१ पाट्रुस 1
1
1येसु खिरिस्टमि सॆःक्ढुङ्पा काङा पाट्रुसऎ पोन्टास, गालाटिया, कापाडोकिया, एसिया, हाङ् बिठिनिया लोमाहा ठालबि निरबासिट लिसे फुबःक्डामिहा निवाँहाङ्ऎ सॆःक्मिम्पा याॽमिचि ग साब्चिरा साप्मे पाइकुङ्चि। 2निवाँहाङ् आपॆ आन्ना लेसानिहाङ् याॽलन सॆःगानि हाङ् सॆङ्सॆङॆ लावाऎ आन्ना सॆङ्सॆङॆ मुसानि। हाङ् आन्नॆ खोसॆ लोमिम्पा खेमाम्नि हाङ् येसु खिरिस्टमि हारिऎ सःग्लिङ् खारानि। निवाँहाङ्बाङ् आन्नाबि डिरिक्बाङ् डिरिक् नाम्नावाँ नुङ् सान्टि लिर।
चाइबानऎ हिङ्खामामि आस
3कानिम् पारभु येसु खिरिस्टमि आपा निवाँहाङ्मि निङ् सङ्पि लिर। खोसॆ येसु खिरिस्ट सिखॆॽमिम्पाबाङ् हिङ्पकु हाङ् कानि सक्पि ढ्या नाम्नावाँबाङ् उम्चङ् हिङ्खामा पिट्टि। ह कानिऎ एक्क उम्चङ् हिङ्चामॆ आस टक्चाडि। 4हाङ् निवाँहाङ्ऎ आन्नामि लागि हानाम्स ऎनासॆलिखुबा, ऎमाखॆखुबा हाङ् ऎकिम्खॆखुबा आसिका पारुबि युङ्पिडानि। 5हाङ् आन्नॆ टक्चाकाम्नॆ फाक्मॆ खानावाँ चाइ निवाँहाङ्ऎ खोम् चॆक्मावाऎ आम्नि निवाँयुङ्बाङ् काम्नुःर युङ्भुङ्डु। आक्क फाक्मॆ लोमॆ खानावाँ चाइ आन्नामि लागि परक्मानुङ् युङ्पिडानि हाङ् म डॆङ्पिऎ लःबि खाङ्मु। 6आन्ना आक्खा खानावाँबि चेन्चाकानि। मरहाङ्स गरॽल आन्नॆ एच्छक्मि लागि एट्टान खोप्चिनावाँ खोप्टिखॆॽमा लॆ। 7फिःइया सङ्क काम्नुऎ मुमाम् लागि मिःबि हिरुक् हाङ् आन्नामि निवाँयुङ् चाइ फिःइयाबाङ्स ढ्या योम्पक् पिक्खुबा खानावाँ यो। मसॆ आन्नामि निवाँयुङ् चाइ आक्रहा खोप्चिनावाँऎ चाइबानऎ कामानुङ् खाङ्मिकु। आक्क डॆङ्पि बाखाटेम्पि येसु खिरिस्ट खाङ्मुःॽल आन्नामि निङ् सङ्पिटु हाङ् आम्नि निङ्लावा लि हाङ् आन्ना ङेःप्सि खॆक्खुबा याॽमि लिकानि। 8हाङ् आन्नॆ खो मॆखाङ्टटिटाम्नि हाङ्स नाम्नाम् पिस्सिकाम्नि। हाङ् गरॽल मॆखाङ्टिटाम्नि हाङ्स निवाँयुङ् लॆसे इहिनॆ निङ्लावाबि आन्ना हाङ्हाङ् मिनुकानि। 9मान्ठाभनॆ आन्नॆ खोबि निवाँयुङ् लॆमिम्पासॆ आन्नॆ टाङ्पामि लावामि फाक्मॆ खानावाँ टक्चाकाम्नि।
10हाङ् ग फाक्मॆ लोमॆ खानावाँमि बारेबिॽन निवाँहाङ्मि खानावाँ लोखुबाचिऎ काम्नुःर यगुचि, सॆःगुचि हाङ् खोचिऎ निवाँहाङ्ऎ आन्ना मान्टहाङ् नाम्नाम् पिसिकानि हाङ् हिङ्चामिकानि लोमॆ खानावाँ याॽलिन इसुचि। 11निवाँहाङ्मि खानावाँ लोखुबाचिऎ आक्क मान्टहाङ् हाङ् हानाम् लिऎ कामानुङ् यगुचि। हाङ् खोचिऎ खिरिस्टमि लावाऎ आक्खाचि खिरिस्टऎ डुखा आङ्मा लॆ हाङ् आक्क डॆङ्पि खोसॆ निङ्लावा टक्चाकु कामानुङ् याॽलिन खाङ्मिमिम्पा लॆटा। 12निवाँहाङ्मि खानावाँ लोखुबाचि लोमिम्पा आक्खा खानावाँ चाइ खोचिम् लागि हॆॽनॆ, टर आम्नि लागि यो। हाङ् आन्ना सॆङसॆङॆ लावामि चॆक्मावाबि नुऎ खानावाँ खेम्मिखुबाचि चाइ निवाँहाङ्ऎ पारुबाङ् पाङ्हाङ्मिम्पाचि रेम। इघा चोब्न खानावाँ निवाँखाटॆखुबाचिऎ सङ्क निवाँ हङ्सिॽयुबाङ्न खाङ्मा मिॽमिम्पा लॆटा।
सॆङ्सॆङॆ लिमानुङ् हिङ्चामॆ
13मसॆ आन्नामि निवाँ योम्पक्मि लागि नुःर परक्मॆ लिर, टाङ्पा टाङ्पॆॽन खाङ्हिखुबा लिसानॆ हाङ् येसु खिरिस्ट टामार निवाँहाङ्ऎ आन्ना नाम्नाम् पिसिसे पिकानि कामानुङ् लोमिम्पा फाक्मॆ लोमॆ काम्नुऎ ठका टक्चाकुङ्कान कामानुङ् मिनानॆ। 14हाङ् निवाँहाङ्ऎ लोमिम्पा खेम्खुबा पासाचिर आम्नि याॽलहा काइसाहा निवाँबिहा खानावाँ नुङ् योम्पक्बि आलागालिसानॆ। 15टर आन्ना सेःखुबा निवाँहाङ् सॆङ्सॆङॆ लॆ मसॆ आन्ना सङ्क आम्नि चोब्न योम्पक्पि सॆङ्सॆङॆ लिसानॆ। 16मान्ठाभनॆ निवाँनॆन साब्चिराबि गरहाङ् साब्डा, “आन्ना सॆङ्सॆङॆ लिसानॆ, मान्ठाभनॆ काङा सॆङ्सॆङॆ लॆःॽङा।”#लेबि ११:४४-४५
17हाङ् चोब्न याॽमिचि एक्क मिगॆॽन खाङ्से उम्चि योम्पक् रक्न न्यायॆ लॆखुबा चाइ आन्नॆ आपा लोकाम्नि हाङ्ग आन्ना बाखाटेम्पि हिङ्चारढारि आपामि किसिमाबि पेनानॆ। 18हाङ् आन्नॆ लेकाम्नि, खोसॆ आन्ना आम्नि पाप्पाटुबाचिबाङ् मुकॆॽमिम्पा पाइकॆॽमिम्पा हुन्नहा खानावाँबाङ् फाक्माम् लागि फिःइया नुङ् सिः रहा इन्से हिङ्मिॽमिम्पा हॆॽनॆ। 19टर आन्ना चाइ याङ्ऎ इनइन्हिनॆ खिरिस्टमि हारिऎ इन्मिन्पानि यो। खो चाइ आब्डिक् मॆड्डिङ्मा हाङ् सॆङ्सॆङॆ सामुङ् लॆटा।
20निवाँहाङ्ऎ खो बाखाटेम् मुमाबाङ् याॽलिन सॆःक्मिम्पा लॆटु हाङ् आन्नामि लागि चाइ इग डॆङ्पिऎ लःबि खाङ्मुसा। 21खोबाङ्न आन्नॆ निवाँहाङ् सक्पि निवाँयुङ् लॆटाम्नि। हाङ् निवाँहाङ्ऎ खो सिखॆॽमिम्पाबाङ् हिङ्पॽमिट्टु हाङ् निङ्लावा पिट्टु। मसॆॽन आन्नॆ निवाँहाङ् सक्पि निवाँयुङ् नुङ् आस लॆकाम्नि।
22हाङ् आन्नॆ चाइबानऎ खानावाँऎ लोमिम्पा खेम्मिम्पासॆ आन्ना सॆङ्सॆङॆ लिडानि मसॆ टाङ्पामि बुबुनानुसाचि नाम्नाम् पिसिखुबा याॽमिचि लिडानि। ग आम्नि लुम्पि नाम्नाम् पिसिॽमॆ खानावाँ चाइ निवाँ हङ्सिॽयुबाङ्न लॆटानॆ। 23निवाँहाङ्मि हिङ्चाऎ हाङ् हानाम्स लुक्खॆॽनॆ खानावाँबाङ् आन्ना उम्चङ् लिमानुङ् जान्म लिडानि। मसॆ आन्ना लुक्खॆखुबा आपामि पासाचि हॆॽनॆ, टर हानाम्स लुक्खॆॽनॆ आपामि पासानि यो।
24मान्ठाभनॆ निवाँनॆन् साब्चिराबि गरहाङ् साब्डा,
“चोब्न याॽमिचि घाँसा रक्मान।
हाङ् उम्चि निङ्लावा चाइ ठाब्नाम्बिऎ बुङ् रक्मा टे लि।
घाँसा सोप्खॆकु हाङ् बुङ् बोटाबाङ् हेड्ढिङ् खॆ। 25टर पारभुमि खानावाँ चाइ हानाम्स लिढाङ्।”#यासाइया ४०:६-८ ग खानावाँन आन्ना खेम्मिॽमिम्पा नुऎ खानावाँ रेम।
ទើបបានជ្រើសរើសហើយ៖
१ पाट्रुस 1: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
१ पाट्रुस 1
1
1येसु खिरिस्टमि सॆःक्ढुङ्पा काङा पाट्रुसऎ पोन्टास, गालाटिया, कापाडोकिया, एसिया, हाङ् बिठिनिया लोमाहा ठालबि निरबासिट लिसे फुबःक्डामिहा निवाँहाङ्ऎ सॆःक्मिम्पा याॽमिचि ग साब्चिरा साप्मे पाइकुङ्चि। 2निवाँहाङ् आपॆ आन्ना लेसानिहाङ् याॽलन सॆःगानि हाङ् सॆङ्सॆङॆ लावाऎ आन्ना सॆङ्सॆङॆ मुसानि। हाङ् आन्नॆ खोसॆ लोमिम्पा खेमाम्नि हाङ् येसु खिरिस्टमि हारिऎ सःग्लिङ् खारानि। निवाँहाङ्बाङ् आन्नाबि डिरिक्बाङ् डिरिक् नाम्नावाँ नुङ् सान्टि लिर।
चाइबानऎ हिङ्खामामि आस
3कानिम् पारभु येसु खिरिस्टमि आपा निवाँहाङ्मि निङ् सङ्पि लिर। खोसॆ येसु खिरिस्ट सिखॆॽमिम्पाबाङ् हिङ्पकु हाङ् कानि सक्पि ढ्या नाम्नावाँबाङ् उम्चङ् हिङ्खामा पिट्टि। ह कानिऎ एक्क उम्चङ् हिङ्चामॆ आस टक्चाडि। 4हाङ् निवाँहाङ्ऎ आन्नामि लागि हानाम्स ऎनासॆलिखुबा, ऎमाखॆखुबा हाङ् ऎकिम्खॆखुबा आसिका पारुबि युङ्पिडानि। 5हाङ् आन्नॆ टक्चाकाम्नॆ फाक्मॆ खानावाँ चाइ निवाँहाङ्ऎ खोम् चॆक्मावाऎ आम्नि निवाँयुङ्बाङ् काम्नुःर युङ्भुङ्डु। आक्क फाक्मॆ लोमॆ खानावाँ चाइ आन्नामि लागि परक्मानुङ् युङ्पिडानि हाङ् म डॆङ्पिऎ लःबि खाङ्मु। 6आन्ना आक्खा खानावाँबि चेन्चाकानि। मरहाङ्स गरॽल आन्नॆ एच्छक्मि लागि एट्टान खोप्चिनावाँ खोप्टिखॆॽमा लॆ। 7फिःइया सङ्क काम्नुऎ मुमाम् लागि मिःबि हिरुक् हाङ् आन्नामि निवाँयुङ् चाइ फिःइयाबाङ्स ढ्या योम्पक् पिक्खुबा खानावाँ यो। मसॆ आन्नामि निवाँयुङ् चाइ आक्रहा खोप्चिनावाँऎ चाइबानऎ कामानुङ् खाङ्मिकु। आक्क डॆङ्पि बाखाटेम्पि येसु खिरिस्ट खाङ्मुःॽल आन्नामि निङ् सङ्पिटु हाङ् आम्नि निङ्लावा लि हाङ् आन्ना ङेःप्सि खॆक्खुबा याॽमि लिकानि। 8हाङ् आन्नॆ खो मॆखाङ्टटिटाम्नि हाङ्स नाम्नाम् पिस्सिकाम्नि। हाङ् गरॽल मॆखाङ्टिटाम्नि हाङ्स निवाँयुङ् लॆसे इहिनॆ निङ्लावाबि आन्ना हाङ्हाङ् मिनुकानि। 9मान्ठाभनॆ आन्नॆ खोबि निवाँयुङ् लॆमिम्पासॆ आन्नॆ टाङ्पामि लावामि फाक्मॆ खानावाँ टक्चाकाम्नि।
10हाङ् ग फाक्मॆ लोमॆ खानावाँमि बारेबिॽन निवाँहाङ्मि खानावाँ लोखुबाचिऎ काम्नुःर यगुचि, सॆःगुचि हाङ् खोचिऎ निवाँहाङ्ऎ आन्ना मान्टहाङ् नाम्नाम् पिसिकानि हाङ् हिङ्चामिकानि लोमॆ खानावाँ याॽलिन इसुचि। 11निवाँहाङ्मि खानावाँ लोखुबाचिऎ आक्क मान्टहाङ् हाङ् हानाम् लिऎ कामानुङ् यगुचि। हाङ् खोचिऎ खिरिस्टमि लावाऎ आक्खाचि खिरिस्टऎ डुखा आङ्मा लॆ हाङ् आक्क डॆङ्पि खोसॆ निङ्लावा टक्चाकु कामानुङ् याॽलिन खाङ्मिमिम्पा लॆटा। 12निवाँहाङ्मि खानावाँ लोखुबाचि लोमिम्पा आक्खा खानावाँ चाइ खोचिम् लागि हॆॽनॆ, टर आम्नि लागि यो। हाङ् आन्ना सॆङसॆङॆ लावामि चॆक्मावाबि नुऎ खानावाँ खेम्मिखुबाचि चाइ निवाँहाङ्ऎ पारुबाङ् पाङ्हाङ्मिम्पाचि रेम। इघा चोब्न खानावाँ निवाँखाटॆखुबाचिऎ सङ्क निवाँ हङ्सिॽयुबाङ्न खाङ्मा मिॽमिम्पा लॆटा।
सॆङ्सॆङॆ लिमानुङ् हिङ्चामॆ
13मसॆ आन्नामि निवाँ योम्पक्मि लागि नुःर परक्मॆ लिर, टाङ्पा टाङ्पॆॽन खाङ्हिखुबा लिसानॆ हाङ् येसु खिरिस्ट टामार निवाँहाङ्ऎ आन्ना नाम्नाम् पिसिसे पिकानि कामानुङ् लोमिम्पा फाक्मॆ लोमॆ काम्नुऎ ठका टक्चाकुङ्कान कामानुङ् मिनानॆ। 14हाङ् निवाँहाङ्ऎ लोमिम्पा खेम्खुबा पासाचिर आम्नि याॽलहा काइसाहा निवाँबिहा खानावाँ नुङ् योम्पक्बि आलागालिसानॆ। 15टर आन्ना सेःखुबा निवाँहाङ् सॆङ्सॆङॆ लॆ मसॆ आन्ना सङ्क आम्नि चोब्न योम्पक्पि सॆङ्सॆङॆ लिसानॆ। 16मान्ठाभनॆ निवाँनॆन साब्चिराबि गरहाङ् साब्डा, “आन्ना सॆङ्सॆङॆ लिसानॆ, मान्ठाभनॆ काङा सॆङ्सॆङॆ लॆःॽङा।”#लेबि ११:४४-४५
17हाङ् चोब्न याॽमिचि एक्क मिगॆॽन खाङ्से उम्चि योम्पक् रक्न न्यायॆ लॆखुबा चाइ आन्नॆ आपा लोकाम्नि हाङ्ग आन्ना बाखाटेम्पि हिङ्चारढारि आपामि किसिमाबि पेनानॆ। 18हाङ् आन्नॆ लेकाम्नि, खोसॆ आन्ना आम्नि पाप्पाटुबाचिबाङ् मुकॆॽमिम्पा पाइकॆॽमिम्पा हुन्नहा खानावाँबाङ् फाक्माम् लागि फिःइया नुङ् सिः रहा इन्से हिङ्मिॽमिम्पा हॆॽनॆ। 19टर आन्ना चाइ याङ्ऎ इनइन्हिनॆ खिरिस्टमि हारिऎ इन्मिन्पानि यो। खो चाइ आब्डिक् मॆड्डिङ्मा हाङ् सॆङ्सॆङॆ सामुङ् लॆटा।
20निवाँहाङ्ऎ खो बाखाटेम् मुमाबाङ् याॽलिन सॆःक्मिम्पा लॆटु हाङ् आन्नामि लागि चाइ इग डॆङ्पिऎ लःबि खाङ्मुसा। 21खोबाङ्न आन्नॆ निवाँहाङ् सक्पि निवाँयुङ् लॆटाम्नि। हाङ् निवाँहाङ्ऎ खो सिखॆॽमिम्पाबाङ् हिङ्पॽमिट्टु हाङ् निङ्लावा पिट्टु। मसॆॽन आन्नॆ निवाँहाङ् सक्पि निवाँयुङ् नुङ् आस लॆकाम्नि।
22हाङ् आन्नॆ चाइबानऎ खानावाँऎ लोमिम्पा खेम्मिम्पासॆ आन्ना सॆङ्सॆङॆ लिडानि मसॆ टाङ्पामि बुबुनानुसाचि नाम्नाम् पिसिखुबा याॽमिचि लिडानि। ग आम्नि लुम्पि नाम्नाम् पिसिॽमॆ खानावाँ चाइ निवाँ हङ्सिॽयुबाङ्न लॆटानॆ। 23निवाँहाङ्मि हिङ्चाऎ हाङ् हानाम्स लुक्खॆॽनॆ खानावाँबाङ् आन्ना उम्चङ् लिमानुङ् जान्म लिडानि। मसॆ आन्ना लुक्खॆखुबा आपामि पासाचि हॆॽनॆ, टर हानाम्स लुक्खॆॽनॆ आपामि पासानि यो।
24मान्ठाभनॆ निवाँनॆन् साब्चिराबि गरहाङ् साब्डा,
“चोब्न याॽमिचि घाँसा रक्मान।
हाङ् उम्चि निङ्लावा चाइ ठाब्नाम्बिऎ बुङ् रक्मा टे लि।
घाँसा सोप्खॆकु हाङ् बुङ् बोटाबाङ् हेड्ढिङ् खॆ। 25टर पारभुमि खानावाँ चाइ हानाम्स लिढाङ्।”#यासाइया ४०:६-८ ग खानावाँन आन्ना खेम्मिॽमिम्पा नुऎ खानावाँ रेम।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society