पासॆ ग योम्पक् यिगानॆ हाङ् सॆङ्सॆङॆ लावाऎ कानि नाम्नाम् पिसिॽमॆ खानावाँ पिःॽडि। 31हाङ् याहुडियाबिहा निवाँयुङ् आलॆखुबा याॽमिचिबाङ् काङा निवाँहाङ्ऎ कोप्ङार डोब्ङार कामानुङ् पारठाना लॆपिॽङानॆ। हाङ् आक्रहाङ्न ग याङ् काङॆ यारुसालेम्बिहा निवाँयुङ् लॆखुबाचिबि टॆःॽमार खोचि एट्टान चेन्चामानुङ् लासुचिर कामानुङ् सङ्क पारठाना लॆपिॽङानॆ। 32बुबुनानुसाचि निवाँहाङ्मि निवाँर लिसा हाङ्ग काङा चेन्चासे आन्नाबि टाङा। हाङ् आन्नानुङ् सोरि पेन्से चेन्चाइये। 33सान्टि पिक्खुबा निवाँहाङ् आन्नानुङ् लिर। आमेन।
ទើបបានជ្រើសរើសហើយ៖
रोमि 15: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
रोमि 15
15
याॽमिचि खाङ्मॆ
1कानि निवाँयुङ्पि चॆकुवॆ लिमिम्पा याॽमिचिऎ निवाँयुङ्पि चॆकुमिनिहा याॽमिचि नुःर खाङ्मा लॆःॽमि। हाङ् कानिऎ माङ् योम्पक् यिक्मा मिनुकि म योम्पक् टे यिक्मा फॆन्नि। 2कानि चोप्पासॆ निवाँयुङ् लॆखुबा टाङ्पामि याॽमिमि नुःर लिबिटुर हाङ् निवाँयुङ्पि पुर कामानुङ् खो चेन्चामिॽमा लॆ। 3मान्ठाभनॆ खिरिस्टऎ सङ्क टाङ्पामि नुऎमि लागि योम्पक् मायिगु। निवाँनेन् साब्चिराबि गरहाङ् साप्डा, “पारभु, आना इचाखुबाचिऎ काङा सङ्क इचामॆ पाइङामि।”#खोम्मिम्पासाम् ६९:९ 4कानि चिन्मामि लागि गरहा खानावाँ निवाँनेन् साब्चिराबि याॽलन साप्मिम्पा लॆटा। हाङ् आक्क निवाँनेन् साब्चिराऎ कानि आसा नुङ् निवाँबि चॆकुवॆ मुकि मान्ठाभनॆ कानिऎ निवाँहाङ्मि चुप्लाङ् लिः कामानुङ् हङ्मे पाइकि। 5हाङ् कानि आङ्हिमॆ नुङ् पाङ्नुमा निवाँ पिक्खुबा निवाँहाङ्ऎ आन्ना सङ्क खिरिस्ट येसुमि निवाँ पिट्टानिर कामानुङ् पारठाना लॆःॽङा। आक्क खानावाँऎ आन्नामि लुम्पि टङ्चामॆ खानावाँ टा। 6गरहाङ् कानिम् पारभु येसु खिरिस्टमि आपा निवाँहाङ् आन्ना चोब्पासॆ टङ्चामानुङ् निङ्लावा पिॽहिकाम्नि।
हॆॽनिबारेक्चिमि लागि नुऎ खानावाँ
7मसॆ खिरिस्टऎ आन्ना नुःर लॆटिन्टक्न, निवाँहाङ् निङ्लावा पिॽमामि लागि आन्नॆ सङ्क एक्कसॆ होइक नुःर लॆपॆ चुआनॆ। 8मान्ठाभनॆ काङॆ आन्ना ग खानावाँ लोकानि, निवाँहाङ्ऎ याहुडिचिमि पाप्पाटुबाचिनुङ् ठुॽमिम्पा चुप्लाङ् चाइबानऎ कामानुङ् खाङ्मिॽमामि लागि खिरिस्ट याहुडिचिमि योम्पक् मुसि टाआ। 9हाङ् निवाँहाङ्ऎ हॆॽनिबारेक्चि पिॽमिम्पा नाम्नावाँ खाङ्मानुङ् खोचिऎ खो निङ्लावा लॆटुचिर कामानुङ् खिरिस्ट सङ्क टाआ। निवाँनेन् साब्चिराबि गरहाङ् साब्डा,
“मसॆ काङॆ आक्खा हॆॽनिबारेक्चिमि लुम्पि आनामि निङ् ठेरुकुङ। हाङ् साम् इमानुङ् कॆ आनामि निङ् ठेरुकुङ।”#२ सामुएल २२:५०; खोम्मिम्पासाम् १८:४९
10हाङ् फेरि गरहाङ् साब्डा,
“आन्ना हॆॽनिबारॆचि,
निवाँहाङ्मि याॽमिचि नुङ् चेन्चाआनॆ।”#यायेॽमा ३२:४३
11हाङ् फेरि होइक ठालबि सङ्क गरहाङ् साब्डा,
“आन्ना चोब्न हॆॽनिबारेक्चि, पारभुमि निङ् ठेरानॆ। बाखाटेम्पिहा चोब्न जाटिचिऎ निवाँहाङ्मि निङ् ठेरुचिर।”#खोम्मिम्पासाम् ११७:१
12हाङ् होइक ठालबि यासाइयाऎ गरहाङ् लोडु,
“यिसाइमि#१५:१२ जेसि लोमॆ याॽमि डाउड हाङ्मि आपा लॆटा। सामॆक्बाङ् एक्क एक्क याॽमि टा।
हाङ् खो चाइ हॆॽनिबारेक्चिमि हाङ् लि।
हाङ् हॆॽनिबारेक्चिऎ खोबिॽन आस मिनुक्मि।”#यासाइया ११:१०
13आन्नॆ निवाँहाङ्बि निवाँयुङ् लॆःॽमिम्पासॆ आस पिक्खुबा निवाँहाङ्ऎ आन्ना एट्टान हाङ्हाङ् नुङ् सान्टि पिट्टानिर कामानुङ् काङा पारठाना लॆःॽङा। हाङ् सॆङ्सॆङॆ लावामि चॆक्मावाऎ आन्नामि आस पुःबक्से खॆॽल।
पावलमि योम्पक्
14बुबुनानुसाचि, आन्ना नुःर पाइकानि हाङ् निवाँहाङ्मि खानावाँ सङ्क काम्नुःर वाप्डाम्नि लोमॆ खानावाँ काङॆ लेकुङ। मसॆ ह एक्कसॆ होइक इपॆ चुहिकानि। 15-16मरहाङ्स काङॆ आन्नामि निवाँबि टार कामानुङ् एट्टान काम्नुःर साप्मिम्पा खानावाँ आन्ना लोमा मिट्टानि। निवाँहाङ्ऎ खोम् नाम्नावाँबाङ् काङा हॆॽनिबारेक्चिम् लुम्पि खोम् नुऎ खानावाँ खेम्मिॽमॆ ढुप्पाट्ट पिडिङ। हाङ् आक्खा याॽमिचिन खिरिस्ट येसुमि नुऎ खानावाँ खेम्मिॽमानुङ् काङॆ खोम् योम्पक् मुकुङ। गरहाङ् एक्क याटाङ्पाऎ खोम् योम्पक् यिक्मिम्पा रक्न काङॆ आक्खा याॽमिचि निवाँहाङ्ऎ नेन्चाकुवॆ भेटि मुमानुङ् खोबि लाटॆकुङ्चि। हाङ् काङॆ भेटि रक्न लाटॆॽमिम्पा याॽमिचि सॆङ्सॆङॆ लावाऎ सॆङ्सॆङॆ मुडुचि। 17मसॆॽन निवाँहाङ्मि लागि खिरिस्ट येसुऎ काङाबाङ् यिक्मिम्पा योम्पक्बि काङा हाङ्हाङ् मिनुॽङा। 18काङॆ खेम्मिॽमिम्पा खानावाँ हाङ् खिरिस्टऎ काङाबाङ् यिक्मिम्पा योम्पक्ऎ हॆॽनिबारेक्चि निवाँहाङ्बि टाआमि हाङ् निवाँहाङ्मि खानावाँ खेम्खुबा लिसामि। ग योम्पक्बाङ् होइढा माङ्स खानावाँबि काङा नाबुक् ठेॽङानि। 19काङॆ सॆङ्सॆङॆ लावामि चॆक्मावाबाङ् यिक्मिम्पा आक्खॆॽमाहा हाङ् चॆक्मावाहा योम्पक् खोचिऎ खाङ्डुचि। गरहाङ् काङॆ यारुसालेम्बाङ् इल्लुरिकाम लोमॆ ठाल ढारिन नुऎ खानावाँ खेम्मिॽमॆ योम्पक् यिक्डुङ। 20हाङ् होइडा याॽमिचिऎ टोमिम्पा जाक्बि होइकसॆ खिम् हेबिन्ट काङॆ होइढा याॽमिचिऎ खिरिस्टमि नुऎ खानावाँ खेम्मिसिॽमिम्पा ठालबि हॆॽनॆ, टर हानाम्स होइढाचिऎ मान्खेम्मिम्पा उम्चङ् ठालबि नुऎ खानावाँ खेम्मिॽमा मिनुॽङा। 21निवाँनेन् साब्चिराबि गरहाङ्न साप्डा,
“खोम बारेबि आसॆस ऎलोमिम्पा याॽमिचिऎ खो खाङ्कुचि
हाङ् खोमि बारेबि खानावाँन ऎखेम्टखुबाचिऎ खोम् खानावाँ वाबुकुचि।”#यासाइया ५२:१५
पावल रोम खॆॽमा मिन्मिम्पा
22गरहाङ् उम्चङ् उम्चङ् ठालबि खानावाँ फुबक्सि खॆॽमा सिडिङॆसॆ काङा आन्नाबि टामामि लागि डिरिक् खेपा हाप्सि खारिङ्। 23टर इघा ठालबि काङॆ नुऎ खानावाँ खेम्मिॽमॆ योम्पक यॆस्सिटुङ। हाङ् डिरिक् निङ् याॽलिबाङ् काङा आन्नाबि टामा मिम्मॆ पाइङा, 24मसॆ काङा आक्क लाम्फु लिसे स्पेन खॆॽमार आन्ना चुबुकानि कामानुङ् मिॽन्डिङ। हाङ् आन्नानुङ् एक्क हिच्चि डिना पेन्मॆ निवाँ मुःॽडुङ। काङा स्पेन लोमॆ हाङ्टेम्पि खॆःॽङार आन्नॆ पाइबाःॽङानि मिन्डिङ। 25-26टर काङा याॽलि यारुसालेम खॆःॽङा मान्ठाभनॆ माकेडोनिया हाङ् आखाइया लोमॆ ठालबिहा येसुबि निवाँयुङ् लॆखुबा बुबुनानुसाचिऎ यारुसालेम्मपि डुखा आङ्मॆ पाइमिहा निवाँयुङ् लॆखुबा याॽमिचिमि लागि याङ् पाङ्हाङ्डुचि। मसॆ काङॆ आक्क याङ् यारुसलेम लॆहॆप्पिकुङ्चि। 27ग योम्पक् चाइ खोचिमि निवाँ हाङ्हाङ् मुमानुङ् यिक्डुचि। गरहाङ् हॆॽनिबारेक्चिऎ याहुडि लाङ्काम्चि पाइबाक्मॆ खानावाँ ग खोचिऎ यिक्मा लॆऎ योम्पक्न रेम। याहुडिचिबाङ् हॆॽनिबारेक्चिऎ उम्चि लावामि लागि चामा ठका टक्चाउचि। मसॆ हॆॽनिबारेक्चिऎ टाङ्पामि याहुडि लाङ्काम्चि नुङ् सालुङ्बि पाबुऎ चामा ठका हाचामा एट्टान नुऎ योम्पक् यो। 28मसॆ ग याङ् खोचि पिॽमानुङ् काम योम्पक् याॽलि लुक्पिकुङ्। मबाङ् काङा इस्पेन खॆःॽङा। आक्रल काङा आन्नाबि आम्पडाॽङा। 29हाङ् काङा आन्नाबि टाङार खिरिस्टऎ पिॽमिम्पा डिरिक् आसिका खिन्मानुङ् टाःॽङा लोमॆ खानावाँ कॆ लेकुङ।
30बुबुनानुसाचि, कानिम् पारभु येसु खिरिस्ट हाङ् सॆङ्सॆङॆ लावाऎ पिॽमिम्पा नाम्नाम् पिसिॽमाऎ काङामि योम्पक्बि पाइबाक्ङार कामानुङ् पारठानाबि कानुङ्न हेर काम् लागि निवाँहाङ् नुङ् पारठाना लॆपिॽङानॆ कामानुङ् कॆ नुःर लोकानि। कानि पारभु येसुमि याॽमि लिमिम्पासॆ ग योम्पक् यिगानॆ हाङ् सॆङ्सॆङॆ लावाऎ कानि नाम्नाम् पिसिॽमॆ खानावाँ पिःॽडि। 31हाङ् याहुडियाबिहा निवाँयुङ् आलॆखुबा याॽमिचिबाङ् काङा निवाँहाङ्ऎ कोप्ङार डोब्ङार कामानुङ् पारठाना लॆपिॽङानॆ। हाङ् आक्रहाङ्न ग याङ् काङॆ यारुसालेम्बिहा निवाँयुङ् लॆखुबाचिबि टॆःॽमार खोचि एट्टान चेन्चामानुङ् लासुचिर कामानुङ् सङ्क पारठाना लॆपिॽङानॆ। 32बुबुनानुसाचि निवाँहाङ्मि निवाँर लिसा हाङ्ग काङा चेन्चासे आन्नाबि टाङा। हाङ् आन्नानुङ् सोरि पेन्से चेन्चाइये। 33सान्टि पिक्खुबा निवाँहाङ् आन्नानुङ् लिर। आमेन।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society