१ टिमोठि 1
1
1कानि फाक्खुबा निवाँहाङ् नुङ् कानिम् आस खिरिस्ट येसुऎ लोमिम्पा रक्न काङा पावल खिरिस्ट येसुमि सॆःक्ढुङ्पा लिडिङ। 2निवाँयुङ्पि चाइबानऎ काम् पासा टिमोठिम् लागि ग साब्चिरा साप्हाङ्मे पाइकुङ। आनॆ आपा निवाँहाङ् हाङ् खिरिस्ट येसु काङ्कामि पारभुबाङ् आनॆ नाम्नावाँ हाङ् सान्टि टक्चाऎ।
हुन्नहा खानावाँबाङ् मिउन पेन्मॆ
3काङा माकेडोनियाबि खॆॽमाबाङ् याॽल, आना लोसिन्टक्न हस एफिसिबिॽन पेनॆ, मसॆ आक्कुबि हुन्नहा खानावाँ चिन्खुबा एक्क हिप्पा याॽमिचि हुन्नहा खानावाँ आइसानॆ कामानुङ् वोहिकुचिना। 4हाङ् खोचि हुन्नहा आरेॽऎ खानावाँ नुङ् हानाम्स लुक्खॆॽनॆ टुबालाबाचिम् खानावाँ पोट्टा आनऎलागालिमिर, गसॆ ग टङ्नॆ खानावाँ टे लाबकु, मसॆ बोरु खोचि निवाँयुङ्पि चुऎ निवाँहाङ्मि योम्पक्पि लागालिमिर।
5काङ्कॆ लोमिम्पा खानावाँऎ इमा यकुवॆ खानावाँ चाइ नाम्नाम् पिसिॽमॆ लोमॆ यो, म चाइ काम्नुऎ निवाँ, काइसॆ नुङ् काम्नुऎ फाक्मॆ निवाँ हाङ् चाइबानऎ निवाँयुङ्बाङ् टा। 6टर एक्क हिप्पा याॽमिचि इघा खानावाँ मिखॆसे मरक्न हुन्नहा खानावाँबि पिन्टिढाङ्मि। 7खोचि मोसामि यायेॽमा चिन्खुबाचि लिमा मिनुक्मि, टर खोचिऎ यामुमिम्पा खानावाँ हाङ् वाव्डुङ्का कामानुङ् लोमिम्पा खानावाँ सङ्क खोचिऎन लेसुचिनि।
8निवाँहाङ्मि यायेॽमा काम्नुःर याङ्मा ग नुऎ योम्पक् कामानुङ् काङ्कॆ लेकुङ्का। 9काङ्कॆ ग सङ्क लेकुङ्का, निवाँहाङ्मि यायेॽमा निवाँनेन् याॽमिचिम् लागि पिॽमिम्पा हॆॽनॆ, टर निवाँहाङ्मि यायेॽमा रक्न आपाइखुबाचि नुङ् लोमिम्पा आखेम्खुबाचिम् लागि हाङ् निवाँहाङ्मि लाम् सिच्चाखुबाचि, सॆङ्सॆङॆ लॆःॽमिनिहाचि, हिङ्वाचि हाङ् निवाँहाङ्ऎ सिच्चाकुचिहा याॽमिचि नुङ् टाङ्पामि पासिक्ला मासिक्ला सेक्खुबाचि हाङ् याॽमि सेक्खुबाचिम् लागि, 10वाठाङ्पा नुङ् मेॽनुङ्माचि नुङ् इम्चाटिक्खुबाचि, वाटाङ्पाऎ वाठाङ्पानुङ्न हाङ् मेॽनुङ्माऎ मेॽनुङ्मानुङ्न इम्चाटिक्खुबाचि, याॽमि इन्चाखुबाचि, बङ्चाखुबाचि, चुप्लाङ् रक्न आलॆखुबाचिम् लागि नुङ् नुऎ खानावाँ काइर लॆखुबा चोब्न खानावाँमि लागि रेम। 11काङ्कॆ लोमिम्पा खानावाँ चाइ नुऎ खानावाँ रक्न लॆ, म निङ्लावाऎ आसिका नुङ्मा निवाँहाङ्ऎ काङा निवाँयुङ् लॆटिङ।
पारभुमि नाम्नावाँमि लागि पावलऎ ओहाक् लोमिम्पा
12काङा चॆक्मावा पिक्खुबा खिरिस्ट येसु कानिम् पारभु ओहाक् पिकुङ्, मान्ठाभनॆ खोसॆ काङा निवाँयुङ्मा याॽमि मिट्टिङ् हाङ् खोम् योम्पक्पि टिसिङ। 13काङा खोम् याॽमिचि डुखा पिक्खुबा हाङ् चाक्लॆम्पा याॽमि लॆटिङ् हाङ्स, आक्खा खानावाँ काङॆ मालेॽरे हाङ् निवाँयुङ् आलॆःॽमार यिक्मिम्पासॆ निवाँहाङ्ऎ काङा नाम्नावाँ पिट्टिङ्। 14हाङ् कानिम् पारभुबाङ् नाम्नावाँ काङा सक्पि खेःॽल बोबु। हाङ् काङॆ खिरिस्टबि टक्चामिम्पा निवाँयुङ् नुङ् नाम्नाम् पिसिॽमॆ खानावाँ खोसॆॽन पिट्टिङ।
15“खिरिस्ट येसु ग बाखाटेम्पि हिङ्वा याॽमिचि हिङ्पमिस्सि टाडॆ यो।” ग खानावाँ चोप्पासॆ वाप्मा लॆऎ चाइबानऎ खानावाँ रेम। आक्खा हिङ्वाचिबि सङ्क काङा चोब्बाङ् एट्टान हिङ्वा नुङ्माऎ लॆटिङ। 16टर खिरिस्ट येसुऎ खोबि निवाँयुङ् लॆसे हानाम्स लुक्खॆनॆ हिङ्खामा टक्चाखुबाचि ऎॽवा हुङ्कुचॆ कामानुङ् खाङ्मिॽमाम् लागि, खोसॆ होइढाचिबाङ् एट्टान हिङ्वा याॽमि लिमिम्पासॆॽन काङा नाम्नावाँ लॆटिङ। 17चोब्न लःबि निवाँहाङ् ठेरुम्यॆ हाङ् खोम् निङ्लावा लिर। खो हाङ् यो, खोम् हाङ्डाम् हानाम्स लुक्खॆॽनि। खो हानाम्स सिखॆॽनि हाङ् आसॆस खो खाङ्टहिसुचिनि। हाङ् खो टेःॽन निवाँहाङ् रेम।#१:१७ ग ठालबि डिरिक् निवाँटाङ्पा याॽमिचिऎ सङ्क माङ् चाइ चाइबानऎ खानावाँ कामानुङ् माइःहिटिट्टुचि। कोइचि एक्क टेःॽन निवाँटाङ्पा निवाँहाङ् ह काग्मि हाङ् काइचि चाइ एक्क टेःॽन निवाँहाङ् काग्मि।
18काम् पासा रक्मा याॽमि आना टिमोठि, आनाम् बारेबि याॽलिन निवाँहाङ्बाङ् इमिम्पा खानावाँ इमॆ पाइकुङ। मसॆ आनॆ पाङ्नुसे पारभुमि लागि नुःर पाइहिसॆ कामानुङ् ग खानावाँ लोमॆ पाइना। 19खिरिस्टबि चुऎ आनाम् निवाँयुङ् युङ्ढाङ्सॆ हाङ् काम्नुऎ नुङ् काइसॆ फाक्मॆ निवाँ आमाइटॆ। ऎॽवाचिऎ काम्नुऎ नुङ् काइसॆ फाक्मॆ निवाँन माइमिम्पासॆ, उम्चि निवाँयुङ् माइडुचि। 20आक्खाचिबि हुमेनियास नुङ् आलॆक्जेन्डार रेम। कॆ खोचि कानिम् याॽमिचिबाङ् फाॽलाङ्हाङ्सुचि हाङ् साइटानबि पिडुङ्चि। मसॆ खोचिऎ निवाँहाङ् काइर लोमा याइटुचिर।
ទើបបានជ្រើសរើសហើយ៖
१ टिमोठि 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
१ टिमोठि 1
1
1कानि फाक्खुबा निवाँहाङ् नुङ् कानिम् आस खिरिस्ट येसुऎ लोमिम्पा रक्न काङा पावल खिरिस्ट येसुमि सॆःक्ढुङ्पा लिडिङ। 2निवाँयुङ्पि चाइबानऎ काम् पासा टिमोठिम् लागि ग साब्चिरा साप्हाङ्मे पाइकुङ। आनॆ आपा निवाँहाङ् हाङ् खिरिस्ट येसु काङ्कामि पारभुबाङ् आनॆ नाम्नावाँ हाङ् सान्टि टक्चाऎ।
हुन्नहा खानावाँबाङ् मिउन पेन्मॆ
3काङा माकेडोनियाबि खॆॽमाबाङ् याॽल, आना लोसिन्टक्न हस एफिसिबिॽन पेनॆ, मसॆ आक्कुबि हुन्नहा खानावाँ चिन्खुबा एक्क हिप्पा याॽमिचि हुन्नहा खानावाँ आइसानॆ कामानुङ् वोहिकुचिना। 4हाङ् खोचि हुन्नहा आरेॽऎ खानावाँ नुङ् हानाम्स लुक्खॆॽनॆ टुबालाबाचिम् खानावाँ पोट्टा आनऎलागालिमिर, गसॆ ग टङ्नॆ खानावाँ टे लाबकु, मसॆ बोरु खोचि निवाँयुङ्पि चुऎ निवाँहाङ्मि योम्पक्पि लागालिमिर।
5काङ्कॆ लोमिम्पा खानावाँऎ इमा यकुवॆ खानावाँ चाइ नाम्नाम् पिसिॽमॆ लोमॆ यो, म चाइ काम्नुऎ निवाँ, काइसॆ नुङ् काम्नुऎ फाक्मॆ निवाँ हाङ् चाइबानऎ निवाँयुङ्बाङ् टा। 6टर एक्क हिप्पा याॽमिचि इघा खानावाँ मिखॆसे मरक्न हुन्नहा खानावाँबि पिन्टिढाङ्मि। 7खोचि मोसामि यायेॽमा चिन्खुबाचि लिमा मिनुक्मि, टर खोचिऎ यामुमिम्पा खानावाँ हाङ् वाव्डुङ्का कामानुङ् लोमिम्पा खानावाँ सङ्क खोचिऎन लेसुचिनि।
8निवाँहाङ्मि यायेॽमा काम्नुःर याङ्मा ग नुऎ योम्पक् कामानुङ् काङ्कॆ लेकुङ्का। 9काङ्कॆ ग सङ्क लेकुङ्का, निवाँहाङ्मि यायेॽमा निवाँनेन् याॽमिचिम् लागि पिॽमिम्पा हॆॽनॆ, टर निवाँहाङ्मि यायेॽमा रक्न आपाइखुबाचि नुङ् लोमिम्पा आखेम्खुबाचिम् लागि हाङ् निवाँहाङ्मि लाम् सिच्चाखुबाचि, सॆङ्सॆङॆ लॆःॽमिनिहाचि, हिङ्वाचि हाङ् निवाँहाङ्ऎ सिच्चाकुचिहा याॽमिचि नुङ् टाङ्पामि पासिक्ला मासिक्ला सेक्खुबाचि हाङ् याॽमि सेक्खुबाचिम् लागि, 10वाठाङ्पा नुङ् मेॽनुङ्माचि नुङ् इम्चाटिक्खुबाचि, वाटाङ्पाऎ वाठाङ्पानुङ्न हाङ् मेॽनुङ्माऎ मेॽनुङ्मानुङ्न इम्चाटिक्खुबाचि, याॽमि इन्चाखुबाचि, बङ्चाखुबाचि, चुप्लाङ् रक्न आलॆखुबाचिम् लागि नुङ् नुऎ खानावाँ काइर लॆखुबा चोब्न खानावाँमि लागि रेम। 11काङ्कॆ लोमिम्पा खानावाँ चाइ नुऎ खानावाँ रक्न लॆ, म निङ्लावाऎ आसिका नुङ्मा निवाँहाङ्ऎ काङा निवाँयुङ् लॆटिङ।
पारभुमि नाम्नावाँमि लागि पावलऎ ओहाक् लोमिम्पा
12काङा चॆक्मावा पिक्खुबा खिरिस्ट येसु कानिम् पारभु ओहाक् पिकुङ्, मान्ठाभनॆ खोसॆ काङा निवाँयुङ्मा याॽमि मिट्टिङ् हाङ् खोम् योम्पक्पि टिसिङ। 13काङा खोम् याॽमिचि डुखा पिक्खुबा हाङ् चाक्लॆम्पा याॽमि लॆटिङ् हाङ्स, आक्खा खानावाँ काङॆ मालेॽरे हाङ् निवाँयुङ् आलॆःॽमार यिक्मिम्पासॆ निवाँहाङ्ऎ काङा नाम्नावाँ पिट्टिङ्। 14हाङ् कानिम् पारभुबाङ् नाम्नावाँ काङा सक्पि खेःॽल बोबु। हाङ् काङॆ खिरिस्टबि टक्चामिम्पा निवाँयुङ् नुङ् नाम्नाम् पिसिॽमॆ खानावाँ खोसॆॽन पिट्टिङ।
15“खिरिस्ट येसु ग बाखाटेम्पि हिङ्वा याॽमिचि हिङ्पमिस्सि टाडॆ यो।” ग खानावाँ चोप्पासॆ वाप्मा लॆऎ चाइबानऎ खानावाँ रेम। आक्खा हिङ्वाचिबि सङ्क काङा चोब्बाङ् एट्टान हिङ्वा नुङ्माऎ लॆटिङ। 16टर खिरिस्ट येसुऎ खोबि निवाँयुङ् लॆसे हानाम्स लुक्खॆनॆ हिङ्खामा टक्चाखुबाचि ऎॽवा हुङ्कुचॆ कामानुङ् खाङ्मिॽमाम् लागि, खोसॆ होइढाचिबाङ् एट्टान हिङ्वा याॽमि लिमिम्पासॆॽन काङा नाम्नावाँ लॆटिङ। 17चोब्न लःबि निवाँहाङ् ठेरुम्यॆ हाङ् खोम् निङ्लावा लिर। खो हाङ् यो, खोम् हाङ्डाम् हानाम्स लुक्खॆॽनि। खो हानाम्स सिखॆॽनि हाङ् आसॆस खो खाङ्टहिसुचिनि। हाङ् खो टेःॽन निवाँहाङ् रेम।#१:१७ ग ठालबि डिरिक् निवाँटाङ्पा याॽमिचिऎ सङ्क माङ् चाइ चाइबानऎ खानावाँ कामानुङ् माइःहिटिट्टुचि। कोइचि एक्क टेःॽन निवाँटाङ्पा निवाँहाङ् ह काग्मि हाङ् काइचि चाइ एक्क टेःॽन निवाँहाङ् काग्मि।
18काम् पासा रक्मा याॽमि आना टिमोठि, आनाम् बारेबि याॽलिन निवाँहाङ्बाङ् इमिम्पा खानावाँ इमॆ पाइकुङ। मसॆ आनॆ पाङ्नुसे पारभुमि लागि नुःर पाइहिसॆ कामानुङ् ग खानावाँ लोमॆ पाइना। 19खिरिस्टबि चुऎ आनाम् निवाँयुङ् युङ्ढाङ्सॆ हाङ् काम्नुऎ नुङ् काइसॆ फाक्मॆ निवाँ आमाइटॆ। ऎॽवाचिऎ काम्नुऎ नुङ् काइसॆ फाक्मॆ निवाँन माइमिम्पासॆ, उम्चि निवाँयुङ् माइडुचि। 20आक्खाचिबि हुमेनियास नुङ् आलॆक्जेन्डार रेम। कॆ खोचि कानिम् याॽमिचिबाङ् फाॽलाङ्हाङ्सुचि हाङ् साइटानबि पिडुङ्चि। मसॆ खोचिऎ निवाँहाङ् काइर लोमा याइटुचिर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society