हिबुरु 5
5
1चोब्न चोब्नबाङ् ढ्या याटाङ्पा निवाँहाङ्ऎ इस्राएलि याॽमिचिबाङ्न सॆःगुकु हाङ् याॽमिचिमि लागि निवाँहाङ्मि योम्पक् यिक्मॆ योम्पक्मि ढुप्पाट्ट पिकु। हाङ् आक्क चोब्नबाङ् ढ्या याटाङ्पाऎ याॽमिचिऎ हिङ्वा यङ्निमा टक्चाङार कामानुङ् निवाँहाङ् पिस्सि लाटॆॽमिम्पा ठका पिॽमॆ नुङ् सङ्टिॽमॆ योम्पक् यिगुकु। 2खो टाङ्पान सङ्क काइसॆ योम्पक् यिक्खुबा एक्क याॽमि लिमिम्पासॆ खानावाँ ऎवाप्खुबाचि हाङ् टेराङ्गे लाम् लाम्ढुखुबाचि मिछुॽमा लिमानुङ् खानावाँ वाप्मिहिकुचि। 3मसॆ होइडा याॽमिचिमि हिङ्वामि लागि सङ्टिसि खॆॽमार खोसॆ खो टाङ्पामि हिङ्वामि लागि सङ्क सङ्टिॽमान लॆ।
4हाङ् आसास खोचिऎ निवाँबि मिन्मिम्पासॆ चोब्बाङ् ढ्या याटाङ्पा लिमानुङ् ङेःप्सिखॆॽमिनि, टर हारुन रक्न चोब्बाङ् ढ्या याटाङ्पा चाइ निवाँहाङ्ऎ सॆःगुकुहाङ् लि। 5गरहाङ्न खिरिस्टऎ सङ्क टाङ्पॆ टाङ्पान चोब्बाङ् ढ्या याटाङ्पा मुमानुङ् निङ्लावा मान्लासु टर निवाँहाङ्ऎ खो लोसु,
“आना कामि पासाना,
हाङ् आइ काङा आनामि आपा लिडिङ्।”#खोम्मिम्पासाम् २:७
6हाङ् निवाँनेन् साब्चिरामि होइक ठालबि निवाँहाङ्ऎ गर इडु,
“आना चाइ माल्किसेडेक लोमॆ याॽमि रॽन हानाम्स लिढ्याङ्खुबा याटाङपाना।”#खोम्मिम्पासाम् ११०:४
7हाङ् येसु बाखाटेम्बि चुआर खो सिखॆम्पाबाङ् हिङ्पॽमिॽहिखुबा निवाँहाङ् नुङ् ढ्या सम्लाबि हाब्से मिॽवानुङ् पारठाना लॆटा। हाङ् खो मिःछुपा लॆङ्से निवाँ टिसे पारठाना लॆॽमिम्पासॆॽन निवाँहाङ्ऎ खोम् पारठाना खेम्पिटु। 8खिरिस्ट चाइ खो निवाँहाङ्मि पासा न लॆटा हाङ्स खोसॆ टाङ्पॆॽन आङ्मिम्पा डुखाबाङ् निवाँहाङ्ऎ लोमिम्पा खानावाँ खेम्मा चिनु। 9हाङ् खिरिस्टऎ चोब्न खालाहा डुखा आङ्मानुङ् चोब्न खानावाँऎ चेप्खॆटु हाङ् खोसॆ लोमिम्पा खेम्खुबा चोब्नमि लागि हानाम्स लुक्खॆॽनॆ हिङ्खामा पिक्खुबान लिसा। 10हाङ् निवाँहाङ्ऎन खो मल्किसेडेक लोमॆ याॽमि रक्न चोब्बाङ् ढ्या याटाङ्पा मुसु।
निवाँयुङ् याइमा फॆन्नि
11गमि बारेबि इमालॆऎ खानावाँ डिरिक् चु, टर आन्ना ऎॽवा लोमार सङ्क एखेम्खुबा लिमिम्पासॆ आन्ना वाप्मिॽमा हेनि। 12हढारि ग आन्ना होइढा याॽमिचि निवाँहाङ्मि खानावाँ चिन्खुबा याॽमिचि लिसिॽमा लॆटॆ, टर होइखेपा सङ्क आन्ना होइढा याॽमिचिऎन निवाँहाङ्मि बारेबि मिॽमिहा खानावाँ सङ्क चिन्मा लॆकानि। हाङ् आन्ना छाक्कॆ चामॆ ठःका चाहिखुबा हॆॽनॆ, टर डुरु टे डुङ्खुबा चाचाचिर लॆकानि। 13मान्ठाभनॆ आसॆ मिॽमिॽहा खानावाँ टे वाबुकु आक्क डुरु टे डुङ्खुबा एक्क चाचा रक्मान। खोसॆ निवाँनेन् खानावाँ चिन्मिम्पा लिनि। 14टर छाक्कॆ चामॆ ठका चाइ पुखॆॽमिम्पा याॽमिमि लागि रेम। खोसॆ चिन्सिन्पासॆ काम्नुऎ नुङ् काइसॆ फाक्मॆ निवाँ टक्चामिम्पा लि।
ទើបបានជ្រើសរើសហើយ៖
हिबुरु 5: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
हिबुरु 5
5
1चोब्न चोब्नबाङ् ढ्या याटाङ्पा निवाँहाङ्ऎ इस्राएलि याॽमिचिबाङ्न सॆःगुकु हाङ् याॽमिचिमि लागि निवाँहाङ्मि योम्पक् यिक्मॆ योम्पक्मि ढुप्पाट्ट पिकु। हाङ् आक्क चोब्नबाङ् ढ्या याटाङ्पाऎ याॽमिचिऎ हिङ्वा यङ्निमा टक्चाङार कामानुङ् निवाँहाङ् पिस्सि लाटॆॽमिम्पा ठका पिॽमॆ नुङ् सङ्टिॽमॆ योम्पक् यिगुकु। 2खो टाङ्पान सङ्क काइसॆ योम्पक् यिक्खुबा एक्क याॽमि लिमिम्पासॆ खानावाँ ऎवाप्खुबाचि हाङ् टेराङ्गे लाम् लाम्ढुखुबाचि मिछुॽमा लिमानुङ् खानावाँ वाप्मिहिकुचि। 3मसॆ होइडा याॽमिचिमि हिङ्वामि लागि सङ्टिसि खॆॽमार खोसॆ खो टाङ्पामि हिङ्वामि लागि सङ्क सङ्टिॽमान लॆ।
4हाङ् आसास खोचिऎ निवाँबि मिन्मिम्पासॆ चोब्बाङ् ढ्या याटाङ्पा लिमानुङ् ङेःप्सिखॆॽमिनि, टर हारुन रक्न चोब्बाङ् ढ्या याटाङ्पा चाइ निवाँहाङ्ऎ सॆःगुकुहाङ् लि। 5गरहाङ्न खिरिस्टऎ सङ्क टाङ्पॆ टाङ्पान चोब्बाङ् ढ्या याटाङ्पा मुमानुङ् निङ्लावा मान्लासु टर निवाँहाङ्ऎ खो लोसु,
“आना कामि पासाना,
हाङ् आइ काङा आनामि आपा लिडिङ्।”#खोम्मिम्पासाम् २:७
6हाङ् निवाँनेन् साब्चिरामि होइक ठालबि निवाँहाङ्ऎ गर इडु,
“आना चाइ माल्किसेडेक लोमॆ याॽमि रॽन हानाम्स लिढ्याङ्खुबा याटाङपाना।”#खोम्मिम्पासाम् ११०:४
7हाङ् येसु बाखाटेम्बि चुआर खो सिखॆम्पाबाङ् हिङ्पॽमिॽहिखुबा निवाँहाङ् नुङ् ढ्या सम्लाबि हाब्से मिॽवानुङ् पारठाना लॆटा। हाङ् खो मिःछुपा लॆङ्से निवाँ टिसे पारठाना लॆॽमिम्पासॆॽन निवाँहाङ्ऎ खोम् पारठाना खेम्पिटु। 8खिरिस्ट चाइ खो निवाँहाङ्मि पासा न लॆटा हाङ्स खोसॆ टाङ्पॆॽन आङ्मिम्पा डुखाबाङ् निवाँहाङ्ऎ लोमिम्पा खानावाँ खेम्मा चिनु। 9हाङ् खिरिस्टऎ चोब्न खालाहा डुखा आङ्मानुङ् चोब्न खानावाँऎ चेप्खॆटु हाङ् खोसॆ लोमिम्पा खेम्खुबा चोब्नमि लागि हानाम्स लुक्खॆॽनॆ हिङ्खामा पिक्खुबान लिसा। 10हाङ् निवाँहाङ्ऎन खो मल्किसेडेक लोमॆ याॽमि रक्न चोब्बाङ् ढ्या याटाङ्पा मुसु।
निवाँयुङ् याइमा फॆन्नि
11गमि बारेबि इमालॆऎ खानावाँ डिरिक् चु, टर आन्ना ऎॽवा लोमार सङ्क एखेम्खुबा लिमिम्पासॆ आन्ना वाप्मिॽमा हेनि। 12हढारि ग आन्ना होइढा याॽमिचि निवाँहाङ्मि खानावाँ चिन्खुबा याॽमिचि लिसिॽमा लॆटॆ, टर होइखेपा सङ्क आन्ना होइढा याॽमिचिऎन निवाँहाङ्मि बारेबि मिॽमिहा खानावाँ सङ्क चिन्मा लॆकानि। हाङ् आन्ना छाक्कॆ चामॆ ठःका चाहिखुबा हॆॽनॆ, टर डुरु टे डुङ्खुबा चाचाचिर लॆकानि। 13मान्ठाभनॆ आसॆ मिॽमिॽहा खानावाँ टे वाबुकु आक्क डुरु टे डुङ्खुबा एक्क चाचा रक्मान। खोसॆ निवाँनेन् खानावाँ चिन्मिम्पा लिनि। 14टर छाक्कॆ चामॆ ठका चाइ पुखॆॽमिम्पा याॽमिमि लागि रेम। खोसॆ चिन्सिन्पासॆ काम्नुऎ नुङ् काइसॆ फाक्मॆ निवाँ टक्चामिम्पा लि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society