याहुडा 1
1
1काङा याहुडाऎ ग साब्चिरा साप्हाङ्मे पाइकुङ। काङा चाइ येसु खिरिस्टमि योम्पक् मुखुबा हाङ् याकुबमि नुसाङा यो। काङॆ ग साब्चिरा निवाँहाङ् आपॆ सेःॽमानुङ् नाम्नाम् पिसिम्पाचिम् लागि हाङ् येसु खिरिस्टबि हिङ्मिॽमिम्पाचिम् लागि साप्मिम्पा यो।
2निवाँहाङ्ऎ आन्ना ऎॽवा ह ऎॽवा नाम्नावाँ, सान्टि हाङ् नाम्नाम् पिसिटानिर।
किॽमालुहा हुन्नहा खानावाँ चिन्खुबाचि
3लाङ्काम्चो, काङॆ कानि चोब्पसॆ टक्चामिम्पा फाक्मॆ खानावाँमि बारेबि आन्ना एट्टान साब्मा मिट्टानि। टर ह चाइ काङॆ खोम् याॽमिचि माङ् लोमा मिट्टुङ्चि भनॆ निवाँहाङ्ऎ चोब्न लःमि लागि पिॽमिम्पा निवाँयुङ्मि लागि पाइमॆ चॆक्मावा टक्चाआनॆ लोमा मिट्टानि।
4मान्ठाभनॆ ऎॽवा याॽमिचि खुनिङ्म आन्नामि लुम्पि भॆन्खॆडामि। आक्खा याॽमिचि निवाँहाङ् मॆड्डिङ्मा याॽमिचि रेम हाङ् खोचिऎ निवाँहाङ्मि नाम्नावाँ चुढ्याङ्इ मसॆ चोब्न काइसॆ योम्पक् यिक्मा नुक् काग्मि। हाङ् कानिम् एक्क टेः टुङ्घङ्पा पारभु येसु खिरिस्ट सिच्चोकुचि। आक्खा याॽमिचि चाइ आब्डिक् नुङ्मा लिसिम्पा ये कामानुङ् याॽलिन निवाँनेन् साब्चिराबि साप्सिमिम्पा लॆटा।
5आन्नॆ लेकाम्नि हाङ्स कॆ आन्ना लोकानि, पारभुऎ इस्राएलि याॽमिचि मिस्र हाङ्टेम्बाङ् फाक्टॆटुचि। टर निवाँयुङ् आलेखुबा आक्खा याॽमिचि चाइ खोसॆ डॆङ्पि सेइटुचि। 6हाङ् कॆ आन्ना लोकानि, निवाँहाङ्ऎ पिॽमिम्पा ढुप्पाट्ट हङ्सि मापेन्रे टाङ्पाम् ठाल याइखुबा निवाँखाटॆखुबाचि सङ्क निवाँहाङ्ऎ आक्क किॽमालुऎ न्यायमि डिनामि लागि माॽयाक्टबि हानाम्स सॆक्भुङ्डुचि। 7आक्रहाङ्न साडोम नुङ् गमोरा हाङ् गॆअङ्मॆअङ्हा ठालबिहा याॽमिचि चिक्सिमालुहा योम्पक् हाङ् ब्याबिचारामि योम्पक् यिगामि हाङ् खोचि होइढा याॽमिचिम् लागि हानाम्स आसिखॆखुबा मिमि डान्डामि चिन्ना न लिसामि।
8मरहाङ्न काङ्कॆ सेम्माङ्पि ढुप्पाट्ट टक्चाउङ्का काखुबचि चिःक्सिमा लुऎ हिङ्खमाबि हिङ्चाक्मि हाङ् उम्चि सालुङ् काइर लॆःॽमाम् लागि हिङ्वा योम्पक् मुःक्मि। पारभुमि ढुप्पाट्ट माङ्स मिट्टुचिनि हाङ् पारुबि हिङ्चाखुबाचि इचाकुचिमि। 9मरहाङ्स निवाँखाटॆखुबाचिबि चोब्नबाङ् ढ्या मिखायेल लोमॆ निवाँखाटॆखुबाऎ सङ्क साइटान नुङ् मोसामि सिच्चिमि बारेबि याटक्माटक् लॆःॽमार किॽमालुऎ आब्डिक् टिमॆ निवाँ मामुरे गरटे लोसु, “पारभुऎ आना लोसिक्।” 10टर आक्खा याॽमिचिऎ खोचिऎ मानमावाप्मिम्पा खानावाँ इचाकुचि। हाङ् खोचि निवाँ मॆड्डिङ्मा पोसुचिर बाखाटेम्पिऎ निवाँऎ माङ् लोक् मरक्न पाइमि हाङ् खोचिऎ खोचिन नासॆ लिमॆ खानावाँ टॆकुचि। 11ढिक्कार आक्खाचि! मान्ठाभनॆ खोचि टाङ्पाम् नुसा सेक्खुबा काइन र पाइमि। हाङ् बालाम्ऎ र याॽमिचि याङ्मि लागि बङ्सिकुचि। हाङ् खोचि कोराह लोमॆ याॽमिमि खिमाटुमाबि लुखारिन्टक्न खोचि सङ्क सिखॆॽमि।#उट्पाटि ४:३-८; ङेःप्मा २२:१-३५; १६:१-३५ 12हाङ् आक्खाचि आन्नामि सोम्टुॽवानुङ्मा भोजामि लागि काइसाहा याॽमिचि लॆक्मि। खोचि टाङ्पा टे खाङ्खुबा ङेसिमा स मॆड्डिङ् चाखुबा याॽमिचि रेम। खोचि हिॽयापाऎ मिप्फॆकुवॆ वारि मॆड्डिङ्मा खिन्डुमा रक्मा याॽमिचि रेम। हाङ् आक्खाचि ग माङ् उम्चा माऎ सम्बाङ्न डेल्लाहाङ्पा माङ्स माऎ सोप्खॆमिम्पा सिङ् रक्मा सिखॆॽमिम्पाचि रेम। 13आक्खाचिऎ उम्चि ङेसिमा लुऎ योम्पक् पॆरॆरॆमाबिऎ किॽमालुऎ फॆङ्लॆबाऎ आम्पक्ऎ चयॆॽमा लाबकुचि। हाङ् खोचि लाम्फु मॆड्डिङ्मा साङ्कॆम्माचिर लॆःॽमि, खोचिम् लागि हानाम्स माॽयाक्ट ठालबि ठाल युङ्भुङ्डा। 14आडाम्बाङ्कॆ वाङ्चि पुस्टाबिऎ हानोक् लोमॆ याॽमिऎ डॆङ्पि लिऎ खानावाँ गरहाङ् याॽलन इःसु, “खेमाम्नॆ, पारभु चाइ ऎॽवा ह ऎॽवा खोम् निवाँखाटॆखुबाचि नुङ् टामेपाइ। 15हाङ् खोसॆ बाखाटेम्बिहा चोब्न याॽमिचि न्यायॆ लॆटुचि। हाङ् निवाँयुङ् आलॆखुबा चोब्न याॽमिचिऎ यिक्मिम्पा उम्चि काइसॆ योम्पक्मि लागि हाङ् खो काइर लोमिम्पा खानावाँबि डान्डा पिट्टुचि।”
16इघा याॽमिचि चाइ पॆरॆङ्पॆरॆङ् काखुबाचि, हानाम्स होइढा याॽमिचि आब्डिक् टिखुबाचि, टाङ्पाम् निवाँबि माङ् मिकुर मन लॆखुबाचि, काङाननङाये मिन्खुबाचि हाङ् टाङ्पामि योम्पक् यिक्माम् लागि होइढा याॽमिचि चङ्पखुबाचि लिःक्मि।
निवाँयुङ्पि लिढाङ्मॆ खानावाँ
17टर लाङ्काम्चि, आन्नॆ चाइ कानिम् पारभु येसु खिरिस्टमि सॆःक्ढुङ्पाचिऎ याॽलन लोमिम्पा खानावाँ मिॽलाआम्नॆ। 18खोचिऎ गरहाङ् लोमिम्पा लॆटुचि, “डॆङ्पिहा डिनाबि टाङ्पामि निवाँबि माङ्माङ् टाक्र मन योम्पक् यिक्मानुङ् सेम्चाखुबा याॽमिचि आम्पक्मि।” 19हाङ् आन्ना ऎटङ्चामिक्खुबाचि, बाखाटेम्पिऎ निवाँर पाइखुबाचि हाङ् सॆङ्सॆङॆ लावा मॆड्डिङ्मा याॽमिचि चाइ आक्खाचिन।
20टर लाङ्काम्चि, आन्ना चाइ आम्नि सॆङ्सॆङॆ निवाँयुङ्पि पुःसे खारानॆ हाङ् सॆङ्सॆङॆ लावाबि पारठाना लॆटानॆ। 21हाङ् हानाम्स सिखॆॽनॆ हिङ्खामा पिक्खुबा पारभु येसु खिरिस्टमि नाम्नावाँ हुङ्माम् लागि टाङ्पॆ टाङ्पान निवाँहाङ्मि नाम्नाम् पिसिॽमाबि पेनानॆ। मरहाङ् आन्नॆ टाङ्पा निवाँहाङ्मि नाम्नाम् पिसिॽमाबि युङ्हिकाम्नि। 22हाङ् निवाँयुङ्पि खारिङ्मरिङ् लॆटिखुबाचि नाम्नाम् पिस्सिटाम्चिनॆ। 23होइढा याॽमिचि सेःराम्चिनॆ हाङ् नाराक्मि मिःबि सिॽमाबाङ् हिङ्पकाम्नॆ। हाङ् ऎॽवा याॽमिचि चाइ नाम्नावाँ लॆटाम्नॆ टर नाम्नावाँ लॆॽमार नुःर पेनानॆ। उम्चि हिङ्खामाबि चुहा हिङ्वा चाइ चिःक्सिटाम्नॆ।
24आन्ना हिङ्वा योम्पक् यिक्माबाङ् ऎक्हिखुबा हाङ् आन्ना चेन्चामिॽमानुङ् माङ्स काइसॆ मॆड्डिङ्मा मुसे खोम् निङ्लावाबि लाखॆखुबा, 25हाङ् पारभु येसु खिरिस्टबाङ् कानि हिङ्चामिक्खुबा एक्क टेःॽन कानिम् निवाँहाङ्मि हानाम्स निङ् ढ्या लिर हाङ् निङ्लावा, चॆक्मावा नुङ् ढुप्पाट्ट याॽलऎबाङ् हढारि हानाम्स लिढाङ्र। आमेन।
ទើបបានជ្រើសរើសហើយ៖
याहुडा 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
याहुडा 1
1
1काङा याहुडाऎ ग साब्चिरा साप्हाङ्मे पाइकुङ। काङा चाइ येसु खिरिस्टमि योम्पक् मुखुबा हाङ् याकुबमि नुसाङा यो। काङॆ ग साब्चिरा निवाँहाङ् आपॆ सेःॽमानुङ् नाम्नाम् पिसिम्पाचिम् लागि हाङ् येसु खिरिस्टबि हिङ्मिॽमिम्पाचिम् लागि साप्मिम्पा यो।
2निवाँहाङ्ऎ आन्ना ऎॽवा ह ऎॽवा नाम्नावाँ, सान्टि हाङ् नाम्नाम् पिसिटानिर।
किॽमालुहा हुन्नहा खानावाँ चिन्खुबाचि
3लाङ्काम्चो, काङॆ कानि चोब्पसॆ टक्चामिम्पा फाक्मॆ खानावाँमि बारेबि आन्ना एट्टान साब्मा मिट्टानि। टर ह चाइ काङॆ खोम् याॽमिचि माङ् लोमा मिट्टुङ्चि भनॆ निवाँहाङ्ऎ चोब्न लःमि लागि पिॽमिम्पा निवाँयुङ्मि लागि पाइमॆ चॆक्मावा टक्चाआनॆ लोमा मिट्टानि।
4मान्ठाभनॆ ऎॽवा याॽमिचि खुनिङ्म आन्नामि लुम्पि भॆन्खॆडामि। आक्खा याॽमिचि निवाँहाङ् मॆड्डिङ्मा याॽमिचि रेम हाङ् खोचिऎ निवाँहाङ्मि नाम्नावाँ चुढ्याङ्इ मसॆ चोब्न काइसॆ योम्पक् यिक्मा नुक् काग्मि। हाङ् कानिम् एक्क टेः टुङ्घङ्पा पारभु येसु खिरिस्ट सिच्चोकुचि। आक्खा याॽमिचि चाइ आब्डिक् नुङ्मा लिसिम्पा ये कामानुङ् याॽलिन निवाँनेन् साब्चिराबि साप्सिमिम्पा लॆटा।
5आन्नॆ लेकाम्नि हाङ्स कॆ आन्ना लोकानि, पारभुऎ इस्राएलि याॽमिचि मिस्र हाङ्टेम्बाङ् फाक्टॆटुचि। टर निवाँयुङ् आलेखुबा आक्खा याॽमिचि चाइ खोसॆ डॆङ्पि सेइटुचि। 6हाङ् कॆ आन्ना लोकानि, निवाँहाङ्ऎ पिॽमिम्पा ढुप्पाट्ट हङ्सि मापेन्रे टाङ्पाम् ठाल याइखुबा निवाँखाटॆखुबाचि सङ्क निवाँहाङ्ऎ आक्क किॽमालुऎ न्यायमि डिनामि लागि माॽयाक्टबि हानाम्स सॆक्भुङ्डुचि। 7आक्रहाङ्न साडोम नुङ् गमोरा हाङ् गॆअङ्मॆअङ्हा ठालबिहा याॽमिचि चिक्सिमालुहा योम्पक् हाङ् ब्याबिचारामि योम्पक् यिगामि हाङ् खोचि होइढा याॽमिचिम् लागि हानाम्स आसिखॆखुबा मिमि डान्डामि चिन्ना न लिसामि।
8मरहाङ्न काङ्कॆ सेम्माङ्पि ढुप्पाट्ट टक्चाउङ्का काखुबचि चिःक्सिमा लुऎ हिङ्खमाबि हिङ्चाक्मि हाङ् उम्चि सालुङ् काइर लॆःॽमाम् लागि हिङ्वा योम्पक् मुःक्मि। पारभुमि ढुप्पाट्ट माङ्स मिट्टुचिनि हाङ् पारुबि हिङ्चाखुबाचि इचाकुचिमि। 9मरहाङ्स निवाँखाटॆखुबाचिबि चोब्नबाङ् ढ्या मिखायेल लोमॆ निवाँखाटॆखुबाऎ सङ्क साइटान नुङ् मोसामि सिच्चिमि बारेबि याटक्माटक् लॆःॽमार किॽमालुऎ आब्डिक् टिमॆ निवाँ मामुरे गरटे लोसु, “पारभुऎ आना लोसिक्।” 10टर आक्खा याॽमिचिऎ खोचिऎ मानमावाप्मिम्पा खानावाँ इचाकुचि। हाङ् खोचि निवाँ मॆड्डिङ्मा पोसुचिर बाखाटेम्पिऎ निवाँऎ माङ् लोक् मरक्न पाइमि हाङ् खोचिऎ खोचिन नासॆ लिमॆ खानावाँ टॆकुचि। 11ढिक्कार आक्खाचि! मान्ठाभनॆ खोचि टाङ्पाम् नुसा सेक्खुबा काइन र पाइमि। हाङ् बालाम्ऎ र याॽमिचि याङ्मि लागि बङ्सिकुचि। हाङ् खोचि कोराह लोमॆ याॽमिमि खिमाटुमाबि लुखारिन्टक्न खोचि सङ्क सिखॆॽमि।#उट्पाटि ४:३-८; ङेःप्मा २२:१-३५; १६:१-३५ 12हाङ् आक्खाचि आन्नामि सोम्टुॽवानुङ्मा भोजामि लागि काइसाहा याॽमिचि लॆक्मि। खोचि टाङ्पा टे खाङ्खुबा ङेसिमा स मॆड्डिङ् चाखुबा याॽमिचि रेम। खोचि हिॽयापाऎ मिप्फॆकुवॆ वारि मॆड्डिङ्मा खिन्डुमा रक्मा याॽमिचि रेम। हाङ् आक्खाचि ग माङ् उम्चा माऎ सम्बाङ्न डेल्लाहाङ्पा माङ्स माऎ सोप्खॆमिम्पा सिङ् रक्मा सिखॆॽमिम्पाचि रेम। 13आक्खाचिऎ उम्चि ङेसिमा लुऎ योम्पक् पॆरॆरॆमाबिऎ किॽमालुऎ फॆङ्लॆबाऎ आम्पक्ऎ चयॆॽमा लाबकुचि। हाङ् खोचि लाम्फु मॆड्डिङ्मा साङ्कॆम्माचिर लॆःॽमि, खोचिम् लागि हानाम्स माॽयाक्ट ठालबि ठाल युङ्भुङ्डा। 14आडाम्बाङ्कॆ वाङ्चि पुस्टाबिऎ हानोक् लोमॆ याॽमिऎ डॆङ्पि लिऎ खानावाँ गरहाङ् याॽलन इःसु, “खेमाम्नॆ, पारभु चाइ ऎॽवा ह ऎॽवा खोम् निवाँखाटॆखुबाचि नुङ् टामेपाइ। 15हाङ् खोसॆ बाखाटेम्बिहा चोब्न याॽमिचि न्यायॆ लॆटुचि। हाङ् निवाँयुङ् आलॆखुबा चोब्न याॽमिचिऎ यिक्मिम्पा उम्चि काइसॆ योम्पक्मि लागि हाङ् खो काइर लोमिम्पा खानावाँबि डान्डा पिट्टुचि।”
16इघा याॽमिचि चाइ पॆरॆङ्पॆरॆङ् काखुबाचि, हानाम्स होइढा याॽमिचि आब्डिक् टिखुबाचि, टाङ्पाम् निवाँबि माङ् मिकुर मन लॆखुबाचि, काङाननङाये मिन्खुबाचि हाङ् टाङ्पामि योम्पक् यिक्माम् लागि होइढा याॽमिचि चङ्पखुबाचि लिःक्मि।
निवाँयुङ्पि लिढाङ्मॆ खानावाँ
17टर लाङ्काम्चि, आन्नॆ चाइ कानिम् पारभु येसु खिरिस्टमि सॆःक्ढुङ्पाचिऎ याॽलन लोमिम्पा खानावाँ मिॽलाआम्नॆ। 18खोचिऎ गरहाङ् लोमिम्पा लॆटुचि, “डॆङ्पिहा डिनाबि टाङ्पामि निवाँबि माङ्माङ् टाक्र मन योम्पक् यिक्मानुङ् सेम्चाखुबा याॽमिचि आम्पक्मि।” 19हाङ् आन्ना ऎटङ्चामिक्खुबाचि, बाखाटेम्पिऎ निवाँर पाइखुबाचि हाङ् सॆङ्सॆङॆ लावा मॆड्डिङ्मा याॽमिचि चाइ आक्खाचिन।
20टर लाङ्काम्चि, आन्ना चाइ आम्नि सॆङ्सॆङॆ निवाँयुङ्पि पुःसे खारानॆ हाङ् सॆङ्सॆङॆ लावाबि पारठाना लॆटानॆ। 21हाङ् हानाम्स सिखॆॽनॆ हिङ्खामा पिक्खुबा पारभु येसु खिरिस्टमि नाम्नावाँ हुङ्माम् लागि टाङ्पॆ टाङ्पान निवाँहाङ्मि नाम्नाम् पिसिॽमाबि पेनानॆ। मरहाङ् आन्नॆ टाङ्पा निवाँहाङ्मि नाम्नाम् पिसिॽमाबि युङ्हिकाम्नि। 22हाङ् निवाँयुङ्पि खारिङ्मरिङ् लॆटिखुबाचि नाम्नाम् पिस्सिटाम्चिनॆ। 23होइढा याॽमिचि सेःराम्चिनॆ हाङ् नाराक्मि मिःबि सिॽमाबाङ् हिङ्पकाम्नॆ। हाङ् ऎॽवा याॽमिचि चाइ नाम्नावाँ लॆटाम्नॆ टर नाम्नावाँ लॆॽमार नुःर पेनानॆ। उम्चि हिङ्खामाबि चुहा हिङ्वा चाइ चिःक्सिटाम्नॆ।
24आन्ना हिङ्वा योम्पक् यिक्माबाङ् ऎक्हिखुबा हाङ् आन्ना चेन्चामिॽमानुङ् माङ्स काइसॆ मॆड्डिङ्मा मुसे खोम् निङ्लावाबि लाखॆखुबा, 25हाङ् पारभु येसु खिरिस्टबाङ् कानि हिङ्चामिक्खुबा एक्क टेःॽन कानिम् निवाँहाङ्मि हानाम्स निङ् ढ्या लिर हाङ् निङ्लावा, चॆक्मावा नुङ् ढुप्पाट्ट याॽलऎबाङ् हढारि हानाम्स लिढाङ्र। आमेन।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society