१ कोरेन्ठि 8
8
मुर्टि सङ्टिमिम्पा चामॆ ठका
1ह काङॆ मुर्टि सङ्टिॽमिम्पा चामॆ ठःकामि लागि इकुङ। आन्नॆ लोमिम्पा रक्न चाइबानऎ खानावाँ यो, कानि चोप्पासॆ निवाँ टक्चाडि। टर निवाँ टक्चामिम्पा खानावाँऎ कायाङ्पा मिन्पक्मिकि टर नाम्नाँवाऎ चाइ निवाँयुङ् लॆखुबाचि चॆकुवॆ मुकुचि। 2आसॆ चाइ “काङा चाइबान लेक्खुबा लॆङा” मिनुकु हाङ्ग खोसॆ माङ्स लेमिम्पा लिनि। 3टर आसॆ निवाँहाङ् नाम्नाम् पिस्सिकु खो चाइ निवाँहाङ्ऎ टाङ्पाम् याॽमि मुकु।
4मरहाङ्ग मुर्टि सङ्टिॽमिम्पा चामा नुऎ रु फॆन्निऎ टा? कानिऎ ले, बाखाटेम्पिऎ मुर्टि माङ्स हॆॽनॆ हाङ् एक्क निवाँहाङ्बाङ् होइक माङ्स माआ। 5नाम्फोलिॽवाबि हाङ् बाखाबाटेम्पि गरहा डेउडेउटा लोमाहाचि चुःॽमि। चाइबान पारभु हाङ् डेउटाचि ऎॽवा ह ऎॽवा चुःॽमि। 6टर कानिम् लागि चाइ एक्क टे निवाँहाङ् आपा चु। हाङ् खोसॆॽन चोब्न ठःका मुबकु हाङ् कानि खोमि लागिन हिङ्चाकि। कानिम् एक्क टे पारभु येसु खिरिस्ट चुबिकि। खोबाङ्न कानि मुबकि हाङ् खोबाङ्न हिङ्चाकि।
7टर चोब्न याॽमिचिऎ ग खानावाँ लेसुचिनि। हाङ् ऎॽवाचि चाइ मुर्टि चुङ्कॆडामिहासॆ हस आक्रहा चामा डुङ्मा मुर्टिमिन कामानुङ् मिनुॽमि। हाङ् खोचिऎ यिक्मिम्पा योम्पक्पि काइर लॆटुङ् कामानुङ् मिनुक्मि हाङ् आक्रहा चामाऎ निग्लाहारिङ् मिनुॽमि।
8चामाडुङ्माऎ ग कानि निवाँहाङ्पि टॆटिनि। चामार सङ्क माङ्स लिनि हाङ् आचामार सङ्स माङ्स लिनि। 9टर नुःर पेनानॆ, आन्नामि योम्पक्ऎ हहन निवाँयुङ् लॆखुबाचि हिङ्वाबि ऎसिॽमिटुचिर।#रोमि १४:१३-२० 10मान्ठाभनॆ हहन निवाँयुङ् लॆखुबाचिऎ मुर्टिबि सङ्टिॽमिम्पा चामा ठका चामिम्पा खाङ्टकानि हाङ्ग माल् आक्खाचि सङ्क आक्क चामाम् लागि परक्मिनिहॆ? 11खिरिस्टऎ खोम् लागि सङ्क टा हिङ्खामा पिःॽडु। हाङ् हहन निवाँयुङ् लॆखुबा आक्क आनामि नुसा आनॆ आनामि निवाँऎ नासॆलॆकुना। 12गरहाङ् आन्नॆ टाङ्पामि हहन निवाँयुङ् लॆखुबा नुसामि निवाँ टुक्मिकाम्नि। गरहाङ् खिरिस्टबिन हिङ्वा योम्पक् यिगुकानि। 13मसॆ चामॆठःकाऎ काङाम् टाङ्पामि बुबुनानुसाचि हिङ्खामाबि लाम्ढुमाम् लागि ऎगुकु हाङ्ग काङा हानाम्स सा चाङानि।
ទើបបានជ្រើសរើសហើយ៖
१ कोरेन्ठि 8: LBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
१ कोरेन्ठि 8
8
मुर्टि सङ्टिमिम्पा चामॆ ठका
1ह काङॆ मुर्टि सङ्टिॽमिम्पा चामॆ ठःकामि लागि इकुङ। आन्नॆ लोमिम्पा रक्न चाइबानऎ खानावाँ यो, कानि चोप्पासॆ निवाँ टक्चाडि। टर निवाँ टक्चामिम्पा खानावाँऎ कायाङ्पा मिन्पक्मिकि टर नाम्नाँवाऎ चाइ निवाँयुङ् लॆखुबाचि चॆकुवॆ मुकुचि। 2आसॆ चाइ “काङा चाइबान लेक्खुबा लॆङा” मिनुकु हाङ्ग खोसॆ माङ्स लेमिम्पा लिनि। 3टर आसॆ निवाँहाङ् नाम्नाम् पिस्सिकु खो चाइ निवाँहाङ्ऎ टाङ्पाम् याॽमि मुकु।
4मरहाङ्ग मुर्टि सङ्टिॽमिम्पा चामा नुऎ रु फॆन्निऎ टा? कानिऎ ले, बाखाटेम्पिऎ मुर्टि माङ्स हॆॽनॆ हाङ् एक्क निवाँहाङ्बाङ् होइक माङ्स माआ। 5नाम्फोलिॽवाबि हाङ् बाखाबाटेम्पि गरहा डेउडेउटा लोमाहाचि चुःॽमि। चाइबान पारभु हाङ् डेउटाचि ऎॽवा ह ऎॽवा चुःॽमि। 6टर कानिम् लागि चाइ एक्क टे निवाँहाङ् आपा चु। हाङ् खोसॆॽन चोब्न ठःका मुबकु हाङ् कानि खोमि लागिन हिङ्चाकि। कानिम् एक्क टे पारभु येसु खिरिस्ट चुबिकि। खोबाङ्न कानि मुबकि हाङ् खोबाङ्न हिङ्चाकि।
7टर चोब्न याॽमिचिऎ ग खानावाँ लेसुचिनि। हाङ् ऎॽवाचि चाइ मुर्टि चुङ्कॆडामिहासॆ हस आक्रहा चामा डुङ्मा मुर्टिमिन कामानुङ् मिनुॽमि। हाङ् खोचिऎ यिक्मिम्पा योम्पक्पि काइर लॆटुङ् कामानुङ् मिनुक्मि हाङ् आक्रहा चामाऎ निग्लाहारिङ् मिनुॽमि।
8चामाडुङ्माऎ ग कानि निवाँहाङ्पि टॆटिनि। चामार सङ्क माङ्स लिनि हाङ् आचामार सङ्स माङ्स लिनि। 9टर नुःर पेनानॆ, आन्नामि योम्पक्ऎ हहन निवाँयुङ् लॆखुबाचि हिङ्वाबि ऎसिॽमिटुचिर।#रोमि १४:१३-२० 10मान्ठाभनॆ हहन निवाँयुङ् लॆखुबाचिऎ मुर्टिबि सङ्टिॽमिम्पा चामा ठका चामिम्पा खाङ्टकानि हाङ्ग माल् आक्खाचि सङ्क आक्क चामाम् लागि परक्मिनिहॆ? 11खिरिस्टऎ खोम् लागि सङ्क टा हिङ्खामा पिःॽडु। हाङ् हहन निवाँयुङ् लॆखुबा आक्क आनामि नुसा आनॆ आनामि निवाँऎ नासॆलॆकुना। 12गरहाङ् आन्नॆ टाङ्पामि हहन निवाँयुङ् लॆखुबा नुसामि निवाँ टुक्मिकाम्नि। गरहाङ् खिरिस्टबिन हिङ्वा योम्पक् यिगुकानि। 13मसॆ चामॆठःकाऎ काङाम् टाङ्पामि बुबुनानुसाचि हिङ्खामाबि लाम्ढुमाम् लागि ऎगुकु हाङ्ग काङा हानाम्स सा चाङानि।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society