Yohanna 21
21
Jesu dyingg shin zheppkamm pwoo Kur'am Galili
1Bwoon bii mihhse bhi Jesu waa dyingg shin dyi zheppkamm keeniy mwopp pwoo kur'am Galili#21:1 Galili Mwopp kihh peet Kur'am Galili a Kur'am Tiberias zag kihhshe se. 2Par'meeh shi, bhi Siman Bitrus, kihh Tomas w'u mwopp kihh peet Daa'zhan, kihh Natanyel Gu-Kana w'u dhighin yill Galili, kihh zhepp khi Zebedi, kihh m'ee zheppkamm khi Jesu ni dyi vel, mwopp weett kihshag. 3Bhi Siman Bitrus satt mwopp le, “Wu'an ih dum kwad sherep dhangg wunn'!” Bhi kakhar mwopp satt nyi le, “Wu'munn zag p'ee dumdang gha.” Bhi mwopp pwat dum dhel dhighin kong'am. Dhangg khipar mhizeh ni kihhdihng baah mwopp y'aa m'ee sherep mou kooh kihmeh.
4Kaarooh byitt m'ang, bhi Jesu ji dharr pwoo'kihng, dhangg baah zheppkamm ni mwopp man le a nyi mou.
5Bhi peet nang phi mwopp le, “Wunn kihh m'ee sherep aa'h, dyaah mwopp?”
Bhi mwopp lapp nyi le, “Haiyou.”
6Bhi satt mwopp le, “Wu shenn tenggsherep ni koghob sarrsoh bhi wunn p'ee kad sherep.” Bhi Kaarooh mwopp sh'in kaa satt mwopp seh, bhi baah mwopp mak del tenggsherep ni mou p'ee dw'uu sherep w'u mwopp yak.
7Bhi Laa'kamm w'u Jesu kihh wall nyi seh satt Bitrus le, “Eeh, a Gwoohyon!” Kaarooh Bitrus klihng satt le a Gwoohyon, bhi m'ang bh'aar keeniy wu'yon, w'u baa dyinn shang dhen, bwakhat shin; bhi mett l'ang dhighin a'm. 8Kakhar zheppkamm ni wu'mwopp lang kihbwoon Bitrus dhighin kong'am ni, tihh mwopp kihh del tenggsherep ni diy bwerr kihh sherep, p'ee baah mwopp zhong kihh pwoo'kihng mou. Zh'ong khimwopp kihh pwoo'kihng a kaa mita dhaa kihmeh (100) se kyekk. 9Kaarooh mwopp taah k'aa pwoo'kihng bhi mwopp kad wus errepp phi lapp, kihh sherep dyikihh, yakhal mwopp kad gutt nhighin zag.
10Jesu satt mwopp le “Wu ji kihh pakk sherep w'u wu yak seh.”
11Siman Bitrus k'aa dhighin kong'am ni bhi del tenggsherep ni lhi'kaa pwoo'kihng. Tenggsherep ni gam bwerr kihh n'an sherep wu'nan dhaa kihmeh kihh laar paad kihh kunn (153), weett kihhsheh bhi baah tenggsherep ni tee mou, kooh bhalang phirooh sherep ni mwopp dhess. 12Jesu satt mwopp le, “Wu taah wu so shenpwoo 'y.” Baah kooh kihmeh dhighin zheppkamm ni mwopp kamm-w'a-kamm nang phi nyi le, “Gha a wuyeh?” mou, p'ee mwopp man le a Daah Jesu. 13Jesu m'ang gutt ni trep shap mwopp, yakhal trep sherep w'u wu'wus ni shap mwopp a kihhsheh zag. 14Mihhse dheeh a wu'kunn seh w'u Jesu kihh dyingg shin zheppkamm keeniy mwopp bwoonrooh yakhal kih peemuutt.
Jesu sh'in t'al phi Bitrus
15Bwoonrooh mwopp yakhal soh, bhi Jesu nang phi Siman Bitrus le, “Siman, em Yohanna Oo, ghi kihh wall a'n m'aa mwopp mhize mihngg?”
Bhi Bitrus lapp nyi le, “Ee'h, Gwoohyon, ghi man ghi le ih kihh dh'om gha.”
Bhi Jesu satt nyi le, “Ghi kihh pihh soh zhepp tihm keena mwopp.”
16Jesu waa nang dyi phi nyi dheeh a wu'vel seh le, “Siman, em Yohanna Oo, ghi kihh wall a'n aa'?”
Siman lapp nyi le, “Ee'h, Gwoohyon, ghi man ghi le ih kihh dh'om gha.”
Jesu satt nyi le, “Ghi kok kih tihm keena mwopp rihh-rett.”
17Jesu waa nang dyi phi Bitrus, dheeh a wu'kunn seh le, “Siman em Yohanna Oo, ghi kihh dh'om a'n a'ng?”
Bhi tukhup Bitrus shaan pee'rooh Jesu nang phi nyi dheeh a w'u kunn seh le, “Ghi kihh dh'om a'n aa'?” Bhi satt Jesu le, “Hah, Gwoohyon, ai ghi man koohmeeh; ghi man ghi le ih kihh dh'om gha!”
Jesu satt nyi le, “Ghi kihh pihh soh tihm keena mwopp. 18Ih satt a zeenn gha, mihh gurum kudyi k'aa m'en bhi kihh zhwal looh shin dum pee w'u naah rett diy riy. Dhangg mihh kus dheeh nyi p'ee eep sarr niy, tihh m'ee gurum zhwal looh diy nyi, del nyi lhidum pee w'u baah dyinn kihh lang'en nyi d'um mou.” 19Jesu satt mihhse a tihh kammshiiy muutt w'u gyet Bitrus p'ee p'ar m'uut tihh Naan lappdhess diy dyishig. Bhi satt Bitrus le, “Ghi lang'dang na.”
20Bitrus mekher naah laa'kamm w'u Jesu kihh wall nyi seh kihh ji dang ru. (Laa'kamm mhizeh ni a laa'kamm w'u deh tong tupp shin sh'i Jesu khipar w'u mwopp diy soh w'u nang phi Jesu le, “Gwoohyon, a wuyeh p'ee seett kihh gha ayeh?” seh) 21Bhi kaarooh Bitrus naah laa'kamm mhizeh ni bhi nang phi Jesu le, “Gwoohyon, dheeh wu'nyi ee?”
22Jesu lapp Bitrus le, “Mihh ih kihh t'ang tihh tong kihh seen harr p'ar b'aa ji keena, bhi nang kihh pwoo gha mihngg? Wu'gha dei ghi lang'dang na.” 23Pwoo w'u Jesu satt seh kangpee koohneeh naar Mhi-PwooNaan mwopp, wai laa'kamm mhizeh ni p'ee m'uut mou. Dhangg baah gyet Jesu satt le a muutt p'ee lengg laa'kamm mhizeh mou; gyet satt le, mihh riy kihh dh'om tihh laa'kamm mhizeh ni tong kihh seen seeh p'ar b'aa ji keeniy bhi nang kihh pwoo Bitrus mihngg?
24A laa'kamm mhizeh ni a gwooh phi tupp'pwoo kaah pwoo mihhseh ni mwopp mwasseh, yakhal a nyi ran mwopp. Mu man mu le tupp'pwoo khinyi a zeenn.
25Jesu gyet mwan sh'in v'ur pakk bii'aapwoo dyi dhess. Kaddyinn mwopp a p'ee ran mwopp weett, ai bhi ih kihh naah baah dyinn yill ni sh'i kaah rah p'ee kwed kihh pee w'u p'ee l'e v'ur klap'ran w'u dyinn mwopp p'ee mwan ran mwopp mou.
ទើបបានជ្រើសរើសហើយ៖
Yohanna 21: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Yohanna 21
21
Jesu dyingg shin zheppkamm pwoo Kur'am Galili
1Bwoon bii mihhse bhi Jesu waa dyingg shin dyi zheppkamm keeniy mwopp pwoo kur'am Galili#21:1 Galili Mwopp kihh peet Kur'am Galili a Kur'am Tiberias zag kihhshe se. 2Par'meeh shi, bhi Siman Bitrus, kihh Tomas w'u mwopp kihh peet Daa'zhan, kihh Natanyel Gu-Kana w'u dhighin yill Galili, kihh zhepp khi Zebedi, kihh m'ee zheppkamm khi Jesu ni dyi vel, mwopp weett kihshag. 3Bhi Siman Bitrus satt mwopp le, “Wu'an ih dum kwad sherep dhangg wunn'!” Bhi kakhar mwopp satt nyi le, “Wu'munn zag p'ee dumdang gha.” Bhi mwopp pwat dum dhel dhighin kong'am. Dhangg khipar mhizeh ni kihhdihng baah mwopp y'aa m'ee sherep mou kooh kihmeh.
4Kaarooh byitt m'ang, bhi Jesu ji dharr pwoo'kihng, dhangg baah zheppkamm ni mwopp man le a nyi mou.
5Bhi peet nang phi mwopp le, “Wunn kihh m'ee sherep aa'h, dyaah mwopp?”
Bhi mwopp lapp nyi le, “Haiyou.”
6Bhi satt mwopp le, “Wu shenn tenggsherep ni koghob sarrsoh bhi wunn p'ee kad sherep.” Bhi Kaarooh mwopp sh'in kaa satt mwopp seh, bhi baah mwopp mak del tenggsherep ni mou p'ee dw'uu sherep w'u mwopp yak.
7Bhi Laa'kamm w'u Jesu kihh wall nyi seh satt Bitrus le, “Eeh, a Gwoohyon!” Kaarooh Bitrus klihng satt le a Gwoohyon, bhi m'ang bh'aar keeniy wu'yon, w'u baa dyinn shang dhen, bwakhat shin; bhi mett l'ang dhighin a'm. 8Kakhar zheppkamm ni wu'mwopp lang kihbwoon Bitrus dhighin kong'am ni, tihh mwopp kihh del tenggsherep ni diy bwerr kihh sherep, p'ee baah mwopp zhong kihh pwoo'kihng mou. Zh'ong khimwopp kihh pwoo'kihng a kaa mita dhaa kihmeh (100) se kyekk. 9Kaarooh mwopp taah k'aa pwoo'kihng bhi mwopp kad wus errepp phi lapp, kihh sherep dyikihh, yakhal mwopp kad gutt nhighin zag.
10Jesu satt mwopp le “Wu ji kihh pakk sherep w'u wu yak seh.”
11Siman Bitrus k'aa dhighin kong'am ni bhi del tenggsherep ni lhi'kaa pwoo'kihng. Tenggsherep ni gam bwerr kihh n'an sherep wu'nan dhaa kihmeh kihh laar paad kihh kunn (153), weett kihhsheh bhi baah tenggsherep ni tee mou, kooh bhalang phirooh sherep ni mwopp dhess. 12Jesu satt mwopp le, “Wu taah wu so shenpwoo 'y.” Baah kooh kihmeh dhighin zheppkamm ni mwopp kamm-w'a-kamm nang phi nyi le, “Gha a wuyeh?” mou, p'ee mwopp man le a Daah Jesu. 13Jesu m'ang gutt ni trep shap mwopp, yakhal trep sherep w'u wu'wus ni shap mwopp a kihhsheh zag. 14Mihhse dheeh a wu'kunn seh w'u Jesu kihh dyingg shin zheppkamm keeniy mwopp bwoonrooh yakhal kih peemuutt.
Jesu sh'in t'al phi Bitrus
15Bwoonrooh mwopp yakhal soh, bhi Jesu nang phi Siman Bitrus le, “Siman, em Yohanna Oo, ghi kihh wall a'n m'aa mwopp mhize mihngg?”
Bhi Bitrus lapp nyi le, “Ee'h, Gwoohyon, ghi man ghi le ih kihh dh'om gha.”
Bhi Jesu satt nyi le, “Ghi kihh pihh soh zhepp tihm keena mwopp.”
16Jesu waa nang dyi phi nyi dheeh a wu'vel seh le, “Siman, em Yohanna Oo, ghi kihh wall a'n aa'?”
Siman lapp nyi le, “Ee'h, Gwoohyon, ghi man ghi le ih kihh dh'om gha.”
Jesu satt nyi le, “Ghi kok kih tihm keena mwopp rihh-rett.”
17Jesu waa nang dyi phi Bitrus, dheeh a wu'kunn seh le, “Siman em Yohanna Oo, ghi kihh dh'om a'n a'ng?”
Bhi tukhup Bitrus shaan pee'rooh Jesu nang phi nyi dheeh a w'u kunn seh le, “Ghi kihh dh'om a'n aa'?” Bhi satt Jesu le, “Hah, Gwoohyon, ai ghi man koohmeeh; ghi man ghi le ih kihh dh'om gha!”
Jesu satt nyi le, “Ghi kihh pihh soh tihm keena mwopp. 18Ih satt a zeenn gha, mihh gurum kudyi k'aa m'en bhi kihh zhwal looh shin dum pee w'u naah rett diy riy. Dhangg mihh kus dheeh nyi p'ee eep sarr niy, tihh m'ee gurum zhwal looh diy nyi, del nyi lhidum pee w'u baah dyinn kihh lang'en nyi d'um mou.” 19Jesu satt mihhse a tihh kammshiiy muutt w'u gyet Bitrus p'ee p'ar m'uut tihh Naan lappdhess diy dyishig. Bhi satt Bitrus le, “Ghi lang'dang na.”
20Bitrus mekher naah laa'kamm w'u Jesu kihh wall nyi seh kihh ji dang ru. (Laa'kamm mhizeh ni a laa'kamm w'u deh tong tupp shin sh'i Jesu khipar w'u mwopp diy soh w'u nang phi Jesu le, “Gwoohyon, a wuyeh p'ee seett kihh gha ayeh?” seh) 21Bhi kaarooh Bitrus naah laa'kamm mhizeh ni bhi nang phi Jesu le, “Gwoohyon, dheeh wu'nyi ee?”
22Jesu lapp Bitrus le, “Mihh ih kihh t'ang tihh tong kihh seen harr p'ar b'aa ji keena, bhi nang kihh pwoo gha mihngg? Wu'gha dei ghi lang'dang na.” 23Pwoo w'u Jesu satt seh kangpee koohneeh naar Mhi-PwooNaan mwopp, wai laa'kamm mhizeh ni p'ee m'uut mou. Dhangg baah gyet Jesu satt le a muutt p'ee lengg laa'kamm mhizeh mou; gyet satt le, mihh riy kihh dh'om tihh laa'kamm mhizeh ni tong kihh seen seeh p'ar b'aa ji keeniy bhi nang kihh pwoo Bitrus mihngg?
24A laa'kamm mhizeh ni a gwooh phi tupp'pwoo kaah pwoo mihhseh ni mwopp mwasseh, yakhal a nyi ran mwopp. Mu man mu le tupp'pwoo khinyi a zeenn.
25Jesu gyet mwan sh'in v'ur pakk bii'aapwoo dyi dhess. Kaddyinn mwopp a p'ee ran mwopp weett, ai bhi ih kihh naah baah dyinn yill ni sh'i kaah rah p'ee kwed kihh pee w'u p'ee l'e v'ur klap'ran w'u dyinn mwopp p'ee mwan ran mwopp mou.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation