Matiw 25
25
Shumpwoo kaah zhi'raapp kaghapaad
1Dhighin shiiy'teer mhizeh ni bhi dhenglong khi Naan p'ee kwed a kaa m'ee zhi'raapp w'u dangnuk kaghapaad w'u mwopp kok dlengwus keeru mwopp dum p'ee gongg ji khi mis'mwar. 2Paad dhighin mwopp a yo'khor, paad mwopp a w'u sih-soon. 3Mwooh a yo'khor seh mwopp kok dlengwus keeru dhangg baah mwopp looh pakk mwoor'wus dyi mou. 4Mwooh sih-soon wu'mwopp looh pakk mwoor'wus dhighin zheb dleng kihshag kihh dlengwus keeru. 5Kaarooh baah mis'mwar ni klakk ji mou, bhi s'aam t'u zhi'raapp ni mwopp weett, harr mwopp chaat s'aam fokk.
6“Kaarooh pee dharr naar khipar klokk, bhi gurum mwopp shatt waaw mwopp le, ‘Mis'mwar waa wull oou! Mis'mwar waa wull oou! Wu pwat wu kang nyi oou!’
7“Bhi zhi'raapp ni mwopp phing mya s'aam, bhi mwopp kyerez zaall dlengwus keeru. 8Mwooh a yo'khor seh mwopp dhang phi mwooh sih-soon ni mwopp le, ‘Naah mwopp, wu pihh pakk mwoor'wus keewu munn, p'ee dlengwus keemu mwopp kihh t'ang pyat e'h.’
9“Bhi zhi'raapp w'u sih-soon ni mwopp pring mwopp satt le, ‘Hai naah mwopp, mwoor'wus ni p'ee mak munn kihh wu'wunn mou. Wu dum wu seett pakk kihpee mhi seett kihh mwoor'wus diy.’
10“Dhangg kaarooh zhi'raapp mhizeh ni mwopp arr dum p'ee seett mwoor'wus, bhi mis'mwar nyi ji wull. Zhi'raapp w'u mwopp dhakk shut seh mwopp dhel dhighin luh p'ee soh'var mhi bhal'dyik ni, bhi mhidhakk mwopp shakhat pwooluh.
11“L'ang diy lee bhi kakhar zhi'raapp wu'dyinn seh mwopp jawull. Mwopp y'aa peetpee le, ‘Gwoohyon! Gwoohyon! Ghi wangg pwooluh munn e'h!’
12“Dhangg Gwoohyon ni pring mwopp le, ‘Ih kihh satt a zeenn wunn, baah ih man wunn mou.’
13“T'o, pee'mhinyi bhi wu tong sh'i gonggpee, p'ee baah wu man puus kooh pee mhi ji khi L'aa khi Gurum mou.
Shumpwoo kaah shaghal w'oor
(Luk 19:11-27)
14“Dyi zag a'n p'ee kammshiiy dhenglong khi Naan dyi a sh'i m'ee gurum w'u kihh t'ang yakhal mwaan bhi perrep kromm keeniy l'e shaghal keeniy sarr mwopp. 15Pihh talent paad meeh, pihh talent vel wu'zeh, yakhal pihh talent kihmeh wu'zeh zag. Pihh shaghal ni kooh kromm wu'rangg chiitt kihh bhall khi kromm nyi; bhi dhel mwaan dhak. 16Kromm w'u lapp talent paad seh dum y'aa w'oor kihh shaghal ni abet, harr kad lebhed w'u wull talent paad dyikihh. 17Gwooh lapp talent vel seh wu'nyi sh'in a kihhsheh zag, bhi kad lebhed mhi talent vel dyikihh. 18Dhangg kromm w'u lapp talent kihmeh seh dum bwan t'am, bhi zok shaghal khi guluh keeniy dhighin.
19“Bwoon yiiy dhirrihkk, bhi guluh khi kromm ni mwopp b'aa ji, bhi y'aa nangshiiy shaghal keeniy w'u sarr mwopp seh phi mwopp. 20Gwooh gyet lapp talent paad seh ji kihh lebhed talent paad kihdab. Ji satt guluh keeniy ni le, ‘Guluh, gyet ghi l'e talent paad sarr nah. T'o, ghi naah, ih kad lebhed mhi talent paad dyikihh.’
21“Guluh khinyi pring nyi le, ‘Ha'winn oou, kromm wu'rett, kromm guzeenn! Ghi sh'in zeenn kaah bii wu'lee; a'n p'ee dhen gha kaah bii dhess. Ghi dhel ghi sh'in rettyit kihshag kihh guluh keegha!’
22“Gwooh gyet lapp talent vel seh ji zag; bhi satt guluh keeniy le, ‘Guluh, gyet ghi l'e talent vel sarr nah. T'o, ghi naah, ih kad lebhed mhi talent vel dyikihh.’
23“Guluh khinyi pring nyi le, ‘Ha'winn oou, kromm wu'rett, kromm guzeenn! Ghi sh'in zeenn kaah bii wu'lee; a'n p'ee dhen gha kaah bii dhess. Ghi dhel ghi sh'in rettyit kihshag kihh guluh keegha!’
24“T'o, gwooh gyet lapp talent kihmeh seh wu'nyi ji zag. Ji satt guluh keeniy ni le, ‘Guluh, ih man ih le wu'gha a Shigbii Daa'glihng, g'u so wun khi gurum, g'u lyap wu'nung der deb. 25A kihhsheh bhi kihkhirmuut y'aa a'n, dheeh ih dum ih zok talent keegha dhighin t'am. Lapp bii gha.’
26“Guluh khinyi pring nyi le, ‘Gag m'ee kromm w'u bwutdhood; kromm g'u lokhomm wu'baan! Kan ghi man ghi le a'n a g'u so wunn khi gurum, g'u lyap wu'nung der deb o'h? 27Ai bhi dyinn gyet ghi dhen shaghal keena bank tihh p'ar mhi ih baah ih ji diy bhi ih lapp bii na kihh a'm dyikihh.
28“‘Pee'mhinyi bhi wu lapp talent ni sarr niy wu pihh gwooh kihh talent kaghapaad seh. 29P'ee koohweeh w'u kihh bii bhi mwopp p'ee waa pihh bii dyi nyi dyikihh, Koohweeh w'u dheng bii, bhi kooh a bii w'u nyi kihh nyi seh bhi mwopp p'ee y'aa nyi lapp kih nyi. 30Wu y'aa gag kromm w'u noott-kyeenn mhizeh wu vhid kihtekhell dhighin pee'kwoo, pee w'u gurum mwopp p'ee nwang wall diy harr mwopp kihh shum aghaz ruh.’
Shapyit tihm mwopp kihh ghiih
31“P'ar w'u L'aa kih Gurum mihh b'aa ji dhighin men'riin keeniy, kihshag kihh mhi'lop keeniy mwopp, bhi nyi p'ee tong kih taghamlong keeniy dhighin men'riin mhi dhengNaan. 32Mhi'lop khinyi mwopp p'ee chakk gurum w'u yill mhizeh weett lhija tekhem nyi, bhi nyi p'ee bhak'yit gurum ni mwopp kaa gutapp-long kihh bhak'yit tihm mwopp kihh ghiih se. 33Nyi p'ee l'e tihm ni wu'mwopp sarrsoh keeniy, dheeh l'e ghiih ni mwopp sarr'kul.
34“Bhi Miskakhamm ni p'ee satt mwooh sarrsoh keeniy seh le, ‘Wu ji, wunn w'u Daa le'wurett wunn; wu dhel wu tong dhighin dhenglong w'u mwopp shep dhakk dhen wunn phi'wu yill ni sheedyi. 35P'ee gyet a'n dhighin kussum, bhi w'u pihh biisoh a'n; gyet am'tu a'n, bhi wu pihh am'shwaa a'n; gyet a'n a mhizeb bhi wu kang a'n lhidum luh wuh. 36Gyet a'n mwooll, bhi wu paah gumm a'n; gyet a'n dhighin shw'al, bhi wu kok kaah nah; gyet a'n luh'shakhat, bhi wu kihh ji togpee kihh a'n.’
37“Bhi mhi-shigrett ni mwopp p'ee pring Miskakhamm ni mwopp le, ‘Aah, Gwoohyon! Gyet mu naah gha a phiranggyeh w'u kussum laah gha bhi mu pihh biisoh gha, h'aa kooh a am'tu gha bhi mu pihh am'shwaa gha? 38Gyet mu naah gha a mhizeb a phiranggyeh bhi mu kang gha mu looh luh muh; h'aa kooh gha mwooll bhi mu paah gumm gha ayeh? 39Gyet mu naah gha dhighin shw'al a phiranggyeh, h'aa kooh gha luh'shakhat, bhi mu dum togpee kihh gha ayeh?’
40“Bhi Miskakhamm ni p'ee pring nyi mwopp satt le, ‘Ih kihh satt a zeenn wunn, koohmeeh w'u gyet wu sh'in p'ee gwooh katmett-weett dhighin zheb em'naa mhize mwopp, bhi wu sh'in a a'n.’
41“Dhangg Miskakhamm ni p'ee satt mwooh sarr'kul keeniy seh le, ‘Dum wu dhel kihpee na diy, gurum w'u baa Naan tu'pangg kaah mwopp! Dum wu rwa dhighin wus w'u harr ngaa-ngaa w'u Naan dhakk dhen p'ee Shetan kihh mhi'lop keeniy mwopp. 42P'ee gyet a'n dhighin kussum, dhangg baah wu pihh biisoh a'n mou; gyet am'tu a'n, dhangg baah wu pihh am'shwaa a'n mou. 43Gyet a'n a mhizeb, dhangg baah wu kang a'n wu looh luh wuh mou; gyet a'n mwooll, dhangg baah wu paah gumm a'n mou; gyet a'n dhighin shw'al yakhal a'n luh'shakhat, dhangg baah wu ji togpee kihh a'n mou.’
44“Dhangg wu'mwopp p'ee lapp Miskakhamm ni mwopp satt le, ‘Ooh, gyet mu cham naah gha a neeh w'u kussum laah gha, kooh am'tu gha, kooh gha a mhizeb, kooh gha mwooll, kooh gha dhighin shw'al, kooh gha luh'shakhat, dhangg baah mu bham gha mou ayeh?’
45“Bhi nyi p'ee lapp ni mwopp le, ‘Ih kihh satt a zeenn wunn, kapp bii w'u baah gyet wu sh'in p'ee kihmeh dhighin w'u katmett dhighin em'naa mhize mwopp mou, bhi wu shiih sh'in nyi a a'n seh.’
46“A nyi seh bhi wu'mwopp p'ee reen dum dhighin nyigzheell w'u harr ngaa-ngaa; dheeh mhi-shigrett wu'mwopp p'ee dhel dhighin seen w'u harr ngaa-ngaa.”
ទើបបានជ្រើសរើសហើយ៖
Matiw 25: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Matiw 25
25
Shumpwoo kaah zhi'raapp kaghapaad
1Dhighin shiiy'teer mhizeh ni bhi dhenglong khi Naan p'ee kwed a kaa m'ee zhi'raapp w'u dangnuk kaghapaad w'u mwopp kok dlengwus keeru mwopp dum p'ee gongg ji khi mis'mwar. 2Paad dhighin mwopp a yo'khor, paad mwopp a w'u sih-soon. 3Mwooh a yo'khor seh mwopp kok dlengwus keeru dhangg baah mwopp looh pakk mwoor'wus dyi mou. 4Mwooh sih-soon wu'mwopp looh pakk mwoor'wus dhighin zheb dleng kihshag kihh dlengwus keeru. 5Kaarooh baah mis'mwar ni klakk ji mou, bhi s'aam t'u zhi'raapp ni mwopp weett, harr mwopp chaat s'aam fokk.
6“Kaarooh pee dharr naar khipar klokk, bhi gurum mwopp shatt waaw mwopp le, ‘Mis'mwar waa wull oou! Mis'mwar waa wull oou! Wu pwat wu kang nyi oou!’
7“Bhi zhi'raapp ni mwopp phing mya s'aam, bhi mwopp kyerez zaall dlengwus keeru. 8Mwooh a yo'khor seh mwopp dhang phi mwooh sih-soon ni mwopp le, ‘Naah mwopp, wu pihh pakk mwoor'wus keewu munn, p'ee dlengwus keemu mwopp kihh t'ang pyat e'h.’
9“Bhi zhi'raapp w'u sih-soon ni mwopp pring mwopp satt le, ‘Hai naah mwopp, mwoor'wus ni p'ee mak munn kihh wu'wunn mou. Wu dum wu seett pakk kihpee mhi seett kihh mwoor'wus diy.’
10“Dhangg kaarooh zhi'raapp mhizeh ni mwopp arr dum p'ee seett mwoor'wus, bhi mis'mwar nyi ji wull. Zhi'raapp w'u mwopp dhakk shut seh mwopp dhel dhighin luh p'ee soh'var mhi bhal'dyik ni, bhi mhidhakk mwopp shakhat pwooluh.
11“L'ang diy lee bhi kakhar zhi'raapp wu'dyinn seh mwopp jawull. Mwopp y'aa peetpee le, ‘Gwoohyon! Gwoohyon! Ghi wangg pwooluh munn e'h!’
12“Dhangg Gwoohyon ni pring mwopp le, ‘Ih kihh satt a zeenn wunn, baah ih man wunn mou.’
13“T'o, pee'mhinyi bhi wu tong sh'i gonggpee, p'ee baah wu man puus kooh pee mhi ji khi L'aa khi Gurum mou.
Shumpwoo kaah shaghal w'oor
(Luk 19:11-27)
14“Dyi zag a'n p'ee kammshiiy dhenglong khi Naan dyi a sh'i m'ee gurum w'u kihh t'ang yakhal mwaan bhi perrep kromm keeniy l'e shaghal keeniy sarr mwopp. 15Pihh talent paad meeh, pihh talent vel wu'zeh, yakhal pihh talent kihmeh wu'zeh zag. Pihh shaghal ni kooh kromm wu'rangg chiitt kihh bhall khi kromm nyi; bhi dhel mwaan dhak. 16Kromm w'u lapp talent paad seh dum y'aa w'oor kihh shaghal ni abet, harr kad lebhed w'u wull talent paad dyikihh. 17Gwooh lapp talent vel seh wu'nyi sh'in a kihhsheh zag, bhi kad lebhed mhi talent vel dyikihh. 18Dhangg kromm w'u lapp talent kihmeh seh dum bwan t'am, bhi zok shaghal khi guluh keeniy dhighin.
19“Bwoon yiiy dhirrihkk, bhi guluh khi kromm ni mwopp b'aa ji, bhi y'aa nangshiiy shaghal keeniy w'u sarr mwopp seh phi mwopp. 20Gwooh gyet lapp talent paad seh ji kihh lebhed talent paad kihdab. Ji satt guluh keeniy ni le, ‘Guluh, gyet ghi l'e talent paad sarr nah. T'o, ghi naah, ih kad lebhed mhi talent paad dyikihh.’
21“Guluh khinyi pring nyi le, ‘Ha'winn oou, kromm wu'rett, kromm guzeenn! Ghi sh'in zeenn kaah bii wu'lee; a'n p'ee dhen gha kaah bii dhess. Ghi dhel ghi sh'in rettyit kihshag kihh guluh keegha!’
22“Gwooh gyet lapp talent vel seh ji zag; bhi satt guluh keeniy le, ‘Guluh, gyet ghi l'e talent vel sarr nah. T'o, ghi naah, ih kad lebhed mhi talent vel dyikihh.’
23“Guluh khinyi pring nyi le, ‘Ha'winn oou, kromm wu'rett, kromm guzeenn! Ghi sh'in zeenn kaah bii wu'lee; a'n p'ee dhen gha kaah bii dhess. Ghi dhel ghi sh'in rettyit kihshag kihh guluh keegha!’
24“T'o, gwooh gyet lapp talent kihmeh seh wu'nyi ji zag. Ji satt guluh keeniy ni le, ‘Guluh, ih man ih le wu'gha a Shigbii Daa'glihng, g'u so wun khi gurum, g'u lyap wu'nung der deb. 25A kihhsheh bhi kihkhirmuut y'aa a'n, dheeh ih dum ih zok talent keegha dhighin t'am. Lapp bii gha.’
26“Guluh khinyi pring nyi le, ‘Gag m'ee kromm w'u bwutdhood; kromm g'u lokhomm wu'baan! Kan ghi man ghi le a'n a g'u so wunn khi gurum, g'u lyap wu'nung der deb o'h? 27Ai bhi dyinn gyet ghi dhen shaghal keena bank tihh p'ar mhi ih baah ih ji diy bhi ih lapp bii na kihh a'm dyikihh.
28“‘Pee'mhinyi bhi wu lapp talent ni sarr niy wu pihh gwooh kihh talent kaghapaad seh. 29P'ee koohweeh w'u kihh bii bhi mwopp p'ee waa pihh bii dyi nyi dyikihh, Koohweeh w'u dheng bii, bhi kooh a bii w'u nyi kihh nyi seh bhi mwopp p'ee y'aa nyi lapp kih nyi. 30Wu y'aa gag kromm w'u noott-kyeenn mhizeh wu vhid kihtekhell dhighin pee'kwoo, pee w'u gurum mwopp p'ee nwang wall diy harr mwopp kihh shum aghaz ruh.’
Shapyit tihm mwopp kihh ghiih
31“P'ar w'u L'aa kih Gurum mihh b'aa ji dhighin men'riin keeniy, kihshag kihh mhi'lop keeniy mwopp, bhi nyi p'ee tong kih taghamlong keeniy dhighin men'riin mhi dhengNaan. 32Mhi'lop khinyi mwopp p'ee chakk gurum w'u yill mhizeh weett lhija tekhem nyi, bhi nyi p'ee bhak'yit gurum ni mwopp kaa gutapp-long kihh bhak'yit tihm mwopp kihh ghiih se. 33Nyi p'ee l'e tihm ni wu'mwopp sarrsoh keeniy, dheeh l'e ghiih ni mwopp sarr'kul.
34“Bhi Miskakhamm ni p'ee satt mwooh sarrsoh keeniy seh le, ‘Wu ji, wunn w'u Daa le'wurett wunn; wu dhel wu tong dhighin dhenglong w'u mwopp shep dhakk dhen wunn phi'wu yill ni sheedyi. 35P'ee gyet a'n dhighin kussum, bhi w'u pihh biisoh a'n; gyet am'tu a'n, bhi wu pihh am'shwaa a'n; gyet a'n a mhizeb bhi wu kang a'n lhidum luh wuh. 36Gyet a'n mwooll, bhi wu paah gumm a'n; gyet a'n dhighin shw'al, bhi wu kok kaah nah; gyet a'n luh'shakhat, bhi wu kihh ji togpee kihh a'n.’
37“Bhi mhi-shigrett ni mwopp p'ee pring Miskakhamm ni mwopp le, ‘Aah, Gwoohyon! Gyet mu naah gha a phiranggyeh w'u kussum laah gha bhi mu pihh biisoh gha, h'aa kooh a am'tu gha bhi mu pihh am'shwaa gha? 38Gyet mu naah gha a mhizeb a phiranggyeh bhi mu kang gha mu looh luh muh; h'aa kooh gha mwooll bhi mu paah gumm gha ayeh? 39Gyet mu naah gha dhighin shw'al a phiranggyeh, h'aa kooh gha luh'shakhat, bhi mu dum togpee kihh gha ayeh?’
40“Bhi Miskakhamm ni p'ee pring nyi mwopp satt le, ‘Ih kihh satt a zeenn wunn, koohmeeh w'u gyet wu sh'in p'ee gwooh katmett-weett dhighin zheb em'naa mhize mwopp, bhi wu sh'in a a'n.’
41“Dhangg Miskakhamm ni p'ee satt mwooh sarr'kul keeniy seh le, ‘Dum wu dhel kihpee na diy, gurum w'u baa Naan tu'pangg kaah mwopp! Dum wu rwa dhighin wus w'u harr ngaa-ngaa w'u Naan dhakk dhen p'ee Shetan kihh mhi'lop keeniy mwopp. 42P'ee gyet a'n dhighin kussum, dhangg baah wu pihh biisoh a'n mou; gyet am'tu a'n, dhangg baah wu pihh am'shwaa a'n mou. 43Gyet a'n a mhizeb, dhangg baah wu kang a'n wu looh luh wuh mou; gyet a'n mwooll, dhangg baah wu paah gumm a'n mou; gyet a'n dhighin shw'al yakhal a'n luh'shakhat, dhangg baah wu ji togpee kihh a'n mou.’
44“Dhangg wu'mwopp p'ee lapp Miskakhamm ni mwopp satt le, ‘Ooh, gyet mu cham naah gha a neeh w'u kussum laah gha, kooh am'tu gha, kooh gha a mhizeb, kooh gha mwooll, kooh gha dhighin shw'al, kooh gha luh'shakhat, dhangg baah mu bham gha mou ayeh?’
45“Bhi nyi p'ee lapp ni mwopp le, ‘Ih kihh satt a zeenn wunn, kapp bii w'u baah gyet wu sh'in p'ee kihmeh dhighin w'u katmett dhighin em'naa mhize mwopp mou, bhi wu shiih sh'in nyi a a'n seh.’
46“A nyi seh bhi wu'mwopp p'ee reen dum dhighin nyigzheell w'u harr ngaa-ngaa; dheeh mhi-shigrett wu'mwopp p'ee dhel dhighin seen w'u harr ngaa-ngaa.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation