२ टिमोठि 4
4
नुऎ खानावाँ खेम्मिॽमॆ योम्पक्
1निवाँहाङ् हाङ् हिङ्चाम्पाचि नुङ् सिखॆम्पाचिम् न्यायॆ लॆसि टाखुबा खिरिस्ट येसुमि ङारिङ्पि, हाङ् खो टाऎ खानावाँ नुङ् खोम् हाङ्डाम् मिॽलासे आना गरहाङ् लोक्ना, 2मसॆ नुऎ खानावाँ खेम्मिटॆचॆ, काम्नुऎ खानावाँ खेम्मिसि हानाम्स परकॆ हाङ् सोम् माखेॽले याॽमिचिम् काइसॆ योम्पक् खाङ्मिटॆचॆ, वोसॆचॆ हाङ् पाङ्नुमा पिॽमानुङ् चिन्मॆ योम्पक् यिक्ढाङ्सॆ। 3मान्ठाभनॆ गरक्मा लः टामेपाइ, याॽमिचिऎ चाइबानऎ खानावाँ सिच्चामानुङ् टाङ्पामि निवाँबिहा काइसा खानावाँबि खॆक्मि। हाङ् खोचि चेन्चामिॽमॆ खानावाँ इटिखुबा चिन्खुबाचि खोमुकुचिमि। 4हाङ् खोचिऎ चाइबानऎ खानावाँ चाइ खेनखेमुचिनि, हाङ् हुन्नहा खानावाँबि लागालिक्मि। 5टर आनॆ चाइ टाङ्पॆ टाङ्पान खाङॆ, डुखा आङॆ, नुऎ खानावाँ खेम्मिढाङ्सॆचॆ हाङ् आनॆ यिक्मॆ योम्पक् यॆरॆ। 6मान्ठाभनॆ काग सङ्टिॽमाम् लागि योवा पारसॆलिसिम्पा याॽमिङा। काम् ग बाखाटेम्बाङ् खाइहाङ्मॆ लः टाखॆडा। 7कॆ लावामि लागि काम्नुःर चुङ्डिङ। हाङ् कॆ लाम्ढुमॆ लाम् यॆरुङ् हाङ् काम् निवाँयुङ् मामाइटिॽङा। 8हयॆबाङ् मरक् चाइ कॆ लाम्ढुङ्कॆडुङॆ सॆङ्सॆङॆ लाम्मि इनाम टक्चामा टे चु। आक्क मुकुट काम्नुःर न्यायॆ लॆखुबा पारभुऎ खो होइखेपा सङ्क टाऎ डिना काङा वॆटिबिङा। म मुकुट काङा टे हॆॽनॆ टर खोम् लाम् हुङ्से पेन्खुबा चोब्न याॽमिचि खोसॆ वॆटिबिकुचि।
पावलमि डॆङ्पिऎ खानावाँ
9हेर सॆॽलन काङा चुब्सि टाऎ। 10मान्ठाभनॆ डेमासऎ चाइ ग बाखाटेम्पिहा खानावाँ काम्निटु हाङ् काङा याइमानुङ् ठिस्सालोनिकाबि खाइडा। केरेसान्स् चाइ गालाटियबि खॆःॽडा हाङ् टिटस चाइ डालमाटियाबि खॆडा। 11ह कानुङ् लुका टेःॽन चु। आनानुङ् मारकुस सङ्क सेःरे हाङ् आनानुङ्न चिक्डापॆ मान्ठाभनॆ खोसॆ काम योम्पक्पि एट्टान मुबाक्हिङा। 12हाङ् टुखिखास चाइ कॆ एफिसिबि पाङ्हाङ्डुङ्। 13आना टामार कॆ याइडाम्पा काम् बाहिरा चाङ्मॆ चे हाङ् साब्चिरा हाङ् मामिखॆॽले साखक्मि साब्चिरा चाइ मान्ट हाङ्स लाडापॆ। आक्खा कॆ टोरोआसबि कारपासमि खिम्पि याइडाडुङ। 14ढाटुमि योम्पक् मुखुबा आलेक्जेन्डारऎ काङा एट्टान काइर लॆटिङ्। आक्कमि योम्पक् रक्न पारभुऎ खो सङ्क काइर लॆकु। 15खोसॆ कानिम् खानावाँ एट्टान सिच्चोकु, मसॆ आना स खोनुङ् चेन्चेन् पेनॆ।
16याॽलिऎ खेपा काङा न्यायॆ लॆठाम् ठालबि येब्मार, कानुङ् आसास माखॆॽमि, टर चोप्पासॆ चुमिटिङ्मि। आक्कमि आब्डिक् खोचि सक्पि आसिॽल। 17हाङ्स पारभु कानुङ् येबा हाङ् काङा चॆक्मावा पिट्टिङ। मसॆ कॆ आक्कुबि चुखुबा चोब्न होइढा हॆॽनि बारेक् याॽमिचि नुऎ खानावाँ काम्नुःर खेम्मिहिसुङ्चि। हाङ् किबामि याबाङ् हिङ्चाइङ। 18पारभुऎन काङा चोब्न काइसा खानावाँबाङ् फाक्बक्ङा। हाङ् काम्नुःर खोम् पारुबिऎ हाङ्टेम्पि लाखॆङा। हानाम्स खोम् निङ्लावा लिढाङ्र। आमेन्।
19पिरिस्किला नुङ् आक्बिला हाङ् ओनिसिफरासमि खिम्पिहा याॽमिचि नुङ् स्यामुङा। 20हाङ् इरास्टस चाइ कोरेन्ठिबिन पेन्डा, टर टुक्खा टोरोफिमास कॆ मिलेटसबि याइडाडुङ। 21चुङ् टामा याॽलन काबि टामाम् लागि हेर पाइटॆ। युबुलासऎ आना स्यामि, गरहाङ्न पुडेस, लिनास, कालाडियास हाङ् चोब्न बुबुनुसाचि सङ्क स्यामुक्मि। 22पारभु आनामि लावा नुङ् लिर। हाङ् निवाँहाङ्मि नाम्नावाँ आन्नानुङ् लिर।
ទើបបានជ្រើសរើសហើយ៖
२ टिमोठि 4: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
२ टिमोठि 4
4
नुऎ खानावाँ खेम्मिॽमॆ योम्पक्
1निवाँहाङ् हाङ् हिङ्चाम्पाचि नुङ् सिखॆम्पाचिम् न्यायॆ लॆसि टाखुबा खिरिस्ट येसुमि ङारिङ्पि, हाङ् खो टाऎ खानावाँ नुङ् खोम् हाङ्डाम् मिॽलासे आना गरहाङ् लोक्ना, 2मसॆ नुऎ खानावाँ खेम्मिटॆचॆ, काम्नुऎ खानावाँ खेम्मिसि हानाम्स परकॆ हाङ् सोम् माखेॽले याॽमिचिम् काइसॆ योम्पक् खाङ्मिटॆचॆ, वोसॆचॆ हाङ् पाङ्नुमा पिॽमानुङ् चिन्मॆ योम्पक् यिक्ढाङ्सॆ। 3मान्ठाभनॆ गरक्मा लः टामेपाइ, याॽमिचिऎ चाइबानऎ खानावाँ सिच्चामानुङ् टाङ्पामि निवाँबिहा काइसा खानावाँबि खॆक्मि। हाङ् खोचि चेन्चामिॽमॆ खानावाँ इटिखुबा चिन्खुबाचि खोमुकुचिमि। 4हाङ् खोचिऎ चाइबानऎ खानावाँ चाइ खेनखेमुचिनि, हाङ् हुन्नहा खानावाँबि लागालिक्मि। 5टर आनॆ चाइ टाङ्पॆ टाङ्पान खाङॆ, डुखा आङॆ, नुऎ खानावाँ खेम्मिढाङ्सॆचॆ हाङ् आनॆ यिक्मॆ योम्पक् यॆरॆ। 6मान्ठाभनॆ काग सङ्टिॽमाम् लागि योवा पारसॆलिसिम्पा याॽमिङा। काम् ग बाखाटेम्बाङ् खाइहाङ्मॆ लः टाखॆडा। 7कॆ लावामि लागि काम्नुःर चुङ्डिङ। हाङ् कॆ लाम्ढुमॆ लाम् यॆरुङ् हाङ् काम् निवाँयुङ् मामाइटिॽङा। 8हयॆबाङ् मरक् चाइ कॆ लाम्ढुङ्कॆडुङॆ सॆङ्सॆङॆ लाम्मि इनाम टक्चामा टे चु। आक्क मुकुट काम्नुःर न्यायॆ लॆखुबा पारभुऎ खो होइखेपा सङ्क टाऎ डिना काङा वॆटिबिङा। म मुकुट काङा टे हॆॽनॆ टर खोम् लाम् हुङ्से पेन्खुबा चोब्न याॽमिचि खोसॆ वॆटिबिकुचि।
पावलमि डॆङ्पिऎ खानावाँ
9हेर सॆॽलन काङा चुब्सि टाऎ। 10मान्ठाभनॆ डेमासऎ चाइ ग बाखाटेम्पिहा खानावाँ काम्निटु हाङ् काङा याइमानुङ् ठिस्सालोनिकाबि खाइडा। केरेसान्स् चाइ गालाटियबि खॆःॽडा हाङ् टिटस चाइ डालमाटियाबि खॆडा। 11ह कानुङ् लुका टेःॽन चु। आनानुङ् मारकुस सङ्क सेःरे हाङ् आनानुङ्न चिक्डापॆ मान्ठाभनॆ खोसॆ काम योम्पक्पि एट्टान मुबाक्हिङा। 12हाङ् टुखिखास चाइ कॆ एफिसिबि पाङ्हाङ्डुङ्। 13आना टामार कॆ याइडाम्पा काम् बाहिरा चाङ्मॆ चे हाङ् साब्चिरा हाङ् मामिखॆॽले साखक्मि साब्चिरा चाइ मान्ट हाङ्स लाडापॆ। आक्खा कॆ टोरोआसबि कारपासमि खिम्पि याइडाडुङ। 14ढाटुमि योम्पक् मुखुबा आलेक्जेन्डारऎ काङा एट्टान काइर लॆटिङ्। आक्कमि योम्पक् रक्न पारभुऎ खो सङ्क काइर लॆकु। 15खोसॆ कानिम् खानावाँ एट्टान सिच्चोकु, मसॆ आना स खोनुङ् चेन्चेन् पेनॆ।
16याॽलिऎ खेपा काङा न्यायॆ लॆठाम् ठालबि येब्मार, कानुङ् आसास माखॆॽमि, टर चोप्पासॆ चुमिटिङ्मि। आक्कमि आब्डिक् खोचि सक्पि आसिॽल। 17हाङ्स पारभु कानुङ् येबा हाङ् काङा चॆक्मावा पिट्टिङ। मसॆ कॆ आक्कुबि चुखुबा चोब्न होइढा हॆॽनि बारेक् याॽमिचि नुऎ खानावाँ काम्नुःर खेम्मिहिसुङ्चि। हाङ् किबामि याबाङ् हिङ्चाइङ। 18पारभुऎन काङा चोब्न काइसा खानावाँबाङ् फाक्बक्ङा। हाङ् काम्नुःर खोम् पारुबिऎ हाङ्टेम्पि लाखॆङा। हानाम्स खोम् निङ्लावा लिढाङ्र। आमेन्।
19पिरिस्किला नुङ् आक्बिला हाङ् ओनिसिफरासमि खिम्पिहा याॽमिचि नुङ् स्यामुङा। 20हाङ् इरास्टस चाइ कोरेन्ठिबिन पेन्डा, टर टुक्खा टोरोफिमास कॆ मिलेटसबि याइडाडुङ। 21चुङ् टामा याॽलन काबि टामाम् लागि हेर पाइटॆ। युबुलासऎ आना स्यामि, गरहाङ्न पुडेस, लिनास, कालाडियास हाङ् चोब्न बुबुनुसाचि सङ्क स्यामुक्मि। 22पारभु आनामि लावा नुङ् लिर। हाङ् निवाँहाङ्मि नाम्नावाँ आन्नानुङ् लिर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society