२ कोरेन्ठि 3
3
उम्चङ् चुप्लाङ्पि योम्पक् मुखुबाचि
1हस काङ्कॆ टाङ्पॆ टाङ्पाम्न निङ् ठेॽमा परक्मिम्पा हॆॽनॆ। होइढा ऎॽवा याॽमिचिऎ आन्नाबि टामार याॽमिचिऎ उम्चि लागि साप्पिमिम्पा साब्चिरा खिन्से टाइन्ट काङ्कामि लागि आन्नॆ हाङ् काङ्कॆ आन्नामि लागि साप्पिढाङ्मा पाप्नि। 2चोप्पासॆ वाब्मा हाङ् पाढालॆःॽमा नुऎ काङ्कामि निवाँबि साप्मिम्पा साब्चिरा रक्मा आन्नान यो। 3चाइबान आन्नान खिरिस्टऎ साब्मिम्पा साब्चिरा यो लोमॆ ग योम्पक्ऎन आन्नामि लुम्पि काङ्कामि योम्पक् खाङ्मुकु। लुङ्कॽवामि पाटिबि#३:३ मोसामि यायेॽमा लुङ्कॽवामि पाटिबि साप्मिम्पा लॆटा आठावा मासिऎ साप्मिम्पा साब्चिरा हॆॽनॆ टर हिङ्चाऎ निवाँहाङ्मि लावाऎ याॽमिमि निवाँबि साप्मिम्पा साब्चिरा रेम।#पारास्ठान २४:१२; यारमिया ३१:३३; इजाकिएल ११:१९; ३६:२६ 4काङ्कॆ चोब्न इघा खानावाँ निवाँयुङ् लॆकुङ्का मान्ठाभनॆ खिरिस्टबाङ् काङ्कॆ निवाँहाङ् निवाँयुङ् लॆःॽडुङ्का। 5हाङ् डिरिक् योम्पक् यिक्मॆ चॆक्मावा काङ्काबाङ्न टामिम्पा कामानुङ् काङ्का काहिसिङ्कानि, टर आक्क खानावाँ चाइ निवाँहाङ्ऎ पिकि। 6खोसॆ कानि उम्चङ् चुप्लाङ् पिट्टि हाङ् गुबि योम्पक् मुहिखुबा मुसि। ग सॆङ्सॆङॆ लावामि चुप्लाङ् रेम, यायेॽमामि चुप्लाङ् हॆॽनॆ। यायॆॽमाऎ सिखॆॽमॆ खानावाँ टॆःकु टर सॆङ्सॆङॆ लावाऎ हिङ्चामॆ हिङ्खामामि खानावाँ टॆकु।#यारमिया ३१:३१ 7लुङ्कॽवामि पाटिबि यायेॽमा खुॽमानुङ् पिॽमार निवाँहाङ्मि ढ्या निङ्लावा खाङ्मुसा। हाङ् आक्क निङ्लावान मोसामि ङारिङ्पि सिॽमिम्पा म निङ्लावा चाइ मिःक्म मिःक्म लिसे खॆॽमिम्पा लॆटा मरहाङ्स म निङ्लावा एट्टान हाःमिम्पासॆ इस्राएलि याॽमिचिऎ मोसामि ङारिङ्बि मान्खाङ्हिसुचि। सिखॆॽमॆ खानावाँ टॆखुबा यायेॽमा टक्चामार टा गरक्मा निङ्लावा लिः हाङ्ग,#पारास्ठान ३४:२९ 8हिङ्खामा पिक्खुबा सॆङ्सॆङॆ लावामि योम्पक् मुमार ऎॽवा निङ्लावा हाः हला टा?
9मान्ठाभनॆ याॽमिचि आब्डिक् नुङ्मा लॆकानि लोखुबा यायेॽमामि योम्पक् टा आक्रकॆ निङ्लावा नुङ्मा लॆटा हाङ्ग, निवाँहाङ्मि ङारिङ्पि आब्डिक् मॆड्डिङ्मा लॆकानि लोमॆ योम्पक् ऎॽवा निङ्लावा नुङ्मा लॆः लोमॆ वाप्मा लॆ। 10ग उम्चङ्ऎ एट्टान ढ्या लिङ्लावाबि, आक्क याॽलऎ निङ्लावा ग मरक्न माखॆ। 11मान्ठाभनॆ एच्छक्म लिखुबा नुङ्टा गरक्मा निङ्लावा चु हाङ्ग, हानाम्स लिढाङ्खुबा नुङ्ग झाना ऎॽवा ढ्या निङ्लावा लि हला!
12मसॆ कानिबि गरॽऎ आस चुऎसॆ कानि एट्टान चॆकिहा याॽमिचि लिडि। 13कानि ग ङारिङ्बिऎ सिखॆसॆ खॆॽमिम्पा ओऎ लिङ्लावा इस्राएलि याॽमिचिऎ ऎखाङ्टकुचिर कामानुङ् टाङ्पामि निङ्टँवाँ चेऎ डॆक्खुबा मोसा रक्मा याॽमि हॆॽनॆ।#पारास्ठान ३४:३३ 14आक्खाचिम् निवाँ आक्रल छाक्खॆॽमिम्पा लॆटा। हढारि स याॽलऎ यायेॽमाबिहा खानावाँ याॽमिचिऎ खाङ्सेइसे, उम्चि निवाँ चेऎ डॆक्सिखॆॽमिम्पा लि। हाङ् आक्क चे चाइ खिरिस्टबि टे टेम्बक्। 15चाइबान मोसामि यायॆॽमा खाङ्मार हस चेऎ खोचिम निवाँ डॆक्खॆॽमिम्पा लॆ। 16टर याॽमिचि पारभु पोट्टा टाक्मिहाङ् उम्चि आक्क चेः टेम्बखॆ।#पारास्ठान ३४:३४ 17मान्ठाभनॆ पारभु चाइ लावाबि चु, हाङ् हाबि चाइ पारभुमि लावा चु, आक्कुबि ठुप्ब्भुङ्खॆॽमा पाब्नि। 18कानि चोप्पसॆ चे टेम्बहाङ्पा ङारिङ्ऎ पारभुमि निङ्लावा खाङुकि हाङ् आक्क खानावाँ कानिबि खाङ्मि। हाङ् आक्क निङ्लावाऎ पारभुमि लावा रक्मान मुसे याॽलऎ बाङ्स एट्टान निङ्लावा नुङ्मा मुखॆकि।
ទើបបានជ្រើសរើសហើយ៖
२ कोरेन्ठि 3: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
२ कोरेन्ठि 3
3
उम्चङ् चुप्लाङ्पि योम्पक् मुखुबाचि
1हस काङ्कॆ टाङ्पॆ टाङ्पाम्न निङ् ठेॽमा परक्मिम्पा हॆॽनॆ। होइढा ऎॽवा याॽमिचिऎ आन्नाबि टामार याॽमिचिऎ उम्चि लागि साप्पिमिम्पा साब्चिरा खिन्से टाइन्ट काङ्कामि लागि आन्नॆ हाङ् काङ्कॆ आन्नामि लागि साप्पिढाङ्मा पाप्नि। 2चोप्पासॆ वाब्मा हाङ् पाढालॆःॽमा नुऎ काङ्कामि निवाँबि साप्मिम्पा साब्चिरा रक्मा आन्नान यो। 3चाइबान आन्नान खिरिस्टऎ साब्मिम्पा साब्चिरा यो लोमॆ ग योम्पक्ऎन आन्नामि लुम्पि काङ्कामि योम्पक् खाङ्मुकु। लुङ्कॽवामि पाटिबि#३:३ मोसामि यायेॽमा लुङ्कॽवामि पाटिबि साप्मिम्पा लॆटा आठावा मासिऎ साप्मिम्पा साब्चिरा हॆॽनॆ टर हिङ्चाऎ निवाँहाङ्मि लावाऎ याॽमिमि निवाँबि साप्मिम्पा साब्चिरा रेम।#पारास्ठान २४:१२; यारमिया ३१:३३; इजाकिएल ११:१९; ३६:२६ 4काङ्कॆ चोब्न इघा खानावाँ निवाँयुङ् लॆकुङ्का मान्ठाभनॆ खिरिस्टबाङ् काङ्कॆ निवाँहाङ् निवाँयुङ् लॆःॽडुङ्का। 5हाङ् डिरिक् योम्पक् यिक्मॆ चॆक्मावा काङ्काबाङ्न टामिम्पा कामानुङ् काङ्का काहिसिङ्कानि, टर आक्क खानावाँ चाइ निवाँहाङ्ऎ पिकि। 6खोसॆ कानि उम्चङ् चुप्लाङ् पिट्टि हाङ् गुबि योम्पक् मुहिखुबा मुसि। ग सॆङ्सॆङॆ लावामि चुप्लाङ् रेम, यायेॽमामि चुप्लाङ् हॆॽनॆ। यायॆॽमाऎ सिखॆॽमॆ खानावाँ टॆःकु टर सॆङ्सॆङॆ लावाऎ हिङ्चामॆ हिङ्खामामि खानावाँ टॆकु।#यारमिया ३१:३१ 7लुङ्कॽवामि पाटिबि यायेॽमा खुॽमानुङ् पिॽमार निवाँहाङ्मि ढ्या निङ्लावा खाङ्मुसा। हाङ् आक्क निङ्लावान मोसामि ङारिङ्पि सिॽमिम्पा म निङ्लावा चाइ मिःक्म मिःक्म लिसे खॆॽमिम्पा लॆटा मरहाङ्स म निङ्लावा एट्टान हाःमिम्पासॆ इस्राएलि याॽमिचिऎ मोसामि ङारिङ्बि मान्खाङ्हिसुचि। सिखॆॽमॆ खानावाँ टॆखुबा यायेॽमा टक्चामार टा गरक्मा निङ्लावा लिः हाङ्ग,#पारास्ठान ३४:२९ 8हिङ्खामा पिक्खुबा सॆङ्सॆङॆ लावामि योम्पक् मुमार ऎॽवा निङ्लावा हाः हला टा?
9मान्ठाभनॆ याॽमिचि आब्डिक् नुङ्मा लॆकानि लोखुबा यायेॽमामि योम्पक् टा आक्रकॆ निङ्लावा नुङ्मा लॆटा हाङ्ग, निवाँहाङ्मि ङारिङ्पि आब्डिक् मॆड्डिङ्मा लॆकानि लोमॆ योम्पक् ऎॽवा निङ्लावा नुङ्मा लॆः लोमॆ वाप्मा लॆ। 10ग उम्चङ्ऎ एट्टान ढ्या लिङ्लावाबि, आक्क याॽलऎ निङ्लावा ग मरक्न माखॆ। 11मान्ठाभनॆ एच्छक्म लिखुबा नुङ्टा गरक्मा निङ्लावा चु हाङ्ग, हानाम्स लिढाङ्खुबा नुङ्ग झाना ऎॽवा ढ्या निङ्लावा लि हला!
12मसॆ कानिबि गरॽऎ आस चुऎसॆ कानि एट्टान चॆकिहा याॽमिचि लिडि। 13कानि ग ङारिङ्बिऎ सिखॆसॆ खॆॽमिम्पा ओऎ लिङ्लावा इस्राएलि याॽमिचिऎ ऎखाङ्टकुचिर कामानुङ् टाङ्पामि निङ्टँवाँ चेऎ डॆक्खुबा मोसा रक्मा याॽमि हॆॽनॆ।#पारास्ठान ३४:३३ 14आक्खाचिम् निवाँ आक्रल छाक्खॆॽमिम्पा लॆटा। हढारि स याॽलऎ यायेॽमाबिहा खानावाँ याॽमिचिऎ खाङ्सेइसे, उम्चि निवाँ चेऎ डॆक्सिखॆॽमिम्पा लि। हाङ् आक्क चे चाइ खिरिस्टबि टे टेम्बक्। 15चाइबान मोसामि यायॆॽमा खाङ्मार हस चेऎ खोचिम निवाँ डॆक्खॆॽमिम्पा लॆ। 16टर याॽमिचि पारभु पोट्टा टाक्मिहाङ् उम्चि आक्क चेः टेम्बखॆ।#पारास्ठान ३४:३४ 17मान्ठाभनॆ पारभु चाइ लावाबि चु, हाङ् हाबि चाइ पारभुमि लावा चु, आक्कुबि ठुप्ब्भुङ्खॆॽमा पाब्नि। 18कानि चोप्पसॆ चे टेम्बहाङ्पा ङारिङ्ऎ पारभुमि निङ्लावा खाङुकि हाङ् आक्क खानावाँ कानिबि खाङ्मि। हाङ् आक्क निङ्लावाऎ पारभुमि लावा रक्मान मुसे याॽलऎ बाङ्स एट्टान निङ्लावा नुङ्मा मुखॆकि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society