सॆःक्ढुङ्पा 23
23
1पावलऎ याहुडि टुङ्घङ्पाचि खोम्ठाम्पिहा याॽमिचि नुःर खाङुचिहाङ् गरहाङ् लोसुचि, “बुबुनुसाचि, कॆ आइढारि निवाँहाङ्मि ङारिङ्पि काम्नुऎ निवाँऎ खोम् योम्पक् यिःक्डुङ।” 2पावलमि ग खानावाँ खेमुहाङ् हननिया लोमॆ चोब्बाङ् ढ्या याटाङ्पाऎ पावलमि कॆक्पि येप्ढाङ्खुबाचि पावलमि याबि रगाम्नॆ कामानुङ् लोसुचि। 3पावलऎ सङ्क हनानिया लोसु, “काइसॆ निवाँ नुङ्मा आना, निवाँहाङ्ऎ आना स रगुऎछ। यायेॽमा रक्न काम् न्यायॆ लॆसि आक्कुबि पेन्डाना, टर माल् यायेॽमा रक्न न्यायॆ मालॆःॽरे काङा रःक्मिङानॆ?”
4हाङ् खोम् कॆक्पि येप्ढाङ्खुबा याॽमिचिऎ पावल लोसुचि, “मान्टॽल आनॆ निवाँहाङ्मि चोब्बाङ् ढ्या याटाङ्पा सङ्क काइर लोकुनॆ?”
5पावलऎ लोसुचि, “बुबुनुसाचि, कॆ खो चोब्बाङ् ढ्या याटाङ्पा कामानुङ् मालेङा। निवाँनेन् साब्चिराबि चुऎ ‘आन्नॆ आन्नामि टुङ्घङ्पाचि काइर लोमा फॆन्नि’ लोमॆ खानावाँ लेकुङ।”
6हाङ् पावलऎ आक्कुबि फरिसि नुङ् सडुकिचि चुक्मि लोमॆ खानावाँ वाप्टकु। ढ्या साम्लाऎ लोसुचि, “बुबुनुसाचि, काङा फरिसिमि पासा फरिसिङा यो। हाङ् कॆ सिखॆम्पाचि हिङ्पक्मि कामानुङ् लोमिम्पपासॆ आइ इग न्याये लॆठाम ठालबि सिडिङ।”
7पावलऎ ग खानावाँ लोमा अक्सि फरिसिचि नुङ् सडुकिचिम् लुम्पि याटक्माटक् लिसा हाङ् खोम्टिखॆम्पा खोचि फाक्बकामि। 8मान्ठाभनॆ सडुकिचिऎ सिखॆम्पा याॽमिचि हिङ्पक्मिनि हाङ् निवाँखाटॆखुबाचि नुङ् लावा सङ्क माङ्स लिनि कामानुङ् कायुक्सामि। टर फरिसिचिऎ इघा चोब्न खानावाँ लिक् लोयुक्सुचि। 9हाङ् आक्कुबि ढ्या याटक्माटक् लिसा। हाङ् एक्क हिप्पा मोसामि यायेॽमा चिन्खुबा फरिसिचि येप्पकामिहाङ् साडुकिचिम् खानावाँ चेन्से गर कासामि “काङ्कॆ ग, ग याॽमिबि माङ्स काइसॆ माखाङ्टकुङ्का। ग याॽमि नुङ् लावा अठावा निवाँखाटॆखुबा यामुमिम्पा हाङ्ग माङ् लिसॆ टा?”
10उम्चि याटक्माटक् ढ्या लिसे खारा। आक्कुबि पावल बुप्सिकुचि हला कामानुङ् रोमि टुङ्घङ्पा किसिखारा। हाङ् खोसॆ टिलिङ्गाचि मिम्मु याॽमिचि खोम्टि खॆॽमिम्पा ठालबि खारानॆ, हाङ् आक्खाचिम् लुम्पा पावल लाबकाम्नॆ। हाङ् टिलिङ्गाचिम् खिम् हङ्सिॽयु लाटॆटाम्नॆ कामानुङ् लोसुचि।
11म युटान पावलमि कॆक्पि पारभु खाङ्ङुसा हाङ् लोसु, “ओ पावल, आँटा लॆटॆ, मान्ठाभनॆ मान्टहाङ् यारुसालेम्पि आनॆ काम् बारेबि चुमॆक्सङ् पिट्टुना, मरहाङ्न रोमपि सङ्क पिॽमा लॆ।”
पावल सेरुम्यॆ लोमिम्पा
12वेन्डाक् लाम्पॆ नाम्स याहुडिचि खोमामिहाङ् एक्क निवाँ मुमानुङ् पावल मान्ट हाङ्स सेरुम्यॆ, खो मासेॽलढारि माङ्स ऎचाइऎ हाङ् ऎडुङियॆ कामानुङ् कासाम् डेन्टामि। 13आक्र काखुबाचि रिपङ् जानाबाङ् डिरिक चुआमि। 14खोचि ढ्या याटाङ्पाचि हाङ् याहुडि टुङ्घङ्पाचिबि खारामिहाङ् गर लोसुचि, “काङ्कॆ पावल मासेॽलढारि माङ्स चाइङ्कानि डुङिङ्कानि। 15मसॆ ह आन्ना हाङ् याहुडि टुङ्घङ्पाचि खोम्ठाम् ठालबिऎ याॽमिचिऎ हस पावलमि नुःर खानावाँ वाप्मा चु कामानुङ् टुङ्घङ्पा लोसाम्नॆ हाङ् टिलिङ्गाचिम् खिम्पाङ् लायुकाम्नॆ। काङ्कॆ खो लाम्फुबिॽन सेइकुङ्का।”
16टर पावलमि हाङ्लिसाऎ ग खानावाँ लेट्टकु। हाङ् टिलिङ्गाचिम् खिम्पि खाराहाङ् इघा चोब्न खानावाँ पावल खेम्मिटु। 17हाङ् पावलऎ एक्क कप्टान सेःरुहाङ् लोसु, “इग वेन्चा रोमि टुङ्घङ्पाबि लाखॆटॆ, मान्ठाभनॆ गसॆ खोनुङ् मिछुॽमा खानावाँ इमा मिनुकु।” 18काप्टानऎ पावलमि हाङ्लिसा रोमि टुङ्घङ्पाबि लाखॆटु हाङ् लोसु, “टुङ्घङ्पो, सॆक्चिम्पि सॆक्ढिङ्खॆडॆ पावलऎ ग वेन्चाऎ आनानुङ् इमॆ मिःक्म खानावाँ चु कामानुङ् लोसिङ। मसॆ कॆग गुबि लाटॆडुङ।”
19रोमि टुङ्घङ्पाऎ पावलमि हाङ्लिसामि हुक्पि लाबुहाङ् मिःक्म मिउ लखॆटु, हाङ् लोसु, “लु इसॆ, आनॆ कानुङ् इमॆ खानावाँ माङ् चुऎ?”
20आक्कसॆ लोसु, “याहुडिचिऎ पावलमि बारेबि हस खानावाँ वाप्मा चु काखाङ्मानुङ् वेन्डा पावल मिम्मु याहुडि टुङ्घङ्पाचि खोम्ठाम् ठालबि लाटॆबिॽमा कामानुङ् खानावाँ इसि आनाबि टामॆ पाइमि। 21टर आनॆ उम्चि खानावाँ आखेमॆ, मान्ठाभनॆ रिपङ् जानाबाङ् डिरिक् याॽमिचिऎ पावल मान्टहाङ् हाङ्स सेॽमा लॆ कामानुङ् हुक्ढाङ्डुचि। खोचिऎ पावल मासेॽलढारि माङ्स चाइङ्कानि डुङिङ्कानि कामानुङ् कासम् डेन्डामि। हाङ् खोचिऎ आनाम् खानावाँ टेःॽन हुङ्मे पाइकुचि।”
22मसॆ रोमि टुङ्घङ्पाऎ आक्क वॆन्चा याॽमि आनॆ काङा लोमिम्पा खानावाँ आसास आलोसॆचॆ कामानुङ् काम्नुःर लोहाङ्सु।
पावल काइसारियाबि पाङ्हाङ्कुचि
23आक्क डॆङ्पि रोमि टुङ्घङ्पाऎ हिप्पा काप्टानचि सेःरुचिहाङ् लोसुचि, “मासि युटा नाङ्चि बाजेलिमार हिकग् जाना टिलिङ्गाचि, वापङ जाना अन्युक् नुङ्मा टिलिङ्गाचि हाङ् हिकग् जाना ठुॽलाङ् नुङ्मा टिलिङ्गाचि सिजरियाबि खॆॽमा परक्मिट्टॆचॆ। 24हाङ् पावलऎ ठाङ्मॆ अन्युक् सङ्क टङाचॆ। मान्ठाभनॆ खो नुःर ढ्या टुङ्घङ्पा फेलिक्सबि टॆःॽमा लॆ।” 25हाङ् खोसॆ फेलिक्स हाङ् गरक्मा साब्चिरा साबु,
26“टुङ्घङ्पा फेलिक्स, काङा कालाउडियास लुसियस स्यामुॽङा।
27ग पावल लोमॆ याॽमि याहुडिचिऎ लाबुचिहाङ् सेॽमा परक्मिम्पा लॆटुचि। टर ग याॽमि रोमि ढुप्पाट्ट नुङ्माऎ कामानुङ् लेटकुङ्, हाङ् टिलिङ्गाचि नुङ् खारिङ्हाङ् उम्चि हुक्बाङ् फाक्बकुङ। 28खोचिऎ ग याॽमि माङ् खानावाँबि आब्डिक् टिडुचॆ कामानुङ् वाप्मॆ निवाँऎ मिम्मु उम्चि टुङ्घङ्पाचि खोम्ठाम् ठालबि स लाखॆटुङ। 29टर गसॆ सिखॆॽमॆ डान्डा टक्मॆ हाङ् सॆक्ढिङ्खॆॽमॆ खालॆ योम्पक् यिक्मिम्पा माखाङ्ङा। याहुडिचिऎ टिमिम्पा आब्डिक् चाइ उम्चि टाङ्पाम् यायेॽमामि बारेबि कामानुङ् वाबुङ। 30हाङ् ग याॽमि सेॽमा लॆ कामानुङ् याहुडिचिऎ चोप्मॆ पाइकुचि लोमॆ कॆ खेमुङ। मसॆ ग याॽमि सॆॽलॽन आनाबि पाङ्हाङ्डुङ। हाङ् खो आब्डिक् लाप्टिखुबाचि सङ्क आनाबिॽन खारानॆहाङ् आन्नामि खानावाँ इसाम्नॆ कामानुङ् लोडुङ्चि।”
31मसॆ लोमिम्पा रक्न टिलिङ्गाचिऎ पावल लाखॆटुचि। हाङ् युटान एन्टिपाटिरिस हाटाबि टॆटुचि। 32हाङ् वेन्डाक् लाम्पॆ टिलिङ्गाचिऎ होइढा अन्यक् नुङ्मा टिलिङ्गाचि पावल नुङ् खॆॽमाम् लागि आक्कुबि याइडाउचि। हाङ् खोचि चाइ उम्चि ठालबि ऎम्पकामि। 33अन्युक् नुङ्मा टिलिङ्गाचि सिजरियाबि टाआमिहाङ् रोमि टुङ्घङ्पाऎ साप्हाङ्पा साब्चिरा फेलिक्स हाङ् पिट्टुचि। हाङ् पावल सङ्क आक्कुबि येप्मिटुचि। 34फेलिक्स हाङ्ऎ आक्क साब्चिरा खाङु। हाङ् “आना हाम्पॆ ठालबिऎनार” कामानुङ् पावल सिमु। पावलऎ लोसु, “काङा सिलिसिया हाटाबिऎङा।” 35हाङ् फेलिक्स हाङ्ऎ लोसु, “ह आना आब्डिक् लाप्टिखुबाचि गुबि टाक्मिहाङ् टेःॽन आनाम् खानावाँ खेमुकुङ।” हाङ् खोसॆ पावल हेरोड हाङ्ऎ हेप्मिॽमिम्पा हाङ्खिम्पि नुःर हुङाम्नॆ कामानुङ् युङ्मिटुचि।
ទើបបានជ្រើសរើសហើយ៖
सॆःक्ढुङ्पा 23: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
सॆःक्ढुङ्पा 23
23
1पावलऎ याहुडि टुङ्घङ्पाचि खोम्ठाम्पिहा याॽमिचि नुःर खाङुचिहाङ् गरहाङ् लोसुचि, “बुबुनुसाचि, कॆ आइढारि निवाँहाङ्मि ङारिङ्पि काम्नुऎ निवाँऎ खोम् योम्पक् यिःक्डुङ।” 2पावलमि ग खानावाँ खेमुहाङ् हननिया लोमॆ चोब्बाङ् ढ्या याटाङ्पाऎ पावलमि कॆक्पि येप्ढाङ्खुबाचि पावलमि याबि रगाम्नॆ कामानुङ् लोसुचि। 3पावलऎ सङ्क हनानिया लोसु, “काइसॆ निवाँ नुङ्मा आना, निवाँहाङ्ऎ आना स रगुऎछ। यायेॽमा रक्न काम् न्यायॆ लॆसि आक्कुबि पेन्डाना, टर माल् यायेॽमा रक्न न्यायॆ मालॆःॽरे काङा रःक्मिङानॆ?”
4हाङ् खोम् कॆक्पि येप्ढाङ्खुबा याॽमिचिऎ पावल लोसुचि, “मान्टॽल आनॆ निवाँहाङ्मि चोब्बाङ् ढ्या याटाङ्पा सङ्क काइर लोकुनॆ?”
5पावलऎ लोसुचि, “बुबुनुसाचि, कॆ खो चोब्बाङ् ढ्या याटाङ्पा कामानुङ् मालेङा। निवाँनेन् साब्चिराबि चुऎ ‘आन्नॆ आन्नामि टुङ्घङ्पाचि काइर लोमा फॆन्नि’ लोमॆ खानावाँ लेकुङ।”
6हाङ् पावलऎ आक्कुबि फरिसि नुङ् सडुकिचि चुक्मि लोमॆ खानावाँ वाप्टकु। ढ्या साम्लाऎ लोसुचि, “बुबुनुसाचि, काङा फरिसिमि पासा फरिसिङा यो। हाङ् कॆ सिखॆम्पाचि हिङ्पक्मि कामानुङ् लोमिम्पपासॆ आइ इग न्याये लॆठाम ठालबि सिडिङ।”
7पावलऎ ग खानावाँ लोमा अक्सि फरिसिचि नुङ् सडुकिचिम् लुम्पि याटक्माटक् लिसा हाङ् खोम्टिखॆम्पा खोचि फाक्बकामि। 8मान्ठाभनॆ सडुकिचिऎ सिखॆम्पा याॽमिचि हिङ्पक्मिनि हाङ् निवाँखाटॆखुबाचि नुङ् लावा सङ्क माङ्स लिनि कामानुङ् कायुक्सामि। टर फरिसिचिऎ इघा चोब्न खानावाँ लिक् लोयुक्सुचि। 9हाङ् आक्कुबि ढ्या याटक्माटक् लिसा। हाङ् एक्क हिप्पा मोसामि यायेॽमा चिन्खुबा फरिसिचि येप्पकामिहाङ् साडुकिचिम् खानावाँ चेन्से गर कासामि “काङ्कॆ ग, ग याॽमिबि माङ्स काइसॆ माखाङ्टकुङ्का। ग याॽमि नुङ् लावा अठावा निवाँखाटॆखुबा यामुमिम्पा हाङ्ग माङ् लिसॆ टा?”
10उम्चि याटक्माटक् ढ्या लिसे खारा। आक्कुबि पावल बुप्सिकुचि हला कामानुङ् रोमि टुङ्घङ्पा किसिखारा। हाङ् खोसॆ टिलिङ्गाचि मिम्मु याॽमिचि खोम्टि खॆॽमिम्पा ठालबि खारानॆ, हाङ् आक्खाचिम् लुम्पा पावल लाबकाम्नॆ। हाङ् टिलिङ्गाचिम् खिम् हङ्सिॽयु लाटॆटाम्नॆ कामानुङ् लोसुचि।
11म युटान पावलमि कॆक्पि पारभु खाङ्ङुसा हाङ् लोसु, “ओ पावल, आँटा लॆटॆ, मान्ठाभनॆ मान्टहाङ् यारुसालेम्पि आनॆ काम् बारेबि चुमॆक्सङ् पिट्टुना, मरहाङ्न रोमपि सङ्क पिॽमा लॆ।”
पावल सेरुम्यॆ लोमिम्पा
12वेन्डाक् लाम्पॆ नाम्स याहुडिचि खोमामिहाङ् एक्क निवाँ मुमानुङ् पावल मान्ट हाङ्स सेरुम्यॆ, खो मासेॽलढारि माङ्स ऎचाइऎ हाङ् ऎडुङियॆ कामानुङ् कासाम् डेन्टामि। 13आक्र काखुबाचि रिपङ् जानाबाङ् डिरिक चुआमि। 14खोचि ढ्या याटाङ्पाचि हाङ् याहुडि टुङ्घङ्पाचिबि खारामिहाङ् गर लोसुचि, “काङ्कॆ पावल मासेॽलढारि माङ्स चाइङ्कानि डुङिङ्कानि। 15मसॆ ह आन्ना हाङ् याहुडि टुङ्घङ्पाचि खोम्ठाम् ठालबिऎ याॽमिचिऎ हस पावलमि नुःर खानावाँ वाप्मा चु कामानुङ् टुङ्घङ्पा लोसाम्नॆ हाङ् टिलिङ्गाचिम् खिम्पाङ् लायुकाम्नॆ। काङ्कॆ खो लाम्फुबिॽन सेइकुङ्का।”
16टर पावलमि हाङ्लिसाऎ ग खानावाँ लेट्टकु। हाङ् टिलिङ्गाचिम् खिम्पि खाराहाङ् इघा चोब्न खानावाँ पावल खेम्मिटु। 17हाङ् पावलऎ एक्क कप्टान सेःरुहाङ् लोसु, “इग वेन्चा रोमि टुङ्घङ्पाबि लाखॆटॆ, मान्ठाभनॆ गसॆ खोनुङ् मिछुॽमा खानावाँ इमा मिनुकु।” 18काप्टानऎ पावलमि हाङ्लिसा रोमि टुङ्घङ्पाबि लाखॆटु हाङ् लोसु, “टुङ्घङ्पो, सॆक्चिम्पि सॆक्ढिङ्खॆडॆ पावलऎ ग वेन्चाऎ आनानुङ् इमॆ मिःक्म खानावाँ चु कामानुङ् लोसिङ। मसॆ कॆग गुबि लाटॆडुङ।”
19रोमि टुङ्घङ्पाऎ पावलमि हाङ्लिसामि हुक्पि लाबुहाङ् मिःक्म मिउ लखॆटु, हाङ् लोसु, “लु इसॆ, आनॆ कानुङ् इमॆ खानावाँ माङ् चुऎ?”
20आक्कसॆ लोसु, “याहुडिचिऎ पावलमि बारेबि हस खानावाँ वाप्मा चु काखाङ्मानुङ् वेन्डा पावल मिम्मु याहुडि टुङ्घङ्पाचि खोम्ठाम् ठालबि लाटॆबिॽमा कामानुङ् खानावाँ इसि आनाबि टामॆ पाइमि। 21टर आनॆ उम्चि खानावाँ आखेमॆ, मान्ठाभनॆ रिपङ् जानाबाङ् डिरिक् याॽमिचिऎ पावल मान्टहाङ् हाङ्स सेॽमा लॆ कामानुङ् हुक्ढाङ्डुचि। खोचिऎ पावल मासेॽलढारि माङ्स चाइङ्कानि डुङिङ्कानि कामानुङ् कासम् डेन्डामि। हाङ् खोचिऎ आनाम् खानावाँ टेःॽन हुङ्मे पाइकुचि।”
22मसॆ रोमि टुङ्घङ्पाऎ आक्क वॆन्चा याॽमि आनॆ काङा लोमिम्पा खानावाँ आसास आलोसॆचॆ कामानुङ् काम्नुःर लोहाङ्सु।
पावल काइसारियाबि पाङ्हाङ्कुचि
23आक्क डॆङ्पि रोमि टुङ्घङ्पाऎ हिप्पा काप्टानचि सेःरुचिहाङ् लोसुचि, “मासि युटा नाङ्चि बाजेलिमार हिकग् जाना टिलिङ्गाचि, वापङ जाना अन्युक् नुङ्मा टिलिङ्गाचि हाङ् हिकग् जाना ठुॽलाङ् नुङ्मा टिलिङ्गाचि सिजरियाबि खॆॽमा परक्मिट्टॆचॆ। 24हाङ् पावलऎ ठाङ्मॆ अन्युक् सङ्क टङाचॆ। मान्ठाभनॆ खो नुःर ढ्या टुङ्घङ्पा फेलिक्सबि टॆःॽमा लॆ।” 25हाङ् खोसॆ फेलिक्स हाङ् गरक्मा साब्चिरा साबु,
26“टुङ्घङ्पा फेलिक्स, काङा कालाउडियास लुसियस स्यामुॽङा।
27ग पावल लोमॆ याॽमि याहुडिचिऎ लाबुचिहाङ् सेॽमा परक्मिम्पा लॆटुचि। टर ग याॽमि रोमि ढुप्पाट्ट नुङ्माऎ कामानुङ् लेटकुङ्, हाङ् टिलिङ्गाचि नुङ् खारिङ्हाङ् उम्चि हुक्बाङ् फाक्बकुङ। 28खोचिऎ ग याॽमि माङ् खानावाँबि आब्डिक् टिडुचॆ कामानुङ् वाप्मॆ निवाँऎ मिम्मु उम्चि टुङ्घङ्पाचि खोम्ठाम् ठालबि स लाखॆटुङ। 29टर गसॆ सिखॆॽमॆ डान्डा टक्मॆ हाङ् सॆक्ढिङ्खॆॽमॆ खालॆ योम्पक् यिक्मिम्पा माखाङ्ङा। याहुडिचिऎ टिमिम्पा आब्डिक् चाइ उम्चि टाङ्पाम् यायेॽमामि बारेबि कामानुङ् वाबुङ। 30हाङ् ग याॽमि सेॽमा लॆ कामानुङ् याहुडिचिऎ चोप्मॆ पाइकुचि लोमॆ कॆ खेमुङ। मसॆ ग याॽमि सॆॽलॽन आनाबि पाङ्हाङ्डुङ। हाङ् खो आब्डिक् लाप्टिखुबाचि सङ्क आनाबिॽन खारानॆहाङ् आन्नामि खानावाँ इसाम्नॆ कामानुङ् लोडुङ्चि।”
31मसॆ लोमिम्पा रक्न टिलिङ्गाचिऎ पावल लाखॆटुचि। हाङ् युटान एन्टिपाटिरिस हाटाबि टॆटुचि। 32हाङ् वेन्डाक् लाम्पॆ टिलिङ्गाचिऎ होइढा अन्यक् नुङ्मा टिलिङ्गाचि पावल नुङ् खॆॽमाम् लागि आक्कुबि याइडाउचि। हाङ् खोचि चाइ उम्चि ठालबि ऎम्पकामि। 33अन्युक् नुङ्मा टिलिङ्गाचि सिजरियाबि टाआमिहाङ् रोमि टुङ्घङ्पाऎ साप्हाङ्पा साब्चिरा फेलिक्स हाङ् पिट्टुचि। हाङ् पावल सङ्क आक्कुबि येप्मिटुचि। 34फेलिक्स हाङ्ऎ आक्क साब्चिरा खाङु। हाङ् “आना हाम्पॆ ठालबिऎनार” कामानुङ् पावल सिमु। पावलऎ लोसु, “काङा सिलिसिया हाटाबिऎङा।” 35हाङ् फेलिक्स हाङ्ऎ लोसु, “ह आना आब्डिक् लाप्टिखुबाचि गुबि टाक्मिहाङ् टेःॽन आनाम् खानावाँ खेमुकुङ।” हाङ् खोसॆ पावल हेरोड हाङ्ऎ हेप्मिॽमिम्पा हाङ्खिम्पि नुःर हुङाम्नॆ कामानुङ् युङ्मिटुचि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society