Ɓalɔma 8
8
'Ʉtʉma wɔɔ Tu waanzo ɓununikio amati ʉɓɨɨ wʉ mombi
1Kʉ ɓwanɨ, ɓambʉkʉnapɨa tii ɓata ɓombi ngiɓa ɓa꞉jubunio nʉ Yeso Klisito nʉ 'ʉkɔmbɔ. 2Jʉ ndʉ mombi ajubunio nʉ Yeso Klisito, tii tʉkʉ ʉpanʉ ngua wʉ 'Ʉtʉma wɔɔ Tu waɓio nayɔ kunzo ʉɓɨɨ. Ʉpanʉ nguʉnanɨ ʉwɔ uwa wa꞉naɓono ɛmɛ akʉ ɓubayo ɓʉ ɓʉɓɨɓɨ nʉ ɓʉ ingyo. 3Ʉpanʉ wʉ Mʉsa wambikinye ikanzi ngia wakyɨa moni ngikʉnanɨ aka ekoo ʉ ɓayadʉɓa ɓʉ ndʉtʉ yɨ ɨtaka. Ɨkyɛmɨngana, Asʉɓɨɨ a꞉napɨa 'ʉkɔmbɔ aka ekoo ɓʉɓɨɓɨ ngiɓa ɓa amati ʉ ndʉtʉ yɨ ɓombi, ɨngbaa kʉtʉma Mwana angɔ ɔɔ nangana, kʉchɨka ndʉtʉ yɨ ɓayadʉɓa ngbanga kʉndʉ iya yɨ ɓombi ɓʉ ɨtaka, naɓɔ kuɓonoko akʉ ɓʉɓɨɓɨ.
4Asʉɓɨɨ a꞉kyɨa ɓwanɨ aka ekoo ngia ɓɔ moni ngika ka꞉yakanɨa amati ʉ ʉpanʉ kʉkyananakɨa amati ʉndɛsʉ, isu ɓombi ngiɓa ʉɓɨɨ nguʉndɛsʉ wambʉkɔmʉ tii ɛsɨ ʉ mapanʉ kʉ ɨkyananakɨa ngiindɛsʉ yɨ iɓombi, ɨkyɛmɨngana wa tiga ɛsɨ ʉ 'Ʉtʉma wʉ Asʉɓɨɨ. 5Jʉ ɓombi ngiɓa ʉɓɨɨ nguʉndaɓʉ wa tʉkʉ nʉ ɨkyananaka yɨ ndʉtʉ yɨ ɨtaka, ɓatanga nga ɓʉndaɓʉ ɓaakyɨa tʉkʉ aka ekoo ɓamoni ɓʉ ndʉtʉ. Ɨkyɛmɨngana, ɓiga ngiɓa ɓaakpata ɨngbaa yɨ 'Ʉtʉma wʉ Asʉɓɨɨ, itungwio nga yɨndaɓʉ yaakyɨa tʉkʉ aka ekoo moni ngika 'Ʉtʉma nguʉnanɨ waakʉnda. 6Kuɓio nʉ ɓatanga aka ekoo ʉ ɓamoni ɓʉ ndʉtʉ ya ɨngbaa yɨ ingyo. Ɨkyɛmɨngana, kʉnapɨa 'ʉtʉma ekoo ʉ 'Ʉtʉma wɔɔ Tu ya ɨngbaa yɛɛ nyɨɛ nʉ ʉɓɨɨ nʉ majɨɔ.
7Jʉ ɓombi ngiɓa ɓaakpata ɓamoni ɓʉ ndʉtʉ ɓa ɓakwa ɓʉ Asʉɓɨɨ, ɓambakakpata mapanʉ kʉ Asʉɓɨɨ, nʉ ɓambʉkɔmʉ ikanzi ngia ɓakʉkpata kʉ ɓwanɨ. 8Ɓombi ngiɓa ɓaakpata ʉɓɨɨ wʉ ndʉtʉ nguʉndaɓʉ ɓambʉkʉkwanana kʉkataa Asʉɓɨɨ.
9Ɨkyɛmɨngana, inu pɛpɛ ʉɓɨɨ nga wʉndɛnʉ wambʉkɔmʉ tii ekoo ndʉtʉ yɨ ɨtaka, ɨkyɛmɨngana wa tʉkʉ aka ekoo ʉ 'Ʉtʉma wɔɔ Tu, ndʉ 'Ʉtʉma wʉ Asʉɓɨɨ wawulo amati ʉndɛnʉ. Mombi kʉ uɓomu ngia ambʉkɔmʉ nʉ 'Ʉtʉma wʉ Klisito amati angɔ, ambʉkɔmʉ mombi angɔ 10Ndʉ Klisito awulo amati ʉndɛnʉ, abana ndʉ ndʉtʉ ngiindɛnʉ yawo aka ekoo ʉ ɓʉɓɨɓɨ, 'Ʉtʉma wɔɔ Tu ngua wa amati ʉndɛnʉ wa꞊ninzo ʉɓɨɨ, jʉ naɓio ninyeni ngbingbii apɛɛ ʉ Asʉɓɨɨ. 11Nʉ ndʉ 'Ʉtʉma wʉ Asʉɓɨɨ ngia a꞉jʉkaniso Yeso akʉ ingyo wawulo amati ʉndɛnʉ, ɛyɔ ngia a꞉jʉkaniso Klisito akʉ ingyo a꞊kwanana tiga kunzo ndʉtʉ yɨ ingyo ngiindɛnʉ ʉɓɨɨ 'upi akʉ 'Ʉtʉma nguangɔ wa amati ʉndɛnʉ.
12Kʉ ɓwanɨ, inu ɓayoo, kanʉ moni ngika kʉkwanana kʉkyɨa engo chʉkɔmʉ aka ekoo ɓio kʉkʉʉ kʉkpata ɓʉkʉnda ɓʉ ndʉtʉ. 13Jʉ ndʉ ʉɓɨɨ nguʉndɛnʉ waɓio kʉkpata ɓʉkʉnda ɓʉ ndʉtʉ ngiindɛnʉ, na꞊wu woo. Ɨkyɛmɨngana, ndʉ nawa lɨkyananakɨa lɔɔ ɓɨɓɨ lʉ ndʉtʉ nʉ angu wʉ 'Ʉtʉma wɔɔ Tu, naɓio kʉkʉʉ. 14Ɓombi kʉ ɓuɓomu ngiɓa ɓakʉkɨndaka ɛsɨ angu wʉ 'Ʉtʉma wʉ Asʉɓɨɨ ɓa ɓana ɓʉ Asʉɓɨɨ.
15Jʉ 'Ʉtʉma ngua na꞉nyɨa nawɔ wambʉkɔmʉ 'ʉtʉma ngua waninu kʉnapɨa kuɓio ɓabayo gʉ ɓɔ ninu kunzo ʉɓa. Ɨkyɛmɨngana wa 'Ʉtʉma wɔɔ Tu uwa wʉnɨnapɨa kuɓio ɓana ɓʉ Asʉɓɨɨ. Nʉ aka ekoo angu 'Ʉtʉma nguʉnanɨ, ka꞊kwanana kusoko Asʉɓɨɨ ɓɔ: « Aba » inyi yɛngɔ ɓɔ Tidoo. 16'Ʉtʉma nguʉnanɨ wanisu kumbiiso kingono amati mɨtʉma ngiindɛsʉ kusigo ɓɔ ka ɓana ɓʉ Asʉɓɨɨ. 17Ndʉ yaɓio ɓɔ ka ɓana ɓangɔ, ka꞊kwanana kʉ kʉ꞊dyɨa ɨjangɨa ngia Asʉɓɨɨ a꞉panaka jɛnɛ ɓombi ngiɓangɔ, nʉ ka꞊dyɨa ɨjangɨa ngiinanɨ ɨzɔ nʉ ɔɔ Klisito. Jʉ ka꞉dya ɓʉka‑ɓʉkaɨ ɨzɔ nayɔ, ka꞊kwanana tiga kʉ kuɓio ɨzɔ nayɔ amati ɨbɨba ngiangɔ.
Ɨbɨba ngia yakʉka apɛɛ
18Makʉna ɓɔ ɓʉka‑ɓʉkaɨ ɓʉ wati ngua wʉ ɨtakɨ‑takɨ ngiakɛ ɓambʉkʉkwanana kuɓio ngbanga nʉ ɨbɨba ngia Asʉɓɨɨ a꞊tɨpana akʉ ɓʉmba. 19Kumbo kʉ uɓomu ngia Asʉɓɨɨ a꞉kyɨa akusiɓo nʉ taa yengo kʉna aka Asʉɓɨɨ a꞊pana‑ɔɔ ɓana ɓangɔ akʉ ɓʉmba. 20Jʉ kumbo kʉ 'uɓomu ngia Asʉɓɨɨ a꞉kyɨa a tiga ɛsɨ ʉ ɓʉngama ɓʉ ɓamoni kʉ gbaɨ, chʉkɔmʉ aka ekoo ɓʉkʉnda ngiɓʉndaɓʉ, ɨkyɛmɨngana aka ekoo ʉ Asʉɓɨɨ ngia a꞉ɓʉnapɨa kʉkyananaka ɓwanɨ. Ʉna tɔ, napɨa itungwio ya tʉkʉ kuɓioni. 21Yaɓio sina nʉ ɓisi mʉngana iɓa kumbo ngiinanɨ ɓa꞉ʉkyɨa a꞊ɓwanaka sina‑ɔɔ akʉ ɓubayo ɓʉ angu ɔɔ tambise, nʉ kuɓio 'uɓununikie nʉ kukumunio akʉ ɨbɨba ngia yɨ ɓana ɓʉ Asʉɓɨɨ.
22Jʉ kakʉmbɨa ɓɔ kʉɓʉya kʉndʉ ɓʉɓʉnɨ, kumbo kʉ 'ʉɓomu ngia Asʉɓɨɨ a꞉kyɨa a amati ʉ dyanɨa, nʉ kɨnganaka amati ɓʉka‑ɓʉkaɨ ngbanga ndʉ iya moi aakyɨa‑ɔɔ kʉnʉta. 23Chʉkɔmʉ tʉkʉ kumbo ngiinanɨ Asʉɓɨɨ a꞉kyɨa, abana kʉndʉ isu ɓombi ngiɓa kanʉ 'Ʉtʉma wʉ Asʉɓɨɨ uwa wa apɛpɛ wʉ pɛɛ ngia ɛyɔ a꞉nzo, isu ka kʉ kʉndɨa amati ʉ mɨtʉma ngiindɛsʉ. Ɨkyɛmɨngana, kakusiɓo wati ngua Asʉɓɨɨ a꞊tinicho‑ɔɔ kuɓio ɓana ɓangɔ, nʉ kʉnyɨa tiga nʉ ɓununikio kingono. 24Jʉ ka꞉nyɨa nʉ ɓʉhɨa tʉkʉ 'upi akʉ napɨa itungwio. Ndʉ mombi aɓio kʉna ɨkyɛmɛ ngia a‑ɔɔ kʉnapɨa itungwio ɓɔ anyɨa nayɔ, iinanɨ yambʉkɔmʉ tii ɓata napɨa itungwio, jʉ anɨ‑zʉ iya aɓio tʉkʉ kʉnapɨa itungwio ekoo ɨkyɛmɛ ati ngia a tiga kʉna engo kʉtaa? 25Ɨkyɛmɨngana, ndʉ kaɓio kʉnapɨa itungwio ekoo ʉ ɨkyɛmɛ ngia kambʉkɔmʉ kʉna nʉ mesu, kaɓio nayɔ kusiɓo tiga nʉ 'ʉtʉma wɔɔ ʉta.
26Kʉ ɓwanɨ, 'Ʉtʉma wʉ Asʉɓɨɨ waatɨsalɨa amati ʉ ɓayadʉɓa ngiɓʉndɛsʉ, jʉ isu kambakambɨa kʉta ndʉ akʉ yɨkwananaka‑ɔɔ. Ɨkyɛmɨngana, tʉkʉ 'Ʉtʉma wʉ Asʉɓɨɨ makʉɔngɔ kʉ waatɨtɨa apɛɛ angɔ nayɔ kukikilikio ikanzi ngia ɓambʉkʉkwanana‑ɔɔ kʉyaka nʉ moni. 27Nʉ Asʉɓɨɨ iya aana moni ngika ka amati ʉ 'ʉtʉma, aapimiso moni kʉ muɓomu ngika 'Ʉtʉma wɔɔ Tu waakʉnda kʉta engo, jʉ 'Ʉtʉma wɔɔ Tu waatɨa ɓombi ɓʉ Asʉɓɨɨ kʉkpatanakɨa tʉkʉ nʉ ɓʉkʉnda ngiɓa ɓʉ Asʉɓɨɨ.
28Kakʉmbɨa ɓɔ moni kʉ muɓomu ngika Asʉɓɨɨ aakyɨa, aakʉkyɨa tʉkʉ aka iɗo yɨ ɓombi ngiɓa ɓaamʉkʉnda, iɓa ɛyɔ a꞉ɓusoko kʉkpatanakɨa nʉ moni ngika ɛyɔ aakwaiso kʉkyɨa. 29Jʉ ɓombi ngiɓa Asʉɓɨɨ a꞉ɓumbomboko kʉʉngwa kʉ jɛnɛ, a꞉kwaisio kʉpɛɛ ɓɔ ɓa꞊zɨana nʉ isisinio yɨ Mwana angɔ aka ekoo ngia ɓɔ Mwana angɔ uɓio pʉta wʉ ɓamanye ɓaja. 30Ɓombi ngiɓa Asʉɓɨɨ a꞉ɓumbomboko jɛnɛ kʉpɛɛ, a꞉ɓusoko kʉ sokoo, nʉ ɓombi ngiɓʉnanɨ a꞉ɓusoko, ambʉɓʉnɨtanakiso kuɓio ngbingbii apɛɛ angɔ, nʉ ɓombi ngiɓʉnanɨ aɓʉkyɨa kuɓio ngbingbii, ambuɓunzo wagba wʉ ɨbɨba ngiangɔ kʉ nzoo.
Ɓʉja ɓʉ ɓʉkʉnda ngiɓa ɓʉ Asʉɓɨɨ
31Ɨmanɨ ti‑zu ɓata iya kʉkwanana kʉyaka engo ekoo moni ngikakɛ? Ndʉ Asʉɓɨɨ aɓio nʉ wagba wʉndɛsʉ, anɨ iya a꞊kwanana ɓata kuɓio makwa wʉndɛsʉ? 32Asʉɓɨɨ a꞉nangyokɔmʉ ɓɔ Mwana angɔ ngia ɔɔ nangana ɔɔdyakɔmʉ ɓʉka‑ɓʉkaɨ, ɨkyɛmɨngana a꞉munzo aka ekoo ʉndɛsʉ kʉ ɓuɓomu. Ya꞊mʉkyaka tiga tanɨ nisu kunzo kumbo kʉ uɓomu ɨsʉkʉɓwanɨ ɨzɔ nʉ Mwana angɔ kʉtaa? 33Anɨ‑zʉ iya a꞊kwanana kʉchʉngɨa ɓombi ngiɓa Asʉɓɨɨ ɛyɔ makʉɔngɔ a꞉ɓʉchwa? Yambʉkɔmʉ nʉ mombi gʉkʉ mʉngana! Jʉ Asʉɓɨɨ a꞉ɓʉnɨtanakiso kuɓio ngbingbii apɛɛ angɔ.
34Anɨ‑zʉ iya a꞊kwanana naɓɔ kʉnapɨa nʉ 'ʉkɔmbɔ? Yambʉkɔmʉ nʉ mombi gʉkʉ mʉngana! Jʉ kʉ Yeso Klisito a꞉wo, ambʉjʉkana akʉ ingyo, tiga ɨtakɨ‑takɨ ngiakɛ aɓuwei akʉ ɨkɔndɔ yɨ guɔngɔ ngia yɨ Asʉɓɨɨ nʉ anisu kʉtɨa Asʉɓɨɨ. 35Anɨ‑zʉ iya a꞊tɨɗʉka nʉ ɓʉkʉnda ɓʉ Klisito? Ajʉ moni kɔɔ ɓʉkaɨ, ɓatanga, ɓʉka‑ɓʉkaɨ, taa, unduu, ɓio akʉ 'ʉkɨnga, gʉ ɓɔ ingyo? 36Kʉndʉ Mubio kʉ Asʉɓɨɨ kakusigo ɓɔ:
« Tʉkʉ aka ekoo asɔɔ, ɓakwanana nisu kʉdʉka wati kʉ uɓomu.
Ɓanisu kʉchɨka ngbanga ndʉ ɓakɔndɔlɔ ngiɓa ɓakʉsa naɓɔ kʉkyɨkya lɨmɨɔ. »#Popoko Mʉm 44:23
37Ɨkyɛmɨngana, akʉ lɨngbaa lʉ moni ngila kʉ liɓomu kaaɓʉa tʉkʉ ɓaginda 'upi akʉ mombi ngia a꞉tɨkʉnda. 38Jʉ makʉmbɨa kingono kusigo ɓɔ yambʉkɔmʉ nʉ ɨkyɛmɛ gʉkʉ mɨngana iya ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ. Chʉkɔmʉ ingyo, gʉ ɓɔ ʉɓɨɨ, gʉ ɓɔ ɓamalaika, gʉ ɓɔ ɓangama ɓʉ moni kʉ umomo, gʉ ɓɔ moni kʉ ɨtakɨ‑takɨ ngiakɛ, gʉ ɓɔ ika ka꞊ka sina, gʉ ɓɔ angu, 39gʉ ɓɔ angu ngia a nɨkʉʉ, gʉ ɓɔ iya a nɨsɨ, gʉ ɓɔ ɨkyɛmɛ yɛmɔ kʉ iɓomu ngia Asʉɓɨɨ a꞉kyɨa. Yambʉkɔmʉ nʉ ɨkyɛmɛ gʉkʉ mɨngana ngia ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ ngiɓa a꞉tɨpana 'upi akʉ Makʉʉndɛsʉ Yeso Klisito.
ទើបបានជ្រើសរើសហើយ៖
Ɓalɔma 8: BudKoya
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.
Ɓalɔma 8
8
'Ʉtʉma wɔɔ Tu waanzo ɓununikio amati ʉɓɨɨ wʉ mombi
1Kʉ ɓwanɨ, ɓambʉkʉnapɨa tii ɓata ɓombi ngiɓa ɓa꞉jubunio nʉ Yeso Klisito nʉ 'ʉkɔmbɔ. 2Jʉ ndʉ mombi ajubunio nʉ Yeso Klisito, tii tʉkʉ ʉpanʉ ngua wʉ 'Ʉtʉma wɔɔ Tu waɓio nayɔ kunzo ʉɓɨɨ. Ʉpanʉ nguʉnanɨ ʉwɔ uwa wa꞉naɓono ɛmɛ akʉ ɓubayo ɓʉ ɓʉɓɨɓɨ nʉ ɓʉ ingyo. 3Ʉpanʉ wʉ Mʉsa wambikinye ikanzi ngia wakyɨa moni ngikʉnanɨ aka ekoo ʉ ɓayadʉɓa ɓʉ ndʉtʉ yɨ ɨtaka. Ɨkyɛmɨngana, Asʉɓɨɨ a꞉napɨa 'ʉkɔmbɔ aka ekoo ɓʉɓɨɓɨ ngiɓa ɓa amati ʉ ndʉtʉ yɨ ɓombi, ɨngbaa kʉtʉma Mwana angɔ ɔɔ nangana, kʉchɨka ndʉtʉ yɨ ɓayadʉɓa ngbanga kʉndʉ iya yɨ ɓombi ɓʉ ɨtaka, naɓɔ kuɓonoko akʉ ɓʉɓɨɓɨ.
4Asʉɓɨɨ a꞉kyɨa ɓwanɨ aka ekoo ngia ɓɔ moni ngika ka꞉yakanɨa amati ʉ ʉpanʉ kʉkyananakɨa amati ʉndɛsʉ, isu ɓombi ngiɓa ʉɓɨɨ nguʉndɛsʉ wambʉkɔmʉ tii ɛsɨ ʉ mapanʉ kʉ ɨkyananakɨa ngiindɛsʉ yɨ iɓombi, ɨkyɛmɨngana wa tiga ɛsɨ ʉ 'Ʉtʉma wʉ Asʉɓɨɨ. 5Jʉ ɓombi ngiɓa ʉɓɨɨ nguʉndaɓʉ wa tʉkʉ nʉ ɨkyananaka yɨ ndʉtʉ yɨ ɨtaka, ɓatanga nga ɓʉndaɓʉ ɓaakyɨa tʉkʉ aka ekoo ɓamoni ɓʉ ndʉtʉ. Ɨkyɛmɨngana, ɓiga ngiɓa ɓaakpata ɨngbaa yɨ 'Ʉtʉma wʉ Asʉɓɨɨ, itungwio nga yɨndaɓʉ yaakyɨa tʉkʉ aka ekoo moni ngika 'Ʉtʉma nguʉnanɨ waakʉnda. 6Kuɓio nʉ ɓatanga aka ekoo ʉ ɓamoni ɓʉ ndʉtʉ ya ɨngbaa yɨ ingyo. Ɨkyɛmɨngana, kʉnapɨa 'ʉtʉma ekoo ʉ 'Ʉtʉma wɔɔ Tu ya ɨngbaa yɛɛ nyɨɛ nʉ ʉɓɨɨ nʉ majɨɔ.
7Jʉ ɓombi ngiɓa ɓaakpata ɓamoni ɓʉ ndʉtʉ ɓa ɓakwa ɓʉ Asʉɓɨɨ, ɓambakakpata mapanʉ kʉ Asʉɓɨɨ, nʉ ɓambʉkɔmʉ ikanzi ngia ɓakʉkpata kʉ ɓwanɨ. 8Ɓombi ngiɓa ɓaakpata ʉɓɨɨ wʉ ndʉtʉ nguʉndaɓʉ ɓambʉkʉkwanana kʉkataa Asʉɓɨɨ.
9Ɨkyɛmɨngana, inu pɛpɛ ʉɓɨɨ nga wʉndɛnʉ wambʉkɔmʉ tii ekoo ndʉtʉ yɨ ɨtaka, ɨkyɛmɨngana wa tʉkʉ aka ekoo ʉ 'Ʉtʉma wɔɔ Tu, ndʉ 'Ʉtʉma wʉ Asʉɓɨɨ wawulo amati ʉndɛnʉ. Mombi kʉ uɓomu ngia ambʉkɔmʉ nʉ 'Ʉtʉma wʉ Klisito amati angɔ, ambʉkɔmʉ mombi angɔ 10Ndʉ Klisito awulo amati ʉndɛnʉ, abana ndʉ ndʉtʉ ngiindɛnʉ yawo aka ekoo ʉ ɓʉɓɨɓɨ, 'Ʉtʉma wɔɔ Tu ngua wa amati ʉndɛnʉ wa꞊ninzo ʉɓɨɨ, jʉ naɓio ninyeni ngbingbii apɛɛ ʉ Asʉɓɨɨ. 11Nʉ ndʉ 'Ʉtʉma wʉ Asʉɓɨɨ ngia a꞉jʉkaniso Yeso akʉ ingyo wawulo amati ʉndɛnʉ, ɛyɔ ngia a꞉jʉkaniso Klisito akʉ ingyo a꞊kwanana tiga kunzo ndʉtʉ yɨ ingyo ngiindɛnʉ ʉɓɨɨ 'upi akʉ 'Ʉtʉma nguangɔ wa amati ʉndɛnʉ.
12Kʉ ɓwanɨ, inu ɓayoo, kanʉ moni ngika kʉkwanana kʉkyɨa engo chʉkɔmʉ aka ekoo ɓio kʉkʉʉ kʉkpata ɓʉkʉnda ɓʉ ndʉtʉ. 13Jʉ ndʉ ʉɓɨɨ nguʉndɛnʉ waɓio kʉkpata ɓʉkʉnda ɓʉ ndʉtʉ ngiindɛnʉ, na꞊wu woo. Ɨkyɛmɨngana, ndʉ nawa lɨkyananakɨa lɔɔ ɓɨɓɨ lʉ ndʉtʉ nʉ angu wʉ 'Ʉtʉma wɔɔ Tu, naɓio kʉkʉʉ. 14Ɓombi kʉ ɓuɓomu ngiɓa ɓakʉkɨndaka ɛsɨ angu wʉ 'Ʉtʉma wʉ Asʉɓɨɨ ɓa ɓana ɓʉ Asʉɓɨɨ.
15Jʉ 'Ʉtʉma ngua na꞉nyɨa nawɔ wambʉkɔmʉ 'ʉtʉma ngua waninu kʉnapɨa kuɓio ɓabayo gʉ ɓɔ ninu kunzo ʉɓa. Ɨkyɛmɨngana wa 'Ʉtʉma wɔɔ Tu uwa wʉnɨnapɨa kuɓio ɓana ɓʉ Asʉɓɨɨ. Nʉ aka ekoo angu 'Ʉtʉma nguʉnanɨ, ka꞊kwanana kusoko Asʉɓɨɨ ɓɔ: « Aba » inyi yɛngɔ ɓɔ Tidoo. 16'Ʉtʉma nguʉnanɨ wanisu kumbiiso kingono amati mɨtʉma ngiindɛsʉ kusigo ɓɔ ka ɓana ɓʉ Asʉɓɨɨ. 17Ndʉ yaɓio ɓɔ ka ɓana ɓangɔ, ka꞊kwanana kʉ kʉ꞊dyɨa ɨjangɨa ngia Asʉɓɨɨ a꞉panaka jɛnɛ ɓombi ngiɓangɔ, nʉ ka꞊dyɨa ɨjangɨa ngiinanɨ ɨzɔ nʉ ɔɔ Klisito. Jʉ ka꞉dya ɓʉka‑ɓʉkaɨ ɨzɔ nayɔ, ka꞊kwanana tiga kʉ kuɓio ɨzɔ nayɔ amati ɨbɨba ngiangɔ.
Ɨbɨba ngia yakʉka apɛɛ
18Makʉna ɓɔ ɓʉka‑ɓʉkaɨ ɓʉ wati ngua wʉ ɨtakɨ‑takɨ ngiakɛ ɓambʉkʉkwanana kuɓio ngbanga nʉ ɨbɨba ngia Asʉɓɨɨ a꞊tɨpana akʉ ɓʉmba. 19Kumbo kʉ uɓomu ngia Asʉɓɨɨ a꞉kyɨa akusiɓo nʉ taa yengo kʉna aka Asʉɓɨɨ a꞊pana‑ɔɔ ɓana ɓangɔ akʉ ɓʉmba. 20Jʉ kumbo kʉ 'uɓomu ngia Asʉɓɨɨ a꞉kyɨa a tiga ɛsɨ ʉ ɓʉngama ɓʉ ɓamoni kʉ gbaɨ, chʉkɔmʉ aka ekoo ɓʉkʉnda ngiɓʉndaɓʉ, ɨkyɛmɨngana aka ekoo ʉ Asʉɓɨɨ ngia a꞉ɓʉnapɨa kʉkyananaka ɓwanɨ. Ʉna tɔ, napɨa itungwio ya tʉkʉ kuɓioni. 21Yaɓio sina nʉ ɓisi mʉngana iɓa kumbo ngiinanɨ ɓa꞉ʉkyɨa a꞊ɓwanaka sina‑ɔɔ akʉ ɓubayo ɓʉ angu ɔɔ tambise, nʉ kuɓio 'uɓununikie nʉ kukumunio akʉ ɨbɨba ngia yɨ ɓana ɓʉ Asʉɓɨɨ.
22Jʉ kakʉmbɨa ɓɔ kʉɓʉya kʉndʉ ɓʉɓʉnɨ, kumbo kʉ 'ʉɓomu ngia Asʉɓɨɨ a꞉kyɨa a amati ʉ dyanɨa, nʉ kɨnganaka amati ɓʉka‑ɓʉkaɨ ngbanga ndʉ iya moi aakyɨa‑ɔɔ kʉnʉta. 23Chʉkɔmʉ tʉkʉ kumbo ngiinanɨ Asʉɓɨɨ a꞉kyɨa, abana kʉndʉ isu ɓombi ngiɓa kanʉ 'Ʉtʉma wʉ Asʉɓɨɨ uwa wa apɛpɛ wʉ pɛɛ ngia ɛyɔ a꞉nzo, isu ka kʉ kʉndɨa amati ʉ mɨtʉma ngiindɛsʉ. Ɨkyɛmɨngana, kakusiɓo wati ngua Asʉɓɨɨ a꞊tinicho‑ɔɔ kuɓio ɓana ɓangɔ, nʉ kʉnyɨa tiga nʉ ɓununikio kingono. 24Jʉ ka꞉nyɨa nʉ ɓʉhɨa tʉkʉ 'upi akʉ napɨa itungwio. Ndʉ mombi aɓio kʉna ɨkyɛmɛ ngia a‑ɔɔ kʉnapɨa itungwio ɓɔ anyɨa nayɔ, iinanɨ yambʉkɔmʉ tii ɓata napɨa itungwio, jʉ anɨ‑zʉ iya aɓio tʉkʉ kʉnapɨa itungwio ekoo ɨkyɛmɛ ati ngia a tiga kʉna engo kʉtaa? 25Ɨkyɛmɨngana, ndʉ kaɓio kʉnapɨa itungwio ekoo ʉ ɨkyɛmɛ ngia kambʉkɔmʉ kʉna nʉ mesu, kaɓio nayɔ kusiɓo tiga nʉ 'ʉtʉma wɔɔ ʉta.
26Kʉ ɓwanɨ, 'Ʉtʉma wʉ Asʉɓɨɨ waatɨsalɨa amati ʉ ɓayadʉɓa ngiɓʉndɛsʉ, jʉ isu kambakambɨa kʉta ndʉ akʉ yɨkwananaka‑ɔɔ. Ɨkyɛmɨngana, tʉkʉ 'Ʉtʉma wʉ Asʉɓɨɨ makʉɔngɔ kʉ waatɨtɨa apɛɛ angɔ nayɔ kukikilikio ikanzi ngia ɓambʉkʉkwanana‑ɔɔ kʉyaka nʉ moni. 27Nʉ Asʉɓɨɨ iya aana moni ngika ka amati ʉ 'ʉtʉma, aapimiso moni kʉ muɓomu ngika 'Ʉtʉma wɔɔ Tu waakʉnda kʉta engo, jʉ 'Ʉtʉma wɔɔ Tu waatɨa ɓombi ɓʉ Asʉɓɨɨ kʉkpatanakɨa tʉkʉ nʉ ɓʉkʉnda ngiɓa ɓʉ Asʉɓɨɨ.
28Kakʉmbɨa ɓɔ moni kʉ muɓomu ngika Asʉɓɨɨ aakyɨa, aakʉkyɨa tʉkʉ aka iɗo yɨ ɓombi ngiɓa ɓaamʉkʉnda, iɓa ɛyɔ a꞉ɓusoko kʉkpatanakɨa nʉ moni ngika ɛyɔ aakwaiso kʉkyɨa. 29Jʉ ɓombi ngiɓa Asʉɓɨɨ a꞉ɓumbomboko kʉʉngwa kʉ jɛnɛ, a꞉kwaisio kʉpɛɛ ɓɔ ɓa꞊zɨana nʉ isisinio yɨ Mwana angɔ aka ekoo ngia ɓɔ Mwana angɔ uɓio pʉta wʉ ɓamanye ɓaja. 30Ɓombi ngiɓa Asʉɓɨɨ a꞉ɓumbomboko jɛnɛ kʉpɛɛ, a꞉ɓusoko kʉ sokoo, nʉ ɓombi ngiɓʉnanɨ a꞉ɓusoko, ambʉɓʉnɨtanakiso kuɓio ngbingbii apɛɛ angɔ, nʉ ɓombi ngiɓʉnanɨ aɓʉkyɨa kuɓio ngbingbii, ambuɓunzo wagba wʉ ɨbɨba ngiangɔ kʉ nzoo.
Ɓʉja ɓʉ ɓʉkʉnda ngiɓa ɓʉ Asʉɓɨɨ
31Ɨmanɨ ti‑zu ɓata iya kʉkwanana kʉyaka engo ekoo moni ngikakɛ? Ndʉ Asʉɓɨɨ aɓio nʉ wagba wʉndɛsʉ, anɨ iya a꞊kwanana ɓata kuɓio makwa wʉndɛsʉ? 32Asʉɓɨɨ a꞉nangyokɔmʉ ɓɔ Mwana angɔ ngia ɔɔ nangana ɔɔdyakɔmʉ ɓʉka‑ɓʉkaɨ, ɨkyɛmɨngana a꞉munzo aka ekoo ʉndɛsʉ kʉ ɓuɓomu. Ya꞊mʉkyaka tiga tanɨ nisu kunzo kumbo kʉ uɓomu ɨsʉkʉɓwanɨ ɨzɔ nʉ Mwana angɔ kʉtaa? 33Anɨ‑zʉ iya a꞊kwanana kʉchʉngɨa ɓombi ngiɓa Asʉɓɨɨ ɛyɔ makʉɔngɔ a꞉ɓʉchwa? Yambʉkɔmʉ nʉ mombi gʉkʉ mʉngana! Jʉ Asʉɓɨɨ a꞉ɓʉnɨtanakiso kuɓio ngbingbii apɛɛ angɔ.
34Anɨ‑zʉ iya a꞊kwanana naɓɔ kʉnapɨa nʉ 'ʉkɔmbɔ? Yambʉkɔmʉ nʉ mombi gʉkʉ mʉngana! Jʉ kʉ Yeso Klisito a꞉wo, ambʉjʉkana akʉ ingyo, tiga ɨtakɨ‑takɨ ngiakɛ aɓuwei akʉ ɨkɔndɔ yɨ guɔngɔ ngia yɨ Asʉɓɨɨ nʉ anisu kʉtɨa Asʉɓɨɨ. 35Anɨ‑zʉ iya a꞊tɨɗʉka nʉ ɓʉkʉnda ɓʉ Klisito? Ajʉ moni kɔɔ ɓʉkaɨ, ɓatanga, ɓʉka‑ɓʉkaɨ, taa, unduu, ɓio akʉ 'ʉkɨnga, gʉ ɓɔ ingyo? 36Kʉndʉ Mubio kʉ Asʉɓɨɨ kakusigo ɓɔ:
« Tʉkʉ aka ekoo asɔɔ, ɓakwanana nisu kʉdʉka wati kʉ uɓomu.
Ɓanisu kʉchɨka ngbanga ndʉ ɓakɔndɔlɔ ngiɓa ɓakʉsa naɓɔ kʉkyɨkya lɨmɨɔ. »#Popoko Mʉm 44:23
37Ɨkyɛmɨngana, akʉ lɨngbaa lʉ moni ngila kʉ liɓomu kaaɓʉa tʉkʉ ɓaginda 'upi akʉ mombi ngia a꞉tɨkʉnda. 38Jʉ makʉmbɨa kingono kusigo ɓɔ yambʉkɔmʉ nʉ ɨkyɛmɛ gʉkʉ mɨngana iya ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ. Chʉkɔmʉ ingyo, gʉ ɓɔ ʉɓɨɨ, gʉ ɓɔ ɓamalaika, gʉ ɓɔ ɓangama ɓʉ moni kʉ umomo, gʉ ɓɔ moni kʉ ɨtakɨ‑takɨ ngiakɛ, gʉ ɓɔ ika ka꞊ka sina, gʉ ɓɔ angu, 39gʉ ɓɔ angu ngia a nɨkʉʉ, gʉ ɓɔ iya a nɨsɨ, gʉ ɓɔ ɨkyɛmɛ yɛmɔ kʉ iɓomu ngia Asʉɓɨɨ a꞉kyɨa. Yambʉkɔmʉ nʉ ɨkyɛmɛ gʉkʉ mɨngana ngia ya꞊kwanana nisu kʉɗʉkaniso nʉ ɓʉkʉnda ɓʉ Asʉɓɨɨ ngiɓa a꞉tɨpana 'upi akʉ Makʉʉndɛsʉ Yeso Klisito.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2021, Wycliffe Bible Translators, Inc.