१ ठेसलोनिकि 5
5
पारभुमि लाम् खाङ्से पेम्मॆ खानावाँ
1ह बुबुनानुसाचि, इघा चोब्न खानावाँ हाम्पॆ हाङ् हानाम्ऎ लःबि लिऎ लोमॆ खानावाँ कॆ आन्नामि लागि साब्मा पाप्पानिनि। 2मान्ठाभनॆ लेन्टाऎ पारभु चाइ युटा खुसुबाङ् आसॆस मालेमिम्पा बेला टाइन्टक्न टा लोमॆ आन्नॆ काम्नुःर लेकाम्नि। 3याॽमिचिऎ चोब्न नुऎ लॆ हाङ् माङ्स याटक्माटॽक् माआ मिन्मिम्पा बेलान आक्खाचि एक्क मेॽनुङ्मा चाचा टग्मॆ डुखाऎ लाबिन्ट मरक्लन डुखाऎ लाप्कुचि। हाङ् आक्क डुखाबाङ् आसास कुम्हिमिनि। 4टर बुबुनानुसाचि, आन्ना चाइ माॽयाक्टबि माआनि मसॆ आक्क डिना लेन्टाऎ पारभु एक्क खुसुबाङ्र टामार स आन्नॆ वाप्टखॆकाम्नि। 5मान्ठाभनॆ आन्ना चोब्न याॽमिचि ओऎमि हाङ् डिनामि पासाचि रेम। हाङ् कानि युट्टाराम्पा नुङ् माॽयाक्टऎमि पासाचि हॆॽनॆ। 6मसॆ होइढा याॽमिचिर आइम्टिखारियॆ, टर चेन्चेन् लिमानुङ् टाङ्पॆ टाङ्पान खाङ्ढाङ्सुम्यॆ। 7मान्ठाभनॆ इम्चाखुबाचि युटान इम्चाक्मि हाङ् डुङ्से सॆइङ्खॆटिक्खुबाचि युटान सेइङ्खॆकुचि। 8टर कानि चाइ डिनामि पासाचि लिमिम्पासॆ टाङ्पा टाङ्पॆॽन खाङुम्यॆ। हाङ् टाङ्पा कोॽमाम् लागि नाम्नाम् नुङ् निवाँयुङ् पिसिपॆ चाङियॆ। हाङ् कानि हिङ्पकि कामानुङ् येसुबि लॆःॽमिम्पा आसमि टोपि खामियॆ। 9मान्ठाभनॆ निवाँहाङ्ऎ कानि सक्पि खोमि सिरि बोॽमामि लागि कानि सॆःक्मिम्पा हॆॽनॆ टर पारभु येसु खिरिस्टबाङ् फाक्मा लोमॆ खानावाँ टक्चाइर कामानुङ् सॆःगि। 10हाङ् खो ऎन्टामार कानि हिङ्चाकि हाङ्स हाङ् सिखॆकि हाङ्स, खोनुङ्न पेन्माम् लागि खो कानिम् लागि सिखारा। 11मसॆ आन्नॆ लॆकॆॽमिम्पा रक्न एक्कसॆ होइक ठेप्पे चुआनॆ हाङ् एक्कसॆ होइक चॆकुवॆ मुपे चुआनॆ।
निवाँयुङ् लॆखुबाचिऎ पाइमॆ हिङ्खामा
12हाङ् बुबुनुसाचि, काङ्कॆ आन्ना नुःर लोखाचिम्, आन्नाम् लुम्पि निवाँ टिमानुङ् पारभुमि योम्पक् मुखुबाचि ङेबाम्चिनॆ। खोचि आन्नामि टुङ्घङ्पाचि हाङ् खोचिऎ आन्ना चिन्मॆ हाङ् वोमॆ योम्पक् यिगुक्मि। 13हाङ् खोचिम् योम्पक्मि लागि खोचि एट्टान ङेबाम्चिनॆ हाङ् नाम्नाम् पिसिटाम्चिनॆ। हाङ् टाङ्पा टाङ्पाबि टङ्चासे पेनानॆ। 14बुबुनानुसाचि, काङ्कॆ आन्ना नुःर लोकानि, ऎट्टुबाङ्चि ऎऎस्सिआनॆ कामानुङ् वोसाम्चिनॆ, किसिमावाँऎ डुखॆखुबाचि निवाँबि चॆकुवॆ मुसाम्चिनॆ हाङ् निम्सुर लॆखुबाचि खाङाम्चिनॆ। हाङ् चोब्न याॽमिचि आङाम्चिनॆ। 15हाङ् आन्नॆ ग खानावाँ निवाँबि युङाम्नॆ, एक्कसॆ आन्ना काइर लॆटानि हाङ्ग आन्नॆ खो काइरन आलॆटाम्चिनॆ, टर हानाम्स टाङ्पा टाङ्पाबि हाङ् चोब्न याॽमिचि स नुःर लॆटाम्चिनॆ।
16हानाम्स चेन्चाढाङ्सानॆ। 17पारठाना लॆढाङ्सानॆ। 18काम्नुहा नुङ् काइसा चोब्न लःबि निवाँहाङ् ओहाक् पिट्टाम्नॆ। मान्ठाभनॆ आन्ना खिरिस्ट येसुबि लिमार आन्नाबाङ् निवाँहाङ्ऎ गन खाङ्मा मिनुकु। 19सॆङ्सॆङॆ लावामि योम्पक् आसॆगाम्नॆ।
20निवाँहाङ्बाङ्कॆ टामिम्मा खानावाँ हुन्न आइचाआम्नॆ। 21टर इमिम्पा चोब्न खानावाँ ठागाम्नॆ हाङ् काम्नुऎ खानावाँबि चाइ लिढाङ्सानॆ। 22हाङ् चोब्न काइसाबाङ् मिउ पेनानॆ। 23निवाँहाङ्मि सान्टिऎन आन्ना चोब्न खानावाँबि सॆङ्सॆङॆ मुसानिर हाङ् कानिम् पारभु येसु खिरिस्ट टारढारि आन्नामि लावा, सक्मा हाङ् सालुङ् आब्डिक् मॆड्डिङ्मा लिर। 24हाङ् आन्ना सेखुबा निवाँयुङ् नुङ्मा लॆ। खोसॆ आक्खा योम्पक् मुकुन।
25बुबुनानुसाचि, काङ्कामि लागि सङ्क पारठाना लॆपिचिमॆ। 26चोब्न बुबुनानुसाचि नाम्नाम् पिस्सिॽमानुङ् स्यामिपॆ चुआनॆ। 27पारभुमि निङ्पि कॆ आन्ना नुःर लोकानि, ग साब्चिरा आन्नॆ चोब्न बुबुनानुसाचि खेम्मिटाम्चिनॆ। 28कानिम् पारभु येसु खिरिस्टमि नाम्नावाँ आन्नाबि लिर।
ទើបបានជ្រើសរើសហើយ៖
१ ठेसलोनिकि 5: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
१ ठेसलोनिकि 5
5
पारभुमि लाम् खाङ्से पेम्मॆ खानावाँ
1ह बुबुनानुसाचि, इघा चोब्न खानावाँ हाम्पॆ हाङ् हानाम्ऎ लःबि लिऎ लोमॆ खानावाँ कॆ आन्नामि लागि साब्मा पाप्पानिनि। 2मान्ठाभनॆ लेन्टाऎ पारभु चाइ युटा खुसुबाङ् आसॆस मालेमिम्पा बेला टाइन्टक्न टा लोमॆ आन्नॆ काम्नुःर लेकाम्नि। 3याॽमिचिऎ चोब्न नुऎ लॆ हाङ् माङ्स याटक्माटॽक् माआ मिन्मिम्पा बेलान आक्खाचि एक्क मेॽनुङ्मा चाचा टग्मॆ डुखाऎ लाबिन्ट मरक्लन डुखाऎ लाप्कुचि। हाङ् आक्क डुखाबाङ् आसास कुम्हिमिनि। 4टर बुबुनानुसाचि, आन्ना चाइ माॽयाक्टबि माआनि मसॆ आक्क डिना लेन्टाऎ पारभु एक्क खुसुबाङ्र टामार स आन्नॆ वाप्टखॆकाम्नि। 5मान्ठाभनॆ आन्ना चोब्न याॽमिचि ओऎमि हाङ् डिनामि पासाचि रेम। हाङ् कानि युट्टाराम्पा नुङ् माॽयाक्टऎमि पासाचि हॆॽनॆ। 6मसॆ होइढा याॽमिचिर आइम्टिखारियॆ, टर चेन्चेन् लिमानुङ् टाङ्पॆ टाङ्पान खाङ्ढाङ्सुम्यॆ। 7मान्ठाभनॆ इम्चाखुबाचि युटान इम्चाक्मि हाङ् डुङ्से सॆइङ्खॆटिक्खुबाचि युटान सेइङ्खॆकुचि। 8टर कानि चाइ डिनामि पासाचि लिमिम्पासॆ टाङ्पा टाङ्पॆॽन खाङुम्यॆ। हाङ् टाङ्पा कोॽमाम् लागि नाम्नाम् नुङ् निवाँयुङ् पिसिपॆ चाङियॆ। हाङ् कानि हिङ्पकि कामानुङ् येसुबि लॆःॽमिम्पा आसमि टोपि खामियॆ। 9मान्ठाभनॆ निवाँहाङ्ऎ कानि सक्पि खोमि सिरि बोॽमामि लागि कानि सॆःक्मिम्पा हॆॽनॆ टर पारभु येसु खिरिस्टबाङ् फाक्मा लोमॆ खानावाँ टक्चाइर कामानुङ् सॆःगि। 10हाङ् खो ऎन्टामार कानि हिङ्चाकि हाङ्स हाङ् सिखॆकि हाङ्स, खोनुङ्न पेन्माम् लागि खो कानिम् लागि सिखारा। 11मसॆ आन्नॆ लॆकॆॽमिम्पा रक्न एक्कसॆ होइक ठेप्पे चुआनॆ हाङ् एक्कसॆ होइक चॆकुवॆ मुपे चुआनॆ।
निवाँयुङ् लॆखुबाचिऎ पाइमॆ हिङ्खामा
12हाङ् बुबुनुसाचि, काङ्कॆ आन्ना नुःर लोखाचिम्, आन्नाम् लुम्पि निवाँ टिमानुङ् पारभुमि योम्पक् मुखुबाचि ङेबाम्चिनॆ। खोचि आन्नामि टुङ्घङ्पाचि हाङ् खोचिऎ आन्ना चिन्मॆ हाङ् वोमॆ योम्पक् यिगुक्मि। 13हाङ् खोचिम् योम्पक्मि लागि खोचि एट्टान ङेबाम्चिनॆ हाङ् नाम्नाम् पिसिटाम्चिनॆ। हाङ् टाङ्पा टाङ्पाबि टङ्चासे पेनानॆ। 14बुबुनानुसाचि, काङ्कॆ आन्ना नुःर लोकानि, ऎट्टुबाङ्चि ऎऎस्सिआनॆ कामानुङ् वोसाम्चिनॆ, किसिमावाँऎ डुखॆखुबाचि निवाँबि चॆकुवॆ मुसाम्चिनॆ हाङ् निम्सुर लॆखुबाचि खाङाम्चिनॆ। हाङ् चोब्न याॽमिचि आङाम्चिनॆ। 15हाङ् आन्नॆ ग खानावाँ निवाँबि युङाम्नॆ, एक्कसॆ आन्ना काइर लॆटानि हाङ्ग आन्नॆ खो काइरन आलॆटाम्चिनॆ, टर हानाम्स टाङ्पा टाङ्पाबि हाङ् चोब्न याॽमिचि स नुःर लॆटाम्चिनॆ।
16हानाम्स चेन्चाढाङ्सानॆ। 17पारठाना लॆढाङ्सानॆ। 18काम्नुहा नुङ् काइसा चोब्न लःबि निवाँहाङ् ओहाक् पिट्टाम्नॆ। मान्ठाभनॆ आन्ना खिरिस्ट येसुबि लिमार आन्नाबाङ् निवाँहाङ्ऎ गन खाङ्मा मिनुकु। 19सॆङ्सॆङॆ लावामि योम्पक् आसॆगाम्नॆ।
20निवाँहाङ्बाङ्कॆ टामिम्मा खानावाँ हुन्न आइचाआम्नॆ। 21टर इमिम्पा चोब्न खानावाँ ठागाम्नॆ हाङ् काम्नुऎ खानावाँबि चाइ लिढाङ्सानॆ। 22हाङ् चोब्न काइसाबाङ् मिउ पेनानॆ। 23निवाँहाङ्मि सान्टिऎन आन्ना चोब्न खानावाँबि सॆङ्सॆङॆ मुसानिर हाङ् कानिम् पारभु येसु खिरिस्ट टारढारि आन्नामि लावा, सक्मा हाङ् सालुङ् आब्डिक् मॆड्डिङ्मा लिर। 24हाङ् आन्ना सेखुबा निवाँयुङ् नुङ्मा लॆ। खोसॆ आक्खा योम्पक् मुकुन।
25बुबुनानुसाचि, काङ्कामि लागि सङ्क पारठाना लॆपिचिमॆ। 26चोब्न बुबुनानुसाचि नाम्नाम् पिस्सिॽमानुङ् स्यामिपॆ चुआनॆ। 27पारभुमि निङ्पि कॆ आन्ना नुःर लोकानि, ग साब्चिरा आन्नॆ चोब्न बुबुनानुसाचि खेम्मिटाम्चिनॆ। 28कानिम् पारभु येसु खिरिस्टमि नाम्नावाँ आन्नाबि लिर।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society