कालास्सि 1
1
1निवाँहाङ्मि निवाँ रक्न खिरिस्ट येसुमि सॆःक्ढुङ्पा लिमिम्पा काङा पावलऎ ग साब्चिरा साप्मिम्पा यो। हाङ् कानिम् नुसा टिमोठिऎ, 2कालास्सि हाटाबि चुकानिहा आन्ना सॆङ्सॆङॆ याॽमिचि हाङ् खिरिस्टबि निवाँयुङ् लॆखुबा बुबुनानुसाचि ग साब्चिरा साब्हाङ्मे पाइचुगा। कानिम् निवाँहाङ् आपाऎ आन्ना नाम्नावाँ नुङ् सान्टि पिट्टानिर।
पारठाना नुङ् ओहाक् पिॽमिम्पा
3काङ्कॆ आन्नामि लागि पारठाना लॆःॽमार हानाम्स कानिम् पारभु येसु खिरिस्टमि आपा निवाँहाङ् ओहाक् पिकुङ्का, 4मान्ठाभनॆ काङ्कॆ खिरिस्ट येसुबि चुऎ आन्नामि निवाँयुङ्मि बारेबि हाङ् आन्नॆ निवाँहाङ्मि चोब्न याॽमिचि नाम्नाम् पिसिॽमिम्पा खानावाँ खेम्टडुङ्का। 5आन्नाबि याॽल चाइबानऎ नुऎ खानावाँ टामार, आन्नॆ आक्कसॆ इमिम्पा आसमि बारेबि खेमाम्नि। मसॆॽन आन्नॆ आक्रहा योम्पक् यिगुकानि। म आन्नामि आस चाइ निवाँहाङ्ऎ आन्नामि लागि पारुबि काम्नुःर युङ्भुङ्डु। 6ग आन्नाबि टाडॆ नुऎ खानावाँ चोब्न बाखाटेम्पि स फुबक्मॆ पाइ हाङ् आन्नॆ याॽल ग खानावाँ खेम्मानुङ् आन्नामि हिङ्खामाबि योम्पक् यिगिन्टक्न गसॆ डिरिक् याॽमिचिम् हिङ्खामाबि योम्पक् यिक्मे पाइकु। ग खानावाँ चाइ आन्नॆ याॽलऎ डिना चाइबानऎ निवाँहाङ्मि ढ्या नाम्नावाँ वाप्मिम्पा डिनाबाङ् लिडा। 7ग खानावाँन आन्नॆ कानिम्#१:७ कानिम् ऎॽवा साब्चिराऎ चाइ “आन्नामि” कामानुङ् लोकु। इपाफारासबाङ् खेमाम्नि। खो चाइ खिरिस्टमि निवाँयुङ्मा योम्पक् मुखुबा याॽमि हाङ् काङ्कामि साट्टबि नाम्नाम् पिसिॽमा लुऎ योम्पक् मुखुबा याॽमि यो।#कालास्सि ४:१२; फिलेमोन १:२३ 8खोसॆ आन्नॆ सॆङ्सॆङॆ लावाबाङ् होइढा याॽमिचि नाम्नाम् पिसिकाम्चिनि लोमॆ खेम्मिटिङ्का।
9मसॆ आक्क खानावाँ खेम्मिम्पा डिनाबाङ् आन्नामि लागि आन्ना निवाँहाङ्मि निवाँ हाङ् लावाबाङ् चोब्न खानावाँ हाङ् वाप्हिमॆ निवॆँ चेप्खेटानॆ। गर कामानुङ् काङ्का हानाम्स निवाँहाङ् नुङ् पारठाना लॆकिङ्का। 10हाङ् आन्नॆ पारभुमि ङारिङ्पि नुऎ हिङ्खामाबि हिङ्चाकानि हाङ् आन्नामि काम्नुऎ योम्पक्ऎ हानाम्स खो चेन्चामिकाम्नि। चोब्न काम्नुऎ योम्पक् फुबक्से खॆ हाङ् आन्ना निवाँहाङ् लेमॆ खानावाँबि नुःर पुःसे खॆकानि। 11हाङ् काङ्का आन्नामि लागि गरहाङ् पारठाना लॆकिङ्का, आन्ना निवाँहाङ्मि निङ्लावामि ढ्या चॆक्मावाऎ चॆप्खॆटानॆ मसॆ आन्नॆ आङ्मॆ नुङ् हुङ्मॆ खानावाँ टक्चाकाम्नि हाङ् चेन्चाकानि। 12हाङ् ओप्लिङ्मि हाङ्डाम्पि निवाँनेन् याॽमिचिऎ टक्चामॆ खानावाँ आन्ना पिकानि कामानुङ् लोमिम्पा भाग टक्चाखुबा मुखुबा निवाँहाङ् आपा ओहाक् पिट्टाम्नॆ। 13खोसॆॽन कानि साइटानमि माइऎ हाङ्डाम्बाङ् हिङ्पमिट्टि, हाङ् खोसॆ नाम्नाम् पिसिम्पा टाङ्पामि पासामि हाङ्डाम् हङ्सि लाखॆडि। 14खोम् पासाऎन कानि इनि हाङ् कानिम् हिङ्वा यङ्निपिडि।#एफिसि १:७
खिरिस्ट चोब्बाङ् टुङ्घङ्पा
15खिरिस्ट चाइ ऎखाङ्टक्मॆ निवाँहाङ्मि खाङ्टक्मॆ रुपा यो। खो चाइ सिरिस्टिबाङ् याॽलन चुआ हाङ् खो चोब्बाङ् टुङ्घङ्पा रेम। 16मान्ठाभनॆ पारु नुङ् बाखाटेमबिहा खाङ्मुहा नुङ् खाङ्मुनिहा चोब्न खानावाँ, टुङघङ्पाचि, हाङ्डाम् लॆखुबाचि, चॆक्मावा नुङ्माहाचि हाङ् लावामि ढुप्पाट्ट फॆक्खुबाचि चोब्न खोबाङ्न हाङ् खोम् लागिॽन मुबक्मिम्पाचि लॆटामि। 17खिरिस्ट चोब्न ठकाबाङ् याॽल चुआ हाङ् चोब्न खानावाँ खोबाङ् हिक्टिखॆःॽडा। 18हाङ् मान्डालि चाइ खोमि सालुङ् हाङ् खो आक्कमि निङ्टँवाँ रेम। हाङ् सिखॆम्पाचिबाङ् चोब्बाङ् याॽल हिङ्चामा नुङ् पःक्खुबा स खोन। मसॆ खो चाइ चोब्बाङ् याॽलऎ यो।#एफिसि १:२२,२३ 19मान्ठाभनॆ निवाँहाङ्मि निवॆँॽन खिरिस्टबि खोम् चोब्न खानावाँ लिखॆडा। 20हाङ् निवाँहाङ्ऎ खोम् पासा कुरुसाबि सिखॆॽमिट्टु हाङ् खोम् अङ्मिम्पा हारिबाङ् सान्टि मुसु। हाङ् पारु नुङ् बाखाबाटेमबि चुःहा चोब्न खानावाँ होइखेपा सङ्क खोनुङ्न टङु।#एफिसि २:१६
21याॽल आन्ना निवाँहाङ्बाङ् मिःउ लॆटानि। आन्नामि काइसॆ निवाँ हाङ् योम्पक्ऎ आन्ना निवाँहाङ् सिच्चाखुबा याॽमिचि लॆटानि। 22टर खोम् पासा याॽमि लिमानुङ् आन्नामि हिङ्वामि लागि सिखॆसॆ खोसॆ आन्ना खोबि टङानि। मसॆ खोसॆ खोम् ङारिङ्पि सॆङ्सॆङॆ हाङ् आब्डिक् मॆड्डिङ्मा मुकानि हाङ् ह आन्ना टाङ्पाम याॽमि मुडानि। 23चाइबान आन्ना टाङ्पाम निवाँयुङ्बि चॆकुवॆ लिमानुङ् पेनानॆ। हाङ् आन्नॆ खेम्मिम्पा नुऎ खानावाँमि आस ऎयाइटाम्नॆ। ग नुऎ खानावाँन बाखाटेम् भोरि खेम्मिडा हाङ् काङा पावल चाइ आक्कमि योम्पक् यिक्खुबा लिडिङ।
मान्डालिमि लागि पावलमि योम्पक्
24गरक्ल आन्नामि निङ्पि डुखा आङ्मा काङा चेन्चाःॽङा। मान्ठाभनॆ खिरिस्टमि सालुङ् चाइ मान्डालि यो, काङॆ काम् सालुङ्पि आङ्से लाखॆॽमा लॆऎ डुखा आङ्से यॆरुकुङ। 25निवाँहाङ्ऎ काङा खोम् खानावाँ आन्ना नुःर खेम्मिॽमॆ योम्पक् पिस्से काङा मान्डालिमि योम्पक् यिक्खुबा मुसिङ। 26आरेॽऎबाङ् ग खानावाँ आसॆस ऎवाब्हिमॆ गारि चुम्मिम्पा लॆटा, टर ह चाइ आक्क चुम्मिम्पा खानावाँ निवाँनेन् याॽमिचि खाङ्मिडुचि। 27मालेमिम्पा टर निवाँहाङ्ऎ आक्खा याॽमिचिऎ स लेसुचिर कामानुङ् मिम्मिम्पा खानावाँ चाइ गन यो, होइढा हॆॽनि बारेक् याॽमिचिम् लागि ढ्या निङ्लावा चु। आक्क मालेमिम्पा खानावाँ चाइ खिरिस्ट आन्नाबि चु, हाङ् गसॆ चाइ आन्नॆ निवाँहाङ्मि निङ्लावा टक्चाकाम्नि लोमॆ खाङ्मुकु। 28मसॆ निवाँहाङ्ऎ काङ्का पिॽमिम्पा चोब्न निवाँऎ चोब्न याॽमिचि नुःर लोकुङ्का हाङ् खिरिस्टमि बारेबि खेम्मिकुङ्का। मान्ठाभनॆ खोचि निवाँहाङ्मि ङारिङ्पि खॆॽमार खोचिऎ खिरिस्ट चाइ काम्नुःर लेमिम्पा याॽमिचि लिमिर। 29मसॆ खिरिस्टऎ का हङ्सि पिॽमिम्पा ढ्या चॆक्मावाऎन काङॆ इग योम्पक् निवाँ टिसे मुकुङ।
ទើបបានជ្រើសរើសហើយ៖
कालास्सि 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
कालास्सि 1
1
1निवाँहाङ्मि निवाँ रक्न खिरिस्ट येसुमि सॆःक्ढुङ्पा लिमिम्पा काङा पावलऎ ग साब्चिरा साप्मिम्पा यो। हाङ् कानिम् नुसा टिमोठिऎ, 2कालास्सि हाटाबि चुकानिहा आन्ना सॆङ्सॆङॆ याॽमिचि हाङ् खिरिस्टबि निवाँयुङ् लॆखुबा बुबुनानुसाचि ग साब्चिरा साब्हाङ्मे पाइचुगा। कानिम् निवाँहाङ् आपाऎ आन्ना नाम्नावाँ नुङ् सान्टि पिट्टानिर।
पारठाना नुङ् ओहाक् पिॽमिम्पा
3काङ्कॆ आन्नामि लागि पारठाना लॆःॽमार हानाम्स कानिम् पारभु येसु खिरिस्टमि आपा निवाँहाङ् ओहाक् पिकुङ्का, 4मान्ठाभनॆ काङ्कॆ खिरिस्ट येसुबि चुऎ आन्नामि निवाँयुङ्मि बारेबि हाङ् आन्नॆ निवाँहाङ्मि चोब्न याॽमिचि नाम्नाम् पिसिॽमिम्पा खानावाँ खेम्टडुङ्का। 5आन्नाबि याॽल चाइबानऎ नुऎ खानावाँ टामार, आन्नॆ आक्कसॆ इमिम्पा आसमि बारेबि खेमाम्नि। मसॆॽन आन्नॆ आक्रहा योम्पक् यिगुकानि। म आन्नामि आस चाइ निवाँहाङ्ऎ आन्नामि लागि पारुबि काम्नुःर युङ्भुङ्डु। 6ग आन्नाबि टाडॆ नुऎ खानावाँ चोब्न बाखाटेम्पि स फुबक्मॆ पाइ हाङ् आन्नॆ याॽल ग खानावाँ खेम्मानुङ् आन्नामि हिङ्खामाबि योम्पक् यिगिन्टक्न गसॆ डिरिक् याॽमिचिम् हिङ्खामाबि योम्पक् यिक्मे पाइकु। ग खानावाँ चाइ आन्नॆ याॽलऎ डिना चाइबानऎ निवाँहाङ्मि ढ्या नाम्नावाँ वाप्मिम्पा डिनाबाङ् लिडा। 7ग खानावाँन आन्नॆ कानिम्#१:७ कानिम् ऎॽवा साब्चिराऎ चाइ “आन्नामि” कामानुङ् लोकु। इपाफारासबाङ् खेमाम्नि। खो चाइ खिरिस्टमि निवाँयुङ्मा योम्पक् मुखुबा याॽमि हाङ् काङ्कामि साट्टबि नाम्नाम् पिसिॽमा लुऎ योम्पक् मुखुबा याॽमि यो।#कालास्सि ४:१२; फिलेमोन १:२३ 8खोसॆ आन्नॆ सॆङ्सॆङॆ लावाबाङ् होइढा याॽमिचि नाम्नाम् पिसिकाम्चिनि लोमॆ खेम्मिटिङ्का।
9मसॆ आक्क खानावाँ खेम्मिम्पा डिनाबाङ् आन्नामि लागि आन्ना निवाँहाङ्मि निवाँ हाङ् लावाबाङ् चोब्न खानावाँ हाङ् वाप्हिमॆ निवॆँ चेप्खेटानॆ। गर कामानुङ् काङ्का हानाम्स निवाँहाङ् नुङ् पारठाना लॆकिङ्का। 10हाङ् आन्नॆ पारभुमि ङारिङ्पि नुऎ हिङ्खामाबि हिङ्चाकानि हाङ् आन्नामि काम्नुऎ योम्पक्ऎ हानाम्स खो चेन्चामिकाम्नि। चोब्न काम्नुऎ योम्पक् फुबक्से खॆ हाङ् आन्ना निवाँहाङ् लेमॆ खानावाँबि नुःर पुःसे खॆकानि। 11हाङ् काङ्का आन्नामि लागि गरहाङ् पारठाना लॆकिङ्का, आन्ना निवाँहाङ्मि निङ्लावामि ढ्या चॆक्मावाऎ चॆप्खॆटानॆ मसॆ आन्नॆ आङ्मॆ नुङ् हुङ्मॆ खानावाँ टक्चाकाम्नि हाङ् चेन्चाकानि। 12हाङ् ओप्लिङ्मि हाङ्डाम्पि निवाँनेन् याॽमिचिऎ टक्चामॆ खानावाँ आन्ना पिकानि कामानुङ् लोमिम्पा भाग टक्चाखुबा मुखुबा निवाँहाङ् आपा ओहाक् पिट्टाम्नॆ। 13खोसॆॽन कानि साइटानमि माइऎ हाङ्डाम्बाङ् हिङ्पमिट्टि, हाङ् खोसॆ नाम्नाम् पिसिम्पा टाङ्पामि पासामि हाङ्डाम् हङ्सि लाखॆडि। 14खोम् पासाऎन कानि इनि हाङ् कानिम् हिङ्वा यङ्निपिडि।#एफिसि १:७
खिरिस्ट चोब्बाङ् टुङ्घङ्पा
15खिरिस्ट चाइ ऎखाङ्टक्मॆ निवाँहाङ्मि खाङ्टक्मॆ रुपा यो। खो चाइ सिरिस्टिबाङ् याॽलन चुआ हाङ् खो चोब्बाङ् टुङ्घङ्पा रेम। 16मान्ठाभनॆ पारु नुङ् बाखाटेमबिहा खाङ्मुहा नुङ् खाङ्मुनिहा चोब्न खानावाँ, टुङघङ्पाचि, हाङ्डाम् लॆखुबाचि, चॆक्मावा नुङ्माहाचि हाङ् लावामि ढुप्पाट्ट फॆक्खुबाचि चोब्न खोबाङ्न हाङ् खोम् लागिॽन मुबक्मिम्पाचि लॆटामि। 17खिरिस्ट चोब्न ठकाबाङ् याॽल चुआ हाङ् चोब्न खानावाँ खोबाङ् हिक्टिखॆःॽडा। 18हाङ् मान्डालि चाइ खोमि सालुङ् हाङ् खो आक्कमि निङ्टँवाँ रेम। हाङ् सिखॆम्पाचिबाङ् चोब्बाङ् याॽल हिङ्चामा नुङ् पःक्खुबा स खोन। मसॆ खो चाइ चोब्बाङ् याॽलऎ यो।#एफिसि १:२२,२३ 19मान्ठाभनॆ निवाँहाङ्मि निवॆँॽन खिरिस्टबि खोम् चोब्न खानावाँ लिखॆडा। 20हाङ् निवाँहाङ्ऎ खोम् पासा कुरुसाबि सिखॆॽमिट्टु हाङ् खोम् अङ्मिम्पा हारिबाङ् सान्टि मुसु। हाङ् पारु नुङ् बाखाबाटेमबि चुःहा चोब्न खानावाँ होइखेपा सङ्क खोनुङ्न टङु।#एफिसि २:१६
21याॽल आन्ना निवाँहाङ्बाङ् मिःउ लॆटानि। आन्नामि काइसॆ निवाँ हाङ् योम्पक्ऎ आन्ना निवाँहाङ् सिच्चाखुबा याॽमिचि लॆटानि। 22टर खोम् पासा याॽमि लिमानुङ् आन्नामि हिङ्वामि लागि सिखॆसॆ खोसॆ आन्ना खोबि टङानि। मसॆ खोसॆ खोम् ङारिङ्पि सॆङ्सॆङॆ हाङ् आब्डिक् मॆड्डिङ्मा मुकानि हाङ् ह आन्ना टाङ्पाम याॽमि मुडानि। 23चाइबान आन्ना टाङ्पाम निवाँयुङ्बि चॆकुवॆ लिमानुङ् पेनानॆ। हाङ् आन्नॆ खेम्मिम्पा नुऎ खानावाँमि आस ऎयाइटाम्नॆ। ग नुऎ खानावाँन बाखाटेम् भोरि खेम्मिडा हाङ् काङा पावल चाइ आक्कमि योम्पक् यिक्खुबा लिडिङ।
मान्डालिमि लागि पावलमि योम्पक्
24गरक्ल आन्नामि निङ्पि डुखा आङ्मा काङा चेन्चाःॽङा। मान्ठाभनॆ खिरिस्टमि सालुङ् चाइ मान्डालि यो, काङॆ काम् सालुङ्पि आङ्से लाखॆॽमा लॆऎ डुखा आङ्से यॆरुकुङ। 25निवाँहाङ्ऎ काङा खोम् खानावाँ आन्ना नुःर खेम्मिॽमॆ योम्पक् पिस्से काङा मान्डालिमि योम्पक् यिक्खुबा मुसिङ। 26आरेॽऎबाङ् ग खानावाँ आसॆस ऎवाब्हिमॆ गारि चुम्मिम्पा लॆटा, टर ह चाइ आक्क चुम्मिम्पा खानावाँ निवाँनेन् याॽमिचि खाङ्मिडुचि। 27मालेमिम्पा टर निवाँहाङ्ऎ आक्खा याॽमिचिऎ स लेसुचिर कामानुङ् मिम्मिम्पा खानावाँ चाइ गन यो, होइढा हॆॽनि बारेक् याॽमिचिम् लागि ढ्या निङ्लावा चु। आक्क मालेमिम्पा खानावाँ चाइ खिरिस्ट आन्नाबि चु, हाङ् गसॆ चाइ आन्नॆ निवाँहाङ्मि निङ्लावा टक्चाकाम्नि लोमॆ खाङ्मुकु। 28मसॆ निवाँहाङ्ऎ काङ्का पिॽमिम्पा चोब्न निवाँऎ चोब्न याॽमिचि नुःर लोकुङ्का हाङ् खिरिस्टमि बारेबि खेम्मिकुङ्का। मान्ठाभनॆ खोचि निवाँहाङ्मि ङारिङ्पि खॆॽमार खोचिऎ खिरिस्ट चाइ काम्नुःर लेमिम्पा याॽमिचि लिमिर। 29मसॆ खिरिस्टऎ का हङ्सि पिॽमिम्पा ढ्या चॆक्मावाऎन काङॆ इग योम्पक् निवाँ टिसे मुकुङ।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society