Ta'aposeli 3
3
Mosinge mupaipounu itema tava'u mukilikalu
1Ioxe, no o'olovoxo vile no aso iou tatalu la Pita ilou Tioni milai no tasou Mosinge. Xo anu aso iou anene ane'i milavusou mivikala noxou Mosinge. 2Ane'i ilou milai la mimaisi'a tamitema mivo'onu itema vile tava'u masua. Anu voxo utotomu ane'i ine'enu mo italupexasou no aitengaxu vimelusou tasou Mosinge. Aitenga ne milemolu lexe Lailaixe. Anu mutalupexa ne so ulingalingau lamoli noxi'a tamitema ane mipolo no aitenga ne. Itema ne tava'u mukilikalu no mi ne nenu mivo'onumo. 3Itema ne muxolu xo xe Pita ilou Tioni so i'unalai no tasou Mosinge sila anu mulingalinga noxi'a ilou. 4Sila Pita ilou Tioni mimatakisou la Pita muvikalanu lexe, “Nini nasaxisixe.” 5La itema ne mumatakisi'a ilou xo mukalavoi lexe ane'i ilosou mi vile ane. 6Ia Pita muvikalanu aloxo 'o, “Eni lamoli uasi, ia mi ane uxolu noxilo, la alosinesi. No anu ualasou Iesua Kalaisiti so Nasaleti avikalaneni aloxo 'o. Natulu mo namuamua'i.” 7La Pita mutetelisou no avolu tema so mutulusou. Sila alaxu vilesisi tava'u ilou vo'uvo'uxu pakia'u avile. 8La anu muili'e mutulu mo mumuamua'i. Mumuamua'i la oli'a mi'unalai no tasou Mosinge. Mu'unalai la muili'eli'e la mu'iti'itinu Mosinge ualasou. 9Xe tamitema mukalusi mimaisou lexe anu mumuamua'i mo u'iti'itinu Mosinge ualasou. 10La ane'i mitongonu mo mi'oxo lexe “A itema e utotomu utalupexa ulingalinga no aitenga Lailaixe ane.” Ane'i mimaisou lexe laixenu mo mikuluke la tane'ilili.
Pita muvotone'i tamitema no tasou Mosinge
11Ioxe, a'alosou mi ne muxali noxi'a tamitema noale la mikuluke mo miiaveiave mine'ene'e noxi'a Pita ilou Tioni. La ilou a ixoxolu no tasou Mosinge no matauna ilemolu lexe noxou Solomoni. Mine'ene'e la misaxisou itema Mosinge mupaipounu a mutetelisi'a ilou. 12Pita mumaisi'a milasi mine'ene'e axone, la anu muvikala lexe, “Ngingi Ta'isilaeli, ngakuluke molu mi 'o xo ma'ia? Mo loxova so ngamatakisixe loxo ne? Xo nge'oxo lexe nexi mexe xavinexi o nexi tamitema malemalenga no iou Mosinge laso tepaipounu itema umuamua'i 'o? Ne? Uasi to. Nexi mexe uasi. 13Ngalomu. Mosinge e Mosi'a Apala'amu xe Aisaki xe Iakovo xe ta'ilusunenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau. 14Ngingi ngexiunu tumalinge noxou itema ne anu malemalenga mo ulapu. Ngexiunu tumalinge noxou ia itema ane so uve'a tamitema isoisoli ne nge'ava noxou Pailati lexe ulanu no lakalavusu. 15Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne. 16Nexi noxou telopala noxou Iesua laso tepaipounu itema ngamaisou mo ngalavusou 'o no anu ualasou Iesuasi. Lopala noxixe noxou Iesua mo ualasousi muxalixu pamauli loloni loxo ngingi ngamaisou 'o.
17Tavivilo, eni alavu lexe ngingi ngoli'a tatiatilasinge ngalamana uasi laso nge'oxonu Iesua aloxo ne. 18Ia mi ane nge'oxonu ne, anene vote'i so Mosinge muxalixu nene'axu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu. 19Laso ngingi ngaxiunu opongengi so susu noxinge mo nga'isalilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasimenge uxolu manamana'u. 20Xo axone la anu upalusou itema ane anu musosovosou so usu'ulingengi e Iesua. 21Ia vaimomo 'o anu a uxoxolu no tualasou Mosinge so uxomaiou voxo ane Mosinge musosovosou lexe anu upaipounu mimi mo ulivunoxu uxolu laixe loxo tei manina. Mosinge molu muvikala axone no anaxa'a tapolopetiou tatei. 22Xo Mosisi mulemolu vaikala vile aloxo 'o, 'Mosinge anu Tatananenge anu utulusou polopeti vile no anu laili noxinge uxali loxo eni 'o. La ngingi ngalomuxu mi ma'ia anu ulemolu noxinge. 23Loxo ena'ei ulomuxu vaikalaou uasi la Mosinge uxexenu no taine'i laili noxou mo umamulonu avile.'
24Ane'i tapolopeti misoko'u noxou Samueli mo mune'e la misaxi mu'uli ka mia'aloxu mi ane uxaxali 'o. 25Ngingi laili noxi'a tapolopeti, mo vavalima e Mosinge mu'oxonu noxi'a ta'ilusungengi la mulu'e muxali noxinge vaimomo 'o. Xo muvikalanu Apala'amu aloxo 'o, 'Tamitema so xale tuatuala mukalusi ixalisou su'uli noxi'a laili noxine.'” 26Pita mulemolu Mosisi vaikalaou axone mukalu la muvikala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”
ទើបបានជ្រើសរើសហើយ៖
Ta'aposeli 3: ATA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright 1999 New Tribes Mission, Sanford, FL 32771-1487
Ta'aposeli 3
3
Mosinge mupaipounu itema tava'u mukilikalu
1Ioxe, no o'olovoxo vile no aso iou tatalu la Pita ilou Tioni milai no tasou Mosinge. Xo anu aso iou anene ane'i milavusou mivikala noxou Mosinge. 2Ane'i ilou milai la mimaisi'a tamitema mivo'onu itema vile tava'u masua. Anu voxo utotomu ane'i ine'enu mo italupexasou no aitengaxu vimelusou tasou Mosinge. Aitenga ne milemolu lexe Lailaixe. Anu mutalupexa ne so ulingalingau lamoli noxi'a tamitema ane mipolo no aitenga ne. Itema ne tava'u mukilikalu no mi ne nenu mivo'onumo. 3Itema ne muxolu xo xe Pita ilou Tioni so i'unalai no tasou Mosinge sila anu mulingalinga noxi'a ilou. 4Sila Pita ilou Tioni mimatakisou la Pita muvikalanu lexe, “Nini nasaxisixe.” 5La itema ne mumatakisi'a ilou xo mukalavoi lexe ane'i ilosou mi vile ane. 6Ia Pita muvikalanu aloxo 'o, “Eni lamoli uasi, ia mi ane uxolu noxilo, la alosinesi. No anu ualasou Iesua Kalaisiti so Nasaleti avikalaneni aloxo 'o. Natulu mo namuamua'i.” 7La Pita mutetelisou no avolu tema so mutulusou. Sila alaxu vilesisi tava'u ilou vo'uvo'uxu pakia'u avile. 8La anu muili'e mutulu mo mumuamua'i. Mumuamua'i la oli'a mi'unalai no tasou Mosinge. Mu'unalai la muili'eli'e la mu'iti'itinu Mosinge ualasou. 9Xe tamitema mukalusi mimaisou lexe anu mumuamua'i mo u'iti'itinu Mosinge ualasou. 10La ane'i mitongonu mo mi'oxo lexe “A itema e utotomu utalupexa ulingalinga no aitenga Lailaixe ane.” Ane'i mimaisou lexe laixenu mo mikuluke la tane'ilili.
Pita muvotone'i tamitema no tasou Mosinge
11Ioxe, a'alosou mi ne muxali noxi'a tamitema noale la mikuluke mo miiaveiave mine'ene'e noxi'a Pita ilou Tioni. La ilou a ixoxolu no tasou Mosinge no matauna ilemolu lexe noxou Solomoni. Mine'ene'e la misaxisou itema Mosinge mupaipounu a mutetelisi'a ilou. 12Pita mumaisi'a milasi mine'ene'e axone, la anu muvikala lexe, “Ngingi Ta'isilaeli, ngakuluke molu mi 'o xo ma'ia? Mo loxova so ngamatakisixe loxo ne? Xo nge'oxo lexe nexi mexe xavinexi o nexi tamitema malemalenga no iou Mosinge laso tepaipounu itema umuamua'i 'o? Ne? Uasi to. Nexi mexe uasi. 13Ngalomu. Mosinge e Mosi'a Apala'amu xe Aisaki xe Iakovo xe ta'ilusunenge, anu molu mu'itinu itema so xaixai noxou e Iesua. Itema e ngingi nge'italonu no avo'a ta'ulaou so ivau usoli. Pailati mulalaxinu oponu lexe u'oxo mi vile noxou uasi, ia ngingi menge ngexiunu tumalinge noxou mo ngevikala lexe uvau. 14Ngingi ngexiunu tumalinge noxou itema ne anu malemalenga mo ulapu. Ngexiunu tumalinge noxou ia itema ane so uve'a tamitema isoisoli ne nge'ava noxou Pailati lexe ulanu no lakalavusu. 15Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne. 16Nexi noxou telopala noxou Iesua laso tepaipounu itema ngamaisou mo ngalavusou 'o no anu ualasou Iesuasi. Lopala noxixe noxou Iesua mo ualasousi muxalixu pamauli loloni loxo ngingi ngamaisou 'o.
17Tavivilo, eni alavu lexe ngingi ngoli'a tatiatilasinge ngalamana uasi laso nge'oxonu Iesua aloxo ne. 18Ia mi ane nge'oxonu ne, anene vote'i so Mosinge muxalixu nene'axu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu. 19Laso ngingi ngaxiunu opongengi so susu noxinge mo nga'isalilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasimenge uxolu manamana'u. 20Xo axone la anu upalusou itema ane anu musosovosou so usu'ulingengi e Iesua. 21Ia vaimomo 'o anu a uxoxolu no tualasou Mosinge so uxomaiou voxo ane Mosinge musosovosou lexe anu upaipounu mimi mo ulivunoxu uxolu laixe loxo tei manina. Mosinge molu muvikala axone no anaxa'a tapolopetiou tatei. 22Xo Mosisi mulemolu vaikala vile aloxo 'o, 'Mosinge anu Tatananenge anu utulusou polopeti vile no anu laili noxinge uxali loxo eni 'o. La ngingi ngalomuxu mi ma'ia anu ulemolu noxinge. 23Loxo ena'ei ulomuxu vaikalaou uasi la Mosinge uxexenu no taine'i laili noxou mo umamulonu avile.'
24Ane'i tapolopeti misoko'u noxou Samueli mo mune'e la misaxi mu'uli ka mia'aloxu mi ane uxaxali 'o. 25Ngingi laili noxi'a tapolopeti, mo vavalima e Mosinge mu'oxonu noxi'a ta'ilusungengi la mulu'e muxali noxinge vaimomo 'o. Xo muvikalanu Apala'amu aloxo 'o, 'Tamitema so xale tuatuala mukalusi ixalisou su'uli noxi'a laili noxine.'” 26Pita mulemolu Mosisi vaikalaou axone mukalu la muvikala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Copyright 1999 New Tribes Mission, Sanford, FL 32771-1487