१ टिमोठि 3
3
मान्डालिबिऎ टुङ्घङ्पाचि
1ग चाइबानऎ खानावाँ यो, आसॆ हाङ्स मान्डालि खाङ्मॆ निवाँ मुकु हाङ्ग, खोसॆ नुऎ निवाँन मुकु। 2मसॆ मान्डालि खाङ्खुबा याॽमि चाइ आब्डिक् मॆड्डिङ्मा, एक्क टे खिम्टाङ्मा चुखुबा, निवाँटाङ्पा, टाङ्पा टाङ्पॆॽन खाङ्हिखुबा, होइढाचिऎ ङेप्मिम्पा, टाबाङ्चि नुःर लॆखुबा हाङ् चिन्हिखुबा लिमा लॆ। 3खो सॆइङ्खॆटिक्खुबा, खिटिखुबा लिमा फॆन्नि। टर खो आङ्हिखुबा लिमा लॆ हाङ् ठक्चिक्वाचिक् काखुबा हाङ् याङ्मि लोभा लॆखुबा लिमा फॆन्नि। 4खो टाङ्पाम् खिम् काम्नुःर खाङ्हिखुबा लिर हाङ् टाङ्पाम् पासाचि चोब्न खानावाँबि नुःर लोमिम्पा खेम्खुबाचि मुसुचिर। 5मान्ठाभनॆ टाङ्पाम् खिम्न नुःर खाङ्मा आहॆखुबॆ मान्टक्र निवाँहाङ्मि मान्डालि खाङ्हिकुयॆ?
6हाङ् खो हहन निवाँयुङ् लॆखुबा उम्चङ्ऎर लिमा फॆन्नि। आक्र लिसा हाङ्ग खो काङानङायॆ मिम्पकुहाङ् साइटानऎ काङानङाऎ मिन्मार डान्डाबि सिॽमिम्पार खो निवाँहाङ्मि डान्डाबि सि। 7मान्डालि खाङ्खुबा चाइ निवाँयुङ् आलॆखुबाचिम् लुम्पि सङ्क निङ् चुचाखुबा याॽमि लिमा लॆ। मरहाङ् टेःॽन याॽमिचिऎ खो इचाउचिनि हाङ् खो साइटानऎ फोप्सिॽमा हेसुनि।
मान्डालिबि योम्पक् मुखुबाचि
8आक्रहाङ्न मान्डालिबि योम्पक् मुखुबाचि सङ्क होइढाचिऎ ङेप्मिम्पा लिमा लॆःॽमि। खोचि खानावाँ फॆट्टिखुबा, सेङ्खॆङ्टिक्खुबा हाङ् हिच्चि लेन् चुइन्ट यामुटिक्खुबा, याङ्मि लोभा लॆखुबा चाइ लिमा फॆन्नि। 9खोचिऎ निवाँयुङ्पि चुऎ चाइबानऎ खानावाँ उम्चि काइसे नुङ् काम्नुऎ फाक्मा हेखुबा निवाँबि युङ्मा लॆ। 10हाङ् खोचिऎ योम्पक् मुमाबाङ् याॽल खोचि मान्टक्मा याॽमिचि कामानुङ् ठाःक्मा लॆःक्मि। हाङ् आब्डिक् मॆड्डिङ्मा लिःक्मि हाङ्टेःॽन मान्डालिमि योम्पक्पि टिमा लॆःॽमि। 11गरहाङ्न उम्चि खिम्टाङ्माचि#३:११ एक्क हिच्चि साब्चिराऎ डिकानॆसचि सङ्क लोकु। सङ्क चोप्पासॆ लेमिम्पा, ठक्चिक्वाचिक् आकाखुबाचि, टर चोब्न खानावाँबि निवाँटाङ्माचि हाङ् निवाँयुङ्मा लिमा लॆःॽमि।
12मान्डालिबि योम्पक् मुखुबाम् सङ्क एक्क टेःॽन खिम्टाङ्मा लिमा लॆ। हाङ्खिम् नुङ् खोम् पासाचि काम्नुःर खाङ्हिखुबा लिमा लॆ। 13मान्ठाभनॆ मान्डालिबि योम्पक् मुखुबाचिऎ नुःर योम्पक् यिगुचि हाङ्ग खोचिऎ निङ् डुबुकुचि हाङ् खोचिऎ खिरिस्ट येसुबि लॆःॽमिम्पा निवाँयुङ् मॆङ्किसिरे इहिकुचि।
कानिम् निवाँयुङ्बिऎ चाइबानऎ खानावाँ
14आनाबि सॆॽलॽन डाप्मा मिन्डिङ्, टर कॆ आना साब्चिरा साप्ना, 15मसॆ का डॆङ्पि टे डाःप्ङा हाङ्स निवाँहाङ्मि खिम्पिहाचिनुङ् कानिम् चालाना मान्टक्मा लिमा लॆऎ कामानुङ् ग साब्चिराबाङ् लेकुना, निवाँहाङ्मि खिम् चाइ पाइढाङ्खुबा निवाँहाङ्मि मान्डालि रेम, हाङ् म निवाँहाङ्मि खिम् चाइ चाइबानऎ खानावाँमि खाँबा नुङ् जागा रेम।
16चाइबान, निवाँहाङ्ऎ कानि माङ् खाङ्मिटा म खानावाँ एट्टान ढ्या वॆ।
खिरिस्ट सालुङ्पि याॽमि लिमानुङ् बाखाटेम्पि खाङ्मुसा,
सॆङ्सॆङॆ लावाऎ खो निवाँहाङ्मि पासा कामानुङ् खाङ्मुसु,
खो निवाँखाटॆखुबाचिबि खाङ्मुसा,
खो होइढा हॆॽनिबारेक्चिम् लुम्पि खोम् बारेबि खेम्मिटा,
बाखाटेम्पिहा याॽमिचिऎ खो निवाँयुङ् लॆटुचि,
हाङ् निवाँहाङ्ऎ खो पारुबि निङ्लावाबि ठेट्टिखॆट्टु।
ទើបបានជ្រើសរើសហើយ៖
१ टिमोठि 3: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
१ टिमोठि 3
3
मान्डालिबिऎ टुङ्घङ्पाचि
1ग चाइबानऎ खानावाँ यो, आसॆ हाङ्स मान्डालि खाङ्मॆ निवाँ मुकु हाङ्ग, खोसॆ नुऎ निवाँन मुकु। 2मसॆ मान्डालि खाङ्खुबा याॽमि चाइ आब्डिक् मॆड्डिङ्मा, एक्क टे खिम्टाङ्मा चुखुबा, निवाँटाङ्पा, टाङ्पा टाङ्पॆॽन खाङ्हिखुबा, होइढाचिऎ ङेप्मिम्पा, टाबाङ्चि नुःर लॆखुबा हाङ् चिन्हिखुबा लिमा लॆ। 3खो सॆइङ्खॆटिक्खुबा, खिटिखुबा लिमा फॆन्नि। टर खो आङ्हिखुबा लिमा लॆ हाङ् ठक्चिक्वाचिक् काखुबा हाङ् याङ्मि लोभा लॆखुबा लिमा फॆन्नि। 4खो टाङ्पाम् खिम् काम्नुःर खाङ्हिखुबा लिर हाङ् टाङ्पाम् पासाचि चोब्न खानावाँबि नुःर लोमिम्पा खेम्खुबाचि मुसुचिर। 5मान्ठाभनॆ टाङ्पाम् खिम्न नुःर खाङ्मा आहॆखुबॆ मान्टक्र निवाँहाङ्मि मान्डालि खाङ्हिकुयॆ?
6हाङ् खो हहन निवाँयुङ् लॆखुबा उम्चङ्ऎर लिमा फॆन्नि। आक्र लिसा हाङ्ग खो काङानङायॆ मिम्पकुहाङ् साइटानऎ काङानङाऎ मिन्मार डान्डाबि सिॽमिम्पार खो निवाँहाङ्मि डान्डाबि सि। 7मान्डालि खाङ्खुबा चाइ निवाँयुङ् आलॆखुबाचिम् लुम्पि सङ्क निङ् चुचाखुबा याॽमि लिमा लॆ। मरहाङ् टेःॽन याॽमिचिऎ खो इचाउचिनि हाङ् खो साइटानऎ फोप्सिॽमा हेसुनि।
मान्डालिबि योम्पक् मुखुबाचि
8आक्रहाङ्न मान्डालिबि योम्पक् मुखुबाचि सङ्क होइढाचिऎ ङेप्मिम्पा लिमा लॆःॽमि। खोचि खानावाँ फॆट्टिखुबा, सेङ्खॆङ्टिक्खुबा हाङ् हिच्चि लेन् चुइन्ट यामुटिक्खुबा, याङ्मि लोभा लॆखुबा चाइ लिमा फॆन्नि। 9खोचिऎ निवाँयुङ्पि चुऎ चाइबानऎ खानावाँ उम्चि काइसे नुङ् काम्नुऎ फाक्मा हेखुबा निवाँबि युङ्मा लॆ। 10हाङ् खोचिऎ योम्पक् मुमाबाङ् याॽल खोचि मान्टक्मा याॽमिचि कामानुङ् ठाःक्मा लॆःक्मि। हाङ् आब्डिक् मॆड्डिङ्मा लिःक्मि हाङ्टेःॽन मान्डालिमि योम्पक्पि टिमा लॆःॽमि। 11गरहाङ्न उम्चि खिम्टाङ्माचि#३:११ एक्क हिच्चि साब्चिराऎ डिकानॆसचि सङ्क लोकु। सङ्क चोप्पासॆ लेमिम्पा, ठक्चिक्वाचिक् आकाखुबाचि, टर चोब्न खानावाँबि निवाँटाङ्माचि हाङ् निवाँयुङ्मा लिमा लॆःॽमि।
12मान्डालिबि योम्पक् मुखुबाम् सङ्क एक्क टेःॽन खिम्टाङ्मा लिमा लॆ। हाङ्खिम् नुङ् खोम् पासाचि काम्नुःर खाङ्हिखुबा लिमा लॆ। 13मान्ठाभनॆ मान्डालिबि योम्पक् मुखुबाचिऎ नुःर योम्पक् यिगुचि हाङ्ग खोचिऎ निङ् डुबुकुचि हाङ् खोचिऎ खिरिस्ट येसुबि लॆःॽमिम्पा निवाँयुङ् मॆङ्किसिरे इहिकुचि।
कानिम् निवाँयुङ्बिऎ चाइबानऎ खानावाँ
14आनाबि सॆॽलॽन डाप्मा मिन्डिङ्, टर कॆ आना साब्चिरा साप्ना, 15मसॆ का डॆङ्पि टे डाःप्ङा हाङ्स निवाँहाङ्मि खिम्पिहाचिनुङ् कानिम् चालाना मान्टक्मा लिमा लॆऎ कामानुङ् ग साब्चिराबाङ् लेकुना, निवाँहाङ्मि खिम् चाइ पाइढाङ्खुबा निवाँहाङ्मि मान्डालि रेम, हाङ् म निवाँहाङ्मि खिम् चाइ चाइबानऎ खानावाँमि खाँबा नुङ् जागा रेम।
16चाइबान, निवाँहाङ्ऎ कानि माङ् खाङ्मिटा म खानावाँ एट्टान ढ्या वॆ।
खिरिस्ट सालुङ्पि याॽमि लिमानुङ् बाखाटेम्पि खाङ्मुसा,
सॆङ्सॆङॆ लावाऎ खो निवाँहाङ्मि पासा कामानुङ् खाङ्मुसु,
खो निवाँखाटॆखुबाचिबि खाङ्मुसा,
खो होइढा हॆॽनिबारेक्चिम् लुम्पि खोम् बारेबि खेम्मिटा,
बाखाटेम्पिहा याॽमिचिऎ खो निवाँयुङ् लॆटुचि,
हाङ् निवाँहाङ्ऎ खो पारुबि निङ्लावाबि ठेट्टिखॆट्टु।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society