सेन्चि 9
9
1हाङ् होइक ङाचि निवाँखाटॆखुबाऎ खोम् पॆँपिलिमा डुबु। हाङ् काङॆ नाम्फोलिॽवाबाङ् एक्क साङ्कॆम्मा बाखाटेम्पि हेड्डिम्पा खाङुङ्। आक्क साङ्कॆम्मा चाइ हाप्टिखॆॽमॆ ठालन माऎ रुम्रुम्पामि साँचो पिॽमिम्पा लॆटा। 2आक्क साङ्केम्माऎ आक्क रुम्रुम्पा हेम्बकु हाङ् आक्कबाङ् एट्टान ढ्या मिःबाङ् आम्पक्मिम्पा रक्न मॆक्खुमा आम्पका हाङ् आक्कसॆ नाम् नुङ् नाम्फलिॽवान माॽयाक्टऎ मुसु। 3हाङ् आक्क मॆक्खुमाबाङ् लुङ्खिॽमाचि बाखाटेम्पि उक्सामि हाङ् आक्खाचि बिच्छिऎ डक्मिम्पा रक्न याॽमिचि डक्मॆ चॆक्मावा पिॽमिम्पा लॆटा। 4हाङ् आक्खाचि निवाँहाङ्ऎ बाखाटेम्पिहा घाँसा, याॽवा सिवाँ नुङ् सिङ्लुङ् डुखा पिॽमॆ हॆॽनॆ, टर निढाराबि निवाँहाङ्मि लायुङ् माआमिहा याॽमिचि टेः डुखा पिट्टाम्चिनॆ कामानुङ् लोमिम्पा लॆटा। 5आक्खा लुङ्खिॽमाचि याॽमिचि सेइॽमा ग हॆॽनॆ, टर आक्खाचि ङाचि माइनाढारि बिच्छिऎ डक्मिम्पा रक्न टुक्मिॽमॆ चॆक्मावा पिॽमिम्पा लॆटामि। 6आक्क ङाचि माइना याॽमिचि लुक्खॆॽमा मिनुक्मि, टर लुक्खॆॽमिनि हाङ् खोचि एट्टान सिखॆॽमा यगुक्मि, टर सिखॆॽटक्मिनि।
7हाङ् आक्खा लुङ्खिॽमाचि ग खाङ्मार चुङ्मामि लागि परक्मिम्पा अन्युक् रक्मा लॆटामि। आक्खाचिऎ उम्चि निङ्टँवाँबि फिःइयामि मुकुट रक्मान खाम्मिम्पा लॆटुचि हाङ् उम्चि ङाचिक् याॽमिचिमि रक्मान लॆटा। 8खोचिम् टाङाक् मॆॽनुङ्मामि टाङाक्र टक्भॆऎ लॆटा हाङ् खोचिम् कॆङ् किबामि रक्मान लॆटा। 9हाङ् खोचिऎ उम्चि सॆङ्कॆरॆक्बि चॆक्चिमि रक्मान पाटा वेमिम्पा लॆटुचि। हाङ् उम्चि लाप्रॆङ्मि साम्ला ग चुङ्मामि लागि पिनुक्मिहा अन्युक्ऎ सॆरुकुवॆ ओइर बग् नुङ् आक्कबि ठाङ्खुबाचिमि रक्मा लॆटा। 10आक्खा लुङ्खिॽमामि मिरिक्मि डुःक्ठाम् बिच्छिमि रक्मान लॆटा। हाङ् उम्चि मिरिक्ऎ याॽमिचि ङाचि माइनाढारि डुखा पिॽमॆ चॆक्मावा चुआ। 11हाङ् आक्खा लुङ्खिॽमामि हाङ् चाइ आक्क हाप्सिठाम ठालन माऎ रुम्रुम्पाबिऎ खारिॽमाङ् लॆटा। हिबुरु खाप्पि खोम् निङ् आब्बाडोन हाङ् गिरिक् खाप्पि आपोलिओन#९:११ आब्बाडोन हाङ् आपोलिओन लोमिम्पा चाइ नासॆलॆखुबा यो। लॆटा।
12याॽलिऎ डुखा लुक्खारा। खेमाम्नॆ, ह होइढा हिच्चि डुखा टामान चु।
13हाङ् होइक ठुक्चि निवाँखाटॆखुबाऎ उम् पॆँपिलिमा डुबु। हाङ् काङॆ निवाँहाङ्मि ङारिङ्पि चुऎ फिःइयामि युङ्ठङ्मि रिचि टाङ्बाङ् आम्पडॆ एक्क साम्ला खेम्टकुङ्। 14आक्क साम्लाऎ पॆँपॆँलिमा याङ्खुबा आक्क ठुक्चि निवाँखाटॆखुबा गर लोमिम्पा कॆ खेमुङ्, “ढ्या हङ्मा युफेरेटिस कॆक्पि निवाँहाङ्ऎ हिग्बुङ्मिम्पा आक्खा रिचि खारिॽमाङ्चि लेहाङ्सॆचॆ।” 15निवाँहाङ्ऎ आक्खा रिचि निवाँखाटॆखुबाचि ग निङ्, माइना, डिना हाङ् घान्टामि लागिन मुमिम्पा लॆटुचि। मसॆ म ठुक्चि निवाँखाटॆखुबाऎ आक्खा रिचि निवाँखाटॆखुबाचि बाखाटेम्पिहा सुम्चि भागमि एक्क भाग याॽमिचि सेॽमामि लागि लेहाङ्सुचि। 16आक्कुबि अन्युक् सॆरुकुवॆ बग्बि ठाङ्खुबा हिकङ् टिलिङ्गाचि चुःक्मि कामानुङ् कॆ खेमुङ्।
17हाङ् काङॆ सेन्चिबि अन्युक्चि नुङ् आक्कुबि ठाङुॽमिहा टिलिङ्गाचि खाङुङ्चि। खोचिऎ उम्चि सॆङ्कॆरॆक्बि हार्रापा मिःर हाऎ चॆःक्चिऎ मोम्मिम्पा, निलमानि रऎ फिरिरिमा हाङ् गान्ढाक्र हाऎ हार्रापा पाटा वेमिम्पा लॆटुचि। हाङ् अन्युक्मि निङ्टवाँ किबामि रॽमा लॆटा हाङ् उम्चि याबाङ् मिः, मॆक्खुमा हाङ् गान्ढाक आम्पक् युक्सा। 18हाङ् बाखाटेम्पि चुःक्मिहा याॽमिचिमि सुम्चि भागबाङ् एक्क भाग याॽमिचि आक्क अन्युक्मि याबाङ् आम्पक्मिम्पा मिः, मॆक्खुबा हाङ् गान्ढाक्मि सुम्चि डुखाबाङ् लुक्खारामि। 19आक्खा अन्युक्चिमि चॆक्मावा उम्चि या नुङ् मिरिक्बि चुआ मान्ठाभनॆ याॽमिचि डुखा पिॽमाम् लागि उम्चि मिरिक् ग पुसॆःॽमामि निङ्टवाँ रक्मान सिक्चा नुङ्मा लॆटा।
20इगा डुखाबाङ् हिङ्चाडामिहा याॽमिचिऎ हस उम्चि काइसॆ निवाँ मायाइटुचि हाङ् निवाँहाङ्बि माऎन्टामि। हाङ् खोचिऎ उम्चि हुगॆ फिःइया, सि, काँसा, लुङ्कॽवा हाङ् सिङ्बाङ् मुमिम्पा मिक् आखाङ्खुबा हाङ् आसआखेम्खुबा हाङ् आसुआलाम्ढुखुबा काइसॆ लावा हाङ् मुर्टि चुङ्मा मायाइटुचि। 21हाङ् खोचिऎ याॽमि सेॽमा, चाटक्मि योम्पक् यिक्मा, ब्याबिचारा लॆःॽमा हाङ् खुचामॆ निवाँबाङ् ऎम्पक्मॆ निवाँ मामुसुचि।
ទើបបានជ្រើសរើសហើយ៖
सेन्चि 9: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
सेन्चि 9
9
1हाङ् होइक ङाचि निवाँखाटॆखुबाऎ खोम् पॆँपिलिमा डुबु। हाङ् काङॆ नाम्फोलिॽवाबाङ् एक्क साङ्कॆम्मा बाखाटेम्पि हेड्डिम्पा खाङुङ्। आक्क साङ्कॆम्मा चाइ हाप्टिखॆॽमॆ ठालन माऎ रुम्रुम्पामि साँचो पिॽमिम्पा लॆटा। 2आक्क साङ्केम्माऎ आक्क रुम्रुम्पा हेम्बकु हाङ् आक्कबाङ् एट्टान ढ्या मिःबाङ् आम्पक्मिम्पा रक्न मॆक्खुमा आम्पका हाङ् आक्कसॆ नाम् नुङ् नाम्फलिॽवान माॽयाक्टऎ मुसु। 3हाङ् आक्क मॆक्खुमाबाङ् लुङ्खिॽमाचि बाखाटेम्पि उक्सामि हाङ् आक्खाचि बिच्छिऎ डक्मिम्पा रक्न याॽमिचि डक्मॆ चॆक्मावा पिॽमिम्पा लॆटा। 4हाङ् आक्खाचि निवाँहाङ्ऎ बाखाटेम्पिहा घाँसा, याॽवा सिवाँ नुङ् सिङ्लुङ् डुखा पिॽमॆ हॆॽनॆ, टर निढाराबि निवाँहाङ्मि लायुङ् माआमिहा याॽमिचि टेः डुखा पिट्टाम्चिनॆ कामानुङ् लोमिम्पा लॆटा। 5आक्खा लुङ्खिॽमाचि याॽमिचि सेइॽमा ग हॆॽनॆ, टर आक्खाचि ङाचि माइनाढारि बिच्छिऎ डक्मिम्पा रक्न टुक्मिॽमॆ चॆक्मावा पिॽमिम्पा लॆटामि। 6आक्क ङाचि माइना याॽमिचि लुक्खॆॽमा मिनुक्मि, टर लुक्खॆॽमिनि हाङ् खोचि एट्टान सिखॆॽमा यगुक्मि, टर सिखॆॽटक्मिनि।
7हाङ् आक्खा लुङ्खिॽमाचि ग खाङ्मार चुङ्मामि लागि परक्मिम्पा अन्युक् रक्मा लॆटामि। आक्खाचिऎ उम्चि निङ्टँवाँबि फिःइयामि मुकुट रक्मान खाम्मिम्पा लॆटुचि हाङ् उम्चि ङाचिक् याॽमिचिमि रक्मान लॆटा। 8खोचिम् टाङाक् मॆॽनुङ्मामि टाङाक्र टक्भॆऎ लॆटा हाङ् खोचिम् कॆङ् किबामि रक्मान लॆटा। 9हाङ् खोचिऎ उम्चि सॆङ्कॆरॆक्बि चॆक्चिमि रक्मान पाटा वेमिम्पा लॆटुचि। हाङ् उम्चि लाप्रॆङ्मि साम्ला ग चुङ्मामि लागि पिनुक्मिहा अन्युक्ऎ सॆरुकुवॆ ओइर बग् नुङ् आक्कबि ठाङ्खुबाचिमि रक्मा लॆटा। 10आक्खा लुङ्खिॽमामि मिरिक्मि डुःक्ठाम् बिच्छिमि रक्मान लॆटा। हाङ् उम्चि मिरिक्ऎ याॽमिचि ङाचि माइनाढारि डुखा पिॽमॆ चॆक्मावा चुआ। 11हाङ् आक्खा लुङ्खिॽमामि हाङ् चाइ आक्क हाप्सिठाम ठालन माऎ रुम्रुम्पाबिऎ खारिॽमाङ् लॆटा। हिबुरु खाप्पि खोम् निङ् आब्बाडोन हाङ् गिरिक् खाप्पि आपोलिओन#९:११ आब्बाडोन हाङ् आपोलिओन लोमिम्पा चाइ नासॆलॆखुबा यो। लॆटा।
12याॽलिऎ डुखा लुक्खारा। खेमाम्नॆ, ह होइढा हिच्चि डुखा टामान चु।
13हाङ् होइक ठुक्चि निवाँखाटॆखुबाऎ उम् पॆँपिलिमा डुबु। हाङ् काङॆ निवाँहाङ्मि ङारिङ्पि चुऎ फिःइयामि युङ्ठङ्मि रिचि टाङ्बाङ् आम्पडॆ एक्क साम्ला खेम्टकुङ्। 14आक्क साम्लाऎ पॆँपॆँलिमा याङ्खुबा आक्क ठुक्चि निवाँखाटॆखुबा गर लोमिम्पा कॆ खेमुङ्, “ढ्या हङ्मा युफेरेटिस कॆक्पि निवाँहाङ्ऎ हिग्बुङ्मिम्पा आक्खा रिचि खारिॽमाङ्चि लेहाङ्सॆचॆ।” 15निवाँहाङ्ऎ आक्खा रिचि निवाँखाटॆखुबाचि ग निङ्, माइना, डिना हाङ् घान्टामि लागिन मुमिम्पा लॆटुचि। मसॆ म ठुक्चि निवाँखाटॆखुबाऎ आक्खा रिचि निवाँखाटॆखुबाचि बाखाटेम्पिहा सुम्चि भागमि एक्क भाग याॽमिचि सेॽमामि लागि लेहाङ्सुचि। 16आक्कुबि अन्युक् सॆरुकुवॆ बग्बि ठाङ्खुबा हिकङ् टिलिङ्गाचि चुःक्मि कामानुङ् कॆ खेमुङ्।
17हाङ् काङॆ सेन्चिबि अन्युक्चि नुङ् आक्कुबि ठाङुॽमिहा टिलिङ्गाचि खाङुङ्चि। खोचिऎ उम्चि सॆङ्कॆरॆक्बि हार्रापा मिःर हाऎ चॆःक्चिऎ मोम्मिम्पा, निलमानि रऎ फिरिरिमा हाङ् गान्ढाक्र हाऎ हार्रापा पाटा वेमिम्पा लॆटुचि। हाङ् अन्युक्मि निङ्टवाँ किबामि रॽमा लॆटा हाङ् उम्चि याबाङ् मिः, मॆक्खुमा हाङ् गान्ढाक आम्पक् युक्सा। 18हाङ् बाखाटेम्पि चुःक्मिहा याॽमिचिमि सुम्चि भागबाङ् एक्क भाग याॽमिचि आक्क अन्युक्मि याबाङ् आम्पक्मिम्पा मिः, मॆक्खुबा हाङ् गान्ढाक्मि सुम्चि डुखाबाङ् लुक्खारामि। 19आक्खा अन्युक्चिमि चॆक्मावा उम्चि या नुङ् मिरिक्बि चुआ मान्ठाभनॆ याॽमिचि डुखा पिॽमाम् लागि उम्चि मिरिक् ग पुसॆःॽमामि निङ्टवाँ रक्मान सिक्चा नुङ्मा लॆटा।
20इगा डुखाबाङ् हिङ्चाडामिहा याॽमिचिऎ हस उम्चि काइसॆ निवाँ मायाइटुचि हाङ् निवाँहाङ्बि माऎन्टामि। हाङ् खोचिऎ उम्चि हुगॆ फिःइया, सि, काँसा, लुङ्कॽवा हाङ् सिङ्बाङ् मुमिम्पा मिक् आखाङ्खुबा हाङ् आसआखेम्खुबा हाङ् आसुआलाम्ढुखुबा काइसॆ लावा हाङ् मुर्टि चुङ्मा मायाइटुचि। 21हाङ् खोचिऎ याॽमि सेॽमा, चाटक्मि योम्पक् यिक्मा, ब्याबिचारा लॆःॽमा हाङ् खुचामॆ निवाँबाङ् ऎम्पक्मॆ निवाँ मामुसुचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society